رفيجتج تبي تفصخ الحجاب او العبايه او النقاب شنو تسوين

[ام كوثر2007]

شنو يكون رده فعلج او رده فعل الزوج

اولا لفسخ الحجاب

ربها راح يحاسبها بس انا صراحه راح تتغير علاقتي فيها
خاصه انها راح تكون سفور وانا بصراحه اللي تقط الحجاب تطيح من عيني

ثانيا لفسخ العبايه

بالنسبه لي العبايه مو شي ضروري اذا كان اللبس واسع ومحتشم
لان في عبايات مخصره وتلفت اكثر من اللبس العادي فإذا قطت العبايه هذي قناعتها بس اهم شي يكون لبسها محترم ومحتشم اما اذا كان لبسها ضيج ويلفت اكيد راح تتغير علاقتي فيها لاني ما احب امشي مع بنات لبسهم ملفت ومو محتشم

ثالثا لفسخ النقاب

النقاب بعد بالنسبه لي مو شي اساسي ولا فرض بس انا كنت اعرف وحده كانت متحجبه وفجأه تنقبت ولبست عبايه راح ودسوس وتدينت وبعدها بفتره شفتها قطت العبايه والنقاب والفل ميك اب !! بعدها طاحت من عيني لانج لبستي برضاج ومن نفسج على اساس انج تدينتي والحين تقطيعه وتتبرجين !


وما هي رده فعلج اذا كانت رفيجتج

انا ذكرت ردت فعلي راح تكون اذا قطت الحجاب راح تتغير علاقتي فيها وتصير سطحيه
اما النقاب والعبايه اذا كان اللبس محتشم عادي
بس اذا كان لبسها مو محتشم وملفت فنفس الشي راح اتحاشاها واحاول اخلي علاقتي حيل سطحيه فيها

في النهايه ربها راح يحاسبها مو انا ولا غيري وهذي قناعتها لكن قناعتي تفرض علي اني ما امشي مع وحده لبسها مو محترم وتلفت النظر حتى اذا كانت متحجبه ولبسها يفشل ما امشي معاها ! انا بالنسبه لي اخلاق البنات تبان من لبسهم اللي تحشم نفسها وتستر عورتها الناس بتحترمها بس اللي لبسها مو محترم محد راح يحترمها

صح لسانها ام عزيزاااان .. هذا رائي وما حبيت اكررره .. ​

 

[Sweetq8]

اذا الحجاب بنصحها ومابخليها لاني احبها بالله ورفيجتي

بس اذا نقاب ولا عباة عادي اهم شي الحشمه

انا ما البس نقاب و عباتي ع المزاج اهم شي لبسي محترم وبس
ومثل اليً ارضاه لنفسي ارضاه لرفيجتي

ارجع واقول الا الحجاب اي شي غيره يهون*

 

[" ام حمود "]

انا انصدمت من المذيعه والممثله فاطمه الطباخ لما فصخت حجابها والله اطلعت مو حلوه بدون لحجاب كان محليها

إي نفسي انصدمت والله حرآم عليها ..
وأصلا بالحجاب وايد احلى عليها .. بس شنو اقول غير
الله يهديهاا ..

 

[أبلة فاتن]

عندكم الفنانات والمطربات شوفوا خاتمتهم منوا فيهم سمعنا انها تشهدت ولا

ماتت بخاتمه تشرف وحلوه يا منتحرات ولا ماتت بحفله ولا مقتوله ولا غيره

الا اللي الله تاب عليهم بالنهاية حفره وعقاب وحساب ما راح تاخذ شي معاها

وحتى لما تكفن كلها غطاء ابيض يلف جسمها شلون تبي هالكفن يغطيها

واهيا عالارض كان عريانه تمشي عليها ؟؟؟؟؟؟ المهم خليها على راحتها مالي شغل فيها ​

 

[أبلة فاتن]

دايم الرجال اذا بغا يتزوج يختار المحجبه المتسترة حتى لوكان الرجال موزين

وصدقوني السفور الكل يتجرأ عليها وينظر لها نظرة انها عادي عندها كل شي

سألوا شعور مجرب صج شيء يقهر واحد ما يسوى فلس يجي يقول لج ها تطلعين معاي

حتى لو محترمه نفسها وماشيه سيده

وبعدين الحجاب ما يمنع من اي شي يفك البنت من الحسد والعين وتمشي مرتاااااحه مو شايله هم شيء

عكس السفور كل حركه محسوبه عليها و محفوظه وكلن شافها طلع حجي عليها وتجرأ عليها

خاصه الشباب

احنا البنات مع بعضنا شوي لطيفات مالنا شغل ببعض بس الشباب غير يتكلمون ويحشون

وهذي وهذي


الله يستر على بنات الجميع دافعت عن الحجاب رغم اني غير محجبه

وسأتحجب انشاءالله ​

 

[زوجة عزيز]

ماباليد حيله شاسوي بعد

 

[قلبي وينك]

اولا الحجاب والستر مو امر مخيرين فيه يعنى على هوى نفسج اذا حابه لبسيه واذا ما تبينه تقطيه
لاالستر امر ديني واجب علينا كمسلمات ومافي خيار ثاني

وبعدين مو مهم انا نظرتي للنت الي شالت حجابها ولا نقابها ولا عبايتها المهم شو علاقتها هي بالله سبحانه وتعالي
والله الغنى عن حجابها هي اذا بتسوي شئ ترى بتسويه تقربا لله عز وجل

 

[عضوا]

بالنسبه لي الموضوع راح يكووون دمه علي
خصوصا اللي تقط الحجاب
اكيد ماراح اعاملها مثل اول
لأنها طاحت من عيني

 

[شيهانه 23]

بصراحه هنا فيه عضوات يجاهرون بعد بهالشيء ومنهم عضوه كنت احترمها بدويه وايد لكن لما شفت رد من ردودها انها تسويء تمثليه على زوجها عشان مايلبسها العبايه ؟؟؟
ياناس العبايه والحجاب فرض مو سنه ؟؟؟ يعني كم بتعيشين 10 سنوات 20 سنه وبعدها ؟؟؟ اتقو الله العربيات بمصر والشام صارو يتحجبون والخليجيات لا حول ولا قوة الا بالله
لكن بستألون وش بتقولون بربكم ؟؟ يارب ماقدرت
وعلى فكره ترى الخيلجيات الي مايلسبون عبايه تراها بغرض انها تستعرض يعني مافي بنت خليجيه اشوفها طالعه من البيت بدون ماتتكشخ وتتزين ؟؟
الحجــــــــــاب واجب لقوله تعالى : ( ياأيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما ))

والى متى تقولولين الله بيهديني ترى الدين واضح وانتي مو ضامنه عمرك اذا مامتي وانتي بعز شبابك ترى مصير ك التجاعيد والكبر بيروح عمرك في معصية الله
تذكري ان نهايتك كفن ابيض ولحد وقبر لوحدك .
الله يهدي الجميع
واب للااستفاده

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

 

[popa]

اذا العبايه عادي
اذا النقاب اكيد اكيد عادي
اذا الحجاب راح اخترع لان اثبتت انها مو تكانه

ردت فعل الزوج على حسب في الي يرضه وفي الي مايرضه

شوفي لو مو متحجبه من الاساس عادي بس تقطه في خلل
نفسي واخلاقي

 

[ماني من الناس]

انا عندي زميلات وحده كانت سفور بس نفسيتها حلوه يعني عادي نمشي معاها

ووحده زميله ثانيه كانت لابسه يزعم حجاب اللي يطلع الشعر واللي على جنز سكيني


طبعا اول ماشفتها فصخت الحجاب قشعر جسمي بس بعدين قلت عاد من زين الحجاب اللي لابسته

اللي بيتحجب يا يلبس الحجاب بحترام او مايلبسه

وعندي رفيجه ثانيه ملتزمه كانت بحجاب وعبايه وبدون نقطه كريم مرطب بويهها وكانت كله تقول مايجوز ميك اب ومادري شنو وبعدين من تزوجت قطا العبايه ولبست بدل وقامت تحط ميك اب

ومره شفت برنامج بمصر انه فيه واحد شاب معترض ع لبس المحجبات لانه يخصر للجسم انا اقوللكم ليش :

اللي تلبس تنوره خصرها مبين وواضح وحجم الخلفيه يعني التنوره تبين الخصر

اللي تلبس بودي ضيق يبين حجم الصدر بالضبط مقاسه وحجم الزند يعني هل الشعر تسترينه اهم من انج تسترين تفاصيل جسمج

واللي تلبس جنز سكيني الفخود باينه

فعن لاتتعب وتدور ع اللبس تلبس عبايه استر لها من باب ان ما يأنبها ضميرها

وانا البس عبايه كتف وماتخيل نفسي بدون عبايه بظل طول الوقت خايفه لايتفصل الجسم

 

[iLLuMinaTion]

اولا الحجاب والستر مو امر مخيرين فيه يعنى على هوى نفسج اذا حابه لبسيه واذا ما تبينه تقطيه
لاالستر امر ديني واجب علينا كمسلمات ومافي خيار ثاني

وبعدين مو مهم انا نظرتي للنت الي شالت حجابها ولا نقابها ولا عبايتها المهم شو علاقتها هي بالله سبحانه وتعالي
والله الغنى عن حجابها هي اذا بتسوي شئ ترى بتسويه تقربا لله عز وجل

راي مختلف

 

[اميره1980]

وحدة اعرفها قطت الحجاب بعد ما تطلقت و اخوانها طقوها طق جان تنحاش منهم و راحت سكنت بروحها
و مبين من غير ما تقط الحجاب ان ماشيه بسكة بطاليه
و للاسف ما اكتفت بهالشي
شجعت اختها انها تسوي مثلها و تطلقت من ريلها و قطت الحجاب
حسبي الله و نعم الوكيل
صحيح الطماطة الخايسة تخيس اللي وياها

 

[Bedor-al.3taiby]

ما احترمها صراحة
لانها ماحترمت دينها لو مۆ لابسته مڼ الاول يكون احس
بس انها تفصخه هًذے صعبه
مثل وحده منقبه و عباية چتف راهيه دشت الجامعه قطت النقاب و العبايه و مكبره راسها و مطلعتلج شعرها مڼ جدام
و ابوها نزل الانتخابات لكن الحمدلله خسر
ناس ماتستحي صراحه

 

[brettey]

العبايه والنقاب عادي مافيها شي بس الحجاب بتطيح من عيني الصراحه مع اني اقيم البنت على اخلاقها مو لبسها بس مو حلوه سالفه انها تقط الحجاب

 

[أنوثهـ حتى الثمالهـ]

ما المفروض نسوين شي
لان هالشي خاص بينها وبين زوجها فقط لا غير او بينها وبين اهلها لو ماكانت متزوجه
اقصد العلاقه الاجتماعيه غير طبعا علاقتها مع ربها وانت ماتعرفين يمكن هاللي قطت الحجاب مسوي من الخير اللي ام قفازات وعباة راس ما سوته

 

[نوتي الدلوعہ]

امبييه صدممه راح انصحهاا

وبالنسسبه للي تقول النقاب والعبايه عادي تفصخه لانه حريه شخصيه هذا الكلام مو صجج

أن النبي قال : ( المرأة عورة فإذا خرجت استشرفها الشيطان ) وهذا لفظ الترمذي . وهذا حديث صحيح .
معناته المرأه كلها عورة << بالنسبه لمفهوومي أنا
والله يهدي من يشاء

وبالنهايه كل شخص راح يتحاسب علي اعماله هو مو اعمال غيره

 

[أم عمور93]

عن نفسي بنصحها وببين لها شنو عقاب اللي بتسويه واشلون الناس بتصتصغرها وأيب لها أيات قرانية وإذا ماسمعت أنا بدرب واهيا بدرب أنا اللي علي أسويه عشان مااتحاسب من وراها وكل واحد وعقله براسه ويفكر بلاخرة الواحد اشكثر بيعيش أخرتها بينحط بالقبر ويتحاسب محد بيتحاسب عن أحد مابينفعوني الناس لي قالوا فصخي عبايتج ولا نقابج

 

[G!RLooNa]

رفيجتي كيفها عندها عقل و ناس مسؤوله عنها مالي شغل و رفيجتي كانت متنقبه و قطته عقب ما تزوجت و اعتقد ريلها اللي طلب منها بس انا مالي شغل و ماحب اسأل

 

[iLLuMinaTion]

العبايه والنقاب عادي مافيها شي بس الحجاب بتطيح من عيني الصراحه مع اني اقيم البنت على اخلاقها مو لبسها بس مو حلوه سالفه انها تقط الحجاب

راي سليم