رحلتي لبوكيت بانكوك بوكيت 14فبراير 2012 "متجدد"

[q8 knosha]

رابع يوم قعدنا الصبح وكلعاده .. ريوق

وبعدين قلنا بنروح جزيرة بي بي :eh_s(4): كانت ويع بس صدعت ودخت علفاضي
طبعا اول شي رحت صيدليه خذيت حبوب مال دوار البحر عشان لا اتعب

المهم اهني اول ماركبنا

كان مافي مكان غير تحت كلش ريلي قالي اذا قعدتي تحت راح ادوخين اكثر
عاد صعدنا فوق قعدنا عالارض .. وفي ناس واقفه
بس كان في شغله خايسه حيل ضايقتني
الاجانب كل واحد حاط جنته علكرسي واهما مو قاعدين يصعدون فوق يتسدحون!
زين انت منسدح اخذ قشك معاك ولا حطهم على جنب في مكانحق لجناط حاجزين كراسي واهما مو قاعدين فيها قاعدين برا يعني ماخذين مكان برا وداخل بطو جبدي :rgewrg:

اهني اول ماوصلنا

اهني داخل كان مافيها شي زوود بس محلات ومطاعم نفس اللي هناك

وهذي الزقت فينا لول

تغدينا هناك بيتزا ماكان في مطاعم كلهم مسكرين يبطلون علمغرب
بس هذا اللي مبطل كان كافيه

وهني لما ردينا

​

 

[q8 knosha]

انا رحت بوكيت بالكريسميس بس سبحان الله ماشفت جدامي الا سكارى ومفاصيخ ههههههههه
لاعت جبدي منها وعقب رحت بانكوك

ايه السكاره بليل يطلعون من ل11 لولوالله تشوفينهم يخرعون شلون يتطوطح

بالعكس انا كاندي بوكيت وايد احلا

يعني انشاءالله مره ثانيه اذا بنروح بس بوكيت

 

[عزاااه]

اب اب انا رحت ماليزيا لاعت جبدي كرهت شرق اسيا

 

[عزاااه]

ليش ماخذتي الي نظام فلا مع حمام سباحه داخلي يمدحونها بوكت

 

[q8 knosha]

ردينا العصر رحنا الفندق بدلنا وطلعنا

ريلي راح مطعم عشان يبي يشرب هل شوربه :eh_s(4):

وهذيل كانو يم باب المطعم :eh_s(4): عشان ينقون منهم

وبعدين طلعنا نتمشا

تالي رحنا نسوي مساج فوت صج عاد تعبت من المشي

هني صور المحل هم على شارع باتونق بيتش .. الواحد يقعد ويطالع برا

وهذي الكراسي

ترا هذي مو انا لول اللي كانت قاعده يمي .. واللي قاعد يشتغلها واحد :eh_s(4): ليديبوي

عاد انا دخلت لووول قتله بسوي مساج حق جسمي ودشيت داخل واهيا نفسها اللي مسجت ريلي كملتلي .. وريلي مايبي يسوي فطلع يحط ريله بالسمج لول بنفس المحل هم عندهم حوض برا
مساج لريول ب250 بات ساعه
والجسم والله ماذكر بس اعتقد 400 ساعه

وهني بعد ماطلعنا شرينا جوزه

​

 

[q8 knosha]

ليش ماخذتي الي نظام فلا مع حمام سباحه داخلي يمدحونها بوكت

والله قلت حق ريلي

قالي احنا يايين نستانس ولا نقعد بفنادق

لووول لازم الدقره :d

 

[q8 knosha]

بعدين قاعدين نتمشا :eh_s(9):

عاد ريلي قالي خنجرب هذول اللي يسون ككاو قلت يله .. طلع مو بس ككاو يحط فواكه او بيض وشغلات وايد عنده
احنا طلبنا ككاو

بس هل صور طلب اللي قبلنا .. كان موز وككاو

وهذا طلبنا

اول ماحط العيينه

قاعد يفردها

حط الككاو

سكرها

قطعها وحط عليها ككاو

وبس عاد كانت لذيذه

​

 

[q8 knosha]

خامس يوم واخيييير يوم في بوكيت :eh_s(2):

الصبح رحنا حق بقيات والسياره السريعه :eh_s(10): والفراشات

اول شي البقيات بالنسبه لي احلا شي كانت صج صج وناااسه
طبعا بين شيير والارض صخر صخر .. او طين او رمل عادي كل شوي نمر على شي
وصعده ونزله وجبل
طبعا تصرقعت بالنزله موراضي يقضب بريك لول طااايره اخاف امسك بريك من جدام انقلب على ويهي انا والبقي بس كان وناسه والله

طبعا في واحد منهم يمشي قبلنا واحنا نلحقه بالبانشي عشان لا نضيع داخل
وهذي لصور

هذي الاسعار

وكان في نوع ثاني بس بنفس المكان نمشي بالطين وجذي بس احنا خذينا اللي فوق

وهني واحنا داخل بلشير صورتلكم بس لصور بفون ريلي للحين ماطرشهم للاسف :eh_s(4):
انشاءالله لي خذيتهم بنزلهم بعد

وهني بعد ماخلصنا .. كلي طين خخخ بس في عندهم مغسله

وبعد ماخلصنا رحنا حق السيارات الثانين الفاست كار
يمهم بس نمشي شوي

هم تقريبا نفس الاسعار بس ريلي كان اغلا لان خذا سياره سريعه السعر يكون علسياره وسرعتها

وقبل مانركب رحنا الكفتيريا يم التذاكر شرينا شي بارد وتالي رحنا كملنا بالفاست كار

وهذا السيفتي بوكس حق اقراضنا يم الكافتيريا

​

 

[عزاااه]

اب اب

 

[فاقده حنان ابوه]

واو كملي ذكرتيني رحت السنه الي طافت شهر ٤ احلا رحله اعجبتني جيمس بونت وفنتاسي وبالنسبه حق بانكوك مجمع باتونام وبلاتينيوم جنه اسمه جذي

عليكم بالعافيه

 

[manoooram]

عليكم بالعافيه q8 knosha
وان شالله تعودونها مرة ثانيه وبسفرات أحلى وأحلى
​

 

[oum toumi]

تقريرج حده يشوق كملي

 

[حلـأإ مطير]

وـأإو ونـأإأسةة

 

[قموووره]

عليج بالعافيه وناسه بس ليش ما حبيتي بيبي ايلند حلوه!
وليش ما رحتي جزيرة جيمس بوند وقرية المسلمين حلوين؟ وناسه .. حتى عندهم اساور حلوه شحلاتهم ورخاص
احنا لمه رحنا الجزيره ودونا بطراد مال سباق وطار فينا طير
بس هم عليج بالعافيه
​

 

[om MaRyooM]

زعلانة منج


قلبتي علي الموااااااااجع

غرامي ادماني وعشقيس الازلي تايلند وااااي اشتقتلها هالديرة ماتنمل صراحة


عليكم بالف عااااااااااافية حبيتي

 

[& حكاية حب موعود &]

وناسه ماشالله
انا بعد سبوعين رايحه بوكت
قوليلي شلون الاسعار؟؟
يعطيج العافيه والله خوش تقرير

 

[.]

ناطره بانكوك ..

ومتابعه..

تسلم ايدج..

 

[oum toumi]

كملي موضوعج اختي

 

[q8 knosha]

عليج بالعافيه وناسه بس ليش ما حبيتي بيبي ايلند حلوه!

وليش ما رحتي جزيرة جيمس بوند وقرية المسلمين حلوين؟ وناسه .. حتى عندهم اساور حلوه شحلاتهم ورخاص
احنا لمه رحنا الجزيره ودونا بطراد مال سباق وطار فينا طير
بس هم عليج بالعافيه​

مافي زود يعني مافي فرق بينها وبين المكان اللي كنا فيه

رحنا هل جزيره وقلنا بس مانبي نروح بعد جزيره ثانيه لاعت جبدنا ماحبيناها

ايه سألناها عن البوت السريع قالت ماكو الا هذا اعد رحنا

 

[q8 knosha]

وناسه ماشالله
انا بعد سبوعين رايحه بوكت
قوليلي شلون الاسعار؟؟
يعطيج العافيه والله خوش تقرير

مادري من اي ناحيه؟
في الرخيص وفي الغالي