رمضان والتلفزيون ؟!

[Eng.shosha]

-



-




-



السلام عليكم ..

شخبااركم ؟؟
رمضااان على الأبواااب وعساه ينعاد علينا وعليكم
بالصحه والعافيه ..

في موضوع من زمااان فبالي ودي اناقشه معاكم
بعض البيوت في " رمضان " التلفزيون ينشاااال !
عشان يتفرغون للعباده ..
أبي رايكم بالمووضووع ؟؟

بالنسبه لراايي ..
ما اعتقد هالشي صح .. صج ان رمضان شهر العباده
بس نقدر انظم وقتنا .. وقت للعباده وقت للتلفزيون ..
ولا انتوا شرايكم؟؟​

 

[thbanh^_^7ayrh]

اصلا ماله داعي على هالحركه
خصوووصا انه الرمضاان بالصييف
يعني العصير طوييييل يعني لازم شويه انضيع من وقتنا ...!!!

 

[هيوونه@]

بس لاياخذ وقتج
لان من مسلسل لي مسلسل
ومن برنامج لي برنامج .. يصير جنه ادمان
وعساكم من عواده

 

[يبقى الوله]

اول شي عساكم من عواده والله يعيده علينا وعليكم بالخير والصحه والعافيه
رمضان شهر عباده بس مايمنع هذا اني انظم وقتي بين عبادتي وبين مشاهدتي للبرامج او المسلسلات
فالسالفه سالفة تنظيم والشخص نفسه اهو اللي يتحكم بالشي هذا
وبسس

 

[tmtmt]

انا من راييج
الاكثر طبعا للعباده بس ما يمنع من ان نطالع التلفزيزن
يعني احنا عندنا بالمطبخ وامي قاعده تتطبخ نطالع وتطبخ
واذا بلف صمون بالصاله انلف ونطلع <<<<<<< الله يا حلو هالايام

 

[-@-فراوله-@-]

التلفزيون فيه الشين والزين

في مسلسللات تاريخيه تثقف ..وفي برامج دينيه للموعظه ..وفي برامج فكاهيه سليمه تكون للأطفال وللي بسن مراهقه


اما اذا قصدكم عن المسلسلات اللي يالله من فضلك مواضيعها مادري شلون صايره لا والله المفروض اشغل افراد اسرتي عنها


يعني الوالد يغصب الشباب يروحون معاه مشاوير والوالده تنادي البنات المطبخ و لا تشغلها بشي مفيد

والاهم من هذا كله نشأة الابناء على شنو ..المفروض في رقابه ذاتيه عشان يتشكل ذوق رفيع عند افراد الاسره ...لين نوصل ان افراد الاسره ينفرون من هالمسلسللات من نفسهم دون ضغوط الابوين


ويعطيكم العافيه وكل عام وانتوا بخير

 

[CUTE ENGINEER]

والله هي حركة حلوة بس فهالزمن ما تنفع
الأهم ان الواحد ينظم وقته آنا أختار مسلسلين ثلاث وبسسس أتابعهم وباقي الوقت للعبادة وقراءة القرآن
الله يعينا على طاعته
ويقوينا على صيام الشهر ويتقبل صيامنا أجمعين يارب العالمين

 

[اروى77]

مع اني نادرا مااتابع البرامج والمسلسلات في الشهر الفضيل لعدة اسباب ..بس مستحيل اقدر اقعد بالبيت بدون تلفزيون ملل وضيقة خلق ..

 

[عهود الحب]

صعبة
خاصة البيت المتروس اطفال
اهمه مو صيام شنو ذنبهم ؟
كان بودي بس هم صعب
اهم شي التوعية الدينية انه كلنا برمضان نتفرغ للعبادة ونصلي ونتعبد ونقرا
اذا الابو والام طبقوا هالشي على انفسهم الكل بالبيت بيصير مثلهم بدون اتفاق مسبق
القدوة الحسنة تفرق الجو الصحيح بدون اوامر وبدون شلعة اجهزة التلفزيون

وبعدين برمضان منو فاضي للتلفزيون ؟ رغم كل شي ترى الجو الرمضاني ياخذنا بعيد عن خرابيطهم واكثر شي نتابع اعادته بعد الشهر
مانتابعه بوقت العرض الحصري لأنه ماكو قوت


اللهم الا ان اخترنا اشياء معينة او مسلسلات او برامج معينة ونظمنا روحنا وتوقيتنا لها
شكرا عالطرح

 

[جـــواهر]

لا ماله داعي اشيله اهم شي تنظيم الوقت وعاد من زين المسلسلات كلها بجي ومناحه ...​

 

[^_^ lollipop ^_^]

اول شي مبارك عليكم الشهر مقدما ..


انا رايي مثل رايي البنات في تنظيم بين التلفزون والعباده مو الا ينشال بكبره =\

 

[Eng.shosha]

يعني تقريبا كلكم نفس الراي.. اللي اهو تنظيم الوقت مابين العباده والتلفزيووون

مشكورين عالمرور منووريييييين

 

[روند]

اتفق مع البنات والتلفزيون مو مهم

 

[كريستال ليدي]

مالها سالفة شيلة التلفزيون !!

 

[Eng.shosha]

حياكم الله

 

[غير كل الناس]

كله ينعاد بعد رمضان لاحقين

 

[:: Diva ::]

وي عاد انا احاول انظم وقتي علشان يمديني اتابع شي و ما اقدر لووووووووووول
تدرين شنو
الافضل ان حق اليهال بس تحطين تلفزيون الكويت



القنوات الثانيه بدارج و فكي عمرج من الي ياي و الله يستر منه !!

 

[عاشقة الكاكاو]

الحمدالله ان صارلي سنتين او اكثر ما اطالع تلفزيون

والله رمضاان ماله علاقه بالتلفزيون

يعني الواحد قبل الفطور يقرى قرآن ويتعبد وبالليل يجتمع مع اهله ويروح التراويح

بس اجابل التلفزيون من صلاة الظهر لي صلاة المغرب

واقول انا صايمه

ترى صج حرااام

 

[روح الدنيا]

اللي بيشيلونه جزاهم الله الف خير .. لكن التلفزيون في برامج لنبيل ومحمد العوضي حلوووه و خساره ما نشوفهم ..


الله يهدينا لاننا مو بس نطالع فيه برامج لابد من المسلسلات

الله يهدينا مثل ما هداهم

 

[جنتي نوف]

اهم شي تنظيم الوقت..وعن نفسي ما اقدر اشيله عشان اعيالي الصغار
وعسى الله يتقبل طاعتناويعينا على طاعته ويعيده علينا وعليكم بالخير والصحه ان شاء الله