رحلتي لتــركيا 2009 ... مع جو من المغامرات

[توتاتوتا]

السلام عليكم

حبيباتي الغاليات اسرد لكم رحلتي العجيبه و لو انها من الصيف الي فات بس المقلب الي اكلته خلاني ما اشتهي اتذكر شي من ذا الرحله

هذا يا طويلات الاعمار عيالي 3 توم الله يصلحهم و اعمارهم وقتها 3 سنوات فقررت انا و ابو الشباب انروح اجازه عائليه :ioljnmlk:
على اساس انهم كبروا و جا الوقت نونس اعمارنا و معي خدامتي و في مطار الكويت طلع لازم لها فيزا لدخول تركيا موب زينا ناخذها مناك و رجعتها و كنت اعتقد اني بقدر عليهم << رحم الله مرئ عرف قدر نفسه اخليكم مع الصور و اكمل لكم مغامراتنا


نزلنا في مطار صبيحه في الجزء الاسيوي من تركيا و على طول بالسياره رحنا للعبارات الي تنقلنا للجزء الاوربي و منه الى بورصه و هي وجهتنا

هذي صورة الجسر الي يربط بين الجزئين قريبه من بعض

قبل الصور احب اقول شغله للمنقبات .. لما وصلت للجمارك التركيه بعد ما ختمنا الفيز و جينا نختم الجوازات طلب الاخ اني ارفع نقابي :flower: قلنا نبي مره قال ما عندنا رحنا على جنب .. شوي الا هم جايبين لنا شرطيه و في العوده نفس الشي


من المطار الى الميناء

هذي العباره يركبون عليها السيارات و الباصات و الناس تطلع فوق على السطح فيه قعدات داخليه و خارجيه

هذي القعدات الداخليه

عيالي يطلون من درايش القعدات الداخليه اول مره يشوفون سفينه

المنظر من القعدات الخارجيه ...بس خفت على عيالي و لا يجيني دوار البحر << تسمع به

بكمل لكم صور شقتنا و يعدها الاماكن الي زرناها و باذن الله انزل كل الصور الليله ماحب الموضوع يطول و يتقطع

 

[عيش و ملاس]

عليج بالعافيه بس يا ليت تعطيني أسماء الأماكن السياحيه والأسواق و المطاعم لأني ودي أروح أسافر تركيا

 

[توتاتوتا]

هذي الشقه ب 150 دولار غاليه خصوصا ان مابه ذيك الفخامه او رفاهيه و هذا طابع الشقق في تركيا و بعضها بدون مكيف

الشقه غرفه و صاله و حمام و مطيبخ<< متحسفه تقول مطبخ

و ثلاجه و فرن و تلفزيون و مافيه غساله انهرت ايدي و انا اغسل الملابس

الصاله من زاويتين

المطبخ جمبه باب الحمام

و هذي غرفة النوم ... كنت مجهزه علشان نعيد شهر العسل بس صار بصل ولا طلعت شي من كيسه تيتي تيتي مثل ما رحتي جيتي

البلكونه ... كانت مصدر رعب لي كل ما قفلتها افتحوها كاملات النظافه و الي فيها غسيلي غسيل ايديا و حياة عنيا

و هذولي يا طويلات الاعمار عاملات النظافه يجون كل يوم ينظون الحمام و الشقه و يبدلون الفرش هم اربع بس الرابعه استحت لانها ازينهم

 

[توتاتوتا]

هذي الشقه ب 150 دولار غاليه خصوصا ان مابه ذيك الفخامه او رفاهيه و هذا طابع الشقق في تركيا و بعضها بدون مكيف

الشقه غرفه و صاله و حمام و مطيبخ<< متحسفه تقول مطبخ

و ثلاجه و فرن و تلفزيون و مافيه غساله انهرت ايدي و انا اغسل الملابس

الصاله من زاويتين

المطبخ جمبه باب الحمام

و هذي غرفة النوم ... كنت مجهزه علشان نعيد شهر العسل بس صار بصل ولا طلعت شي من كيسه تيتي تيتي مثل ما رحتي جيتي

البلكونه ... كانت مصدر رعب لي كل ما قفلتها افتحوها كاملات النظافه و الي فيها غسيلي غسيل ايديا و حياة عنيا

و هذولي يا طويلات الاعمار عاملات النظافه يجون كل يوم ينظون الحمام و الشقه و يبدلون الفرش هم اربع بس الرابعه استحت لانها ازينهم

 

["*آآآنؤؤؤقهـ*"]

عليج بالعاافيه اي والله ويخليلج عيالج ..........

كملي

 

[ألماس q8]

هههههههههههههههه يا حلاتهم الله يخليهم لج ان شاء الله


وكملي

 

[حناين]

ما شاء الله اختي ... حلو تقريرج واااااايد .. بداية موفقة

في انتظار الباقي ..

 

[أم@الحلوين]

عليج بالعافيه
والله يخلي عيالج ويحفظهم يارب
كملي .............

 

[3rosa]

حياتي الله يخليهم لج يا رب والله حاسه فيج اختي ما شاء الله عندها 3 بنات

كملي يا قلبي متابعينج

 

[PAMELLA]

حلو ما شاء الله

وفي الانتظاررر

 

[توتاتوتا]

سوري بنات امس علق معي و انتوا خابرين منتدانا اكتب و اضيف الرد يطلع لي اررور اثاري الرد تكرر

اكمل لكم الحين

 

[3rosa]

لا عادي بنات وايد تصير الحركه فيني

كملي ننطرج يا قلبي

 

[توتاتوتا]

هذا مكان اعتقد اسمه كبولو شورشي تشوفين بورصه كامله و عباره عن مطاعم و قعدات اسمحوا لي ما ثبت المناطق و الاسامي لاني لاهيه بعيالي ...متعودين على الخدم يمسكونهم و بدون الخدم كل واحد منهم حاط رجله و كذا مره بغوا يروحون فيها من غير الاصابات
و الي يقهرني انهم كانهم اول مره يشوفون السيارات اذا جت قدامهم سياره مدوا ايديهم ...يغوا يجلطوني

المنطقه هذي حلوه و كلها مطاعم و مقاهي و هي مرتقعه و حتى و انتي رايحه لها الطريق مطاعم و قهاوي و كان فيها مطعم عنده بس نوعين من الاكل لكن لذيذ و مالقيت نفس الاكلات في باقي بورصه


و هذي الدرابيل للي يبي يتفرج و جت عروس و زوجها و اصدقاهم طبعا اعراسهم في النهار و مره شفت حفله احسب انها عرس قال السواق لا هذي حفلة ختامه = طهاره ...عزتي للصبي

و هذي مناظر من المناطق الي حولها

 

[توتاتوتا]

رحلة الجبل واسمه اولودوغ



و هو مكان بااااااااااااااااااااااارد ابو الشباب راح فيها لابس صيفي لكن انا قريت انها بارده فاحتطت لعيالي و معلوماتي خذتها من موقع المسافرين العرب و الجو في بورصه اذا الشمس طالعه حار شوي و اذا غيم فللله و انا رحت شهر 7 انجليزي و الجبل من الاماكن الي لقيت يها العرب بكثره من جميع الجنسيات زحمه يا دنيا زحمه .... فيها مطعمين و كشكات و المطاعم عندهم في الهواء الطلق لكن المطعم الاول مزحوم رحنا للثاني كان فاضي و خذت راحتي في الاكل



اخليكم مع الصور





هذا الطريق للجبل و ما ادراكم عن سواقة الاتراك ... مجانين شيبتهم قبل شبابهم تخيلو طريق ضيق و منحدر زي كرا و مسرعين و اذا طلع بوجه احد مسك بريك بقوه عيالي في البدايه من الوناسه يوقفون بس طاحوا كذا مره مساكين طيحات شينه عقبه اذا ركبوا ماما اربطي حزام و اقعدي جمبي << من الروعه

و دايم على الطريق العاب و مطاعم و قهاوي و بياعين فواكه طازجه ... حتى ان السواق يقول ان الواكه تنزرع بدون سماد لان ارض بورصه قويه ... الفواكه عندهم مثل النخل عندنا في كل مكان



و على فكره لو شفتوا فواكه تركيا شكلها و طعمها غير ... الشكل احجام كبييييييييييييييره و الطعم كل شي يا بنات غيييييييييييييييييييييييييييير انا و زوجي كاننا مفاجيع اول مره نشوف خير طعم غير بالذات الخوخ اعجبني مره و الفستق ماكنت احب اي شي بنكهت الفستق اغرمت فيه عندهم

 

[هبوناااا]

علييج بالعافيييه

 

[توتاتوتا]

تابع الجبل

هذي الكشكات اول ما تصلون فيها مربيات و عسل و حتى ملابس شتويه للي يتوهقون

هذا مطعمنا

تقدرين تاكلين فيه او اذا تبين في الطاولات الخارجيه هنا

وانا اخترت طاوله داخل بين الشجر

هذا المنظر من الطاوله

و جمب طاولتنا السرير المعلق كان ودي انسدح فيه بس يوم شفت زوجي شلون نشب فيه هونت و هذي صورة اميرتنا متمده فيه

وهذي المقبلات : سلطه و روب و بطاطس مقلي و هذي مقبلاتهم دايم و طعم كل شي غيييييييييييييييييييييير

الغدا طبعا مشاوي و يعرضون عليش اذا تبين تشونها جابو لكم الفحم و اذا تبونهم يشونها شوها ببخشيش

تعالوا شوفوا طاولتنا عق الاكل اتوقع يقطونها الزباله فوضى و تلطيخ و اقعد ساعه بعد كل وجبه انظف فيهم و بالذات ان الاتراك نظااااااااااااااااااااااااااااااااااااااااااااااااااااف يعني لو شافو احد وصخ يكلمونه ليش كذا

 

[*راقيه بذوقي*]

واااااااااااااااااي وناسه عليج بالعافيه
شلون اسعارهم السوقه صج يقولون غاليه؟؟؟؟؟؟؟
وبالمطعم جم يطلع تقريبا حسابكم؟؟؟؟؟؟؟

 

[غلاي غير]

وااااااااااو
واااااااااااااااو
واااااااااااااااااااااااو

تقرير روعه روعه روعه

ماشاء الله تبارك الرحمن والله يخليلج عيالج ويعينج عليهم بسم الله عليهم توام الله يعطيج الصبر على تربيتهم

 

[توتاتوتا]

هذي صور 3 مناطق ودانا لها سواق هو عارض نفسه علينا مو مع شركه و يعرف عربي و هذولي خطر يكونون نصابين و ما عنده سالفه الا في سعودي تزوج تركيه و لا يعرض عليه شقق و اراضي حلفت ما اروح معه مره ثانيه مع انه كان يمسك عيالي و المره الوحيده الي قدرت اتسوق فيها


هذي المدينه العثمانيه القديمه زي المسلسلات السوريه القديمه فيه مطاعم و قهاوي و كشكات و بساطات و من ذا البساطات وحده تلالي على زوجي علشاني متنقبه ..؟"ليه يلبسني نقاب " .... عجايزهم مشاويه

و بعدين رحنا لمزرعه خاصه من برا كانها بيت و قابلتنا تركيه تعرف عربي و عمها و اكلونا من كل شي عندهم و قعدونا على قعدات تونس و باشروا علينا بشاهي التركي ثقيييييل ما اعجبني و يبيعون مربيات و منتجات تراثيه و بعدين ياخذون لكم صوره جماعيه

عيالي راقدين في الطريق علشان يستلموني في الليل

 

[توتاتوتا]

تابع المزرعه

و المكان الثالث هو الشلال الصغير ...

شلال مع قعدات و مطاعم و مليان عرب و اخترنا مطعم من المطاعم الي على مجرى الماء و الصور تحكي

هذا الشلال طامرين فيه العرب و هنا عشت لحظات على اعصابي ... ابو عبود خذ و لديه و راح للشلال و الدنيا زلق و كل شوي رايح اعمق و يؤشر لي صورينا و في الاخير يوم مت من الخوف دليت الكاميرا على الشلال يعني بترجع ولا رميت الكاميرا في الماء و رجع و انا خذت عيالي الي عندي و طلعت من الشلال .. علشان ما ياخذ الباقين و يضحك احر ما عندي ابرد ما عنده

و هذا منظر على مدخل المطعم و متكرر في كل المطاعم المفتوحه و بعضها يقعد قريب من الطاوله

طاولات على الماء و تراه بارد مرررررررررررررره حتى انهم يحطون الغازيات فيه علشان تبرد و عندهم كازوزا بطعم الشاني بلون السفن اب