رفيجتي عروس تبي مساعدتكم

[قروب وناسه]

انا عندي الحل تروح الاحساء وتحول هالمبلغ لريال السعودي شوفي كم بيصير عندها احنا عندنا بالسعوديه اغلب المهو ٣٠ الف ريال ويزيد ل١٠٠ الف على حسب
واقل مهر ٨٠٠٠ باقلبي وغير مذا يبقى من المهر كثييير


5000 kwd = 66800.00 sar
1 kwd = 13.36 sar 1 sar = 0.07 kwd
انا حولت السعر

طلع 66800.00 يعني ٦٦ الف وثمان ميه ريال يعني يكفيها ويزيد وتشتري كل اللي بخاطرها يعني ويبقى عندها فلوس زياده

 

[عتيبيه ذوق]

انا اقول استخيري ...ليش مايسون عرس يعني ؟!! اذا عنده ظروف اوكيه ... وثاني شي لا تطلبين منه شي علشان لا يذلج فيها بعدين وكل يوم يجيب طاريها .. الرياجيل ماينسون ههه

 

[al-musk]

تسوي عرس صغير لها ولاهلها واذا بتعزمهم فتعزم اهله بس وتشتري شبكه صغيرة اذا تبي وفوقها تجهز على قد مهرهم .. هي ماراح تنقطع من السوق هذا اول شي.. ثاني شي لاحقه تشتري شبكه بعدين زينه بس الحفلة ماتتطوف
ولاتطلب منه ولا شي هم وافقو من الاول فخلاص الي اوله شرط اخره نور
اهم شي الصبي زين وهي مرتاحه لهم والفلوس مو مهمه

 

[اميره^_^بحلآها]

مافيها شي خليها تقول لهه ابي والله اذا زوجهامو واحد غريب عنها و بعدين مهرها شويهه حيل

 

[كويتيه شماليه]

قولي الحمدلله ان الله ستر عليج وارزقح بالزواج المفروض تفكيرج عن الاستقرار والامومه اثمن من الفلوس والجهاز والعرس

ادعي ربج يوفقج 5000 خير ونعمه اهم شي البركه والتوفيق صدقيني كل شي تروح سوالف الا القبول بينج وبينه

ياما بنات سوو عرس بفنادق وافخم بدل العرس والجهاز من بره وفخفخه كلها راحت بالطلاق

صدقيني اهم شي التوفيق عيب انج تطلبين منه زياده شيقول غير انج مو قنوعه !!


انا من البنات اللي ماسويت عرس سويت حفله عائليه لبست الابيض وصالون وصورنا وجهازي كان حلو ومرتب والله ماجذبت عليج
وكان مهري 4000 زدت فوقهم من اهلي واشتريت اللي بخاطري والحمدلله وبالنسبه للشبكه اخذت ناعمه وتناسب مهري ماضغطت عليه وحطيت في بالي اذا احد تكلم وعلق على الشبكه بقول على قد مهري والحمدلله محد تكلم حتى اهو يدرون ان الذهب مرتفع والمهر متواضع والحمدلله اهم شي التوفيق والا كل هذا كماليات بالحياة نقدر نستغني عنها

 

[قاهره عذالي]

لو مكانها

ارجع لهم مهره

وافركش الزواجه ويولون

اذا مايسوون لي عرس ولا في شبكه

ال5 شتسوي

اللي مايشتريني بالغالي ويتعب علي

ماراح يعزني ان عشت معاه

 

[mischocolat]

ما ادري عن عوايدكم بالكويت كيف لكن بصراحه بدون شبكه ولا عرس هاي ما حبيتها ...ليش ان شاءالله الوحده تنتظر يوم عرسها من وهي صغيره
بس اذا مثل ما قلتي اهلج اتفقو وياه على هالشي ع الاقل الحفله الصغيره اللي بتسوينها لازم على حساب المعرس مب العروس
المبلغ اللي يندفع للعروس هذا مهر لها مب ملزومه تسوي منه عرس
من البدايه لا تطوفين له كل شي عشان بعدين ما يبلعج ...اشيا صغيره تتغاضين عنها ما عليه بس العرس اسمحيلي هذا شي مهم جدا جدا

 

[روان المطيري]

اذا اهلها مايقدرون يساعدونها ولا عندها معاش خلاص تكلمه صح فشله بس بعد شتسوي من وين تزهب الله يعينها الحين 7 ماتكفي شلون 5

 

[اميره^_^بحلآها]

لا طبعا فشله اصلا شلون تقول له ابي فلوس ماعندي او ما يكافي لا عيب و فشله بحقها و اهيا توها ماجت عنده

 

[مولاي الفرج]

انا لومنها البس شبكه اختي لان كلها يوم واحد واهي بعدين تقدر تشتريلها شبكه باي وقت

 

[@النوري@]

لا تسوي عرس مصاريف على الفاضي
خلتسوي حفلة صغيرة بالبيت اذا تقدر

 

[ام بيان]

حبيبتي خمسه الاف تكفيج اذا قسميتها عدل انتي ماراح تدفعين فلوس لنفنوف العرس ب 1000 وفوق ممكن يعني اقل بوايد عندج اتيليهات تسوي عروض يطلع عليج نفنوف العرس ب 500 وشي وسوي مكياجج بدون تكلف مو بسعر مبالغ فيه ​

حطي 400 حق دراريعج و 200 مكياجج و 250 بدلات و بجايم 150 اندروير وقمصان نوم نوعي بين الطويل والقصير والناعم والفخم هذي 1500 نكمل حطي مبلغ 150 حق كعبات و جناط واشتري ساعة ماركة سنعه من روائع جنيف من 150 وطالع ساعات كلاسيك ماركات معروفهفصلي لج عبايتين ذربات للطلعات وعبايتين كشخه للزواره جدام بيت اهله بسعرج اللي با شرط مايطوف ال 200 يعني كل عبايه ب 50حطي لاكسسواراتج 100 من خواتم وسوارات ولا تقولين شويه صدقيني كافي هذيلا 2000 يبقى لج عادعطورج اخذي 2 سيت عطور كامل واحد قوي وواحد خفيف واخذي 3 عطورات زيادة ع حسب ذوقجهذيلا 5 عطورات تكفيج اول 6 شهور ههههههههههههه تقريبا 250وعندج البخور نوعي من كذا شركه من الغالي والرخيص من امل الكويت وعبدالمحسن و العربية والقرشي اخذي ب 150واخذي مرشات فراش ماراح تكلف عليج 30 دينار وعندج باث اند بودي عندهم سيت كامل شور جل و لوشن وبخاخ من نفس الريحه يعني شي فظيع اخذي 2اخذي اكسسوارات شعر ،اصباغ اظافر،ملابس صلاة،فوط جسم وروب،استشوار شعر واخذي لج كورس حمامات مغربيه وان شاء الله الباقي لج 2400 ان شاء الله تكفيج تشترين شي من الذهب عساني اكون افدتج

جان زين عارفتج يوم عرسي
ما شاء الله عليج عجبني تقسيمج حق المهر

 

[om janoona]

حبيبتي خمسه الاف تكفيج اذا قسميتها عدل انتي ماراح تدفعين فلوس لنفنوف العرس ب 1000 وفوق ممكن يعني اقل بوايد عندج اتيليهات تسوي عروض يطلع عليج نفنوف العرس ب 500 وشي وسوي مكياجج بدون تكلف مو بسعر مبالغ فيه ​

حطي 400 حق دراريعج و 200 مكياجج و 250 بدلات و بجايم 150 اندروير وقمصان نوم نوعي بين الطويل والقصير والناعم والفخم هذي 1500 نكمل حطي مبلغ 150 حق كعبات و جناط واشتري ساعة ماركة سنعه من روائع جنيف من 150 وطالع ساعات كلاسيك ماركات معروفهفصلي لج عبايتين ذربات للطلعات وعبايتين كشخه للزواره جدام بيت اهله بسعرج اللي با شرط مايطوف ال 200 يعني كل عبايه ب 50حطي لاكسسواراتج 100 من خواتم وسوارات ولا تقولين شويه صدقيني كافي هذيلا 2000 يبقى لج عادعطورج اخذي 2 سيت عطور كامل واحد قوي وواحد خفيف واخذي 3 عطورات زيادة ع حسب ذوقجهذيلا 5 عطورات تكفيج اول 6 شهور ههههههههههههه تقريبا 250وعندج البخور نوعي من كذا شركه من الغالي والرخيص من امل الكويت وعبدالمحسن و العربية والقرشي اخذي ب 150واخذي مرشات فراش ماراح تكلف عليج 30 دينار وعندج باث اند بودي عندهم سيت كامل شور جل و لوشن وبخاخ من نفس الريحه يعني شي فظيع اخذي 2اخذي اكسسوارات شعر ،اصباغ اظافر،ملابس صلاة،فوط جسم وروب،استشوار شعر واخذي لج كورس حمامات مغربيه وان شاء الله الباقي لج 2400 ان شاء الله تكفيج تشترين شي من الذهب عساني اكون افدتج

عدل كلامج
كفيتي و وفيتي

 

[i'm so happy]

الله يوفقها يارب ويسعدها

الحين حبيبتي محد يسوي عرس الناس تيي تاكل وتشبع وتتكلم الا العروس حلوة الا المعرس احلى الا والا ..
وتخسر حق القيل والقال تستانس فيها وايد احسن واذا ودها تسوي حفلة بسيطه تكون بين اهله واهلها وبسسس
التبذير مو زززين كل واحد وعلى قده اهم شي تاخذ لها ذهب اتم لها ذخر وسناد وتكشخ فيه واما باقي الفلوس تقسمها
مبلغ بسيط فالبنك والباجي تتجهز فيه والله ان في فساتين رووووووعه وانا وحده من اللي فستانها كان ب100 دينار
ناعم وبسيط موديل اجانب اما الدفاشة مو حلوة منفوش او مكسر او او او قددددمت هالحركات نصيحة تسافر مع زوجها
وتستانس احسن لها من التبذير اللهم تسوي عشى في بيتها وتلبس فستان حلو قيمته 100 او 200 ناعم وبسيط تطلع شحلاتها على طبيعتها وبعدها تسافر اما عرس وطقطقة وعوار راس وعشى وكوشة وحلويات وووو.. كلها مصاريف وكل شي ارتفع سعره

وربي يوفقها واسفه على الأطاله في حديثي بس نصيحة لوجه الله وقولج اسأل مجرب ولا تسأل طبيب واانا وحده مجربة وعارفة

 

[IT shadow]

طلبي نفنوف عرسج من النت
مايطلع عليج 400 دينار
ومو شرط تسوين عرسج بفندق
تقدرين تسوينه بصاله
وان شاءالله كل شي يكفي
والله يوفقج