رمضان عالابواب ..زهبتي هديه خالتج ام زوجج (((:

[bee_honey]

والله انا مفكرة اعطيها الاطقم الملونه ملوت a2z الملونين
الصينيه والمطارة ومال الشكر
وبشتري وياهم استكانات

واهما ما يشربون قهوه بس جاي

ومشكورين على الموضوع

 

[بسبوووسه]

مووووووووووووووووو كفووووووووووووووووووووووووووووووووووو

 

[اكسبلانكا]

طالبها من ام جوري طقم الصلاه اللي بالجنطه الستان سياده وثوب ومسواج وكتيب ومممممم ماذكر شنو بعد بس حلو وناعم ومناسب بس ناطره متى يوصل
وحرم راشد كل مادشيت موضوع ادور ردودج لوووووووووول تضحكيني احسج فيج شوي من لعانتي لووووووووووووول فديتج

 

[في بحرهم عذبوني]

لو تستااهل اشلع عيوني و اعطيها
يعني انا توني حامل يوم عرفت كل شوي تقول ما ياتج الدورة ؟؟
و منفسه علي شنو خل نفسيتها نتفعها حتى مبروك ما قالت لي
يعني شي ما يحز بالخاطر ؟ بروحه مالي خلق اطلع بويهاا البشع استغفر الله

انفعلللللللللللت سوووري

 

[طوق البنفسج]

انصدمت من بعض الردود مهما كان هذي ام ريلج .. و يده عيالج ..

موشرط الهديه اتكون بقيمتها ترى في اشياء بسيطه بس اتفرح ..

ماعون حلو .. ماعون كبب مشكله و في الحين البيوت ماشاء الله يسون كبب فناتق بحشواتهم .. قطعه خام .. شيله .. اذا اهي كبيره وايد ثوب .. يعني في وايد افكار بسيطه بس اثرها كبير

حتى اذا اهي بنظرج ماتستاهل خلج مع ربج احتسبيها لوجه الله ..

هذا و احنا رمضان جذي بعض الردود الصراحه صدمه

 

[دلوعة المطران]

انا اشووه اهديتها الاسبوع اللي طاف درااعه وجيس بخور من معرض وحيل استانست تستاهل الغاليــه

 

[عنـــآق ..!]

وااااااااااااااااي عجبتي الفكره حييل مع اني ماكنت مفكره فيهااا نهائيااا
حلووو الدرابيل وقرص عقيلي ..

 

[gazaaaal2]

والله انا محتارة حيييييييييييييييييييييييييييييييييييييييييييييييل
بس مفكره هالسنة شي غير
شكلي بشتري فوانيس شفتهم بسنتر بوينت
حلوين حيل
اثنين مع بعض سعرهم دينار ونص سعر التنزيلات
واحد لامي وواحد لخالتي ام زوجي
وبحط معاه شموع حلوة
وكرت من تصميمي طبعا مبارك عليكم الشهر
مع بطل فيمتو
هالايام ذبحه عليه ههههههههههههههههههههههههه

 

[حياتي خيال]

اتمنى اهديها .. لكن وش أقول مايعجبها العجب !! وقدامي تقولي مو حلو مع انها غاليه .. ياليتها تستاهل
خليني أهدي للي قلبها على قلبي اللي اهي أمي
مشكوره اختي يبتي الفكره براسي

 

[نونو 86]

حلوة هدية الخاله .. بس لاتنسون الام بعد

انا وريلي فكرنا نهديهم وقف ... >>> جمعية الاصلاح يسوون وقف للام باسمها وبظرف ذرب وفيه كلام يهبل ..

ينخصم من الراتب مبلغ مثلا خمسين دينار ويسوون فيه بير او شي باسمها عجبتني الفكره وحاطتها في بالي

فكره الثوب حلوة .. بس ياربي مكرره .. نبي شي يديد

 

[ذهب ابيض]

يسلمو عالردود يابنات
والبنات اللي شايلين على خالتهم ومعصبين ترى اهو موضوع وكتبته للكل وان نستفيد

واذا ماتبين تهدين انتي مو مجبورهوهذا شي راجعلج انتي

***********************

يسلمو عالافكار الاكثر من روعه​

 

[شروق أم يوسف]

أي والله يا حرم راشد يسلم فمك على قولت اخوانا المصريين لوووووووووووووووووول اعجبتني اهي امسويته اي والله شكو من زينها معاي عشان اهاديها خل ولدها يهاديها

 

[أم الروووووون]

شكرا على موضوعج الي طلع كل الي بنفوس البنات هههههههههه

والصراحه خوش موضوع عشان نتبادل الافكار

انا حدي محتاره مثلكم ماني عارفه شنو اهديها اهيه والماما الله يطول بعمرهم
بس ماكو الا اعطيها مبلغ واهيه تستفيد منه حق العيد طبعا بكون بصندوق وفيه شويه بخور على دهن عود ول مو خوش فكره فيدوني

 

[rubella]

انا من رايي صحن حلو مرتب ... تحطين فيه حلو قهوة كشخه ... وتودينه وتباركين برمضان مو الا هدية هدية المهم انج داشه وايدج مليانه بشي راقي وحلو

وانا رايي من رايج
اشتري صينيتين راقيين وصفي فيهم حلو قهوة او ميني قرص عقيلي او رهش وزلابية
ودي دحه حق امج والثانية حق خالتج
ورسولنا حبيبنا قال: تهادوا تحابوا صدق رسول الله صلى الله عليه وسلم
وعسى ربنا يعيننا على صيام وقيام رمضان ايمانا واحتسابا
وعسااااااااااااااكم من عوااااااده

 

[شمس عمري]

موضوع مرررررررره حلو بس ماخذيت فكره

 

[مســـــافره]

خوش موضوع عشان نتبادل الافكار

 

[وواوو]

امبيه دستوا على الجرح
ما تستاهل دايم اهديها.... و انصدم باغراضي اللي اهديتها مع الخدامه مع اني اشتريلها الغالي ..
فاخذت موقف خلاص .. كافي اني عمري ما شفت منها هديه بيوم حتى بزواجي او ولادتي
و لما قلت لها قالت كافي اني معطيتك ولدي اغلى ما عندي .... شنو تردين عليها ؟؟؟؟

 

[شوق الجوري]

أهديتها لما فيه الكفاية وما بين بعينها ، خليت الهدايا حق بناتها :eh_s(14)::eh_s(14)::eh_s(14):​

وانا مثل حالتج بالضبط لو تسوين النون ومايعلمون ماكو فايدة كل رمضان وعيد أبديها ع أمي وأخرته بتطردني من البيت:0bee2e8d89::0bee2e8d89::0bee2e8d89:​

 

[{ عبره وهلت }]

للحين مادري بس تستاهل الغاليه ؟؟؟

 

[بناتي زينة حياتي]

حـــــــــــــــــــــــــــرم راشــــــــــــــد ...الله يهديج ويغفرلج الظاهر نسيتي موضوعج كم حبة خال بظهر زوجج ؟؟

وباقي البنات ..صفوا نفوسكم ووطهروها ليش كل هالحقد على خالاتكم باجر ترى حريم عيالكم بيعاملونكم نفس معاملتك لخالتك ..؟؟

اللي تقول مالي خلق اشوف ويهها واللي تقول طل بعينها استغفرالله ياربي ...شفايده الصوم والصلاه والنفس شايله بالقلب ...

الله يغفرلنا جميعا ... ماادري شنو بتستفيدون من هالكلام ...؟؟ اوكي خالتج غاثتج موزينه معاملتها ماعليه تحمليها والدعاء ثم الدعاء ..

صاحبه الموضوع فديتج وفديت طيبتج ...انا بروح عمره ثاني يوم وان شاء الله بشتري لها قطعه خام حللوه تكشخ فيها بالعيد


وعسى الله يبلغنا رمضان بصحه وعافيه ..