رسالة لكل بنت حرمها أبوها من المنحه

[طبعي مميز]

رد : رسالة لكل بنت حرمها أبوها من المنحه

صـآإجـة والله

علييييه بألف عـآإفيييـة

هو ما قصصّر من يوم جيت على هالدنياإ و هو يصرف علي

و الألف قليله بحققــه

و إن طلبت منه شي ماراح يقصصـر فديييته



كلامج ذهب يـا أم عبادي

و عسى الله يخليلج عبادي يارب

و تشوفينه معرس​

 

[Remember-Me]

رد : رد: رسالة لكل بنت حرمها أبوها من المنحه

مشكوووووره حبيبتي عالموضوع الرائع0000
بس عندي سؤال ---الالف لكل عائله ولا لكل فرد

الالف لكل فرد ومن ضمنهم اللي انولد قبل 1\2\2011 <<< صححولي التاريخ اذا انا غلطانه

 

[ROoONY]

رد : رسالة لكل بنت حرمها أبوها من المنحه

اي والله صح كلامج انا عن نفسي ما يبت طاري الالف عند ابوي عليه بالف عافية

الحمدالله مو قاصرني شي كل اللي ابيه عندي الحمدالله على النعمه​

 

[جميله وجذابه]

والله يا حبيبتي ابونا صباح ماقال الألف هذا لتسديد الديون ولا قال لكل أب اهو قال لكل مواطن كويتي

و أكبر مثال علشان اتعرفين ان هالالف مو لسداد الديون اهو قال حتى للبنوك الي عليه ديون لا تجيسون ولا فلس من الألف

الأبو صحيح انه عطى و ربى و تعب بس هذا من واجب كل ابو من ناحية اعياله

و اذا الابو عليه ديون آنه الومه اهو هاذي غلطته ليش حاط على نفسه ديون؟ ما يصير يخلي اعياله يتحملون غلطته

و اذا الابو يبي ياخذ فلوس المنحه من اعياله يعطيهم بعدين يشرحلهم ظروفه و يسألهم اذا يبون يعطونه برضاهم مو ياخذهم من غير ما يسألهم لأن اكرر واعيد الفلوس الحكومه معطيته لهم مو له علشان يسدد ديونه و يصرفهم


كلمه اخيره غلط و اكبر غلط وظلم ان الابو يلهف افلوس اعياله من غير لا يشاورهم و يخليهم مساكين يطالعون ربعهم و يتحسرون لازم يشاورهم

انا اعيالي الله يخليهم بعدهم اصغار ما يفهمون شي و منحتهم محفوظه لهم و اذا كبرو ووعو للدنيه بقولهم هاذي منحتكم من ابوكم صباح مو مني انا و لا من ابوكم لا هذا من ابو الكويت ابونا كلنا صباح الله يعزه و يخليه لنا و للكويت



اتذكر موقف حلو صار لاخوي الصغير الله يحفظه ابوي الله يخليه و يطول بعمره سحبله الألف كامل و عطاه و ييه اخوي و قام يبوس راس ابوي و يقوله مشكور يبه تدرين ابوي اشرد عليه

قاله لا يا حبيبي لا تشكرني آنا اشكر ابوك صباح الفلوس مو مني آنا هالمره هالألف من أبوك صباح و يااااااااااااااااحلات فرحة اليهال و اهم ياخذون الألف اكبر و اجمل من فرحتنا احنا لكبار

 

[نظرهـ خجولهـ]

رد : رسالة لكل بنت حرمها أبوها من المنحه

يعطيج الف عافيه كلامج عين العقل
بس في نقطه صغيره
ان الابو ياخذ فلوس عياله ويستانس فيهم ويحرم عياله من فلوسهم هالشي حرام ومايجوز

قواج الله *

 

[7noOna]

انــا نــزلــت بحســآبـي ،، ودي اساسا اعطيه بـس محتاجته لتجهيــزي بشتري ذهـب لأن مهـري خلـص

و لـو مآ تجهيــزي رآح اعطـي امي وابـوي منهـآ اكيــد

 

[Ya7aLaTY]

الله يبارك فييج على هالموضوع الروعه


فعلا حلال كل فلس على الابو اذا كان يشتغل ويشقى حق هالعيال

وبناتنا ان شاءالله عاقلات ومايركضون ورا الامور الماديه

 

[قـہۈه فـرنسيـہ™]

بارك الله فيج @@

صحيييح هالكلآآآم ...


وهم نووجه رساله للآباء بعد هذي هبه ما يصير ياخذونها

 

[Marymary]

حبيبتي مشكورة على موضوعج بس انا سائله اكثررر من شيييخ دين قالي حرام فلس واحد تاخذينه من بنتج قال اوكي خايفه تصرفه خشيلها اياه بالبنك او عطيها مبلغ اصغير يعني 10 دنانير والباجي حطيلها اياه بالبنك
انا حطيته بحساابها وحرام علي اخذ فلس منها انا مجبورة غصبا علي اصرف على بنتي بس فلووسها دام نزلت باسمها يعني حقها هذا كلام الشيخ حرفيا حقي
لان نفس فلوس العيد عماتي خاللاتي عطوني بالعيد فلوس لها 100 دينار قالو هذا حق بنتج يعني بالاسم انا مالي حق اخذ منه فلس الا اللهم اذا محتاجه سلف وارده
انا ناوية اشتري ذهب حق بنتي بفلوسها يعني مضاعد قلب بفلووسها اهيه وبعدين باجر ليي كبرت كييفها بتخشه بتبيعه الذهب يعتبر فلووس موجودة لها


نفسي انا عندي قلب ذهب ومضاعد ذهب من وانا اصغيرة ليلحينن امي شرتها لي وامي ما تصرفت فيهم على قولتها شريته بفلوس عيدج كيفج ملوتج بتبيعينه بتلبسينه بنتج كيفج *

 

[Hello_kitty]

بس ما فيها شي لو يعطيهم منها 200 ولا 150 يفرحهم فيها خاصه اذا كانوا كبار ويفهمون يطيب خاطرهم شوي حرام هذا اذا كان في

حاله ان حيل محتاجهم اما اذا مو محتاجهم بس فسق وانانيه لا والله حرام عليه وكل المشايخ افتوا بحرمه هالشي

الشيخ صباح عطاناياها بالعيد يبي يفرحنا فيها واهو ياخذها منهم حراااااااام

الحمدلله احنا قصينا الحق من نفسنا فلوس اعيالي كل واحد الفه بحسابه مع انهم صغار وما يفهموووون

ونفس الشي ابوي ما خذا دينار من فلوس اخواني

 

[على الطيب تربيت]

رد : رسالة لكل بنت حرمها أبوها من المنحه

بصراحه هالرساله أطلعت من قلبي وآلمت قلبي حيل

لمن قريت ردود بعض البنات


مادري كيف يهون عليها تقول حريمه على ابوي او من قاله يجيبنا أو محد قاله ياخذ دين وهو يتحمل غلطاته


ليش لمن اخذ الدين لمنو ..


والي تقول يتحمل غلطاته مايحمل عياله أقول لاحول ولاقوة إلا بالله العلي العظيم



بس ما اقول إلا الفلوس طايره روحوا يابنات اشتروا فيها بلاك بيري وايفون ولاب توب وتفرجوا عليه وعساكم تفرحووون


والأبو خلووه على كلامكم غصبا عليه مو طيب منه يصرف علينا..


أسأل الله العلي العظيم ان يرزقنا بر والدينا وان مانموت إلا ووالدينا راضين عنا وعسى ربي يبارك لنا بمالنا على طاعته


اشكر كل من ابدت برايها واحطكم عالعين والراس وتسلمون ياحلوات

 

[هامتي]

رد : رسالة لكل بنت حرمها أبوها من المنحه

صح لسانج جميله وجذابه بكل كلمه قلتيها والله يعين البنات اللي ابهاتهم حارمينهم من حقهم

حتى ابوي ينقد على الابهات اللي يصرفون فلوس اعيالهم لا ذمه ولا ضمير

حلاته البنت والولد اذا من نفسهم بيعطون اي ما قلنا شي بس ياخذهم ياويله من النار بغض النظر عن كل شي

ما يجووووووووووووووووووووووووووووووووووووز شرعاااااااااااااااااااا

 

[missnohaa]

بارك الله فيج يا ام عبادى كفيتى ووفيتى
فى قصه من زمن الرسول صلى الله عليه وسلم

جاء رجل إلى النبي صلى الله عليه وسلم فقال: يا رسول الله،
إن أبي أخذ مالي.
فقال النبي صلى الله عليه وسلم للرجل: فأتني بأبيك
فنزل جبريل عليه السلام على النبي صلى الله عليه وسلم فقال:
إن الله عز وجل يقرئك السلام ويقول لك إذا جاءك الشيخ فاسأله عن شيء قاله في نفسه ما سمعته أذناه
فلما جاء الشيخ قال له النبي صلى الله عليه وسلم:
ما بال ابنك يشكوك أتريد أن تأخذ ماله؟

فقال: سله يارسول الله،

هل أنفقه إلاعلى إحدى عماته أو خالاته أو على نفسي!

فقال له رسول الله صلى الله عليه وسلم:

إيه، دعنا من هذا أخبرني عن شيء قلته في نفسك ما سمعته أذناك؟فقال الشيخ: والله يا رسول الله، ما زال الله عز وجل يزيدنا بك يقينا، لقد قلت في نفسي شيئا ما سمعته أذناي.

قال: قل وأنا أسمع قال قلت:
غذوتك مولودا و علتك يافعاـ تعل بما أجني عليك وتنهل/ إذا ليلة ضاقتك بالسقم لم أبت ـ لسقمك إلا ساهرا أتململ/ كأني أنا المطروق دونك بالذي ـ طرقت به دوني فعيني تهمل/ تخاف الردى نفسي عليك وإنها ـ لتعلم أن الموت وقت مؤجل/ فلما بلغت السن والغاية التي ـ إليها مدى ما كنت فيك أؤمل/ جعلت جزائي غلظة وفظاظة ـ كأنك أنت المنعم المتفضل/ فليتك إذلم ترع حق أبوتي ـ فعلت كما الجار المصاحب يفعل/ فأوليتني حق الجوار ولم تكن ـ علي بمال دون مالك تبخل/
قال: فحينئذ أخذ النبي صلى الله عليه وسلم بتلابيب ابنه وقال:
[أنت ومالك لأبيك.]
{تنبيه مهم
روى الإمام ابن ماجه في سننه (2291) عن جابر بن عبد الله رضي الله عنهما أن رجلاً قال : "يا رسول الله ! إن لي مالاً وولداً وإن أبي يريد أن يجتاح مالي" ، فقال : (أنت ومالك لأبيك) . وصحح هذا الحديث جماعة من الأئمة كابن القطان وابن الملقن والبوصيري والألباني رحمهم الله تعالى .


ما اظن فيها شىء واللى زعلوا من العيال هذولى اكيد صغار
لكن اذا كبروا راح يعرفون ان ابوهم ماقصر معاهم
حبيب قلبى وليدى لما نزل الالف يه حق ابوه وقاله يبا لو تطلب حياتي عطيتك انا ومالي كلنا ملك يمناك
بعد قلبى ريلى خذاه ولمه
يقولى يا مره ولدنا كبر من وين ياب هالكلام ؟؟؟!!!

الله يحفظه ويخليه لنا

بس عاد ريلى ماقصر عطاه 100 دينار وقال كل شهر راح اعطيك مثله
لان بصراحه ولدى صغير واعرفه بالفلوس مافى تحكم لو اعطيه الالف كله بروح يحرقه بيوم واحد

ف اللى سواه ريلى عين العقل


وسامحونى يابنات على الاطاله

 

[انا لحبيبي .]

رد : رسالة لكل بنت حرمها أبوها من المنحه

عنجد كلامك حلو