***رحلتي لماليزيا وسنغافورة (الديار الخضراء) فبراير 2009***

[غلا فهد]

:ggdw:
:ggdw:
:ggdw:
واخيرا اطلعت الصور صراحة تهبل سنغافورة


س سؤال جم باعتقادج تكفي يوم سنغافورة وجم قعدتي يوم فيها

:ggdw:

 

[كتكوته551]

انا اقول الصور كانت كلها طالعه..

الحمدلله..مشكورين بنات تسلمون على ردودكم الذوق والله..

 

[كتكوته551]

غلا انا كاتبه بالجدول ..

سنغافوره قعدنا فيها 3 أيام وغطينا الأماكن السياحيه فيها بس كان ودي لو زدنا يوم او يومين عشان استكشف السوقه اكثر مع ان احنا مرينا معظم المجمعات بس كانوا عالسريع... وممكن تكون 3 ايام كافيه عليها اذا ماتبين تفحصين السوقه

 

[كتكوته551]

بالليل بحاول اكمل الموضوع ...وان ماقدرت باجر ان شاءالله..

 

[بتبوتااا]

متاااااااااااااااااااااااااااااااابعه ياقلبي وناااسه عجبتني حيل سنغافوووره شلون اسعارهاا"؟

 

[وسايم القصيم]

اسمحيلي حبيبتي والله العظيم اني مندمجه وعايشه جو مع هالصور الروعة وعليكم بالعافيه فعلا ديار تستاهل الواحد يروح لها بس لو تاخرتي فيها شوي بعني لو شهر الواحد ينسى كل شي وراه لما ىيشوف نعمة الخالق على ارضه ياسبحان الله

 

[بنت الامارت 55]

الحمدلله على السلامه ياه ياكتكوته ذكرتيني بسفرتنا كانت نفس جدولكم بس بدل لنكاوي رحنا بيننق وسنغافوره صج بلد راقي بس حده خمس ايام موأكثر لانه واياد صغيره بس مجمعاتهم مالها حل مادري انا حسيت نفسي جني ببلد اوروبي من زود النظافة والنظام وماليزيا بالرغم الرطوبه لكن مادري شلون ماتحسين فيها وعاد تصدقين حنا عكسكم بصن واي لاقون رحنا الالعاب المائيه ومارحنا الصوب الثاني زين اني شفته بتقريرج الحلو يعطيج العافيه عالتقرير والصور الاحلى ومن سفره لين سفره يارب

 

[كتكوته551]

بتبوتا ياقلبي تسعدني متابعتج والله..

وبالمسبه لأسعار سنغافوره مثل ماقلت قبل اشوفها عادي بس تعتبر غاليه اذا قارنتيها بدول شرق اسيا..

 

[كتكوته551]

وسايم القصيم حبيبتي عيونج الأروع وكلج ذوق
بالنسبه لمدة سفرتنا احنا مربوطين بدواماتنا انا وزوجي مانقدر اكثر من جذي وماقدر اكون بعيد عن
بنوتي اكثر من هالمدة عمرها كان 4 شهور ونص وكانت واحشتني موووووت وكنت احيانا ابجي
بالسفره من شوقي لها..

 

[كتكوته551]

حبيبتي بنت الامارات كلج ذوق ياقلبي ومشكوره عالرد الحلو
احنا كنا محتارين بين لنكاوي وبيننق بس قالولنا ان لنكاوي رومانسية اكثر وتصلح للcouples اكثر
بينما بيننق تصلح عوايل اكثر لان فيها انشطه وايد..

 

[كتكوته551]

نكمل ونبدأ الجزء الثالث من التقرير..

احنا في البدايه كنا محتارين بين لنكاوي وبيننق بس عرفنا ان لنكاوي الساحرة تعتبر جزيرة الرومانسية وجزيرة المعاريس :eh_s(22):

(احنا مو معاريس صارلنا اكثر من سنه ونص بس حبينا نعيش الجو شوي :eh_s(3): )

وبيننق للعوايل أكثر..

هذي لنكاوي من أعالي السحاب..

وصلنا للمطار..طبعا احنا ماقدرنا نروح من سنغافوره الى لنكاوي دايركت لأن مطار لنكاوي داخلي ..

تهبل ماليزيا بصراحه حتى مطاراتهم الداخليه تفتح النفس...مطار لنكاوي مرتب ونظيف ويونس..

طلعنا من المطار واتجهنا الى فندقنا المنتجع الأسطوري (ويستن لنكاوي) وهالفندق كان السبب الأول في اختيارنا لهالجزيره وراح تعرفون ليش لما تشوفون الصور..

بالطريج..

تابعووووووووووووني​

 

[كتكوته551]

نكمل..

جو الجزر بصراحه يونس احسه احلى من المدن..

ووصلنا منتجعنا..

The Westin Langkawi resort and spa

*****

خمس نجوم

وحاز على جائزة المنتجع الأكثر رفاهية عام 2008 :ggdw:
The most luxurious resort

هذا الريسيبشن واللوبي ...مفتوحين بالهواء الطلق..

وهني واحنا نسوي الجيك ان وعطونا عصير كوكتيل باااااارد كنت محتاجته حزتها..

تابعووووووووووووووني​

 

[كتكوته551]

نكمل..

وخلصنا الاجراءات..وتوجهنا الى منطقة الفلل..ومثل ماكان مبين بالجدول احنا كنا حاجزين فيلا..

طبعا التنقل من والى اللوبي يكون بالجولف كار وبالطلب..

وبالطريج..

هذا المركز الرياضي مال المنتجع فيه كل المعدات والاجهزه الرياضيه..

وهذي الغرف العاديه للفندق..

وهذي منطقة الفلل..

وفي أنواع للفلل على حسب عدد الغرف واحنا فلتنا كانت غرفة وحدة واهي حق شخصين واذا اكثر تكون للعوايل..
وعلى حسب اطلالتها عالبحر في:
فلل تطل عالبحر..
وفلل مواجهة للبحر ومنها فلتنا...مباشرة عالبحر..البحر على بعد خطوات معدودة من الفيلا..

الفلل اللي عاليمين بالصورة اللي تحت هذي مواجهة للبحر..
Ocean front villa
والفلل اللي عاليسار تطل عالبحر..
ocean view villa
وتفرق بالسعر طبعا..

وهذي فلتنا ..

تابعوووووووووووووووني​

 

[كتكوته551]

وينكم بنات لا حس ولا خبر !!!

ترا اذا ماشجعتوني ترا ماكووووو صوررر

ادري متشوقين تشوفون الفيلا بس مااااكو الا اذا شفت تشجيع ...ليلة جمعة وعطلة واغلبكم سهرانين..

يالله وروني همتكم

 

[bambena]

متابعه ماشالله خوش تقرير توني اشوفه

كملي بليز

ذكرتيني بشهر العسل

 

[الأم الصغيره]

ماشاااااااااااااااااااااء الله روووووووووووووووعه كملي نبي نشوف داخل الفيلا

 

[كتكوته551]

بعد ...بعد...

انا طماعه ابي تشجيع بعد ولا تطولون عشان ما انام

 

[كتكوته551]

بامبينا والام الصغيره نطرو علي..

بشوف تشجيع باجي البنات..

 

[كتكوته551]

والله كنت متحمسه اكمل بس انحبطت ماكو احد..

بامبينا والام الصغيره ياقلبي ودي اكمل باجر لاني بنام الحين تصبحون على خير...

 

[MassComm]

مشالله

الحمدالله عالسلامه

وايد حلو التقرير