رفيجتي نزلت ببيتها .... عطوني أفكار للهدية

[أم الحلوة جمان]

هلا يا أحلى بنات كويتيات .....

طبعا الموضوع باين من عنوانه ....

عندي ثنتين من أعز ريفيجاتي نزلوا ببيتهم ( الفال للكل و لنا )

فعطوووني اقتراحات للهدايا اللي ممكن اهديهم و من وين ....
يالله همتكم يا بنات معاي ...

 

[* LOVE STORY *]

اي والله آنا نفس حالتج بعد

بس آنا بنت عمتي ومحتارة شنو آخذ لها

همتكم بنااااااااااااات

 

[ضحـاوي]

حسب نوع الهديه شرايج بمواعين ؟؟؟؟؟؟؟؟؟؟؟؟؟؟؟؟؟؟؟

الصافي عنده اطقم وايد حلوه

 

[أم الحلوة جمان]

والله انا كنت مفكرة بكذا شغلة و عطوني رايكم :

1- طقم استكانات و فناجين قهوة.
2-اكسسوارات للاستقبال.
3-اكسسوارات لغرفة الطعام.
4-اكسسوارات للحمام.

و المحلات اللي مفكرة فيها : A2Z- True Value - LandMark - Home Selection .الفياصل- لحظة من فضلك .

بعد شنو ذكروووني .

 

[كراميل]

في اطقم ستيل للعزايم و العشا عند المبرور و غطاهم يكون ممكن زجاج .. اللي تحطين تحتهم شمع او سخان . حيل مفيدين لها

و في فكره هم حلوة . عطيها لوحه زيتية كبيره و مبروزه . اكيد عندها مساحات فاضيه و بتستفيد منها .

و الهديه اللي ما تنقط كلش طقم راقي من البخور و الطيب و غيرها .

 

[om_jenan1978]

أنا من رايي تشترين أكسسوارات حق الصاله من سنتر بوينت أو تشترين لوحة فيها رسمه حلوه أو آيه قرآنية

 

[العنونة]

بدل ما تشترين لها هدية عطيها مبلغ الهدية وهية تشتري الي محتاجتة أفضل من انج تشترين شغلة مكررة أو مو محتاجتها إهية .
لكن إذا مصرة على الهدية مثل ما قالت لج كراميل أطقم العزايم وايد مفيدة .

 

[xxx]

أم الحلوة جمان

الافضل تشوفين شنو ناقصها من اجهزة كهربائية أو اي شي بالبيت

وتشترينه لها

أو مثل ماقالت اختي العنونه مبلغ وتشري براحتها

 

[الالماس واللولو]

شوفي يالغالية عندج كذا حل بما انهم ثنتين ويميع فانا اقترح عليج بالاتي

- اما تشترين علبة من بيت الهدايا وتحطين فيها ورد مجفف ومبلغ من المال

- او تروحين الحين لاند مارك فيه تنزيلات بحولي والري تشترين طقم مواعين او اكسسورات حق صالة الاستقبال

-الافضل تشوفين شنو ناقصها من اجهزة كهربائية أو اي شي بالبيت

وتشترينه لها

والراي رايج يالغالية

 

[أم الحلوة جمان]

هلا حبايبي ..
والله وحدة منهم شريت لها طقم استكانات و فناجين قهوة من كل لحظة ...
بقت الثانية ليما الحين ما شريت لها أنها ما خلصت البيت نهائيا ...
والله شكلي أعطيها فلووس أو أسأل شنو ناقصها..

ومشكوووريين

 

[Brounzi_girlly]

آنا من رايي
مبلغ فلوس
أو أجهزة كهربائية تكون ناقصتها
أو أطقم مواعين أو مطاطير
أو كفر راقي حق غرفتها إلخ
مع التحية...........

 

[هوى الدار]

مثل ماقالو البنات شوفي شنو ناقصهم واشتريه لهم او عطيها مبلغ من المال ممكن محتاجين شغلات بالبيت يعدلون فيه او شي ما تدرين انتي جرجريها بالكلام وشوفي شنو تبي

 

[New Mum]

اخذيلها جيفت فاوجرز من كذا محل يعني من ذا ون ايكيا لاند مارك
احس اذرب من مدة فلوس واهيا تشتري براحتها

 

[ورده بنفسجيه]

انا اذا رحت السعوديه وخلصه بالسياره اروح عند السيف اللي بالعزيزيه

عنده شنطه وفيها صحون تقديم تهبل تدرون بجم تقريبا بست دنانير

اكرف منهم والفها مع الشنطه الشنطه مثل قوطي الشبكه مخمل

والصحون تهبل

عاد اقولج عندج اللي بالاوقاف الشلاحي واللي بمجمع النقره

ومبروك والهنوف اللي بالري وخلي هديتج بصمه عندها تكون مميزه

وخاصه بالتقديم حطيها بكرتون حتي تستفيد منه

واذا عندها بنت اشتري لبنتها كفر حلو مع مرشات معطره مو لازم بس للأم

والبيت هاااااااااااااااااااااااا شرايج؟

 

[أم الحلوة جمان]

مشكووورين بنات والله ما قصرتوااا
بس حلوة Gift voitu re توني أدري ان ب ذا ون و ايكيا و في هالطريييقة
شكلي الثانية باخذ لها هالشي ..

 

[جومانجي]

شي تستفيد منه حق المطبخ

 

[ألولو78]

بالتوفيج