رفيجتي وكشختها بالجامعة

[lemonda]

حره بملابسها ومكياجها وكل انسان يمثل نفسه طالما طيبه ولا شفتي منها شي خلاص خليها براحتها

 

[روجَ آحمرَ ..×]

-



اختي توم معاها حق وش خصك بالناس دام اهي من جواتها من داخلها مودبه وخلوقه ومحترمه
وبعدين عمر اللبس مايحدد تربيه احد او شخصيه احد
وبعدين انتي تعرفينها اكثر من الناس ليش تقولين عنها كذا ..؟
بوجه نظري عمر اللبس ماكان دلليل على ان احد محترم او غير محترم
ياما ناس يلبسون لباس محتشم ومسوين ارواحهم مودبات قدام اعين الناس
وهم من جواتهم ناس مو كويسين

 

[Nanoosa]

حره بملابسها ومكياجها وكل انسان يمثل نفسه طالما طيبه ولا شفتي منها شي خلاص خليها براحتها

نفس الكلام اللي كنت بقوله

 

[سلطانة الاحساس]

خل تلبس لبس عملي وحلو حق المحاضرات مؤ حلو فل ميكب ويييع انا بالعروس مااحط فل ميكب
مداري شقولج بس البنات ماقصرو

 

[شقآوه أنثى]

انا مع توم وجيري باللي قالته

حبيبتي الشكل ما يدل ع الجوهر ابدا ابدا
اذا اهي زينه واخلاقها حلوه خلج معاها ولا تخسرينها وحاولي تنصيحنها باسلوب حلو ما يحرجها

اما اذا مو زينه واخلاقها زيرووو وخرري عنها =)))

 

[latkt7as]

يمكن مسستانسه بالعالم الجديد الي اهي فيه

بس فيه طريقه حلووه بدون ماتخسرينها اذا اخلاقها زينه

قولي تصدقين هابين بالميك اب بكحل ومسكره وقلوس حييل ذرب

تصدقين هابين بهالملابس الناعم

وريها صور ميك اب هااادي وقولي شششحلاتهااا

ومع الوقت تتغير

تقبلي مروري

 

[dalo0oa121]

اذا الجامعة مختلطة لج حق انج تنصحينها لكن اذا حواليج بناات هالشي
بنظري عادي انها تتكشخ وتتمكيج مافيها شي

 

[اميره1980]

هذي هبة و بالبداية بس بعدين بتمل و تنتبه لدراستها

 

[رجااوي]

مسكينه توها جديده توها تشوف عاللللللللللللللم ثاني غير المدرسه
انا كذا اول مادخلت الجامعه اكشخ واتزين بس بعدييييييين مليت وصار عادي عندي

 

[ZBO6A]

منو مايحب يكشخ
كلنا بس يختلف في ناس كل يوم في ناس علمزاج او اذا عندهم وقت
وصح كلام البنات بلبدايه بس بعدين تملين
واذا على رفيجتج انا اشوف انج تظلين معاها لان هذا مو سبب مقنع انج تهدينها عشان لبسها
واذا صج تحبينها يعني تتقبلينها مثل ما اهيا بكل عيوبها ماتغيرين فيها شي:eh_s(7):

 

[fatma A]

ترا صح كلام البنات مو بس بالشكل تحكمين والله اعرف وحده مدينه وتصلي وما تخلي شي ما تسويه بس سبحان الله تاذي عمها ابو زوجها وتشيش اخوان على بعض ومتكبره ومغروره يعني لا تغترين بالمظاهر المظاهر خداعه كلنا جذي اول ما ندخل معهد او جامعه نتكشخ وبعدها نطري جم شهر تلقين مهقين مالنا خلق نتكشخ

 

[اميره^_^بحلآها]

ما اشوف شي غلط بموضوع عادي

 

[قمر بيت أبوها]

منصدمه منك بصراحه يعني تقدرين تقولين لهااكشخي يافلانه بس بالمعقول لسانها طويل قولي البنات يقطون عليك يعني فيه مليون طريقه للاقناع
بس تتركينها عشان خايفه علي نفسك يعني اللي تكشخ بالجامعه اخلاقها مو زينه علي كذا انقلبت الموازين
بس انااتوقع انك ماتبغين تستمرين معاها مافي سبب وبس

 

[brettey]

بصراحه ومن غير زعل كيفها اهي حره
والصراحه الي يقيم الناس من شكله تفكيره سطحي
لاتماشينها اذا مو متقبله شكلها