رحله الى سلطنه عمان .. تكفون دخلو ساعدوني !

[Little_Queen]

السلام عليكم بنات

انا انشالله اذا ربي كتب و أراد

اخر الشهر هذا رح أسافر عـــمان ..

لحد الحين مادري وين بالظبط يعني مسقط ولا مدينه ثانيه ..


بس اغلب ظني بنروح مسقط

ابي اعرف منكم شلون الاجواء في عمان ؟ برد ولا دفا ولا مطر ولا شنو ؟
عشان اعرف اللبس اللي آخذه و اذا اخذ معاي شمسيه مثلا ..

ثاني شي بغيت أسأله .. شنو طريقة اللبس هناك ؟ انا متحجبه و الحمدلله بس البس بدل عادي و جينزات .. يعني نفس طريقتنا بالكويت قمصان طويله و جينزات و ملافع سترتش أو شوارفسكي

فهل هاللبس مقبول في عمان و لا لأ ؟
هل يفضل إني ألبس عباية ؟ لأن اشوف الخوات البنات العمانيات في الجامعه كله يلبسون عبايات ما يلبسون بدل كلش .. فهل مستنكر لبس البدله ؟

و بغيت اعرف منكم شنو الاسواق الحلوة هناك الشعبيه ؟ يعني حق سوالف الاكسسوارات الشعبيه و الملابس الشعبيه و الخنجر و المشغولات اليدوية العمانيه و شنو تنصحوني اخذ من عمان ؟


يعني أبي فكره عامه عنها .. السكن و المواصلات بتكون على حساب الجهة اللي انا بسافر معاها باذن الله ، و اتوقع بيسوون برنامج ترفيهي يعني لكن احيانا في الوفود يسوون يوم مفتوح حق كل واحد وين يبي يروح يودونه ..

او مادري بس قولولي أماكن حلوة تنصحوني أروح اشوفها مو مولات حديثه و محلات عاديه

ابي شغلات تراثيه ، متاحف ، معالم حلوة ، شغلات غريبه موجوده لازم اشوفها

 

[kareeb]

رد : رحله الى سلطنه عمان .. تكفون دخلو ساعدوني !

هااااااااااااااااااااااي
اول شي الجو حلو لا هو بارد او حار وثانيا بالنسبه للملابس عادي حبيبتي المهم يكون محتشم
وبالنسبه للسوق انصحج بسوق اسمه سوق مطرح بتحصلين الاشياء التراثيه كلها هناك وانصحج تاخذين المبخر مالهم يعني صناعه عمانيه واهم شي الحلوى العمانيه واللي اسمها الحلوى السلطانيه ........وبالنسبه للاماكن عندج متحف العماني بالقرم وعندج متحف البرنده في مطرح وانصحج تاخذين فره في فندق بر الجصه روووووووووووووووعه وبعد روحي شوفي قصر السلطان اللي اسمه قصر العلم مكانه روعه
وراح تستغربين بصراحه من طيبه الشعب ونظافه البلد قمه بالجمال.....واذا احتجتي اي شي انا بالخدمه

 

[Little_Queen]

حلوووووووووووووووووووووو

يعني آخذ لبسي العادي بس مع جاكيتات أو شالات ..

و اكيييييييييييد الحلوى العمانيه أول شي ناوية عليه و بخاطري آكلها طازجه اول ما يسوونها يقولون تهبل

و خوش سجلت سوق مطرح عندي عساس أروحه و بعد اسامي المتاحف .. عاد انشالله يكون في وقت ليلحين مادري السفره جم يوم بس صرووووووووووووووري سوق مطرح شكله يهبل

و مو غريب عالشعب العماني الطيبه بصراحه كل من يقول العمانيين ذهب و اخلاقهم عاليه وايد و طيبين واااااااااايد

و انا من زمااااااان بخاطري اروح عمان و بالذات صلاله بس الله ما كتب

حبيبتي والله يا كاريب ما قصرتي و اذا تذكرت تساؤل بعد بسألج ^_^ بأذيج و بزعجج بس ما عليه استحمليني يا قلبي

و تسلميييييييين ما تقصرين يا عمري :* :*

اقول .. شنو الاشياء المميزة للنساء هناك ممكن أييبهم صوايغ حق رفيجاتي و امي ؟
يعني هل عمان مشهورة بأقمشه معينه مطرزة ؟
او الاكسسوارات ؟
انا شفت مره في فيلم وثائقي عن عمان محل اكسسوارات فضة .. فهل عمان مشهوره فيهم ؟
و اخر استفسار

احصل بسوق مطرح اللي قلتي عنه الزي العماني للنساء ؟ اذا باخذلي ثوب عماني شعبي أحصل ؟ ... احصل مقاسي عاد -_- ... ؟

 

[kareeb]

رد : رحله الى سلطنه عمان .. تكفون دخلو ساعدوني !

بسوق مطرح راح تحصلين محل يبيع فضه ............وبالنسبه حق الصوغات امممممممممممم عندج البخور العماني وعندج اللبان العماني يستخدم كبخور وعندج بعد مثل الشيله بس تكون عريضه وتجي منها الوان ويسمونها (الليسو)هذي حلوه وتجي بروحها او تاخذين طقم يعني لبسه مثل الدراعه حق البيت وتكون معها الشيله ......وراح تحصلين الثوب العماني وبمقاسج بعد حبيبتي

 

[Little_Queen]

مو انتي ما تدرين عن مقاسي يا كاريب ..
احم !

..... انا بطه !

بس بطه ... مقاس xxl



الله يجزاج الخير و يعطيج كل الي تتمنينه يارب

انزين احنا اليوم خبرونا ان الرحله 5 ايام

يوم الوصول ، يوم للشغل الي رايحينله ، يوم هم للشغل اللي رايحينله ، يوم مفتوح نسوي فيه اللي نبيه ، و يوم العوده الى الكويت


اليوم المفتوح ابيج تساعديني بتخطيطه >>>>>>>>>> داشه على طمع هههههههههه

احنا الوفد بنكون 3 بنات ، و 3 شباب ، و معانا واحد من الاداره ..

كلنا فوق ال20 ..

انا شنو فكرت ، فكرت ان يومها نصحى من الصبح نروح سوق مطرح على الساعه 10 او 11 .. حلو ؟ ولا ما يكون فاتح ولا يفضل اروحله بالليل ؟

قلت نتمشى بسوق مطرح و نتشرى أغراضنا و عفايسنا ، و نتغدى إما بالسوق ( اذا نصحتينا نتغدى فيه او فيه مطاعم مميزة عمانيه ... )

و نرجع الفندق الظهر نحط اغراضنا اللي شريناهم و نريح شوية و نكمل العصر طلعتنا ، فكرت نروح متحف ، و مكان فيه طبيعه ممكن نتصور فيها ، اشجار او جبال او هالسوالف ؟ موجوده بمسقط ولا هالاشياء بس بصلاله ؟ و نبي مكان حلو نروحله يناسبنا ، لي بالليل ..

مادري شنو رايج أختي كاريب ؟

ادري غثيتج و أزعجتج وااااااااااااااااااااااااااااايد بس ميخالف تحمليني انتي الحين السفيره العمانيه في المنتدى و لازم تستحملين السياح الكويتيين في عمان

 

[kuwait_queen82]

اهل عمان ناس بسيطيه و شنو مالبستي ماراح يخززون فيج نفس ربعنا