رحلتي الي ماليزيا 2009

[رقي]

انا ان شالله ناويه اروح ماليزيا

عددنا 6 اشخاص
بحجز عن طريق النت
والتكلفه
2000
الف تذاكر وسكن والف مصرف للرحلات والاكل

طبعا غير الشوبنق
اللي قد راح ماليزيا
هل ميزانيتنا تكفي

 

[rawona]

هلا رقي ..

مادري عن الرحلات والاكل اذا يكفون ل6 اشخاص والا لا بس اعتقد كافي هم يعتمد على المطاعم اللي بتروحون لها ..

شوفي انا وريلي رحلتنا 17 يوم وخذينا 700 دينار منها للاكل والرحلات غير اللي دفعونا اياه الطيران الداخلي للجناط لان حدهم 30 كيلو بس مارحنا اماكن ترفيه وايده اغلب الوقت بالعاصمه وشرينا اغراض وهدايا لليهال وانا خذيتلي جم شغله من سوقهم وهم مكياج واصباغ وريلي خذا تلفون قيمته 230 دينار والمطاعم الزينه كل يوم وترك تقريبا وللحين الميزانيه اوكي ​

 

[lala2]

السلام عليكم
اختي احنا سافرنا الصيف اللي طاف ماليزيا وكان عددنا كثر عددكم
بس احنا حجزنا اخر الصيف عن طريق المكاتب وطبعا كان كاش غالي
بكانت بس التذاكر مع السكن حوالي 2200
وجميع المصاريف كلفتنا تقريبا 1000 بس صج تستاهل وودي اسافر لها مرة ثانية

 

[رقي]

الله يعطيكم العاغيه وينولكم اللي في بالكم

انا ناويه اروح بالصيف
لي سنين ماسافرت مثل الاوادم
كله دبي ولا السعوديه
وعيالي
2 اعمارهم 8
و2 اعمارهم اقل من سنتين
يعني مايعتبرون وايد

 

[رقي]

ودي احجز تذاكر من الحين عشان الرخص
ادفع قيمتهم
وعقب احدد الوقت عادي اتهقون

 

[lala2]

والله اختي ماعندي فكرة بس لما رحنا انحجز قالو لنا اللي اقل من 12 سنة يعتبرون صغار واللي فوق 12 سنة كبار
بس عيالك اقل من 12 سنة يعني راح يكون تذاكرهم اقل

 

[لوكريسيا]

رقي ما اعتقد يكفي

رحتلها بشهر 8 اللي طاف و احنا 2 كبار و 2 صغار كلفتنا طيران + طيران داخلي فنادق و مصرف أكل و جذي شغلات 3آلاف و نص اذا مو 4 و قعدنا 18 يوم

نصيحة لا تاخذين بناتج الصغار راح تتمللين صدقيني انا وديت ولدي بو 3سنين و نص و يالله يالله

 

[شهدQ]

زيدي 500 دينار زياده واخذي 200 احتياط لاسمح الله

 

[شرطيه حلوه]

ما أعتقد راح يكفووون إذا بتتنقلين بين المناطق لأن المواصلات صايره غاليه بس اذا بتقعدين منطقه وحده اسبوع مثلا يمكن يكفون
بس تخيلي أنتو 6 أشخاص يعني أقل شي تبون غرفتين و قولي سعر الغرفه 20 يعني هذي 400 دينار بس حق السكن حق 10 تيام

 

[إستبرق]

مممممممم والله ما اتوقع تكفيج رقي انا وزوجي حجزنا الفنادق والطيران الداخلي للجزر من النت وبس انا وياه يعني 2 كلفتنا 1800 تقريبا

 

[كنترول]

لا ما تكفي حبوبه
6 اشخاص والفين بس مستحيل
التذاكر بروحها بتطلع عليكم الفين
والفنادق مو اقل 800
والمصاريف اذا حدكم حدكم 1000
يعنى حطي في بالج مو اقل من 4000 دينار

 

[^ حـلـــــوى و رهـــــش ^]

حياتي ما يكفي 1000 تذاكر ومصرف
شوفي 1000 بس تذاكر لان بحدود ال 200 كل شخص
يعني 6 = 1200 تذاكر بس
والسكن اذا لقيتوا شقه احسن بس اذا فندق يطلع مو رخيص

غير الموصلات والمصرف ..
شوفي زيدي 500 على الميزانيه وحطي 300 للتسووق هناك راح يززوغ قلبج
لان بصراحه انا لما رحت ما حطيت في بالي تسووق كنت بس رايحه اتونس .. بس السووق هناك روووعه
غصبن عليج راح تقطين عليه ..

ونصيحه احجزي السكن من النت ارخص والله
من تجربه شخصيه
تخيلي احنا حجزنا فندق من النت بالكويت حق أول ثلاث ايام لان الفندق كان مو ذاك الزود ..
وقلنا اذا رحنا هناك نبي نحجز ,, ولما رحنا الاوتيل قالنا 9 أيام بحدود 700 دينار كويتي
لان احنا سبع اشخاص .. رحنا بطلنا النت هناك وحجزنا نفس الفندق لان فندق حلووو ونظيف بصراحه
طلع علينا 450 تخيلي ..


والله يسهل عليج يارب

 

[ام الشيخه]

حجزي على طيران الخليج لانه الأرخص بس مو ذاك الزود

التذاكر عندهم على 220 في 6 اشخاص بتطلع تقريبا 1300
والسكن في فنادق زينه ليلتها على 12 و16 وطبعا بتاخذون 3 غرف

ال 2000 يدوب التذاكر والسكن من غير مصرف

 

[رقي]

اول شي ماقصرتو عالنصايح

بروقه الله يشافيج ويعافيج ان شالله

شدعوه بنات جذي غلت الديره
انا قلت 1000 تذاكر لانه بناتي كلهم اقل من 1ذ2 سنه
و1000 مصرف
يعني ازيد 1000 السكن
بالننسبه للسوق فلوسه بروح

 

[أسرار الطبيعة]

يكفي وزياده
روحي عن طريق الخطوط الهولنديه أرخص
وحجز الفنادق عبر السفريات أيضاً أرخص ، وقارني بين النت وبينهم أحيانا العكس
لكن لابد تحطين باك أب للمصاريف والطواري تحسباً للظروف ، أو تغيير وجهة السفر بعد زياره ماليزيا لسنغافورا مثلا بالقطار
تروحين وتردين بالسلامه حبيبتي ..

 

[رقي]

يسلموووو
اسرار

 

[a6o06 ^_^]

احس لو تاخذين زياده 500 وايد احسن

ماتدرين شيصير هناك =)

 

[أساور]

ماتكفي لان ماليزيا كلها اماكن سياحية وحسبي الدخلة بفلوس والتكسي رايح راد والاكل والمشترى

يبيلج بعد 300-500

 

[ظلال القرآن]

رقي اشلونج حياتي ؟

لا ما تكفي 2000 تذاكر ومصرف

ترا شرق اسيا وايد غلت عن قبل

واذا تبين صج توفرين وانتو جازمين على الروحه اكيد حجزو من الحين حق الصيف يفرق وايد سعرالتذاكر وحجز على لاتحاد احسن اسعار وخدمه
بس 4000يالله يالله عليكم ويهال اسم الله عليهم كل شي يشوفونه يبونه وماودج تحرمينهم بالسفر

احن رحنا قبل 3سنين وكنا 5 وبعطله الربيع يعني ماكو سياح وكلفتنا حوالي 4 الاف
بس عاد انتي لا تقولين حق ريلج غاليه وجذي الهون ابرك مايكون هوني السفر بعينه وتالي اهو يتوهق هناك خخخخح المهم تسافرين

رقي اذا جزمتي قولي لي علشان ارتب معاج الرحله

 

[ظلال القرآن]

بناتج اذاصغار لا تاخذينهم ترا بيزوغون من الحر والرطوبه وبعض الاماكن
بتوهقين فيهم اذا اهم بعربانه تلوع جبدج >>>ابيه طلعنا السفره من جبد البنيه

لا لا يبا سافري ولا يهمج بس صج اذا بناتج دعل لا تاخذينهم واذا متعودين على امج حطيهم عندها لانهم صغار وما يفتهمون
ولا لو اكبر من جذي يعني 4 او 5 سنين لا اخذيهم لانها صارت فيني انا متعوده احط تالصغار عند امي بس اذا كبرو اخذهم ذيك السنه من غبائي هديت بنتي عند امي وهي عمرها 5 سنين بس بغيت اموت طول السفر بجي لان ماليزيا كلها حقها عروض وناسه وتبربس بالماي كلما شفت اليهال مستانسين يزوغ قلبي تبدى المناحه ريلي بغى يذبحني لا صار فينا موقف بالرده طارت عنا الطياره ونزلو جناطنا وقمت ابجي بصوت عالي بالمطار واقول ابي بنتي وانهرت وعيالي خافو واي كرهت ماليزيا بس لازم اروح لها باذن الله لان بنتي كلا تقولي ماشفت ماليزيا