رحلتي السعيده الى هونج كونج وجوانزو(الصين)

[babloo]

يالله نكمل صديقاتي العزيزات ...
نفس رحلتنا من هونج كونج الى كوانزو صارت بالعكس عشان نرد هونج كونج خذينا اسم المحطه م الرسبشون وركبنا تاكسي ودانا المحطه قصينا التذاكر وطبعا كنا رايحين بجنطه وحده ليي الصين وردينا بأربع جناط عاد اشكثر كنا نحاتي شيلتهم بس الحمدلله الله يسرلنا امورنا وحصلنا الي يشيلون يونا لي باب التاكسي شالوا جناطنا وحطوها لنا بالقطار وحركنا والحمدلله وصلنا هونج كونج ...

ريحنا شوي وقلنا يالله ماكو وقت خل نطلع نزلنا تحت وسأل زوجي الرسبشون شلون نروح هاربر سيتي (هذا اسم مجمع عود كله ماركات ) عهاد جان يعطينا اكثر من وسيله للوصول اما التاكسي او المترو الي تحت الأرض او مادري شنو كان الاختيار الثالث اذا انا مو غلطانه السفينه ... عاد جان يطق براس بعلي انه يجرب المترو والله وتوكلنا على الله ورحنا ندور على نزلة المترو ( عباره عن محطات الكل يعرفها ويدلها ) بس باب ودري تنزلون تحت تلاقون المكان حلو مثل المطار وفي هناك مكاين وايد فيهم شاشه تدخلين الفلوس وتختارين بأي محطه بتنزلين وممكن تنزلين محطه عشان تركبين قطار ثاني يوصلج محطه ثانيه بس وطلعت السالفه حدها هينه ورخيييييييص وايد ارخص من التكاسي والله ان التكاسي نهبتنا نهيبه حدها غاليه بس القطارات تمام نظيفه ووناسه ومكيفه وتحسين انج مسافره يعني شغل عدل بس عرفوا بأي محطه بتنزلون تخيلوا انكم طالعين من القرين وتبون تروحون السالميه يعني المحطه الي بتنزلون فيها اهيا السالميه تطوفون الضاحيه والسادس ووبيان ومشرف بعدين تدشون الخامس (اشرايكم فيني وانا دليله ) هههههههه انشالله تكونون فهمتوا شنو قصدي .. الحين احنا مو مشتاقين الا حق ركبة المترو وعاد هاليوم قزرنا على المترو والله نركب وننزل وننزل ونركب (مو شايفين خير) اي نسيت اقول لكم اكو تذكره اسمها 24 ساعه بخمسين دولار هذي تستخدمينها يوم كامل مسوينها مخصوص حق السواح يدرون ان وايد يحوسون باليوم الواحد كان وايد زين فادنا ليين صار بالليل قلنا نبي نرتاح خنروح نقعد في هاجنداز ناكل بريد .. قعدنا جان يقول لي ريلي انا ملليت من الكوكي كرانش طلبيلي شي على ذوقج ولا عندهم كتيب ثاني كل الي فيه عصير مع بريد شكله حلو وبنكهات مختلفه انا طلبتي على توت لونه احمر مع بريد ابيض شكله لذيذ وطلبت حق زوجي بنكهة الليمون لونه ازرق مع بريد بعد هم شكله عجيب .... وصل الطلب وصورنا معاه من كثر ما شكله حلو والله يا بنات انا وريلي دايما نأذي بعض نخمط مو طلبنا وناكل منه شويه هالمره ييت أخمط عصير ريلي ولا يسحبه قبلي ويشفط شفطه طوييييييييييييييييييييله طير فيها ثلث القلاص جان اشوفه عفس ويهه قلت له اشفيك !! جان يقول مادري ونادى الجرسون قاله هذا شنو فيه داخل العصير جان يقول أونلي الكهول :| ولا يايب له خمر طايح الحظ الله ياخذه انشالله يعني يا حقير شايفني لابسه حجاب على راسي ومو مكتوب بالمنيو ان المكونات فيها خمر بنات والله بس شنقول لا حول ولا قوة الا بالله
المهم خلص يومنا وردينا الفندق
ويانا ثاني يوووووووووووووووم
آآآآآآآآآآآآآآآآآآآآآآآآآي قلبي تدرون وين رحنا بنات رحنا أرض الأحلام دزني لاند طبعا ما أقدر اوصف السعاده الي كنت عايشتها وانا هناك أففففففف لا تذكروني من العاب الى كرنفالات الى العاب ناريه الى مباني داخل المكان حسيت جني بطوطه في باباي مو صج وبجذي نكون ختمنا رحلتنا السعيده الحمدلله لان كان هذا آخر يوم لنا صار ثاني يوم الصبح شلنا جناطنا وتوكلنا على الله رحنا المطار ورجعنا للكويت الحبيبه

وسلااااااااااااااااااااامتكم

اي وحده تبي تروح تراسلني وانا اظبطها بكل شي

 

[ملاك-77]

مشكووووووووووره

وننتظر المزيد


ولايوقف لايوقف ولايوقف

 

[babloo]

انشالله اذا سافرت مره ثانيه ايي اكمل الحين لازم اوقف ماكو شي

 

[Queen-q8]

خوش تقرير والله تسلم ايدينج خفيف ولطيف ولو في صور بعد وايد احسن

عاد تدرين توني بسألج رحتوا ديزني بالهونغ كونغ والا لأ جان تردين انج رحتي زين سويتي

انا ودي بالصين وودي اروح هونغ كونغ بس ينفع اذا ابيها تسوق وسياحة وممكن اشوفلي شيء اتجر فيه يعني عمل وسياحة بس تنفع معاج يهال والا راح يعلونج ؟؟ وخصوصا انهم دايما يغثوني بالسوق ؟؟؟

وشرايج يهونغ كونغ ديزني اكبر من يورو ديزني والا نفسها ؟؟؟

انزين حبيبتي اذا بسألج عن الجاكيتات الفرو واسعارهم وعنوان الاسوقة اللي تبيعهم بالصين تقدرين تفيديني وحدة اخوها هناك الحين وتبي توصيه بجم جاكيت اذا عندج اي معلومة ؟؟؟


الصين اذا ابيها رحلة استكشاف تجارية تنفع بروحج والا لازم ناس تدلج عن افضل الاسعار والمصانع والا شغلها واضح بالاسعار بالاسواق مالت الجمله وصج لازم تشترين جملة عشان يرخصلج ويصير تافه ؟؟؟ وهالجاكيتات اللي البنات ييبونهم على 30 و 40 واعلى بعد جم تقريبا اذا اهناك بالجمله يعني جم يطلع الواحد لان انا ادري ان كل برخص ينباع واذا ينباع ب 35 وبعد شهر يوصل سعره مع التصفيه 10 عيل سعره الاصلي جم ؟؟

 

[babloo]

خوش تقرير والله تسلم ايدينج خفيف ولطيف ولو في صور بعد وايد احسن

عاد تدرين توني بسألج رحتوا ديزني بالهونغ كونغ والا لأ جان تردين انج رحتي زين سويتي

انا ودي بالصين وودي اروح هونغ كونغ بس ينفع اذا ابيها تسوق وسياحة وممكن اشوفلي شيء اتجر فيه يعني عمل وسياحة بس تنفع معاج يهال والا راح يعلونج ؟؟ وخصوصا انهم دايما يغثوني بالسوق ؟؟؟

وشرايج يهونغ كونغ ديزني اكبر من يورو ديزني والا نفسها ؟؟؟

انزين حبيبتي اذا بسألج عن الجاكيتات الفرو واسعارهم وعنوان الاسوقة اللي تبيعهم بالصين تقدرين تفيديني وحدة اخوها هناك الحين وتبي توصيه بجم جاكيت اذا عندج اي معلومة ؟؟؟


الصين اذا ابيها رحلة استكشاف تجارية تنفع بروحج والا لازم ناس تدلج عن افضل الاسعار والمصانع والا شغلها واضح بالاسعار بالاسواق مالت الجمله وصج لازم تشترين جملة عشان يرخصلج ويصير تافه ؟؟؟ وهالجاكيتات اللي البنات ييبونهم على 30 و 40 واعلى بعد جم تقريبا اذا اهناك بالجمله يعني جم يطلع الواحد لان انا ادري ان كل برخص ينباع واذا ينباع ب 35 وبعد شهر يوصل سعره مع التصفيه 10 عيل سعره الاصلي جم ؟؟

اهلين وسهلين
بعد جبدي والله انا ادري ماكو فايده من ردي الحين لاني واااااايد متأخره بس اعتقد اني رديت على رسالتج الي بالخاص ... انا ابي اختصر في اجابتي واقول ان هونج كونج والصين من اجمل الدول الي ممكن الواحد يروح لها سواء سياحه او تسوق

 

[omsaja]

حمدالله على سلامتج وعليج بالعافية بس وين التكملة؟؟؟والصور ومشتراج بالصين بضاعة ولا أثاث؟

 

[babloo]

هلا والله اختي ,,, انا كنت رايحه الصين سياحه مو حق تجاره يعني شرينا ملابس وخرابيط ,,, وترى بس خلص الموضوع لمن وصلنا مطار الكويت الحبيبه والصور توني تعلمت احطهم بالمنتدى بحطهم انشالله بس صبروا علي

 

[مفرفشة ومنعنشة]

عليج بألف عافية
عاد آنا حدي متشوقه اروح هونج كونج

 

[babloo]

اي والله يختي هونج كونج ما تتطوف

 

[أم عاشور]

أنا زوجى على طول يروح هونغ كونغ والصين فى وايد مطاعم لبنانية وباكستانية مسلميين ومطاعم نظييفة

 

[ترانيم العود]

الحمدالله على السلامه

 

[babloo]

الله يسلمكم



هذا ردي على الاخت يا عمري انا سامحيني ما قدرت ادزلج الرد على الخاص مادري ليش ما تندز الرساله هذي اجابة اسئلتج

هلا والله اختي حياج الله افا عليج مافي ازعاج ابد

اول شي ابي اقولج ياااااااابختج عسى ربي يحفظكم وتروحون وتردون بالسلامه لان فعلا فعلا راح تستانسين هناك

ابي اسئلج اذا كنتي قريتي موضوعي كله لان انا رحت السنه الي طافت فنسيت بعض الاشياء اعتقد ان كل اسئلتج راح تلاقين لها اجابه لو قريتي الموضوع بس بحاول اتذكر واجاوبج
1- بالنسبه للجو فهو جو استوائي ممطر يعني حر شويه بس عادي مو مثل حرنا طبعا يعني حر بدون شمس وكل شوي يطق مطر غزيييييير يعني لازم بكل طلعه تحسبين حساب المظله معاج لانج تكونين كلش مو متوقعه ان راح يطق مطر وفجأه تلاقين شلالات على راسج ....

2- عملتهم اهيا الرميمبي والخرده يوان .. يعني شلون احنا عندنا دينار وفلس اهما عندهم ريممبي و يوان .. على وقتنا كانت ال 100 ريممبي 3 دنانير و700 مادري الحين اشكثر صارت .
3- افضل المجمعات في كوانزو اهوا مجمه تي مول يعني مجمع الشاي وبنفس الشارع في مجمع ثاني هم حلو بس ما اذكر اسمه بس اذا تبين تشترين وتتمشين يعني تسوق ووناسه روحي شارع اسمه (بيجن لو) يعني شارع بكين هذا شارع طوييل كله محلات رخيصه وفي الي يبيعون الساعات الماركات التقليد مع الجناط وفي بيتزا هت تقدرون تاكلون بيتزا خضار وجبن لان راح تتوهقون بالاكل فحسبوا حسابكم من هني وفي محلات ببيع بريد يعني القعده هناك حلوه احنا كل يوم كنا نروح هناك والحلو بهالشارع ان يسكر الساعه 10 مو مثل الاسوقه الثانيه
4- المستندات ما اذكر والله غير ان يبون صورتين !! و صوره الجواز مع الجواز الاصلي و 14 دينار واذا تبينها مستعيله تزيدينهم 3 دنانير بس هم دقي تأكدي .5- بالنسبه للاماكن السياحيه عندهم مثل الاكوابارك و مثل السفاري بس بصراحه احنا جونا مو مال هالسوالف انا وزوجي نحب التمشي والتسوق اكثر اذا رحتي هناك راح تلاقون واااااااااااايد عرب وفي مترجمين اذا تبين بس ترى كلش مالهم داعي انتوا طقطقوا وراح تمشون ... بس لاااااازم اقولج هالنصيحه انتي رايحه رايحه اكو محطة قطار بكوانزو ماكو غيرها روحي هناك وقصي تذكره ححق هونج كونج ساعتين بالقطار الا انتي هناك وما تبي فيزا يسوون لكم بالمحطه وانتو ماشين هذي الديره رووووووعه تختلف عن الصين تمام وفيها اماكن سياحيه تينن كافي ان فيها دزني لاند امبيه ذكرتيني قلبي عورني عفياااااا لازم نروحين اذا تبين تسئلين عن هونج كونج هذي اكتب لج عنها برساله ثانيه
6- بالنسبه للفندق اذا انا مو غلطانه فهو هذا الفندق الي احنا سكنا فيه ... هذا الفندق انا اقدر اسميه فندق الخليجييين وبالاخص الكويتيين ما تحسين انج غريبه هناك لان كل الي فيه خليجيين وآآآآآآمن ما فيه شي وغرفته عوووووووووووده تونس وبنفس الفندق بالدور الثاني او الثالث في مكتب شحن اذا شريتي وايد اغراض وصار عندج وزن وايد روحي لهم واهما يشحنونه لج الكيلو بدينار ونص

اتمنى لكم رحله سعيده واذا احتجتي اي شي انا بالخدمه حتى لو تبين اعطيج كروت واسامي الاسوقه تصورينهم من عندي لا تستحين واذا كلش اخذي رقمي واتصلي علي ومن عيوني الثنتين انا حاسه فيج لان العام كنت احاتي مثلج وما بقى احد ما سألته

بس تعبت

يالله بيباي

 

[*^*يا^عمري^أنا*^*]

غاليتي شكرا لج وايد وايد

وبصراحه فدتيني وبخصصوص السوقه

اذا قدرتي حطهم وانا اطبعهم من النت او

اذا بغيتي احط لج ايميلي عالخاص افضل

وان شاءالله نتحاور

وشكرا لج

 

[babloo]

العفو حبيبتي بس مع الاسف ما عندي سكنر عشان اصور لج اياهم واحطهم على العموم انت لا تحاتين ترى كل شي سهالات انشالله

 

[ArEEj]

شحلاتها رحلتج
احلى رحله لما تكون بدون اطفال
تتحركين بحريه وما تحاتينهم
<<< نذله هههههههههههه

يا ليت تحطين لنا الصور

 

[امل الوجدان]

خوش رحله

 

[مطـــيــريهـ فـــوشيـــآ]

عليج بألف عاافيه تقريرج الصراحه حلوو بس لو في صور

 

[babloo]

مشكووورين ويعطيكم العافيه على المرور .. انا دورت صور احطهم بس ماكو ولا صوره فاضيه يا ويهي يا ويه زوجي داشين بالصور مومصدقين

وطبعا السفر حلو بدون الياهال بس هم لو يكونون معاكم راح يستنسون بعد

 

[تولين]

هونغ كونغ رووووعه بس زحمة هالبشر اوووووووووووووووووووووووف

 

[babloo]

هونج كونج اتينـــــــــــــــــــــــــــــــــن