***رحلتي لماليزيا وسنغافورة (الديار الخضراء) فبراير 2009***

[نووووونا]

ما شاءالله

عايشه الجو معاج ,,بانتظارج كتكوته ...

 

[شيهانه]

خووووووووش سفرة عليييكم بالعافيه

 

[المدينه]

بعطيج العافيه وبغيت اسئل سنغافوره غاليه

 

[كتكوته551]

مشكورين بنات عالردود العسل..

المدينه حبيبتي سنغافوره تعتبر غاليه اذا قارنتيها بدول شرق آسيا.. بس بالنسبه لنا احنا لا عادي مو غاليه حيل..

 

[keeka]

الحمدلله على السلامه ويازييييييييييييييين ماليزيا

 

[كتكوته551]

مررررحباااااااااااااااا

اشلونكم بنات وحشتوني وسامحوني عالغيبه انا طالبة ماجستير ووقتي دايما مزحوم..

:krkrkr:

نكمل..

بس بقولكم ان احنا كنا شارين تذاكر لحديقة الطيور والنايت سفاري وحديقة الحيوان مع بعض بس مارحنا لحديقة الحيوان حسينا ان شبعنا حيوانات !!! وماكو وقت بعد فاذا انتو رحتو سنغافوره ولمده بسيطه لاتغلطون غلطتنا وتشرون التذكرة الشاملة يمكن مايمديكم واصلا كافي نايت سفاري وحديقة طيور الثالثه مالها داعي..

المهم بعدما رجعنا الفندق طلعنا نتمشى وتعشينا وصورت نافورة الأسد السمكة..

ورجعنا ...وبالصبح طلعنا وتريقنا بكافيه...على فكرة المنطقة اللي حوالين الفندق روعة ..

ورحنا مشي للSingapore Flyer لأنها قريبه منا..

مادري قتلكم قبل او لا .. ان السينغابور فلاير تعتبر النسخه السينغافوريه من اللLondon Ey وتم افتتاحها في 2008

وهذي الكابينه ركبناها...اهي تتسع ل25 شخص لكن ممكن تاخذون الكابينه بروحكم بزياده فلوس ..

وهذي المناظر..

هذا فندقنا اللي بالنص..

تابعوووووووووووني​

 

[كتكوته551]

مررررحباااااااااااااااا

اشلونكم بنات وحشتوني وسامحوني عالغيبه انا طالبة ماجستير ووقتي دايما مزحوم..

:tomato2:

نكمل..

بس بقولكم ان احنا كنا شارين تذاكر لحديقة الطيور والنايت سفاري وحديقة الحيوان مع بعض بس مارحنا لحديقة الحيوان حسينا ان شبعنا حيوانات !!! وماكو وقت بعد فاذا انتو رحتو سنغافوره ولمده بسيطه لاتغلطون غلطتنا وتشرون التذكرة الشاملة يمكن مايمديكم واصلا كافي نايت سفاري وحديقة طيور الثالثه مالها داعي..

المهم بعدما رجعنا الفندق طلعنا نتمشى وتعشينا وصورت نافورة الأسد السمكة..

ورجعنا ...وبالصبح طلعنا وتريقنا بكافيه...على فكرة المنطقة اللي حوالين الفندق روعة ..

ورحنا مشي للSingapore Flyer لأنها قريبه منا..

مادري قتلك قبل ان السينغابور فلاير تعتبر النسخه السينغافوريه من اللLondon Ey

وهذي الكابينه ركبناها...اهي تتسع ل25 شخص لكن ممكن تاخذون الكابينه بروحكم بزياده فلوس ..

وهذي المناظر..

هذا فندقنا اللي بالنص..

تابعوووووووووووني​

 

[كتكوته551]

كيكه الله يسلمج حبيبتي

 

[كتكوته551]

سوري بنات تكرر الرد مرتين لانه فصل عندي وسويتله ريفرش وتكرر!

 

[كتكوته551]

نكمل ..

هذا المنظر من تحت..

ولفت نظري هالملعب اللي بنص النهر! اشرايكم فيه مو غريب؟ :ggdw:

على فكره الفلاير لما تشوفينها من بعيد تحسين جنها ماتتحرك بس لما تقربين منها تلاحظين الحركه وتاخذ الدوره الكاملة نص ساعة بس...ولما توصل الكابينه فوق تقدرون تشوفون جزء من ماليزيا وجزء من اندونيسيا.. :ggdw:

المهم بعدما ماخلصنا من الفلاير ردينا الفندق ورحنا بالتاكسي الى المنطقة اللي ناخذ منها التلفريك الى جزيرة سنتوسا..

وهذا التلفريك..

وصلنا..

وتذكرون لما قتلكم ان التمثال الاكبر للأسد السمكه موجود بمكان ثاني..كاهو..بهالجزيره..

وهذا الشاطئ..

تابعووووووني..​

 

[كتكوته551]

نكمل..

وهذي لعبة ال4D cinema
روووووووعه الكراسي تتحرك وهوا يمين ويسار ورذاذ ماي...واااو تهبل وكانت عن القراصنه..

وهذي لعبه ثانيه نسيت شسمها..

وبعدها رحنا لحديقة الفراشات والحشرات..

فراشه اعجبتني..

وكان في طيور بعد..

تابعوووووووووووني..​

 

[كتكوته551]

نكمل الحديقه..

واحب اعرفكم بالسلحفاة ام خشم....:eh_s(6): والله صج حاطين اسمها جذي..!

وهذي اختها ام رقبه طويله :dddds: والله بنات ما اتغشمر اهما حاطين اسمها جذي وسبحان الخالق..

وتغدينا بمطعم اهناك ورجعنا بالتلفريك بعد.. كانت تمطر..

واحنا رادين للفندق بالتاكسي قال السايق ان عروض الليل بسنتوسا حلوه وفي عروض 3D على الشاطئ بعد بس احنا ماحبينا نطول اكثر وحبينا نروح لشارع اورتشارد عشان نودعه..

تابعوووووووووووني​

 

[كتكوته551]

نكمل..

رحنا للاورتشارد رود..

وبعدها تعشينا وردينا الفندق وزهبنا اغراضنا عشان رحلتنا الصبح مبجر حيل..

وبالنسبة لتقييمي لفندق البان باسيفيك سينغابور اعطيه 10\10 طبعا لانه ممتاز من جميع النواحي بصراحه..

وهني لما وصلنا المطار بالصبح..

وغادرنا سينغافوره الجميله..

تمنيت وقتها لو إنا زدنا يوم او يومين لسنغافوره..

:krkrkr:

ووصلنا مطار LCCT بماليزيا عشان نطير منه الى..

لنكاوي... الجزيرة الحالمة ...الجزيرة الخضراء...جزيرة العشاق...

تابعوني باجر ان شاءالله في لنكاوي..​

 

[حلوى كويتيه]

الحمدالله على سلامتج حبيت اذكر معلومه للبنات اللي متابعين التقرير ان مجمع بافيلون اللي بشارع العرب يملكونه كويتيين والله يحفظ الكويت قولوا امين

 

[غلا فهد]

الصور ماطلعت حسافة

 

[عصفورة كويتيات]

الحمد لله على السلامة ويعطيج العافية على هالتقرير الحلو بس حسافة ماقمت تطلع عندي لصور
مششكور ماشاءالله الله يهنيج.

 

[كتكوته551]

حتى انا مو طالعه عندي الصور! حدي انقهرت

وكل صور الموضوع مو طالعه الظاهر من موقع التحميل لان الموقع بنفسه الحين احاول ابطله مو راضي..

عاد كنت بكمل الليله ..بس بنطر لي باجر ان شاءالله تطلع اصور لانها اليوم الصبح كانت طالعه..

 

[Queen-q8]

كتوكته وايد حلو التقرير ومنظم وايد

وانا ما رحت ماليزيا وسنغافورة طبيت مطارها بس وان شاء الله ناوية اجمعهم برحلة وحدة اذا الله قدر مع اني مو زود مع شرق اسيا احي الرطوبة تزهق الواحد من قلب

لا تحاتين حبوبة انا طالعه الصور كلها الا اللي في صفحة 2 او ثلاثة لان الصور كانت وايد وفي كذا صورة منهم ما طلعوا


كملي ترى متابعينج

 

[نووووونا]

وناسه الصور روعه

والجو ما شاءالله شكله مغيم يونس ,,,,,

 

[laura mercier]

ماشاء الله خوووش تقرير ..ولي عجبني الدقه بالشرح ...لان انا وايد دقيقه