رفيجة اختي التونسية قالت لها : .....

[[ . . Jee Jee . . ]]

السلام عليكم ورحمة الله وبركاته



.


.


.



بنات باختصار رفيجه اختي التونسيه طلبت منها تكفلها حتى تدخل الكويت تدور شغل ..

واهي متخوفة من هالخطوة ..

تعرفها من 6 سنين على ايام المراسله وصارت معاها عالنت بعد التطور .. شافتها وكلمتها بس عمرها مازارت الكويت ..


ماعندنا فكرة عن هالشغله وقلت لها بسأل لج خواتي واهمه مايقصرون
:wqedqw:

 

[كويتيه وبس!!]

ماعندي فكره والله بس اقبلي نصيحتي لاتخلين اختج اتيبها الكويت والله هذيلا بنات شمال افريقيا ينخاف منهم جريئات وماتضمنينهم والله اعلم عنهاا خل تعتذرلها ابرك

 

[@ الرسامة @]

ما ادري


بس انا رايي

ابعد عن الشر وغنيله


اخاف اتييب لها مشاكل وبلاوي

الواحد مو ضامن اخوه هالمرة وحدة من ديرة ثانية !!!!!!!!

 

[قطاوي]

انا قلت حق وحده من رفيجاتي اخوها بالداخليه وقالها هالحجي :
نصيحه من قلبي انا وايد سمعت من هالسوالف وكله وراها بلاوي وشنو هالشغل اللي بتلقاه عندنا اذا احنا اعيال هالديره مولاقين شغل بالعقل اختي نصيحه شيلي هالسالفه من بالج وقال ان اغلبهم يقولون جذي والله يستر بعد مايوصلون الكويت البلاوي تشتغل ( مع احترامي لكل بنات الدول العربيه ) بس هذا الصج ماجبنا شي من عندنا ويكفينا بلاوينا والله يستر علينا

 

[شمس دنياه]

اممممم والله على قولتهم بنات شمال افريقيا ينخاف منهم

ومو عن بس هم اي شغل هذا اللي بتلقاه الحين

ما انصح كلش

 

[[ . . Jee Jee . . ]]

مشكورين حبيبااتي فديتكم على الكومنتات السريعة

اختي نست تقولي انها دارسة دكتوراة نساء وولادة


بروق مشكورة حبيبتي والله معاج حق ..

الرسامة مشكورة خيتي .. انا قلت لها كلامج

القطوة المعسوله :* مشكووورة تعبناج معانا سوري
وقلت لها كلامج كله

لوودا ثانكيوو شووجر

 

[قطاوي]

:001:

افا ياحياتي احنا خوات ومالنا غير بعض ونساعد بعض وماسويت شي ياقلبي بس حبيت اخدمج

 

[كويتيه وبس!!]

العفوو اختي

 

[ياشايل الظبى]

اذا دارسه دكتوراه تقدم على احد هالمستشفيات الخاصه
اذا لقت وضيفه تجى على كفاله المستشفى واختج تطلع منها ... ابرك لها

 

[غرنوقة]

بنات المغرب وتونس والنعم سمعتهم لايعلا عليها بالأمارات والبحرين ونحن بالطريق والفضل لقلوبنا
الطيبه اللي على نياتها

 

[[ . . Jee Jee . . ]]

قطيوة ماتقصرين والله .. بروق --<-@

تارقت قلت لها اللي قلتيه والله احسن حل .. مشكورة حبيبتي

كويتيه مشكورة عالكومنت

 

[بنت الكويت العسل]

فينا وفيكم الخبيث والطيب
واهي تعتذر لها وبس لانها مسئوليه يصير لها شي او تتغربل وماتلقى شغل مشكله وين تقعد وين تروح

 

[فاطمة76]

ما ادري ليش تحكمون على الناس بدون ما تعرفوهم وايش هالحقد على بنات المغرب العربي ما شفتو الاسيويات شنو يسوون بديرتكم وحتى بنات البلد مو كلهم محترمات مع احترامي لكل انسانة مهما كانت جنسيتها وهذا التعميم لا يقبله العقل و لا الدين لان كل مكان به الزين و الشين انا مغربية مقيمة بالكويت و اذا الاخت لي تسال مو واثقة في هاد الانسانة ما في داعي تجيبها و هي مادام دكتورة تقدم للمستشفيات الخاصة او عبر القنوات الرسمية و مافي داعي لهادا التحامل

 

[supermarket]

يمكن نيتها سليمة اصابعج مو سوا

خل تجربها تيبها زيارة للكويت ( سياحة وتعارف ) وتشوف اطباعها

 

[مرت ريلي]

ابعد عن الشر وغنيله انا أقول

 

[شهدQ]

انا اقول خليها تتعذر بطريقه لبقه الناس مايندرى عنهم

يعني بالعربي تفتك

 

[Hello_kitty]

والله الموضوع كلش مالا داعي من خاااف سلم

 

[*سكون*]

انا اقول ابعد عن الشر وغنيله مو القصد عنها اهي شخصيا .. بس مسؤوليه وما تدري باجر شيصير

 

[منورة الكويتية]

حرام نعمم
وكل مكان فيه الشين والزين
ومبين المره مو مالت خرابيط تقولكم دكتوورة
شوفي جوجو اختج اهيا الي تقدر تحكم تستاهل ولالا واذا كانت ثقه ولالا
والله يوفقها ويوفق اختج بكل الاحوال
ويوووفقج بعد لاتزعلين)

 

[سنا الفضه]

دع مايريبك الى مالا يريبك

يعني خلها تكون بالسيف سايد ولا تورط روحها

وديرتنا الله خير موو ناقصه

خل هالدكتوره تقدم على طلب استقدام بالقنوات المعرووفه لها اسلم لكم ولها