حبيبتي حاسة فيج ومب سهل انج تخسرين رفيجة عمرج انة مريت بهالشي وخسرت صديقة عمري واللي مريح ضميري اني ماظلمتها بالعكس اهية اللي اظلمتني ومابتصدقين اذا قلت لج انهية اوصلت فيها المواصلين تحجة عن عرضي وكرامتي وهالشي صدمني وابدا ماتوقعتها منها اهية بالذات عقب ما وقفت معاها في وقت اللي اهلها واجرب الناس لها (امها )تبرت منها وقاطعوها اهلها فوق 10 سنوات لانها تزوجت واحد مو من مذهبها .. تخيلي كانت تمر عليها اعياد ومناسبات وحتى يوم اللي بتولد محد كان معاها في المستشفى بس انة الوحيدة اللي زاريتها خذيت والدتي واختي ورحت مابغيتها تحس انها وحيدة بهالدنيا .. بس شوفي شنو اللي لقيته؟ صج لين قالوا( يزات الخير سواد الويه ) واكيد بتقولين عني غبية وعلى نياتي اذا عرفتي اني سامحتها واني نسيت كل شي سوته وقالته عني واني قدمت استقالتي وتركت شغلي لاني ماقدرت اكون معاها في مكتب واحد واحنة بينا حساسية ومانحاجي بعض وبعد ما اشتغلت في مكان ثاني عرفت انهية حامل مرة ثانية وتعبانة عندها مشكلة ومرقدة في المستشفى اتصلت فيها عشان اتطمن عليها ولي يومج ذي ما انسى شنو قالت لي 
بعد عمري ... صدقيني لو انتي ظالمتني و مسوية فيني اللي انة سويته فيج مستحيل كنت اسامحج يوم ولة حتى افكر اتصل واتطمن عليج بي انتي وفية )تدرين حزتها قمت آبجي وتحسفت ان صديقتي وايد تأخرت لين اكتشفت اني شلون كنت وفية معاها وشلون كنت اقدس علاقتنا .
بس هالشي خلاني اتأكد ان في زمنا الحين الصداقة الحقيقية صارت عملة نادرة والمحظوظ بس اللي يلقى اصدقاء حقيقيين ولة الاكثرية بس اصدقاء بالاسم .
فنصيحتي لج انج تحاولين ماتخسرين صديقتج وتقعدين معاها واتشوفين شنو اللي خلاها تغير عليج؟ وحبيبتي حاولي تلقين الاسباب اللي خلتها تنهي صداقتكم ومافي مشكلة مالها حل.
بعد عمري ... صدقيني لو انتي ظالمتني و مسوية فيني اللي انة سويته فيج مستحيل كنت اسامحج يوم ولة حتى افكر اتصل واتطمن عليج بي انتي وفية )تدرين حزتها قمت آبجي وتحسفت ان صديقتي وايد تأخرت لين اكتشفت اني شلون كنت وفية معاها وشلون كنت اقدس علاقتنا .بس هالشي خلاني اتأكد ان في زمنا الحين الصداقة الحقيقية صارت عملة نادرة والمحظوظ بس اللي يلقى اصدقاء حقيقيين ولة الاكثرية بس اصدقاء بالاسم .
فنصيحتي لج انج تحاولين ماتخسرين صديقتج وتقعدين معاها واتشوفين شنو اللي خلاها تغير عليج؟ وحبيبتي حاولي تلقين الاسباب اللي خلتها تنهي صداقتكم ومافي مشكلة مالها حل.
