رفيجاتي بالدوام ...

[A L L U R E]

رد : رفيجاتي بالدوام ...

بس بالطباعه مختبر وشلون صاير (( اول مادشين ممر طوييل طول المختبر ويمينج ويسارج الاجهزه (الكمبيوترات) وعليمين واليسار ثلاث كمبيوترات لازقين فبعض لزقققق ))

اذا دشيتوا الامتحان وقعدتوا اتفقي مع المس تناديج وتقعدج بصفة الكمبيوترات الي جدام قبل لايبدي الامتحان ~

 

[noochii]

رد : رد: رفيجاتي بالدوام ...

هذول مو رفيجاتج هذول اماشينج مصلحه يقضون مصالحهم ولي خلصوا ما دروا عنج

سؤال ليش الوضع سمردحه جذي بالامتحان سوالف وبلاك بيري وهاندز فري هذا كله جدام الدكتور عادي بالامتحان؟؟؟

عموما والله لو انا منج ما اعطيهم

انتي تدرسين وتتعبين و اهما ياخذونها بارده مبرده ما يصير ‍!!

لا و فوق هذا انتي متزوجه وحامل واهما بطاليه شوراهم !!!

شوفي حبيبتي انتي طيبه زياده عن اللزوم واهما استغلاليين حيل بتخلينهم جذي راح يتخرجون على تعبج شهاداتهم المفروض ينحط اسمج مو اساميهم

اذا تقدرين تغيرين مكانج بالامتحان غيريه

ولا كلمي الدكتور بينج وبينه قوليله دكتور ابي تغير مكاني بالامتحان في بنات يضايقوني و يبون ياخذون حلي كله و ما اركز انا مو شرط تقولين اساميهم

ولا كلش كلش قطيها بالويه قوليلهم ترا انا ساعدتكم وايد و انا ظروفي اصعب من ظروفكم وانتو ما تبون مساعده انتو متكلين علي بكل شي ما يصير حللو الشهاده اللي بتاخذونها شدوا حيلكم شوي

ويع ماحب هالنظام انا لا اغش ولا اغشش كل واحد يعتمد على روحه

لاطبعا موجدام لستاذه
لان المختبر صاير اول مادشين طاولة لستاذه وبعدين جدام طاولتها الممر ويصير علي يمينج ثلاث اجهزه يم بعض وعلي يسارج نفس الشي وكل وحده جدامها جهاز والاستاذه جدامها جهازها علي طاولتها فماتشوفها بس ليي قامت وتفتر تنزل بيبيها

 

[Confused Girl]

ولاتقولولي لاتعطينهم ما اقدر رفيجاتي واستحي اردهم بس اهما ولايستحون وترا رفيجاتي بس بالمعهد يعني برا مايدقون علي او يسلمون او يسولفون

^
^
^

هذيلا للأسف مستغلينج يعني مو رفيجات اذا ما يدرون عنج برا الدوام .. اعرف هالنوعيه من البنات .. مشكله

 

[مــســك]

الكلمة الي تستحي منها بدهاا ..


والله ذكرتيني ع ايام كليتي جذي .. في وحده كسلانه وما تعرفني الا بوقت الامتحانات وتتمصلح معاي بصورة مو طبيعيه ..


جتني تقولي ابي اقعد يمج وابيج تغششيني ؟؟ قلت لها سوري انا ما اغشش احد ؟ قالت شدعوه انا مو دارسه ومن هالكلام ..


قلت لها مشكلتج انتي دايم ما تدرسين مو شي جديد .. وبعدين في رقابه اهني .. ما تسوا علي اغششج ولا يجكوني واحرم من الامتحان عشانج ؟


تخيلي عصبت وطست ومن يومها ما تكلمني باللعنه ماهمتني .. ليش لانهاا مصلحجيه .. هذولا يبون مصلحتهم وبس ..



وانتي افتكي منهم .. وقولي حق الاستاذه او الاستاذ بحزت الامتحان غيرو مكاااني .. لان في بنات يبوني اغششهم وانا مابي ..

واذا ينادونج فلانه نبي غششينا ولا عطينا فلاش مميموري ..قولي لهم سوري ..

 

[أميره الـ غ ـيد]

يعني بنات كساله .. اتكاليين .. علاقتج وياهم في حدود المعهد ماتطلع بره

شتبين فيهم @@

:gr4uu:..

 

[eman12]

من غشنا فليس منا
لا تخالفينن مبادئج ودينج علشان ربع دنيا

 

[رنه خلخال]

امبيه لا لا غيري مكانج ولا اتغششينهم كلش من صجج تعبج اروح بلاش عليهم حرام والله باجر اذا تخرجتو اهم بحصلون وظايف وانتي قاعده حرام خليهم يعتمدون على نفسهم اهم امرافجينج مصلحه بس اتخلص مصلحتهم ما اتشوفينهم

 

[<<المها>>]

ماعندج سالفة ضاغطة على عمرج دامهم بس ريفيجات معهد ولايدقون ولايقدرون

شحقة مهتمه لهم ..بس شوفي اذا ماتبن تخسرينهم وودج تكون العلاقة وديه بينكم .. ممكن تقولين لهم بنات ماقدر اعطيكم شي

او اغششكم لان الاستاذهـ حست بشي وانها نادتني على صوب بروحنا وقالت اني مقدرهـ وضعج انج حامل فبطوف السالفة ولا اذا تكررت

ترى بتتخذ اجراء بحقي .. وانا مالي خلق مشاكل

عاد حسوا واستحوا كان بها واذا زعلو بالطقاق

دفعة مردي والهواء شرجي .. وبصراحة لايضيق خلقج اذا زعلوا معناها انهم مايهتمون لج ابد ولاترتجين من وراهم خير

معناها همهم نفسهم ..خل يولون وانتي مو محتاجه لهم اهما اللي محتاجين لج ..

والله يوفقج وينجحج يااارب

 

[داريني]

حبيبي ان لم تستحي فافعل ما شئت
يبا طقيها بالويه قولي لهم انا اتعب وادرس وانتو تغشون مني بارده امبرده وضحكي وابتسمي علشان تمصين غضبهم ههههه
حاسه فيج لانه كان عندي هالنوعيه والله اطقها بالويه وما استحي لما خلاص قامو يدرسون