رفيجتي وكشختها بالجامعة

[دعوااتكم]

السلام عليكم ورحمة الله وبركاته

شلونكم بنات ؟

حبيت استشيركم بشي

انا هالسنة توني داخلة الجامعة والحمدلله لبسي مرتب ونظيف
ووحدة من رفيجاتي المقربااات الله يهديها وااااايد وااااااايد تكشخ بالجامعة

يعني اوفر فل ميك اب والوان وحالة انا عن نفسي اشمئز والله

بتقولون شلون تعرفتي عليها وهي جذي؟

انا تعرفت عليها من ايام المدرسة وصارت وااايد وااايد قريبة مني

وكانت انسانة عادية ويبين عليها مؤدبة وخلووقة

بس يوم دخلنا الجامعة انصدمت بشكلها صراحة

انا خايفة ان الناس اذا شافوني معاها يقولون انا وحدة مو زينة نفسها !!!

مع انها طيبة وماشالله ماشفت عليها ولاشي بس شكلها يخليني اقول هالشي

برايكم شنو اسوي محتارة! اقطع علاقتي فيها؟؟؟؟؟؟؟

ماقدر اكلمها او انصحها لان لسانها طوييييييييل وممكن تسبب مشكلة كبيرة

شسوي

 

[Tom ♥ Jerry]

,


انا عن نفسي مآ آحكم على الناس من لبسهم أو شكلهم !
ياما شفنا ناس مغطيين من فوق ليه تحت و للاسف آخلاق مآكو
و شفنا العكس .. بنات لبس قصير و ميكب لكن تحرجج بآخلاقها و اسلوبها

المهم .. اذا اهيه مؤدبه بس شكلها آوفر خلج وياها و نصحيها شوي شوي
بالكلمه الحلوة يمكن تتقبل منج بس اذا مآعندها اخلاق
يعني تحسين من تصرفاتهآ و اسلوبها انه همها الشباب و و و آلخ !
من تفاهه بنات هاليومين وخري عنهأ
لانه سمعتج بتتاثر سلبيا

 

[هناء - Hana]

صراحة كل واحد ولبسسسة مادام امها وابوها راضضين خلاص مادام انج تعرفين اخلاقها وطيبة ليش اطولين لسسانج وتتفترقون وتصييير مصصيبة سسكتي احسسسن..لانه بتخسسرينها وبعدين يعني مو اي وحدة تلبس صغييييييير يعني خلاص الناس بيقولون عنها انها قليلة ادب هذا مظهرها الخارجي..وانتي تعرفين مظهرها الداخلي ..
وبالعكسس مادام انج تشوفينها طيبة واخلاق ليش تقولين عنها جذي..وشفت ناس متدينين وابوهم شيووووخ وربي ماجذب عليج ترقم شباب قداااااااامي بعد استغفرالله ياربي الله يهدي الجميع..
وانا حابة اقولج لاتخسسسرينها وكلميها بغشششششمرة وجذي بس بضضضحكة وبس موفقة؛*

 

[توسآه]

اتمنى فادوج البنات حبيبتي

بالتوفييق للكل ي رب

ويهديي الجمييع

استغفرالله

حلات البنت ع ستر جسمهآ .. , الله يهدي جميع المسلمين ي رب

 

[oshi_q88]

مآقصرو البنآت
وبعد لية تتركينهآ عششآنهآ تكششخ عآآدي الكل يحب يكششخ
وآمكن فتره وتخف البنتً عششآنهآ دآششة الكلية وكذآ آصبريُ علييهآ آنتيُ

 

[عادت ذكرياتي]

إذا كان على لبسها انصحيها حتى لو بطريقة غير مباشرة


أما إذا عندها سوالف اكبر من جذي اتركيها ووخري عنها ...


والله يستر عالجميع

 

[FDET NFSY]

لا تحكمييين ع الشكل الخارجي

ياما ناس مسترين من فوق ل تحت وماكوو اخيس منهم مو الكٓٓـــــل البعض


دامها محترمه نفسها ومحترمه المكان خليج معاها وشوي شوي نصحيها

 

[دلال و غلا]

انصحيها حتى لو بتجرحج بردها حاولي تذكرين انج نصحتيها تبين لها الخير وهالشي بريحج و حاولي ما تقعدين معاها كثير ع قولتج بعض الناس بتتكلم
فا ليش تفتحين ع نفسج باب انتي بغنى عنه
هذي نصيحتي لج كأخت ..

 

[Pink.Barbie]

ازا البنت سترايت و اخلاقها كويسه مو فاهمة يعني ليش تتركيها هيا حره بلبسها و ستايلها

اما ازا عندها مشاريع اخرى فابعدي عنها عشان نفسك و سمعتك

وبعدين انا مستغربة من شغلة ازا هيا صحبتك و تحوبيها و عزيزه على قلبك

كيف تتفشلي منها ؟!! شكلو علاقتكم زماله اكتر من صداقه

 

[اميره جورج]

يابنت الحلال اهي كاشخه وحالتها حاله لانها توها داشه الكليه ماصدقت تغير عن المدرسه والنظام صبري كم شهر تشوفينها يمكن حتى ماتمشط شعرها مع الدراسه والتعب

 

[^^ NoOr ^^]

تبين نصيحتي لا تقطعين علاقتج فيها ترى عادي كل البنات جذي اول ما يدخلون الجامعه حتى اختي لمن دشت حسيتها باللوك مالها حسيتها تهلق شوي بس ترى شوي شوي تصــير عادي وبالعكس راح تقولين لها ليه ماتكشخين وتشوفين بعينج


وشكرا

 

[D E E N A]

حبوبه من غير زعل آنتي من موضوعك تبين آنو تفكيرك سطحي !

آلحيآه آكبر وآلصدآقآت آعمق من آلشكل وآلستآيل وآلبس

آنتي من نفسك قلتي

مع انها طيبة وماشالله ماشفت عليها ولاشي بس شكلها يخليني اقول هالشي

آعتقد آهي طبيعيه يعني كلنآ بعمر آلجآمعه نتغير نكبر يتغير ستآيلنآ نبطل

نكون نفس آلثآنوي مآفي مكيآج لبس سبور ومن هـ آلآشيآْ

ممكن يكون آلعيب فيك آنتي مو فيهآ يمكن آنتي للحين متقمسه دور آلبنت آلصغيره آلي كل شي

مآيصير !

آنآ آعرف كثير عآئلآت ممنوع آلميك آب وآلطلعآت لزيآده وآللبس آلآوفر لبنآتهم وقت آلمدرسه

ووقت آلجآمعه خلآص يآخذو نوعآ مآ حريه ويتغيرو لآنو دخلو مرحله جديده

فـ آرجع وآقولك

( رآجعي نفسك يمكن آلعيب فيك مو فيهآ )

وطبعآ مثل مآقآلو آلي قبلي آللبس وآلششكل عمرهآ مآكآنت دليل ع آلآخلآق

في بنآت بطبعهم كذآ يحبو آلكشخه !

​

 

[محلله ماليــه]

انا ماشوف بالموضوع شي غلط ..

لانه الصداقه عمرها ماكانت بالشكل والستايل ,,

انتي تحبينها ؟ تعزينها ؟

خلاص لازم عمرج ماتفكرين تبيعينها

......

 

[لمى الهاجري]

عادي كلنا نكشج بالجامعة تلاقينها فرحانة مع الايام بيخف كشختها

 

[pink Barbie]

لوووووول اكيد مستجدات صح؟؟
الكل جذي نطري عليها شوي كورس والا كورسين راح تخف كشختها
عادي لي لما تصير خريجة تلقينها اتيي ببجامتها و فوقها عباية والويه حمص

و المظهر مو مقياس للاخلاق دامها زينه ومؤدبة واخلاقها حلوه مالج شغل بالناس حرام عليج ما سوت لج شي
الحين انتي تقولين لما يشوفونج معاها الناس يقولون عنج مو زينه ؟؟ انزين ليش مو لما يشوفونها معاج يقولون عنها زينه؟

مثلا انتي شكلج مؤدبه وذربه واهي اوفر ليش ما يقولون عنها اهيه تمشي معاج اكيد اهي نفسج مو العكس
عرفتي شقولج

اففف ماعرف اشررححح @@

 

[عاشقه رويشد]

دام زينه ومافيها شي نصحيها عشان مصلحتها اهيا وبس او يمكن عشان توها مستانسه اول سنه بعدين بتمل الله يهديها

 

[english muffin]

انتي تفكيرج سطحي
يعني تعرفين البنية وتعرفيم معدنها وتبين تقطعين علاقتج معاها بس لانها تكشخ !

 

[الجذابـة2022]

حبيبتـــي /

مافي داعي تقطعيـن علاقتج فيها دام البنت زينة ومعاج من زمـان ..

الواحد يشوف الاخلاق مب الكشخـة مب كل من كشخ قال هاذي البنت مب زينـة الواحد ما يتعامل بكشخــتة الاخلاق تغطـي على كل
شـي...

واذا على الكشخة لان توهـا داخله الجامعــة ومفتلـة اول الايــام بس عقب اهي من نفسها بتقل ,,,

وخلج معاها عــــادي واذا حابـة تكلمينها كلميهــا بشكل غيــر مباشر,,, حور لي لها الكلام,,,​

 

[Combat]

ماعليج من الناس حلوه هذي خاف الناس يقولون عني مو زينه ؟!؟!
ولا مو خايفه عليها خايفه على نفسج حضرتج
صديقه مقربه عيل!!
شهالصداقه هذي صج راحوا الطيبين

 

[شذى2007]

نصحيها الله يهديها