رحنا مقابلة السفارة الامريكيه....وشوفوا شنو صار معانا

[درر ستايل]

السلام عليكم

اشلونكم بنات

ابي اقول لكم قصتنا مع السفارة الامريكيه

وهل انتو يسوون جذي معاكم ولا بس احنا صار معانا جذي


اول شي

كانت مقابلتنا الخميس 7\1 الساعه 8:15 صباحا

قمنا الصبح مبجر وبسرعه بسرعه لبسنا وطلعنا :RoadRunner:

ورحنا... وصلنا السفارة الساعه 7:45

خلونا نصفط سيارتنا بره وبدون تلفونات ولا بيجر ولا كاميرات

نزلنا وصعدنا سيارة السفاره وودتنه ليمه داخل عند البوابه

خذوا الابليكيشن والصور وبطايقنا المدنيه

وكان زحمه عند البوابه :ioljnmlk:

واخذنا رقم

لما يا دور رقمنا

دخل زوجي بروحه وفصوخوه جوتيه وانت بكرامه

ولما دخلت انا اطلبو افصخ جاكيتي

بس ما كنت لابسه شي تحته :s141:

جان ينادون واحد وقالوله ما تقدر تفصخ

قال خلاص دخلي تحت الجهاز

وصفر الجهاز جان يفصخوني جوتيي عزكم الله

ولما فتشوا بجنطتي

لقت بطل ماي صحه جان تقولي شربي منه :eshrab:

عاد انا من الخرعه شربت البطل كله ليمه قالتلي enough :krkrkr:

ولقت بعد قطرة عين اسالتني شنو هذي ؟؟؟ قتلها قطره قالتلي حطي منها على ايدج .....وحطيت

المهم ...عديت ودخلت

رحت داخل بالصاله عند زوجي

ولا زحمه

نطرنا ليمه الساعه 10:30 ويالله يا دورنا

ومتنا من اليوع والنطرة
نبي شي نشرب :nbptr:

المهم المقابله كانت اسئلتها عاديه وخفيفه
ورحنا بصمنا
ورحنا عند كاونتر ثاني

خذا جوازاتنا

بس الصدمه :eh_s(12):

قال حق ريلي خل جوازك معاك

ونتصل فيك بعد اسبوعين

تييبه حق الفيزا

ورحنا حق DHL

سالتها ليش جواز ريلي عليه شي :eh_s(2):

قالت لا عادي علشان اسمه احمد

بس يجيكون عليه وبعد اسبوعين يتصلون فيكم


المهم الاحد يابوا جوازي انا وعيالي وفيه الفيزا

الحمد لله :eh_s(9)::eh_s(9):

بس باقي جواز ريلي :yaaaaaarb:
الحين طاف اسبوع

وخايفين ما يوافقون له :eh_s(11)::eh_s(11):


ابي اسالكم يصير جذي مع ريايلكم :080402ask_prv:

ولا بس احنا ؟؟؟؟؟ :gr4uu: ​

وسامحوني طولت عليكم

 

[puppet]

وحدة من الأهل دكتورة جامعة تقولنا سوالف أكثر من جذي يسوون هناك عندهم بالمطار

لما يفتشون الناس خصوصا الهنود تقول حتى سب يسبونهم !!

وبالكويت اللي يروح عندهم بمعسكراتهم بعريفجان واحد قاللي ان راح فصخوه حتى دلاقاته

وطول الوقت كانوا مركبين كاميرات وين ما يروح يصورونه

 

[chanell]

الله يعينكم على هذي اللويه وانشاالله يعطون زوجك الفيزا وتسافرون

 

[law love]

اييي عادي الريايل يطولون بفيزتهم شوي
بس ان شاء الله تطلعله باقرب وقت

 

[kaify q8ya]

اي عادي وعادي جدا بعد لاتحاتين هذي طريقتهم
احنا يعطونا الفيزا نفس اليوم وابوي عقب اسبوعين ثلاث
ودايما لما نوصل يدخل ابوي التحقيق ينشفون ريجه بالاسئله ويطول لدرجه مره طارت الطياره عنا وقعدنا ليله وثاني يوم اخذنا طيران داخلي رحنا ولايتنا (شارينها) بس والله تعودنا اهم مع الكل جذي بس نصيحه خلج هاديه ولايبين عليج انج تمللتي ولاتاخذين معاج سوائل عطورات او كريمات اوحتى ماي اوعصير لان جدام عينج يقطونهم بالزباله (عزج الله)
والله يسهل اموركم

 

[Um Saud]

حبيبتي انا اخوي ماعطوه الفيزا اول مره لان اسمه عبدالله تخيلي اهلي سافرو وردو و هو ماطلعت الفيزا بس قدم مره ثانيه و عطوه الحمدلله
مابي اخرعج بس هم يطولون مع الرياييل

 

[رايقة1980]

عاادي حتى احنا نفس الشي سوولنا

بس سوولنا تحقيق .. لاننا كنا بفترة رايحين سوريا ..

وجننونا على سوريا ليش ماليش



..

 

[*صَبا*]

اختي احنا بقطر يسوون لنا العن من جي

تخيلي حق الفيزا يصورونا واحنا مطلعين اذونا من الحجاب

وفي وحده معروفه بالسفاره ماتعطي فيز لاي قطري اسمه محمد
ولد خالي راح ولا 5 مرات لانه هو طالب ويبي يرد ماوافقت عليه
المره الاخيره صدف ان يقابله واحد ثاني وعلى طول وافق عليه

 

[Dorur]

رفيجتي السنة اللي طافت طلعوا الفيز حقهم كلهم الا ابوها ما طلعت وكنسلو السفرة
والله يكتب لكم اللي فيه الخير

 

[درر ستايل]

الله يعينا

وان شاء الله يوافقون حق زوجي

ادعولنا

واشكركم عالردود

 

[reham123]

كل ما اقول حق ريلي خل نروح امريكا يقولي الفيزا لوووووية ...سوونا ارهابيين وديرتهم ديرة اجرام

 

[Love \ Hate]

حسبي الله عليييهم !!

يمرمرونه اذا بغينه نروح واهما يدشون على راحتهم !!

حريتيني بموضوعج على سالفة القطره ؟؟ يوم اسالت عنها جان قلتيلها شربيها يعلج الضربه عشان تتاكدين !!!

 

[3aboora]

واي امبيه صج يسوون جذي ؟
طلعوا العن من السفاره البريطانيه .. !!!!

 

[ملكة الياقوت74]

الله يعينكم وانشالله يعطونكم الجواز

 

[*فاصوليا*]

كل هذا من صجكم!!
نزين انا مفكرة هالاسبوع اروح سوريا وبعدها امريكا ان شاءالله هم بيسون جذي؟
وهم بسالكم الفيزا شكثر تطول بليز؟ وفي فرق اذا كانت للسياحة او للعلاج؟

 

[درر ستايل]

حسبي الله عليييهم !!

يمرمرونه اذا بغينه نروح واهما يدشون على راحتهم !!

حريتيني بموضوعج على سالفة القطره ؟؟ يوم اسالت عنها جان قلتيلها شربيها يعلج الضربه عشان تتاكدين !!!

:dddds::dddds::dddds:

شنسوي مضطرين نسكت ويعه تشيلهم

علشان بنروح نستانس

عسى بس ما يبهذلونا بديرتهم

 

[درر ستايل]

كل هذا من صجكم!!
نزين انا مفكرة هالاسبوع اروح سوريا وبعدها امريكا ان شاءالله هم بيسون جذي؟
وهم بسالكم الفيزا شكثر تطول بليز؟ وفي فرق اذا كانت للسياحة او للعلاج؟

انصحج تسوينها قبل سوريا

لانهم وايد يشددون مع اللي راد من سوريا وايران وليبيا وكوبا

احنا ترى ما طولت كلش الخميس مقابلتنا ... والاحد استلمنا جوازي انا وعيالي
بس باقي زوجي لليلحين

وما ادري اذا في فرق بين السياحيه والعلاج

الله يعينا

 

[hi555]

والله يا بنات لا تلومونهم العلة فينا احنا مو فيهم
حسبي الله على بن لادن وهالارهابيين ومن تبعهم وعانهم
والا قبل طول عمرنا نروح نرد عادي
بس الحين بلينا روحنا وبلينا العالم كله معانا
يعني الناس كلها تاذت بعد مامنعوا السوائل لا شامبوات لا كريمات ولا شي لان الارهابيين كانوا يهربون المواد شديدة الانفجار فيها فلا تشوفون منظر الناس واهيا تقطط اغراضها بالمطارات

حسبي الله على من كان السبب واله يلوم الي يلوم امريكا هذا حقهم وحقنا احنا بعد كسياح ودارسين ومرضى نعالج يعني شتسوى عليج لو انتي وعيالج انفجرت فيكم طيارة وترى اخرتها من اسبوعين يوم مسكوا الولد النيجيري الي كان بيفجر طيارة متروسة قبل الكرسمس شذنب هالعالم بخبال هالمتطرفين

 

[حضاره]

والله ماادري اشحادكم00اش هالديره اللي انذل واتبهدل عشان بروح استانس فيها00

من شو بتشكي اوربا؟؟؟؟؟

وبعدين اللي تقول طلعوا العن من السفاره البريطانيه00والله ماسووا فينا هذا كله ولاحتى نصه00

الله يسهل اموركم ويسخرهم لكم00ان شاءالله

 

[opera]

انشالله يوافقون على ريلج :\

قبل جم شهر عمي كان يبي يرووح وما وافقووله عالفيزا !!


هذا وعمي صارله 10 سنين هناك


:\