***رحلتي لماليزيا وسنغافورة (الديار الخضراء) فبراير 2009***

[كتكوته551]

هلا استبرق حبيبتي ...اي هذا اللي شفناه من صور الفنادق والتقارير المصورة اغلبهم عاديين بس حسينا ان فندق ريتز حلو
وفعلا كان بالمستوى اللي ببالنا.. وناوية لما نزور ماليزيا مره ثانية ان شاءالله نروح بيننج وبنروح لتريدرز بما انج تمدحينه

 

[fona]

اول شي الحمدالله ع السلامه حبيبتي انا وايد احب تقاريرج الكروز كان عجيب والحين سنغافورة اكيد بيكون هالتقرير بعد حلوو

متابعه وعليكم بالف عافيه

 

[كتكوته551]

fona
ياقلبي كلج ذوق حبيبتي والله يعافيج

 

[إستبرق]

هلا استبرق حبيبتي ...اي هذا اللي شفناه من صور الفنادق والتقارير المصورة اغلبهم عاديين بس حسينا ان فندق ريتز حلو
وفعلا كان بالمستوى اللي ببالنا.. وناوية لما نزور ماليزيا مره ثانية ان شاءالله نروح بيننج وبنروح لتريدرز بما انج تمدحينه

بالعافيه عليج
وانا ماحبيت بننق كثر لنكاوي بس بما انج شفتي لنكاوي كتغيير مره ثانيه روحي بننق ولاتطوفين تريدز واخذي الديولكس لانه دلع من بوفيه ريوق ومن المغرب بوفيه الكوكتيل
جني قرقت وايد مو :eh_s(1):

يالله ناطرين الباقي

 

[كتكوته551]

لا بالعكس استبرق ياحلوج وياحلو سوالفج

منوره موضوعي والله وخليج متابعتني دايما...​

 

[كتكوته551]

نكمل..

بعدما ريحنا بالفندق..رحنا نتمشى في شارع العرب وأول مول دشيناه اهوا البافليون وكان روعة بصراحة..

وبعدها طلعنا واستكشفنا بعض المجمعات بعد ...وبصراحة الشارع عجيب بس للأسف صورنا في الشارع شخصية..

بعدها رجعنا للبافليون ...على أساس نبي نتعشى بمطعم تركي مدحوه لنا لكن لقيناه مسكر لانه يسكر 10 فرحنا لمطعم لبناني يمه اسمه القمر...بس ما انصحكم فيه اكله عادي جدا..

هذا المطعم..

ثاني يوم قعدنا وتريقنا وكان الريوق مال الريتز واو...

وكنا مقررين نروح لبوكيت تينجي اللي فيها القرية الفرنسية واليابانية..لكن السايق اقترح علينا نوقف أول عند المعبد الهندوسي
لأنه غريب وعلى دربنا وبعدها نكمل لبوكيت تينجي..

وهذا المعبد اللي يعتبر أكبر معبد هندوسي في آسيا..لاحظو الدرج اللي صعدناه أنا وزوجي....!

وبعد ما صعدنا الدرجات...حول 270 درجه ...بغيت أموت من التعب وبغى يغمى علي..مالقينا الا هالكهف الخايس فوق
فأنصحكم لا تصعدون فوق ماكو شي...!

وبعدها كملنا طريجنا لبوكيت تينجي ...وهي منطقة مرتفعة وقالنا السايق ترا المنطقة بادرة لازم تكونون لابسين زين ...بس طلع الجو مو بارد ولا شي بس مو حار ولا رطوبه هوا منعش وحلو حق التمشي ...

تابعووووووووووووني​

 

[جكورة]

حمدلله على سلامتـــــــج
شحلات الصور والمناظر وماشاء الله تصويرج وواضح ومشوق...
متابعتـــــــج

 

[كتكوته551]

نكمل في القرية الفرنسية..

هني عجبني منظر السمج..

وهني منظر القرية من فوق برج...

القرية نايس بس ترا فاضية مافيها شي بس مباني على الطراز الفرنسي القديم لكن التمشي فيها ونااااسه ويقولون ان الويكند يكون في فعاليات ..

وبعدها توجهنا بباص خاص لحديقة الأرانب..

الحديقة عادية وماتسوى بصراحة الا اذا انتي من عشاق الأرانب..

ووصلنا بعدها للقرية اليابانية اللي اهي غابة اكثر منها قرية ...يعني غابة وتلاقين جم بيت ياباني وهي مراكز للمساج بس لقيناهم مسكرين حسافة وكنت حدي محتاجة للفوووت مساج لأنا مشينا واااايد هالقرية حيل متعبة في المشي مو مثل الفرنسية صغيرة..

وهذا محل سوفونيرز وفيه محل للمرطبات..

عجبني شكل الشجر..

تابعوووووووووني​

 

[كتكوته551]

مشكورة حبيبتي جكورة
اعيونج الحلوة

 

[كتكوته551]

رجعنا للفندق ريحنا

وبالليل رحنا لميجا مول اللي اهوا بعيد عن شارع العرب شوي..

واذكر اني صورت جم صورة اهناك بس اختفوا مادري وينهم

اليوم الثاني رحنا لسن وي لاجون..

لقينا الملاهي مسكرة تبطل 11 وكانت الساعة 10 فرحنا للمول the pyramid

بعدها طلعنا من المول ورحنا للملاهي..

وأول شي دشينا بيت الرعب ومامداني دشيت جان اخترع واصيح طلعوني....:krkrkr:

لانه كان ظلمه وكان فيه ناس يخرعون فعلا اخترعت ماتوقعت اني بخاف جذي وطلعت بنيه وراي على طول مخترعة حدها..

المهم رحنا بعدها مثل متحف لأشكال صخور مميزة..

وهذا نمر كان موجود ويمه شلال و زززومت عليه..

وهذا منظر عام..

وكان فيه مكان للزواحف والطيور..

​

 

[غلا فهد]

ياحياتي ياكتكوتة خوش تقرير الله يعطيج العافية اشوة لاحقت عليج

ننطرج ولا تعطينا طاف نفس امس لوووووووووووووووووووووووول

 

[ام عوض]

تقرير رائع

 

[كتكوته551]

نكمل الحيوانات في سن وي لاجون

وهذا الجسر يودي للحديقة المائية بس احنا مارحنا لها بس ركبنا الجسر عن الخاطر بس

وردينا الفندق وبالليل رحنا لشارع العرب وتعشينا بمطعم الطربوش اللي بستار هيل حلو..

اليوم الثاني رحنا لجنتنق..

اهني بالطريج..

وهذا المكان اللي تاخذ منه التلفريك لجنتنق..

وهذا التلفريك...وكانت المناظر روعه ..

تابعوووووني​

 

[كتكوته551]

غلا فهد..مشكورة حبيبتي...والله تنزيل الصور وترتيبها يتعب احولت اعيوني...
بس بحاول الليلة اخلص المحطة الأولى على الأقل..

أم عوض ...ردج الأروع..

 

[كتكوته551]

التلفريك بعد..

وصلنا...

وتوجهنا لمدينة الألعاب..

تابعوووووني :ada:​

 

[غلا فهد]

ياقلبي اهم شي راحتج اخذي راحتج ياعمري :ggdw:

وووووووووووووويعطيج العافية علي المجهود:klhfl:

 

[كتكوته551]

نكمل صور جنتنق...

وهني عجبني شكل الغيوم على الفندق..

وهذي صالة الألعاب الداخلية وكانت تونس حيل..

وهذا محل مساج سوينا فيه فوت مساج بس ماعجبني لانه مافيه غرف خاصه وتعبت وانا كل اشوي اغطي ريولي كل ما مر أحد!

وبعدها ردينا الفندق الساعة 6 المغرب ونمنا وماقعدنا الا 10 ! فراح علينا باجي اليوم :0bee2e8d89:
وما طلعنا مكان...

وبجذي اكون انتهيت من المحطة الأولى..
والمحطة القادمة اهي سنغافورة بلد الاسد السمكة

لا تنسون تتابعوني قريب...​

 

[غلا فهد]

متابعينج بشغفموجنة بشغف صعبة اشوي:dddds:


بغيت اسأل الحين صن واي لاقون مابتو فيها يعني تروحون وتردون لا كوالا من غير ماتباتون بفندق

عاد يسوي الروحة والجية ولا تعب:e3:

 

[مطـــيــريهـ فـــوشيـــآ]

الحمدالله على السلاامه
ومتاابعينج @@

 

[بنت عبدالغني شربت]

خوش تقرير يعطيج العافيه ناطرين الباجي