رمضان والتلفزيون ؟!

[روح الدنيا]

الحمدالله ان صارلي سنتين او اكثر ما اطالع تلفزيون

والله رمضاان ماله علاقه بالتلفزيون

يعني الواحد قبل الفطور يقرى قرآن ويتعبد وبالليل يجتمع مع اهله ويروح التراويح

بس اجابل التلفزيون من صلاة الظهر لي صلاة المغرب

واقول انا صايمه

ترى صج حرااام

على راسي :klhfl:

 

[Eng.shosha]

عاشقة الككاو : زيييييييين تسوين الحمدلله انج عودتي نفسج
ترى صج بنات مشالله برمضان ماكو وقت بسرعه يطير الوقت
زوارات ويمعات وعيال

اللهم مسلسل ولا مسلسلين و مو كل يوم بعد :>
اي مو شرط اللي يشوف تلفزيون يعني يشوف مسلسل
وايد برامج تفيييييد ويديده

مشكورين بنات وحده وحده عالمرور الحلو

 

[سويتي الحلوه]

الحمدالله انا برمضان مااحب التلفزيووووووووون كلش

لان اصلا مافيه الا مسلسلات افكارها معيوده

 

[رغوة لوكس]

احنا لنا تقريبا 4 او 5 سنوات متعودين ان احنا مانشوف مسلسلات في التلفزيون بس نتابع البرامج الدينية على قنوات المجد وغيرها
يعني نخلي رمضان لطاعة والعبادة والمسلسلات كلها بيعدونها واحنا مرتاحين كذا
الاطفال لازم يشفون كراتين

 

[Eng.shosha]

زييييين تسوون

مشكورين عالمرور الحلوو

 

[أســيــل]

آآآآآآآآآآه ذكرتيني بشي يقهر
ودي اسئل هالنتجين اش معنى المسلسلات ماتنزل الا في رمضاان قلت الشهوررر ؟؟؟
شي يقهر والله
بس ااانا اقولك ذحين ماعاد ينغع شي اسمه شيلة تلفزيون مافي احد تفدرين تغصبين عليه انه مايشوف شي
و احسه غلط
وبعدين خير الامور اوسطهااا والتلفزيون مو كله مساوي في الزبن والشين بس على حسب اللي يقلب >>اقصد اللي معه الريموت هه

 

[catloverq8]

مبارك عليكم الشهر مقدما
أنا وحدة ما أستغني عن التلفزيون طول السنة !!
إشلون أشيله من البيت ؟؟؟ إشلون أنام بعدين ؟؟؟؟
التلفزيون ما أفتحه لا برمضان و لا بغير رمضان إلا قبل النوم ،،، علشان أنام ،، أدور فيلم أبيض و أسود مافيه أغاني و أخلي الصوت يدوب مسموع ،، و أحط راسي على المخدة ،، ثواني و شخيري يغطي على كل شي ،،،
و إذا في حدث معين وقتها أضطر أفرفر بين القنوات الإخبارية !!
صار لي سنين ما شفت مسلسل عربي
و تلفزيون الكويت ما أدري كم رقم القناة !!!

 

[*برونزيه شقره*]

اول شي شلووووونج يالغاليه لج وحشه :eh_s(6):
وعساكم من عواده حبيبات قلبي
بالنسبه لي شخصيا انطر رمضان بفارغ الصبر
عشان امور كثيره واهي التقرب من رب العالمين اكثر
صلاة التراويح وقيام الليل وختم القرآن أكثر وأكثر
ولله الحمد ان مواضبه على كلشي بس التلفزيون
له وقته ولو ان احنا في زمن صعب الاستغناء عن التلفزيون
لانه فيه الشين وفيه الزين
واللي يعصم نفسه عن كلشي له اجر عند الله
وهذا اختبار من رب العالمين بيشوف مدى صبرنا وحسن عبادتنا
اللهم ثبتنا واجعلنا من عبادك الصالحين
وتقبل صيامنا وصلاتنا وارضا عنا يارب العالمين

 

[Eng.shosha]

حياكم الله بنات رايكم عالعين وعالرااااس

مزيونه شقره .. بعد قلبي تسلمين لي على هالمروور الطيب ..
وأتمنى أشوفج أكثر