رحلتي لتــركيا 2009 ... مع جو من المغامرات

[توتاتوتا]

تابع الشلال ...

شرابات ابو عبود تغرق من الشلال

بعد الغداء بدلنا الطاوله لانه ما ينقعد عليها بعد اعصار عيالي

 

[توتاتوتا]

اخر صور الشلال

و اختم بصورة الغداء مع الكازوزا ... بروح اتغدى و اسبح الشله و ان شاء الله اكمل

 

[(ضحاوي)]

ما شاء الله
نعيما إن شاء الله

 

[أم@الحلوين]

الله يخليهم يارب
ناطرينج

 

[costa chic]

ذكرتيني بروحتي حق تركيا ايااام
عليكم بالعافيه و الله يحفظ لج عيالج

 

[dema76]

عليكم بالف الف عافيه الرحله


والمشاوي لذيذه تشوووووووووق شكله وايد لذيذ حدي يوعانه :wqedqw:


<------------------- خلت المناظر وتسولف عن المشاوي


والله ذكرتيني بما مضى انا رايحتلها بس من زمان صج حلوه وايد الطبيعه بتركيا


وحمدالله على سلامتكم

 

["*آآآنؤؤؤقهـ*"]

مشااااااااااااااااااااااءالله

بعد عمري تنصحينااا فيهاااااااااااااااااااااا


هي غاليه ولا رخيصه


يعني انتي وزوجج وعيالج كم كفااج


ووانا ودي اروح لتركيااا انا وزوجي تتوقعين بس كم يكفينااااا مبلغ

 

[توتاتوتا]

صباح الخير اكمل لكم باقي الرحله و ان شاء الله ارد على اسئلتكم

هذي الحديقه العامه في بورصه " كونتور بارك" و جزء منها اسمه" لونا بارك" مشهور اكثر فيها مراجيح اشكال و مطاعم و قهاوي بين ذا المسطحات الخضراء لازم يوميا يالخليجين نختم يومنا فيه

مايهم يشربون منه

اميرتنا زعلانه نبي نطلع مطر و طين و هي موب راضيه

احد المقاهي

 

[توتاتوتا]

اقولكم الحين عن مقطع من فلم الرعب الي عشته في مقهىى في مجمع من مجمعاتهم

شوفو الصوره و بعدين اكمل

هذا شيخ الشباب احمد يتفرج على الدرج الكهربائي و الي مو مبين في الصوره الشيخ عبدالله و نفس الشي كرسيه جمب الدرج و هو مستانس عليه و يلمس فيه و يسلم على الناس الي تطلع و فيه حركه سريعه من حركاته الي مجنني بها الا ولي متعلق على الدرج من برا و طالع فووووووووووق في لحظه خلاص قلت ولدي راح بيصك بالحاجز فوق و يطيح و الي تحته غلايات المقهى ....

لكن رحمة رب العالمين فيني جا ذاك التركي من حيث لا اعلم <<<<

وشل وليدي و رجعه لي و بدل كرسيه للجهة الثانيه و انا لو اني موب مستحيه كان كفخته على ذا الحركه و زوجي يوم جا سئلني هاه شالاخبار .............................. <<< يقول زوجي اول مره من تزوجنا اسمعش تقولين كلام زي كذا

و السبب الي كان لاهي فيه هو شرايح التلفون هذي قصه ابدوا فيها من اول يوم توصلون و روحوا لشركات التلفونات و بجوازكم و طلعوا خط و ادعوا الله انه يشتغل


و هذا سرير مولود مت عليه لو وحده من جماعني حامل اشتريه اشتريه بس مالقيت

و المجمع فيه بركة دلافين تفرجين و اذا تبين تدفعين فلوس يخلونش تاكلينها و فيه مصور يصوركم و يعطيكم الصور و للاسف صور الدلافين فيها ابو عبود و هذي شخصيه مشفره عندي

هذا اسم المجمع

و هذا المجمع

بالنسبه للاسواق ما تهنيت فيها و لا عاد حبيت اروح لها لانهم جننوني بس عندهم سوق اسمه اوزدلك منشر في كل بورصه اسعاره حلوه

و عندهم الذهب موت اعجبني نقشاتهم روعه بس عيار 24 و غالي يعني جمعوا فلوسكم و اشتروا ذهب مناك

و فيه السوق المسقوف فيه كل المنتجات المحليه و زحمه كان صعب نمشي و عيالي معي بس يصقعونهم ذا الناس فطلعت

 

[توتاتوتا]

اقترح علينا سايق الشقق نروح لمطاعم عند ميناء كان فيه مطعمين اولا فيه بركه قلت مستحيل رحنا للثاني هذا اسمه و فيه العاب

هذا الي فيه بركه

هذا الي تغدينا فيه

في كل مكان العاب و اغلبها من النوع الممتاز في كل مكان حتى بين البيوت

ونسيت اصور الغداء روعه بس هذي بيالة شاهي لكم

وهذي المناظر الي يطل عليها المطعم

بيالتكم شربها عبود << مدمن شاهي

 

[أم@الحلوين]

متابعه ......

 

[توتاتوتا]

الجزء الاخير من الرحله ... رحنا لقريه اسمها اويلات ابرد من بورصه و كان الطريق جبلي صعب و طويل و تعبنا و ملينا صار لنا 8 ايام تقريبا و بدينا انحس بالزهق مع ان اويلات حلوه بس صغيره و احبطنا بعد هالرحله الطويله قررنا الرجعه للكويت و بدينا ندور اقرب حجز و رجعت بعد10 ايام قضيت نص المده الي مقررينها


الشباب و قت تحميل الشناط عند مدخل الشقق

في السياره

ما تقدرون تصورون من السرعه

وصلنا اويلات

طبعا قعدنا ندور سكن فندقين كبار مليانه دورنا في الي حولها لقينا غرفه بحمام بمساحه كبر عيني و بدون مكيف لان الجو حلو

زرنا الشجره العملافه معلم تاريخي

حوالينها مطاعم

مطعمنا

عيالي يتابعون اكشن

هذا الاكشن تدور حولنا و تستعرض

قررنا ذا المره اننا نشوي بانفسنا فجابو لنا العده

 

[اميرة القصر المهجور]

ماشاء الله الله يهنيكم ويخليلج الشيوخ والاميرة

بس في سؤال محيرني ومخوفني ؟

صورة الحيوان الي في الصفحة الاولى ذيييييييييب:eh_s(16):

 

[توتاتوتا]

تابع

ملاحظه : احتمال اكون غلطانه بالنسبه للشجره العملاقه هي في اويلات او بورصه


نكمل غدانا مع المقبلات

و اول المشاوي الكفته لذيذه

الماء يجري في كل مكان حتى وسط المطعم

لازم من الدموع

بساطات الفواكه و الخضره

 

[توتاتوتا]

لقينا الناس تمشي طالعه لمرتفع و طبيعه حلوه قلنا نروح معها و المكان كان واسع قام يضيق الدرب و كان بحواجز صار بدون حواجز صرنا نمشي على درب متر و شوي علئ حافه و طين يزلق توترت و بعدين طلع لنا جسر صغير عل ىجنب استغربت شلون يمشون عليه و من ثم طلع جسر قدامي هنا حرنت قلت و الله ما عاد امشي برجع مسكت 2 من عيالي بس ابو عبود و عبود كملوا و انتظرتهم و يوم رجع قالي طوفتي على روحش منظر خيال .... قلت خيال و لا ميال ما بيع عمري مع ذا الجسور

و هذا صور من طريق الرعب

كرسي تستريحون عليه

 

[أحساس مجروحهـ]

ماشااءالله حلووه حيل

وكملي متابعينج

ولم تخلصين بليز جاوبي علينا

جم يوم قعدتو فيها ؟ وجم صرفتو تقريبا ؟

لان ان شاءالله ناويه اروح شهر عسل

 

[توتاتوتا]

و اول يوم رحنا مقهى جمب سكنا وعنده العاب لعيالي ... المهم و شارين ايس كريم << عندهم لذيذ


المهم اني اكله من تحت النقاب و تجي ذيك العجوز .. نو دندرما نو دندرما = ايس كريم الاخت قصدها ما يسير تاكلين و انتي متنقبه

و تقعد معنا على الطاوله بدون ماحد يعزمها المهم اطلعت تطقطق عربي نها قد سكنت في السعوديه مع زوجها الله يرحمه .. ارتاح و خلا ذا النشبه تنشب لي و الله يا بنات من كثر ما نشبت لنا كان في المقهى عائله رجال معه كذا حرمه قال زوجي عطي الرجال ظهرش و رفعي النقاب و فكينا


و يوم جيت بصورها قالت لا تصوير حرام !؟!؟ و تهذر عن نفسها و عيالها ...

زوجي زهق و قام خلاني بروحي معها و لما رجع لقاها موجوده ... هنا جاه التركي يعزمه على طاولته و يؤشر ان خل الحريم يقعدون مع بعض و انا وانت مع بعض على باله اننا نعرف تركي بسبة ذا العجوز

طلعنا من المقهى و كل ما رجعنا له ترجع تقعد معنا

و لقيت منهم الي لبستهم نفس الايرانيات

المههم اخليكم مع صور اويلات مدينه الشيبان

غدانا سمك

شرينا منها فطورنا

 

[توتاتوتا]

صور للبيوت و الشقق

 

[توتاتوتا]

تركيا الجزء الاوربي حلو فيها مناطق غاليه و مناطق رخيصه امان و الناس تتعامل باحترام يقدسون النظافه و الاطفال

ساعدوني كثير اذا تشتتوا عيالي

العجايز منهم الي ترفض النقاب و منهم الي تتمسك و تسئل مكه مدينه تحسن مشتاقين للحرم


من يوم جيت بورصه الى ان رجعت و انا اشوف فستان على فترينه ميته ابيه و كل ما مريت يكون فيه وضع يمنعني من دخول المحل

رجعت ما شريت لنفسي شي

نظام الحمامات عندهم اوربي خلو معكم ماي احيانا تلقون جراكل في الحمام و الماء تلقونه بااارد يحننوني عيالي وقت ما اغسلهم و بعض الحمامات بفلوس


المواصلات تعتمد يعني من السكن و كان جمبنا مجمع تكاسي الشخص بليره و نص و فيه ناس تستأجر سايق يوميا معهم يعرف عربي بحدود 120 -150 دولار على ما اعتقد

ناس محترمه بس ما تحمل ثقل الدم يتنرفزون و لاحظتهم يحبون الاكل و الشاهي اربع و عشرين ساعه و مدخنين درجه اولى رجال و نسوان


و اخيرا من اويلات الى اسطنبول ليله وحده علشان رحلتنا و دلعنا انفسنا اخر يوم سكنا في الماريوت ب200 يورو

جاكوزي نويته اطلع كل التعب الي شفته > وجه يبكي

و باذن الله ارجع اجاوب عل استفساراتكم قريبا

 

[3rosa]

وناسه خوش تقرير .. صج بعد التعب يبيلج جاكوزي ومساج .. وعليج بالف عافية يا قلبي