رفيجتي بعد زواجها اعرفت ان زوجها قبل كان "Gay"

[ام زهقانه]

تسامح اذا الله يسامح يغفر العبد اهي ماتغفر

 

[طير الحب]

سبحان الله

الله بعظمته وجلاله يغفر للانسان

ليش بنى ادم اذا تاب الواحد ما تغفر له

واهو تاب خلاص وتتذكر انه الله غفور رحيم

 

[بحر الذكريات]

ابصراحه ماتنلام الله يعينها

والله يغفر ويتوب على عبده خل تنسى وماتعلمه انها درت والله يستر عليهم وعلينا يارب

 

[UNICORNA]

لا حول ولا قوه الا بالله

بس دامه حج واستغفر ومتصل على شيخ معناته انه تاب والله يغفرله ويسامحه

وخير الحطائيين التوابين

 

[تبطي عظم!]

هذا ماضي وهو تاب

الرسول عليه الصلاة والسلام قال التائب من الذنب كمن لاذنب له

الله يغفر لعباده وهي بتحلسبه على شيء صار قبل 7 سنوات طيش واستهتار قديم بتخرب بيتها علشانه

خلاص تاب وصدمتها مع الوقت بتروح خل تتذكر ايجابيات زوجها بكل هالسنين وتدعيله الله يثبته ع التوبه وتستر عليه ~

 

[مــلاك]

اوكي خبر كارثه وصدمه بس هالشي قبل والريال الحين تاب وحج واستغفر والدليل انه كلم الشيخ بعد شلو نتفكر تنفصل انا عبالي رد لسوالفه خلاصالماضي راح ورب العالمين يغفر خل تعيش حياتها بما ان الريال الحين زين وراعي بيت وعيال

 

[ريـمـآأن..}]

الله يكون بعونها بس خلاص الرجال تاب والله غفور رحيم

 

[ميشووو]

الله يستر يارب


الله يعينها ويصبر قلبها

 

[الفدنه]

الله يكون بعونها

 

[حلوه ولمآحه]

كل انسان له ماضي يعني الحين احنا نتفلسف مافي احد معصوم من الخطاء وحتى احنا الي نتكلم مانا متاكدين من ازواجنآآ
خلاص الريال يكلم شيخ يعني تايب انشاءالله وقضى حجه
>>
تتحمل وتصبر وتمشي حياتها بس تخليها تحت ترقب انه مايرجع لسوالفه
لانها لو كلمته يمكن يحوشه اكتئاب ولا مرض نفسي
لان الي يسوي هالاشياء يكون عنده نقص دااخلي
،،
بالعكس بدال ماتكلمه ،، تحاول تقربه من ربي ويعدون الحج هي وياه
ويروحون عمره
وتخليه يتطوع ،،
>>كل انسان له ماضي
ترا اغلب المطاوعه الي نشوفهم لهم ماضي ونصهم كتب قصصه الي مدمن والي سكار
والي والي سبحان الله من يتوبون يصيرون متمسكين اكثر بالدين اكثر من الي ماله سوابق
لانهم شافوا طعم الحرام وطعم راحه البال بالدين ،،

 

[ام الدرر]

﴿ وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ ﴾ .​

﴿ وَمَن يَعْمَلْ سُوءاً أَوْ يَظْلِمْ نَفْسَهُ ثُمَّ يَسْتَغْفِرِ اللّهَ يَجِدِ اللّهَ غَفُوراً رَّحِيماً ﴾ .​

اولا حبيبتي خليها تتمعن بالايات
ثانيا ال Gay مستحيل يعاشر مره
يعني خلاص مايحب الحريم مايشتهيهم
زوجها اللي سواه بمرحلة الشباب ويمكن والمراهقة يعني طيش وقلة وازع ديني
يعني ما يعتبر Gay
خليها تاخذ الموضوع من ناحية ايجابيه عشان ما يصير عنده ردة فعل وتكره زوجها
الرجال تاب ويسأل شيخ يعني يعاني من هالمشكله ومتعبته
لاتصير هي والزمن عليه
قولي لها تحمد ربها انه تاب ومعترف بغلطته
وتدعي له بان الله يغفر ويهديه​

 

[" ام حمود "]

بصرآحه صدمه والله ..
بس الحين اهوه بوعيالها يعني بينهم عشره صارلهم مااشاءالله 7 سنين حرام تتطلق
وبعدين هذا ماضي ومافي انسان معصوم عن الغلط كل واحد غلط واهوه غلط ويبي
يستغفر ع اللي سوواه
خلاص خلها تسكت عن الموضووع وجنه ماسمعت شيء
الله يستر علينه ياارب ..

 

[غرق بالماي]

ليش ما تاخذ الامر بصوره ايجابية مره صارلها 7 سنين متزوجه ومستقره مع اعياها

زوجها لما كلم الشيخ يبي يعرف موقفة الشرعي تجاه الموضوع السابق واكيد ندمان

ليش تخرب علي نفسها

صج انه هالشي صعب بس خل المركب يمشي

انا معاج بكلامج

 

[chocolat cake]

اكيد ماراح تنسى بسرعة بس لازم تحاول اهيا عندها عيال واهو تاب حق ربه والدليل انه داق على شيخ

 

[اميره1980]

هذي عاقبة اللي يتجسس على الناس
عموما كل الناس عندهم ماضي و الله حليم ستار
و الريال تاب و مالها شغل في ماضيه

 

[أتراب]

من تاب تاب الله عليه
والشي ماضي ومن زمان ويمكن كان
في سن المراهقه وطيش شباب
والريال راح الحج ومعروف ان اللي اروح الحج
يرجع كيوم ولدته امه واتصاله الى الشيخ دليل
على التوبه :yaaaaaarb:
وهي عايشه وياه 7 سنوات وماشافت منه عيب
او لكان بعده على هالخطأ عرفته من طريقة ..........
وخطأ من صديقتج انها تفضح زوجها والله ساتر عليه
وما يجوزاتشهر به
​

 

[مفرفشة ومنعنشة]

لاحول ولا قوة إلا بالله
اول شي حبيبتي لاااااازم ما تكلمه بهالموضوع
لانه لو عرف انها درت هالشي بظل شرخ بعلاقتهم وصعب انه يتصلح وزبظل بينهم طول عمرهم
عشان جذي لااااااااااازم ما تقوله انها درت ولا يعرف باي طريقة انها سمعته

وبعدين بالنسبة لانه كان gay
طبعا اهي بمصييييييبة الله ياجرها ويصبرها
بس لااااازم تعرف انه ال gay ما يتزوج مرة ولا يحب الحريم ولا يقدر يسوي علاقه مع اي مره
وبحاله ريلها اهو ريال كااااااااامل
صار لها 7 سنين متزوجة وعندها الله يحفظهم 4 عيال
ولو كان له اي ميول شاذه جان بين عليه بهالسنين
هالشي صعب ينخش خصوصا عن الزوجة
معناها الي كان مسويه بشبابه طيييييييييش ولعب وقلة وازع ديني ... ويمكن يكون كان طايح بشلة خربانه وخربوه معاهم وخلوه يجرب
بكل الحالات اهي اكييييييييد مشكلتها كبيرة ومصيبتها مهي هينه
بس هم الطلاق بحالتها مو حل
لانه تاااااااااب ... كان مسوي معصية وتاب
اهو رياااااال مو شاذ واكبر دليل انه تزوج واستمر 7 سنين وياب عيال

الله ياجرها بمصيبتها ... قوليلها تدعي ربها يهديها للحل الي يكون خير لها ويبرد قلبها
واذا حاسه انها مو قادرة تتصرف خليها تستشير دكتور نفسي او انسان متخصص

الله يعينها

 

[aṕriliå]

امبيه الله يعينها

ان مو قادرة استوعب شلون هي

 

[انا البطه البلديه]

الله يعينها ويصبرها
ماكو الا تصبر وتدعو ربها ان يمسح على قلبها وينسيها السالفه والله يساعدها
ومثل قالوا البنات صدمة مو شويه بس شتسوي الله يعينها وان الله غفور رحيم ولو ما كان تايب جان ما كلم الشيخ وما دام انه ريال زين معاها خل تتغاضى وممكن تروح تقعد ببيت اهلها جم يوم باي حجه وتحاول انها ما تكلمه او انها تروح مع احد من محارمها العمره يمكن عشان ترتاح نفسيتها شوي ويمكن تنسي
والله يعينها على ما بلاها وهذا ابتلاء من رب العالمين

 

[BiiShOoO]

صدمه كبيرة حييل !

بس دامه تاب و تعدل الحمدالله ماله داعي تفتح الموضوع معاه