(رحلتي مع السدر) تجمع لمؤيدات السدر

[احـبـنـوه،،،]

هلا بنات عروس الحلوات :sa31:
ليش كل شي سووله تجمع الا السدر
او يمكن سووله بس ماركزو على الموضوع
حبيت اسووي هل التجمع عشان اللي تستخدم السدر وتبي تستفيد اكثر
وحق البنات اللي مايعرفون يستخدمونه او اللي عندها سؤال عن طرق استخدام السدر
بس بشرط لابد الالتزام بقوانين التجمع وإلا:UP202:

احححححححححححم:BOUNCE8:
القوانين:

1- تقولين قبل استعمال السدر (او خلطه فيها سدر) اشلون كانت كشتج ..اقصد شعرج
2- متى بديتي استخدامه
3- شنو الخلطه أوالخلطات (لازم يكون مكونها الاساسي سدر) اللي تستخدمينها
4- شنو الشامبو والبلسم والزيت والكريم و.....الخ اللي تستعملينهم غير الخلطه
5- اشلون صار شعرج الحين ..

يللا
انا بكون اول وحده

1-كان شكل كشتي كثييييييييييييف وجاف مره ومموج ومايطول بسرعه وقصيته تحت الكتف(كنت زعلانه) وندمت وشعري زعل كمان وتساقط ومابقى شي براسي وكان خفيف مره

2-بديت استخدم السدر قبل 5 شهور

3- الخلطه عباره عن:
3 ملاعق سدر
1 ملعقه كبيره خل
2 ملعقه كبيره خميره بيره
كاس زبادي
2 بيضه (احيانا اخذ بس الصفار)
اخلطهم واحطهم على فروه الراس بس من الساعه 7 الصبح.....ادري نشيطه
لييين 3 العصر

4-اغسل شعري بصانصلك بالسيروم
واحيانا احط وراه فاشكول بزيت الزيتون واايد يرطب الشعر

5- :con1:الحمد لله شعري خلاص رضى علي وماعاد زعلان
بدا يطول ووصل لين بدايه ظهري وطبعا التساقط وقف نهائيا ماعداالمعدل اليومي العادي للتساقط خفيف مره
والنتائج اكثر من مرضيه والحمد لله
oster_kewlpics:
يللا الحين دوركم يابنات عروس :1_42:
تقولون تجاربكم ومغامراتكم مع السدر
انتظركم وخلونا نتفاعل مع الموضوع عشان يثبتونه لنا
واتمنى اي وحده تستفيد منه تقيمني اوكيك حبيباتي
:21_30:

يللا
بسم الله بدينا

امانة الموضوع عجبني من منتدى وكاتبته برونزاج وما حبيت ابخل بهالتجمع صراحه السدر عجييييييييييييييييييييييب

هذي تجربتها اما انا فتوني باديه من شهر ....

 

[زهراء الركابي]

رد : (رحلتي مع السدر) تجمع لمؤيدات السدر

سمعت ان السد وايد مفيد للشعر بس للاسسسسسسسسسف ماعندي حد يروح للحواي اييب لي ة_ة

 

[احـبـنـوه،،،]

رد : (رحلتي مع السدر) تجمع لمؤيدات السدر

اما طريقة استخدامي للسدر كالتالي ...

ملعقة سدر وكوبين ماء البصل والثوم (تجيبين بصله متوسطه وتقصينها بالنص وفص ثوم هم تقصينه بالنص وتخلينه يطبخ بالماي لين يتغير لون الماي)

ملعقة زيت خروع

ملعقة زيت زيتون

 

[احـبـنـوه،،،]

رد : (رحلتي مع السدر) تجمع لمؤيدات السدر

اما عن فوائد السدر وهي كالتالي :

شجر النبق) : يقول الله تعالى في سورة الواقعة :}وَأَصْحَابُ الْيَمِينِ مَآ أَصْحَابُ الْيَمِينِ*فِي سِدْرٍ مّخْضُودٍ { ، وفي سورة النجم } عِندَ سِدْرَةِ الْمُنتَهَىَ* عِندَهَا جَنّةُ الْمَأْوَىَ * إِذْ يَغْشَىَ السّدْرَةَ مَا يَغْشَىَ{ . وقد ذكره ابن كثير عند تفسيره لآية " 103" من سورة البقرة فقال : وحكى القرطبي عن وهب: أنه قال يؤخذ سبع ورقات من سدر فتدق بين حجرين ( يمكن أن تستخدم أي آلة لتقطيع ورق السدر كخلاط الطماط والعصير وغيرها) ثم تضرب بالماء ويقرأ عليها آية الكرسي ويشرب منها المسحور ثلاث حسوات ثم يغتسل بباقيه فإنه يذهب ما به وهو جيد للرجل الذي يؤخذ عن امرأته ، " قلت" أنفع ما يستعمل لإذهاب السحر ما أنزل الله على رسوله في إذهاب ذلك وهما المعوذتان وفي الحديث " لم يتعوذ المتعوذ بمثلهما " وكذلك قراءة الكرسي فإنها مطردة للشيطان أ.هـ. ، وقد ثبت بالتجربة أن لورق السدر خاصية عجيبة مؤثرة على الجن والسحر وفك المربوط خاصة .


* لاتستخدم السدر المطحون الذي يباع عند العطارين في الأكل والشرب لأنه في الغالب يكون غير نظيف بسبب اختلاطه بالأتربه والشوائب حال تجميعه وتجفيفه .
السدر


السدر لها فوائد كثيرة
وهوالسدر ziziphus شجرة متباينة في الطول فقد يصل ارتفاعها الى خمسة امتار فاكثر. اوراقها بسيطة لها عروق واضحة وبازرة، الازهار بيضاء مصفرة. الثمار غضة خضراء تصفر عند النضج ثم تحمر عندما تجف.
وقد ورد ذكر شجرة السدر في القرآن الكريم فهي من اشجار الجنة يتفيأ تحتها اهل اليمين حيث قال تعالى: {وأصحاب اليمين ما أصحاب اليمين في سدر مخضود وطلح منضود وظل ممدود}.
، قال تعالى: {عند سدرة المنتهى، عندها جنة المأوى، إذ يغشى السدرة ما يغشى}.





ومن فوائدها:
اذا غلي وشرب قتل الديدان وفتح السدود وازال الرياح الغليظة، ونشارة خشبه تزيل الطحال والاستسقاء وقروح الاحشاء والبرى منه اعظم فعلا،



وسحيق ورقه يلحم الجروح ذرورا ويقلع الاوساخ وينقي البشرة وينعمها ويشد الشعر..


وعصير ثمره الناضج مع السكر يزيل اللهيب والعطش شربا. ونوى السدر اذا دهس ووضع على الكسر جبره واذا طبخ حتى يغلط ولطخ على من به رخاوة والطفل الذي ابطأ نهوضة اشتد سريعا.


.. وثمره النبق.
والنبق نافع للمعدة، عاقل للطبيعة، ولا سيما اذا كان يابسا واكله قبل الطعام، لانه يشهي الاكل.


واذا صادق النبق رطوبة في المعدة والامعاء عصرها فاطلقت البطن، والنبق الحلو يسهل المرة الصفراء المجتمعة في المعدة
اجود السدر اخضره، العريض الورق، دخانه شديد القبض، وصمغه يذهب الحرار ويحمر الشعر..


الورق ينقي الامعاء والبشرة ويقويها، ويعقل الطبع ومجفف للشعر ويمنع من انتشاره وينضج الاورام ان الثمرة بالكامل تؤكل بما في ذلك النواة


وان بعض الناس يسحقون كمية من هذه الثمار ليحصلوا على نوع من الجريش، يؤكل اما نيئا واما بعد طبخه في الماء والحليب او مخيض الحليب. والثمار تؤكل ليس كغذاء فقط، ولكن لخصائصها الطبية
اذ انها تنظف المعدة وتنقي الدم، وتعيد الحيوية والنشاط الى الجسم، كما ان تناول كمية كبيرة من الثمار يدر الطمث عن النساء وقد يؤدي الى الاجهاض. كما تستخدم الاوراق المهروسة او المطحونة كمادة لتنظيم الجسم او الشعر
ويقال ان الشعر المغسول بهذه الاوراق يصبح ناعما ولامعا جدا. كما يستخدم مهروس الاوراق في عمل لبخات لعلاج المفاصل المتورقة والمؤلمة".ا السدير "ان الخلاصات المحضرة من قشوره وجذوره وساقه تستعمل علاجا في الحمى، واضطرابات المعدة، والتهابات الحلق والقصبة الهوائية
كما تستعمل الاوراق لعلاج اضطرابات الجلد والجروح".
يستعمل نبات السدر في علاج الكثير من الامراض منها استعمال القلف والثمار الطازجة في علاج الجروح والامراض الجلدية.
كما تستخدم الثمار في علاج الدسنتاريا وتستخدم الاوراق للتخلص من الديدان الحلقية.كانت اوراق السدر تستخدم على نطاق واسع لغسل الشعر وما زال بعض السيدات يفضلن غسل شعورهن بالسدر فهو يقضي على القشرة ايضا وملمع للشعر

 

[احـبـنـوه،،،]

رد : (رحلتي مع السدر) تجمع لمؤيدات السدر

يلا يا بنات نبي تفاعل ونبي شعورنا طويييييييييييييييله وكثيفه من السدر

وممكن ينحط مع الحناء

 

[احـبـنـوه،،،]

رد : (رحلتي مع السدر) تجمع لمؤيدات السدر

واي استفسار انا حاضره

 

[احـبـنـوه،،،]

رد : (رحلتي مع السدر) تجمع لمؤيدات السدر

سمعت ان السد وايد مفيد للشعر بس للاسسسسسسسسسف ماعندي حد يروح للحواي اييب لي ة_ة

احسن سدر سدر ام نورة اللي بالفحيحيل ... احسه انظف شي وما اثق بالعطاااارين لان ممكن يحطون معاه سميت
اي نعم صدمممممه

 

[ربوع الحلوة]

هلا حبيبتي انا صارلي هم شهر استخدم السدر كل جمعة وبالنسبة حق خلطتي انا ماخذه من وحده خلطة سدر مع اعشاب لان صراحة مالي خلق لويه ماعرف اخلط اعشاب وكل الي اسويه آخذ قفشتين من البودرة واخلطهم مع مغلي الثوم واخمرها ساعتين تقريبا وبعدها احطه بشعري اربع ساعات والنتيجة ليلحين حلوة صارلي حاطتها اربع مرات .

 

[اللاندكروز]

بنات اشلون لو أبي احطة مع الحنة ؟؟؟؟؟؟؟؟؟؟؟؟؟؟؟؟؟؟؟؟؟

 

[كويتيه وافتخر]

رد : (رحلتي مع السدر) تجمع لمؤيدات السدر

السدر حلو

بس صار لي ست اشهر موقفه عنه لانه ناويه اسوي كيراتين

 

[G!RLooNa]

انشالله انا ناويه استخدمه لاني شعري حييييييل خفيف

 

[ليتني مـآ كبرت]

آنا أحط مقدار 4 أو 5 قفاش سدر مع زيت دابر و أدهن شعري فيه ..

لان أهو أساسا ينشف فـ قلت أخلط معاه دهن زلقة بـ طيحه

 

[miss angel]

رد : (رحلتي مع السدر) تجمع لمؤيدات السدر

عجيييب السدر وانا استعمله مره بالاسبوع اخلطه مع اي زيت

بس في مشكله بنات بس اغسله يأذيني وااايد ساعة على ما ينغسل شعري منه وهم يكون في داخل مع اني اكون غاسلته عدددددل يعني يكون متكتل ماادري ليش شالحل ؟؟

 

[الفدنه]

انا من اسبوع بديت استعمله بدال الشامبو
ابي يخفف التساقط
والله كريم

 

[احـبـنـوه،،،]

رد : رد: (رحلتي مع السدر) تجمع لمؤيدات السدر

هلا حبيبتي انا صارلي هم شهر استخدم السدر كل جمعة وبالنسبة حق خلطتي انا ماخذه من وحده خلطة سدر مع اعشاب لان صراحة مالي خلق لويه ماعرف اخلط اعشاب وكل الي اسويه آخذ قفشتين من البودرة واخلطهم مع مغلي الثوم واخمرها ساعتين تقريبا وبعدها احطه بشعري اربع ساعات والنتيجة ليلحين حلوة صارلي حاطتها اربع مرات .

موووووووفقه وان شاااااااااااء الله توصلين للنتيجه اللي تبينها يااااااااااااااااااااااااااااااااااااااارب

 

[احـبـنـوه،،،]

رد : رد: (رحلتي مع السدر) تجمع لمؤيدات السدر

بنات اشلون لو أبي احطة مع الحنة ؟؟؟؟؟؟؟؟؟؟؟؟؟؟؟؟؟؟؟؟؟

مثلا انا تكفيني 5 قفاش حناء مع نص دولكه ماي واذا بحط سدر اخليهم 4 قفاش حنه وقفشتين سدر وماراح تندمين ان شااااء الله ويارب توصلين للنتيجه اللي تبينها واحسن

 

[احـبـنـوه،،،]

رد : رد: (رحلتي مع السدر) تجمع لمؤيدات السدر

انشالله انا ناويه استخدمه لاني شعري حييييييل خفيف

انا اشجعج وبكل حماااااااااااااااااس السدر لو حطيتيه على كفوف ايدج لنبت الشعر فيها

 

[احـبـنـوه،،،]

رد : رد: (رحلتي مع السدر) تجمع لمؤيدات السدر

آنا أحط مقدار 4 أو 5 قفاش سدر مع زيت دابر و أدهن شعري فيه ..

لان أهو أساسا ينشف فـ قلت أخلط معاه دهن زلقة بـ طيحه

حلو جربي خلطتي وما راح تندمين لان معاها زيت الخروع والزيت الزيتون ترى مو انا مخترعتها هذي ماخذتها من احد المنتديات

 

[احـبـنـوه،،،]

رد : (رحلتي مع السدر) تجمع لمؤيدات السدر

عجيييب السدر وانا استعمله مره بالاسبوع اخلطه مع اي زيت

بس في مشكله بنات بس اغسله يأذيني وااايد ساعة على ما ينغسل شعري منه وهم يكون في داخل مع اني اكون غاسلته عدددددل يعني يكون متكتل ماادري ليش شالحل ؟؟

لا حلاته تخلطينه مع ماي وزيت وان شاء الله ماراح تلقينه يتكتل وخلطيه بالخلاط الكهربا او المضرب اليدوي عادي بالعكس او انتي لما تخلطينه خلطيه بايدج وفتتي الكتل وان شاء الله اكون فهمتج

 

[احـبـنـوه،،،]

رد : رد: (رحلتي مع السدر) تجمع لمؤيدات السدر

انا من اسبوع بديت استعمله بدال الشامبو
ابي يخفف التساقط
والله كريم

موفقه خيتووووو بس انا احس انه جذي راح ينشف الشعر ... في شامبو اسمه شامبو السدر تلقينه عند العطارين والاسواق الشعبيه بس اذا كان شعرج مو دهني شنو ينشششششششفه واااااي كلش ما حبيته