رحله الى تركيا

[^ فش خلئك^]

حبيباتي بسافر تركيا عطوني معلومات عنها ووين احصل اسواق حلوه فيها فيدوني

 

[الاطلالة]

انا رحت اسطنبول عندج سوق بازار ومجمع جواهر وشارع تقسيم وايد محلات حلوة فية هاذا الى اعرفة ورحت لة وسلامتج وانشالة البنات يفيدونج اكثر

 

[Bent Abooooy Q8]

انا رايي اوروبا احسن وارخص وابرد
ما عندهم الا الفوط والشراشف

 

[دلوشه]

اي والله بنات حتى انا ابي معلومات لاني بروح تركيا اول 8

 

[الكبر لله]

شكرًا

 

[أبلة كويتية]

في إسطنبول العيشة شوي غالية
المطاعم منتشرة بكل مكان سواء المطاعم التركية
او مطاعم الوجبات السريعة
أحسن الاماكن بإسطنبول
منطقة المتاحف إسمها السلطان أحمد وهي
منطقة فيها المساجد القديمة وحلوة

وأنصحكم بسوق تقسيم حلو وااايد
السوق عبارة عن شارع طويل فيه كل ما تتمنينه
وفي بآخر الشارع على إيدج اليسار سرداب
السرداب هذا فيه كله إستوكات للماركات لا يطوووفكم
في ناس يسكنون بتقسيم بس آنا ما أنصحكم
تكثر فيها الحرامية مو امينة للعوايل

بعد لا تنسون تروحون جزيرة الأميرات رووووعة
إسمها بيوك أظا
بس ديروا بالكم لاتروحون لها سبت وأحد لأنه عطلتهم
يصير زحمة وروحو له بالعبارة البطيئة أرخص
بس العبارة السريعة أريح وأغلى بوايد

عندكم بعد جبل العرايس أو يسمونه جبل التلفزيون
وفيه كل عروس تتزوج عندهم لازم تيي للجبل
ببدلة العرس
عاد تخيلوا المنظر
لا يطوفكم سوق بكر كوي
وعثمان بيك

عندكم بعد المجمعات الغالية شوي
مجمع كانيون
مجمع جواهر
مجمع كابتال
نسيت في مجمعات وااايد
ممكن تشوفونها بمواقع السياحة في النت
وعندهم مدينة ألعاب إسمه تعطيليا غالية وما تسوى تتعنون لها

7
7
بالنسبة لبورصة
عندكم جبل اولداغ وااايد حلو
فيه تلفريك وشوي وبارد ديرو بالكم أخذوا شال معاكم
وفيه عندهم سوق كابلي جارجا حلو
وفيه مجمع على إهرامات بس نسيت إسمه
وعندهم الشلالات تاخذين سيارة من المكاتب ويودونج
ومدينة العاب لونا بارك
7

7
وفي منطقة تبعد عن بورصة تقريبا ساعة ونصف
إسمها تيرمال
فيها حمامات بخار عجيبة
وهذي المدينة كأنج قاعدة بالخليج
يأجرون الخليجيين فيها شقق ويقعدون
شهر وشهرين في مدينة لازقة فيها إسمها يوك جدرا وإذا ما عرفوها قولو لهم تيرمال
وفيها الأتراك يتكلمون عربي
والشقق فيه رخيصة
لا تطوفكم لازم ترحون لها

7
7

اتمنى أفدتكم
ولا تنسون بالدعاء
دعوة المسافر مستجابة
الله يخليكم أدعوا
بالشفاء العاجل لأبوي​

 

[شواره فسكيه]

انا مسافره يوم الاحد الياي 27-7 مشكورين ماقصرتوو علي هالمعلومات وانا انشالله لما ارد في بدايه شهر 8 اقولكم شنووو شفت والي عجبني واااااي حدي متحمسه وخايفه مادري ليش :>

 

[costa chic]

شواره فسكيه انتي بتروحين بروحج و لا مع قروب

 

[شواره فسكيه]

مع قروب حبيبتي ليش ؟

 

[شواره فسكيه]

بنات بقيت اسأل مناااك في سيفوراا بتركياااااااااااااااااااااااااااااااااااااااااااااااااا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[سجى]

يا بختها اللى بتروح تركيا خصوصا بورصه

الله شوقتينى لها الله يسهل امرج يارب

 

[dan]

وااايد يمدحون بورصه و المناظر الي فيه

عندهم 3 مدن مائية مثل الاكوابارك و في اقسام بس للحريم وايد يمدحونهم

العيشه هناك مثل الكويت بس اكلهم شوي غالي