رفيجتي خاشه على ريلها انها قبل الزواج كانت ؟؟؟؟

[om MaRyooM]

كلام (صعب اسامح) وايد سليم

 

[Stay alive]

ماتوقع هاذا سبب على شان يطلق اكيد غشمره


وخل تقوله عادي


الرجال اذا شاف المره واثقه من عمرها ولاهمها كانت متينه وسوت عمليه وضعفت صدقي مايهمه


بس اذا بينت انها خايفه انه يدري كانها ترسل لعقله الباطن ان الي سوته غلط


الثقه حلوه ومهمه

:eh_s(15)::eh_s(15)::eh_s(15):

مثل رايها

لاهو عيب ولا حرام

بس اهي اذا بينت انها خايفه معناته بتعطيه مجال يحسسها انها غلطت وماقالتله و و و

الثقه مطلووبه

 

[سكوتي بذوقي]

شي عادي وسوتها قبل الزواج

ماشوف فيها شي مو مسويه شي حرام

ولو عرف يمكن يتضايق منها

لكن ماتوصل للطلاق الله يوفقها

 

[أإلع ـشق دلع ـهـأإ]

أول شي أنآ مآعرف هذي العمليه التكميم شلون نظآمهآ .؟!!

هل هي تفشل لهدرجه علشآن تخلي الزوج يطلق مرته بسبتهآ !!

مآعرف بصرآحه !!

وسآلفة انهآ تخبي عليه أو مآتخبي هذا الشي قبل الزوآج ومآله حق يحآسبهآ ع شي سوته قبل الزوآج دآمه مو عيب ولآ حرآم !!

 

[LuLiTa]

خل اتقوله ما فيها شي ... اهي مسوية العملية عشان صحتها مو استعباط ..و اهو شكو يبالغ بـ ردة الفعل و يردها بيت اهلها؟ اهي ما قصت عليه بشي مهم مثل مرض ممكن اتورثه لـ عيالهم بـ المستقبل او حتى عيوب خلقية ..و الحين المرة لي تزوجت لازم اتقول حق ريلها كل العمليات اللي سوتهم بـ حياتها مهما كانت بساطتها ؟ لا طبعا .. ان شالله لي تزوجت واحد لازم اقوله جم سن مسوس كان عندي :eh_s(1):

لاتقوله لايلقاها حجه ويقطه ببيت اهلها اعرف وحده طلقها زوجها لانها ماقالت له انها مسويه عملية زايده *

بصراحة هـ المرة ريلها يبي الزلة عليها و لا شكو الزايدة بـ استمرارية زواجهم ؟

 

[noo7a]

والله اعرف وحده نفس الحاله
و ايام الملجه زهق منها
لانها ما كانت تطلع معاه ولا تروح مطاعم
لانها كله تدوخ و اي لكمه تاكلها على طول تستفرغها عزكم الله
و هذا اكبر غلط المفروض يقولون للخاطب من اول شي

 

[hazel eyes]

خل تقووله لان مصيرره يعرف خصوصا اذا كانت متاخره بالحمال لان انا متاخره بالحمل وكل عياده ندش عندها يسؤلون مسويه عمليات من قبل لان ياثر بالفحوصات اذا اهي مسويه عمليه او لا

فالاحسن انها تقوله قبل لايعررف من الناس

 

[رواضي قطر]

عادي خل تقوله موعيب ولاحرام

 

[منووله مشعل]

من رايي تصارحه من الحين وتقوله بنفسها احسن من ان يسمع من برا ويسويلها سالفه
وانا ابدا ماشوف ان العمليه فيها مشكله او عيب خصوصا انها كانت اوفر ويت واكيد كان ماثر على صحتها
و دام الحمدالله اضرارها خفيفه ومؤقته خل تصارحه احسن
والله يوفقها ويهنيها يارب

 

[فديت قلبه]

لا تبوق لا تخاف
واهي ماسوت شي يفشل
تقوله وجنها البخت..
وليش تفكر انه بيهدها عشان هالعذر
شالسالفه الطلاق لعبه ولا ظنتي اهو بيسويها عشان هالسبب
غشمره وبس ماراح يكبر الموضوع لا تتشائم

 

[سنيوريتآ]

خل تقوله مآ فيهـآ شششيء


^
آلعنووآن شدنـي ههههههههههههه

 

[وردة-الكويت]

ماله داعي تقوله هلشي خاص فيها اهي بس وموحجه ان اذا عرف يطلق

 

[غرق بالماي]

ليش خايفه بالعكس لازم تصارحه بكل شي وشغله نفس هذي لازم ماتخشها عن زوجها اهي حيل غلطانه

 

[جيرازksa]

وين المشكله بس تقوله هوا ماتقول لاهل زوجها عشان بعدين لاتصير علج بحلوقهم

انا مسويه عمليه تكميم ومقرره لو انخطب بقوله رضي فيني رضا مارضى عنه فيه مليون غيره انا مو مسويه شي عيب ولا حرام

وبعدين الحين انتشرت العمليات التجميليه بكل انواعها

 

[مـزآج ــــية]

ما اشوف انه فيها شي

خل تقوله

 

[د. فاطمة]

بصراحة وبدون زعل
الغلط منها
ليش؟؟
لأنه يدري انها كانت متينة ولما سالتاه
جذبت عليه..!!!!!
لو قالت له من البداية احسن
بيتركها بالطقاق بس عالاقل بتكون مرتاحة نفسيا ولا الحين حالتها وهي خايفة
غير كذا بتكون بنت علاقتهم على اساس من الصحة والثقة
يمكن الحين يزعل بقوة انها جذبت عليه وتنهز ثقته فيها

>>ماأقول التكميم عيب لاااااا بس هي اللي كذبت عليه في البداية
خلها تتوكل على الله وتقول له

 

[صادقة بكلمتي]

مسكيتة الله يرحم حالها يعني فوق التعب بعد شايله هم يعرف ريلها اهو صج ما يبنى على باطل اهو باطل لكن اهي مو مسوية شي عيب صج بالنسبة لبعض الناس هذا ضعف ارادة بس وناس تاخذها من باب اللعب بما خلق الله وهذا حرام لانه يدخل بالقطع وجذي لكن انا اقل لازم تصارحة اقلها لا سمح الله لو حاشها شي يعرف يساعدها وما يضل هم على قلبها واعتقد لو يحبها صج بالعكس بيوقف معاهاااااا والله يسخره لها امييييييييييييييييييين

 

[جوزائيه مغروره]

لازم تقوله

خل تقعد معاه بوقت حلوو وتقوله

مو واهو معصب ولا متضايق

 

[om_fajer83]

من صجه اللي طلق مرته عشان الزايده الحمدالله والشكر اصلا مو حسافه عليه هذا مو صاحي وتكسر الف برمه وراه شلون بتعيش معاه دام تفكيره تافه ومتخلف جذي
وبصراحه رفيجتج خل تقول وعادي شنو يعني !! النتيجه انها ضعفت عمليه تكميم والا ريجيم شتفرق !! انا مستغربه انها خايفه اصلا
راح يعرف اول والا تالي

معاهااااااا:eh_s(15):

 

[بدوية بملامح كشميرية 86]

لاتقوله. ع اساس مسويه رجيم