رحلتي بالصور الى الخبر - الرياض - وادي الدواسر الى ابـها

[Pink GirL]

وقبل لا اعرض الصور الغرفة والممرات بتكلم شوي عن الفندق وعن ايجابياته وسلبياته علشان الكل يستفيد ,, الغرفة مع الافطار سعرها 662 ريال خلال موسم الصيف بدون خصم

نبدى بالايجابيات
- موقع ممتاز يطل على سد ابها
- خدمة العاملين عند البوابة سريعه جدا
- غرف واسعه نظيفة
- خدمة روم سيرفيس سريعه
- خدمة انترنت وايرلس جيده لكن ليست مجانية
- مواقف سيارات كثيرة
- جرسونات مطعم الافطار قمة في السرعه مشاء الله

السلبيات
- عدم نظافة الفندق من الخارج مع الاسف ,, اللي يتمشى بره يلاحظ هالشي ولأن الوالد الله يحفظة كان يشتغل بالسياحة فعنده دقة ملاحظة لهذي الاشياء
- عدم التنويع في طعام الافطار جلسنا 6 ليال ونفس الطعام يكون موجود على البوفيه واكبر مشكله كانت بالنسبة لوالدي تقديم الخبز العربي غير الطازج (بايت) وكلمهم عن هالمشكلة اقصد الخبز وما انحلت الا باليوم الاخير لنا في الفندق
- بالنسبة للانترنت الوايرلس عندهم كروت
25 ريال - ساعه
50 ريال - 6 ساعات
75 ريال - 12 ساعه
وبالنسبة لتجربتي اخذت كرت 6 ساعات واكتشفت ثاني يوم انه اكسبايرد @@ قلت يمكن خلصت ال6 ساعات مع انه مستحيل وخذيت كرت ثاني بو 12 ساعه وهم بعد يوم ونص صار اكسبايرد اتصلت على الريسبشن واكتشفت ان ال 12 ساعه متتالية يعني حتى لو سويت لوق اوت تنحسب علي
- كروت الغرف مأساة كل شوي مايفتحون ونرد للريسبشن يضبطهم

ان شاء الله قدرت اعطيكم وصف دقيق لكل شي للاستفاده الكامله

والحين نكمل صور الممرات

يتبع​

 

[Pink GirL]

والحين دور صور الغرفة

تكرمون الحمام

يتبع​

 

[Pink GirL]

وهذا المنظر اللي تطل عليه غرفتنا

وبعد ماحطينا اغراضنا طلبنا غدا من الروم سيرفس
وكان عبارة عن
2 صحن شيش طاووق
1 صحن كباب
1 صحن فرايز
2 حمص
1 متبل
2 سلطة
2 ام علي
1 كريم كراميل
وطلع حسابنا 354 ريال
وهذي الصور

طبعا كلنا كلينا الا الوالدة كان ويهها اصفر شوي وماكلت ذاك الزود
بعد ماطلعت من غرفة الوالد والوالدة بنص ساعه اتصل الوالد وقال امج تعبانه
ورحت لها ولا تقول ما اقدر اتنفس فيها ضيق تنفس لأن معاها ربوو واتصلوا بالاسعاف وجزاهم الله خير وصلوا الهلال الاحمر بسرعه كلش غير متوقعه وقالولنا ان مرضى الربو مو ملائم لهم جو الجبال والمرتفعات تم نقل الوالدة الله يحفظها لمستشفى عسير المركزي وكانوا قمة في حسن التعامل وعملوا لها جميع التحليلات والاشعه الازمة وطمنا الطبيب انها بتتعود على الجو شوي شوي وماله داعي الخوف والحمد لله طلعنا العصر من المستشفى

بصراحه الاطبة والسسترات في مستشفى عسير يستحقون كل الشكر لأنهم شعلة من النشاط

ومن يستحق الشكر الجزيل ايضا الاخوان المسعفين في الهلال الاحمر الاخ فالح المطيري والاخ الثاني مادري شسمة والله بس كانوا قمة في الاخلاق والاخلاص بالعمل الله يكثر من امثالهم

بالليل ماطلعنا خلينا الوالدة ترتاح وقلنا لها اذا حسيتي بشي نتوكل على الله ونمشي من ابها لأن اهم شي صحت ست الحبايب الله يخليها ويحفظها من كل شر

يتبع​

 

[Pink GirL]

اليوم الثاني في أبها كان روعة
بدينا اليوم في مطعم الفندق للفطور

بعد الفطور توكلنا على الله ومشينا لمنطقة السودة هالمنطقة كثر ما اقول عنها حلوة شوي جو منظر هواء نقي مطر فاكهه طازجة شي فضيع مشاء الله

في طريقنا طق مطر

وقفنا بالطريق عند راعي فاكهه وشرينا خوخ (عمري ماذقت مثل حلاته) وتين (شي موطبيعي) ومنجا وشعر بنات

يتبع​

 

[Pink GirL]

وهذي صورتين لمناظر من السودة

وهذا منتجع الجعيثن السياحي

وهذا سوبر ماركت في السودة ومحطة بانزين

وهذي حصن وبقيات حق اليهال

قرية السودة السياحية

منتجع محمد حسين السياحي

يتبع​

 

[Pink GirL]

هذا مطعم السحاب

وهذا واحد من الاخوة العمانيين اللي واقفين في طرق السودة يبيعون الحلوى العمانية وعصير الناريل (جوز الهند) والعلوج المستكة وغيرها

شرينا عصير جوز هند ,, بس طعمه مو ذاك الزود :114:

ووقفنا في احد طرق السودة

هذا منظر من مكان وقفتنا

وبعدها حركنا
واخيرا وصلنا لي شي كنا ننطره من اول وصولنا ابها

الشواذي

ياسلام على القعدة خخخخخ

يتبع​

 

[Pink GirL]

بعدها قررنا نركب التلفريك :110:

اناخوافة وخواتي والوالد قاموا يضحكون علي وعلى تعابير ويهي وقت ركبتنا والوالدة قعدت بالسيارة تنطرنا لأن مو زين تركب بسبب الربو

تحرك التلفريك

مناظر من التلفريك

ونزلنا

يتبع​

 

[Pink GirL]

نزلنا من التلفريك لي منتجع ابها السياحي

اممم انا نسيت اذكر ان تذكرة التلفريك روحة ورجعه 240 ريال ل 4 اشخاص
يعني الواحد 60 ريال

المنتجع فيه كافيه صغير وقعدات عائلية وسوق شعبي واكلات خفيفة

وهذي مناظر من المنتجع

بالمنتجع تمشينا شوي وشرينا ماي لأن الجو تحت حار شوي مو مثل فوق

ورجعنا التلفريك للصعود

وبطريق رجعتنا من السودة
صورت راعي البقيات

وهذا يبيع ذرة مشوية وصبير

خذنا للوالدة صبير لأنها تحبة

ومرينا بالسيارة على قرية شيخة فصورتها من بعيد

يتبع​

 

[Pink GirL]

في الليل رحنا نتسوق في عسير مول

المجمع مو كبير وايد مثل مولات الرياض والخبر لكن حليووو كنا نتمنى ان يكون سوق ابها احلى علشان الحلوو يكمل لكن ان شاء الله بالمستقبل يكون السوق احلى واحلى

<-- خبركم حريم لازم سوق لوول

علشان الحريم يستفيدون راح اذكر بعض المحلات الموجودة في عسير مول

اكسسريز
نعومي
مكياجي
مذركير
BHS
ايتام
ايفانز
ناين ويست
لاسنزا
لاسنزا قيرل
الشايع للاكسسوار
سيتي ماكس
اكسترا
F&F
EXIT
كليرز
اوركسترا
كمايو
ادمز
برومود
واليس
بندة
وقريبا تويز ار اس

وطبعا في غيرهم لكن هذا اللي ذاكرته اضافة لملاهي صغيرة للاطفال ومطاعم

يتبع​

 

[زلابيا]

اهليييييين بنكي

شلوووونج؟؟

فندقكم في ابها شكله حلو وراقي بس هالسلبيات المفروض يتجنبونها حرام تخرب عليهم

وماتشوف شر الوالده والحمدالله على سلامتها ويوم قلتي عن الهلال الاحمر الصراحه ذكرتيني ب 777 خخخخخخخخخخ

عليكم بالعافيه وناااااااااطره التكمله

 

[Pink GirL]

اليوم الثالث في ابها تريقنا كالعاده في مطعم الفندق

وكان الجو مغيم

مرينا على تلفريك ابوخيال وصورته

وكملنا تمشينا في ابها

وصورت هالمجمع السكني من بعيد

حديقة الشلال

يتبع​

 

[Pink GirL]

وصعدنا احد الجبال

ونزل الوالد هالبقالة شرى لنا ماي

ومرينا على هالغنم يحليلهم

ووصلنا لي هالبيت القديم وصورته بعد لأن شكله غريب

بعدها تغدينا في بيتزا هت

يتبع

 

[Pink GirL]

بعدها رحنا ابها مول ,, مول اصغر من عسير مول وفيه بعض المحلات الشعبية والمحلات المعروفة مثل نعومي ومكياجي وغيرها

وشرينا لولد اختي لبس الجنادرية حق رمضان والقرقيعان

واخر شي مرينا على مانجو لأن اختي شايفة بلوزة تبيها

بعدها ردينا الفندق

يتبع

 

[Pink GirL]

اليوم الرابع كان ممطر مشاء الله

رحنا مجمع الغنيم علشان نتغدا في مطعم هرفي

بعدها رحنا لمنطقة قريبة يم فندقنا فيها شواذي وصورتلكم هاللقطة

هاللقطات من المنطقة القريبة يمنا

يتبع

 

[Pink GirL]

بعدها اتجهنا للسودة

شوفوا الرطب

هذي بيوت شكلها غريب وقديم

صبيــر

ونرد على شواذي السودة

شرايكم في هالجميلة وظناها ؟

منظرين بالسودة

واخر شي وقفنا عند هالكشك وشرينا سفرة لخالتي ودراعة لبنت اختي خخخخ

يتبع

 

[لانا]

ماشاء الله الصور روعه....انا رايحه ابها من زماااان ...عليكم بالعافيه شوقتينا نروح لها.....
كملي متابعينج

 

[سبائك]

روووووووووعه يا بنك الله يعطيج العافيه

 

[سمسميه]

ما شاءالله ابها حيل تغيرت خبري فيها يوم كنت ياهل سنة 88 وكانت تلوع الجبد ما فيها شي بس جحوها روعععععععععه
اذكر ما شرينا منها شي الا حنه ورمان هذا الي اذكره
بس الحين ماشاءالله شغل عدل
عليكم بالعالفيه

 

[bambena]

بنك اخر 3 صور مو طالعين

 

[شهدQ]

اي حتى انا مو طالعين عندي بنك