رفيجتي تحب متزوج ,,

["اسطورة العشق"]

انسه ... ما كنت ادري ان عمرها 16
هني اختلف الوضع انا عبالي كبيره و فاهمه شنو قاعد تسوي .. اذا جذي و انتي بمثل عمرها لا لا تدخلين روحج بهذي الامور
و رفيجتج حاولي تنصحينها تبتعد عن هالطريج بكبره احسن لها لان البنت بهذا العمر بسرعه تتعلق و تحكمها عواطفها و محد غيرها بيتعب




بنت حساوي لا ينطلج عرج بس .. مو ضامنه ريلج لا تدعين على العالم .. و عموما مابي ارد عليج اكثر عشان في ملائكه ترد علييييييييييج
و ما قلت شي غلط قلت يتزوجها بالحلال و الشرع حلل اربع .. يعني الله حلل انتي تحرمين !!!

 

[دلوعة أبوهآ]

لاتكلميه ولاتدخلي نفسك بهالمواضيع ..
حرام تخربين حياة شخص متزوج عشان صديقتك وهي توها مراهقه وصغيره وماتدري عن مصلحة نفسها
انصحيها ولاتماشيها بطريق الغلط

 

[ملآمح يوسفيه]

رد : رفيجتي تحب متزوج ,,

حبيبتي خليج بعيييده عن الموضوع

الله يهديها يارب



​

 

[آنسة آلحرمآن]

رد : رفيجتي تحب متزوج ,,

"اسطورة العشق"

لآ آنآ عمري 21


ثينكس ع آلردؤد بنآت

 

[Judy abbott]

رد : رفيجتي تحب متزوج ,,

حبيبتي لا تتدخلين بالموضوع انتى مالج شغل بالسالفه ليش تشيلين اثمهم

ونصحي رفيجتج الله يعوضها بواحد احسن منه بالحلااااااال

اسطوره العشق انتي شكلج مو متزوجه
ترضين باجر لي تزوجتي ريلج يكلم غيرج ؟؟

وحبيبتي مو عشان ارضي رفيجتي اعصي ربي

والله يهدي الجميييييع

 

[يوآش يوآش]

رد : رفيجتي تحب متزوج ,,

يا معوده انتي شكو

كلمته ولا ما كلمته

انتي شعليج

قوليلها مااقدر ..

 

[أحبه موت]

امبيه رفيجتج عمرها 16 وتكلم واحد متزوج@@
حراااام والله توها صغيره والعمر جدامها خل يولي لو فيه خير جان ماكلم على زوجته
وانتي لا ادخلين نفسج معاها قوليلهها اسمحيلي ما أقدر لا تصيرين وسيط شر بينهم يا اتسوين شي زين ولا خليها اهي بروحها تتصرف معاه
والله بنات هالايام ينخاف منهم 16 سنة واتكلم وعندها سوالف
وانتي رفيجتها نصحيها مو اتشجعينها على هالسوالف قوليلها الحين انتي بفترة مراهقه وشي طبيعي بتحبين بس هذي فترى وبتعدي وباجر لمن تكبر بتضحك على نفسها اصلا قوليلها حطي نفسج مكان زوجته بترضينها على نفسج!! أكيد لأ
ذكريها ترى الدنيا سلف ودين ونفس ما اهي تسوي باجر لي تزوجت الله بيدز بنات حق زوجها وبلعوزنها واهي مالها ذنب

 

[ريوم السعوديه]

رد: رد : رفيجتي تحب متزوج ,,

لا حبيبتي ديري بالج
لا تدخلين نفسج بسوالف مالج شغل فيها
يعني انتي اذا كلمتيه بيرد لها؟؟؟
ليش بالله؟؟ عندج واسطه؟؟؟
هذي خرابيط ولو يبيها صج مايخليها
بس لاتسوين شي تندمين عليه هالايام هذي الله لا يبلانا المصايب وايد
قوليلها ما اقدر والله
بعديييييييين انا استغرب من هالبنات اللي تقول انا احب وتخلي رفيجتها تكلمه باللللللللللله شنو ماتغار؟؟؟
الحمدلله والشكر

معااااااااااااااااااااااااااااااااك

 

[live your life]

انا اقول خل تتركه وانتي تركيه مالج شغل فيها لا انتي تنحطين اب مشاكل مالها اول ولا تالي وخل تستغفر ربها لان الريال متزوج حرام تخرب بيته حتى لو بتقول ان اهو اللي يكلمها انا برد واقول ان اهي اللي معطته مجال !!
وعلى فكره على موضوع ليزبين ترى مالها حل غير انها تجابل ربها وتقر قران وتترك هل خرابيط عنها يا احب بنات يا احب واحد متزوج!!!

 

[قوطي نيدو]

لا تبلشين نفسج
بعدين اتصيرين انتي الشينه

 

[:: عائشه بقلبي ::]

رد : رفيجتي تحب متزوج ,,

انا اقول طلعي نفسج من السالفه

ونصحي رفيجتج..حرام اللي قاعده تسويه..ترضى باجر تيي وحده وتقول انا احب واحد متزوج..ويكون زوجج انتي

 

[ازمه وتعدي]

ما تخاااااااااافين رفيجتك تسوى لك مشاكل

انتى بغنا عنها

وعلى فكرة عمرها 16 يعنى توها صغيرة ما تعرف مصلحتها ماتخافين ان العلاقه ترجع بينها وبينه ويصير ما حرم الله

خاصه البنت تقولين ان مشاكلها وايد وامها متوفيه يعنى فاقدة حنان واهتمام ومفارقه اعز انسانه عندها

نصيحه اطلعى من الموضوع وابعدى عنها بعد

وانتى حرة سوى اللى تشوفينه صح

 

[كتكوته ورديه]

شكلها رفيجتج خرابة ابيويت

 

[( المـلاك )]

ديري بالج تسوين جذي
لا تخربين حياته الزوجيه
و نصحي رفيجتج خليها تبتعد عن الريال
و لا تخرب حياته

 

[ام انتيكه]

رد : رفيجتي تحب متزوج ,,

ماقول غير حسبي الله ونعم الوكيل والله مافي شي اسمه مو بيدها الانسان كل شي بيده وميسر ومخير لاتقولين تحبه شنو هالحب الي اتدمر فيه عايله بكبرها حسيبي الله على كل انسان يفكر بهالتفكيببر اي والله ماني رادته حسبي الله على كل وحده تهدم بيت.....فكري بنفسج باجر بتتزوجين ها وتتمنين باجر وحده تلف زوجج مع العلم بينيتو هالاسره بالحلوه والمره الضحكه والبجيه مع بعض فكري فيها والله يهديها هي وامثالها

 

[الليدي ديانا]

لا حبوبه لا تكلمينه حرام الريال متزوج و رفيجتج نصحيها عسى الله يهديها

 

[miss-winter]

شنو هالتفاهات والسخافات اكيد بعد بتخرب بيته تافها انتي ورفيجتج

 

[مملوحه السهول]

رد : رفيجتي تحب متزوج ,,

شوفي حبيبتي احقرييييها ولا فهميها ان هالششششي غلط .....
انتي تساعدينها على خراب بيوت حرام عليييج حسسسسسي .
شوي حطي نفسج مكان مرته علمييها ان حررررراااامممممم.

 

[أرنوووبة]

رد : رفيجتي تحب متزوج ,,

عزيزتي كوني صريحة و مثل ما تجرأت و طلبت منج هالطلب كوني انتي جريئة و قولي لها: اسفة لا تزعلين ولكن ما ابي ادخل في الموضوع و رجاء لا تضغطين علي لان ما راح اتراجع عن قراري. و سواء كان كبرها او اكبر منها لا تكونين السبب في هدم اسرة و تخيلي لو ان رفيجتج هذي كانت حاطة عينها على زوجج انتي!!!!! هل كنتي راح تسكتين لها و تسلمينه لها؟؟ عيل حبي لغيرج الخير (مرت الريال) مثل ما تحبينه لنفسج. و الله يوفقج ان شاء الله

اللهم لا تبلينا و احمينا من شر و ضر الانس الجن و ابعدهم عنا يا الله امييييييين

تحياتي

 

[مطيريه ميه ميه_]

انتي تخيلي نفسج زوجج يسوي فيج جذي ؟؟؟

المفروض بدال اتصالحينهم تنصحينها