في اليوم الخامس لرحلتنا سوينا الجيك اوت من فندق الريتز وودعناه ...واتجهنا الى مطار
LCCT
واللي اهوا مطار التكلفة المنخفضة وهوا غير عن مطار كوالالمبور الدولي
KLIA
ومثل ماذكرت سابقا ان طيراننا الى سنغافوره ولنكاوي كان على متن خطوط اير اسيا
وانا اعطي هالطيران 9.5 \10 طيران ممتاز مواعيدهم ممتازة وتعاملهم سلس وانا في البداية عبالي ان اختيار المقاعد عشوائي مثل الباص هذا اللي سمعته بس اللي شفته غير أرقام مقاعد ونظام وترتيب..
المهم واحنا رايحين المطار قالنا السايق شوفوا هالفندق..
قال هذا ليلته 9 رينجت ! بس اي شي بالغرفة يحسب عليك مثل المخاد والشراشف الخ الخ...فكرة غريبة مو ؟ :27d66a9c24b146327bf
وقبل لا نوصل لفندقنا حابه اضيف لمعلوماتكم ان افضل منطقتين للفنادق في سنغافوره اهي ال
orchard road
واللي اهوا شارع الأسواق عندهم..
ومنطقة ال
marina bay
وتكون عالبحر..
وتفضل المنطقة الأخيرة لأن جوها أحلى وأهدأ شويه من شارع اورشارد.. واهي المنطقة اللي سكنا فيها..
ووصلنا للفندق..
فندق بان باسيفيك سينغابور
*****
خمس نجوم
وفي نفسه بعد بشارع اورشارد بس اللي بالمارينا احلى..