++ رمضــــــــان علـــــــــى الابـــــــواب ++ شنـــــــو جهــــــــزتي ++

[ranoona55]

شلونكم بنات انا العاده افطر مع اهلي او حمولتي لان ابو العيال يروح لخوانه وعيالي صغار ما يصومون بس هم اجهز لان تدرون ما اروح ايدي خاليه استحي صراحه المهم انا سويت سمبوسه جبن ابيض بالنعناع لاني احبها واشتري سمبوسه الخضره من جمعيتنا حلو مالهم
سبنق رول اخلط جبن موزاريلا وجبن كرافت مبشور مع البقدونس وبعدين بالزعتر لذييييييذ يا بنات لا يطوفكم وبعد سبنق رول العادي بس حشوه الصينيه والحشوه السبانخ بالدياي
افخاذ الدياي اسويها احبها والكبب العاديه اشتري من سما لبنان صراحه حلو وما يفج بالنار
واخيرا سويت سمبوسه الحلو الصغير ملو اهلي وانا اسويها السنه اللي فاتت بس صراحه سهله واااااااااايد ومريحه بسرعه تخلص اذا مالج خلق طباخ هيهيهيهيهي ومبرووووووووووك عليكم الشهر

 

[ranoona55]

واي صج نسيت اقولكم بالنسبه للعيد خلص فصلت دراعتين للعيد وعيالي دشاديش لان ما عندي بنات (ادعولي الله يرزقني بنت ) بس باجي التناتيف عاد علي المعاش الياي

 

[ورود خذلتها العاصفه]

اللهم بلغنا رمضان



انا الكبه امي فديتها تسويلي حصه كامله لشهر رمضان


نظفت المطبخ وجهزت الجوله الصغيرة اطبخ عليها الشوربات والمرق


واللي بسويه عاااد وصيت علا عجينة سمبوسه من السعوديه واسوي عاد الحشوات



السبرنق رول عمره ماضبط معاي فشلته من السفره


بسوي فطاير بس لما اعتمد لي عجينه واذا ضبطت عاد اثلجهااا

امممم يبيلي مواعين

عجبني ذاك اليوم بمجلة اعلانيه ترمس ينقسم قسمين لعصير الفيمتو والتانج موجود بسوق الامارات الشاهبندر بشتريه قبل لا ينفذ من السوق



والخبز اقصصه واثلجه بس اقليه لسلطات

واسوي الشيش برك واثلجه <<<يموت فيه علاوي وليدي


وباقي العيد بروح هالاسبوع اتشرالهم

والمدارس عقب العيد عندي بس اثنين

والقرقيعان بفصلهم نفسي بطقم انا وبنيااتي


وبس مو متذكرة شي

 

[Moooz]

عسساكم ع القوة توووني بنوتة :*

 

[اطياب طيبه.أم عبدالله]

شلونكم بنات انا العاده افطر مع اهلي او حمولتي لان ابو العيال يروح لخوانه وعيالي صغار ما يصومون بس هم اجهز لان تدرون ما اروح ايدي خاليه استحي صراحه المهم انا سويت سمبوسه جبن ابيض بالنعناع لاني احبها واشتري سمبوسه الخضره من جمعيتنا حلو مالهم
سبنق رول اخلط جبن موزاريلا وجبن كرافت مبشور مع البقدونس وبعدين بالزعتر لذييييييذ يا بنات لا يطوفكم وبعد سبنق رول العادي بس حشوه الصينيه والحشوه السبانخ بالدياي
افخاذ الدياي اسويها احبها والكبب العاديه اشتري من سما لبنان صراحه حلو وما يفج بالنار
واخيرا سويت سمبوسه الحلو الصغير ملو اهلي وانا اسويها السنه اللي فاتت بس صراحه سهله واااااااااايد ومريحه بسرعه تخلص اذا مالج خلق طباخ هيهيهيهيهي ومبرووووووووووك عليكم الشهر

عليكم بالعافيه يارب
اي مره جربت السبرنق رول بالحشوه الصينيه اللي كلها جزر حلوه ماشاء الله :rerrerek::rerrerek:

السمبوسه الميني تتعب واااايد

العام سويت قطايف بالمكسرات طلعت عجيييييبه طلعت الوصفه من النت سهله فيها دارسين عجيييبه وخذيتها وياي حق بيت جارتي كانت عازمتني صراحه كانت فنتق بس ثقييييله حبتين تشبع وتترس البطن

اللهم بلغنا رمضان

قوليلنا قلبي بتبلشين تعلمينهم الصيام ؟؟ جم اعمارهم اسم الله عليهم ؟؟

 

[مشغوله و محتاسه]

يا حلات رمضان و يا حلات طاريه



شريت مواعين من مده من الميره


و اليوم بلشنا بسمبوسة البيتزا و سمبوسة الماش

و بنسوي رولات الزعتر


اللبس ... للحين ما لقيت شي او بالاصح ما افتريت عدل بالاسواق




بنات اللي اييبون عجينة السمبوسه من السعوديه ... شنو ميزتها ؟ ما توصل ذايبه ؟

انا اسمع اييبون مواعين و عبي من السعودية اوكي .. بس عجينة السمبوسه ؟! ليش ؟ عندنا المطاعم الهندية و الانواع الجاهزة حلوه

 

[اطياب طيبه.أم عبدالله]

واي صج نسيت اقولكم بالنسبه للعيد خلص فصلت دراعتين للعيد وعيالي دشاديش لان ما عندي بنات (ادعولي الله يرزقني بنت ) بس باجي التناتيف عاد علي المعاش الياي

عالبركه الدراريع تقطعينهم بالعافيه يارب :eh_s(7):

الله يرزقج ببنوته حلوه مثل امها

ياحلات البنات ما تدرين اشتاخذين وتخلين بالسوق ملابسهم حلوه والوانها تحير وتشوق

الصبيان دشداشه ومكسر وبوك حق العيديه

اللهم بلغنا رمضان :eh_s(7):

 

[اطياب طيبه.أم عبدالله]

يا حلات رمضان و يا حلات طاريه



شريت مواعين من مده من الميره


و اليوم بلشنا بسمبوسة البيتزا و سمبوسة الماش

و بنسوي رولات الزعتر


اللبس ... للحين ما لقيت شي او بالاصح ما افتريت عدل بالاسواق




بنات اللي اييبون عجينة السمبوسه من السعوديه ... شنو ميزتها ؟ ما توصل ذايبه ؟

انا اسمع اييبون مواعين و عبي من السعودية اوكي .. بس عجينة السمبوسه ؟! ليش ؟ عندنا المطاعم الهندية و الانواع الجاهزة حلوه

عليج بالعافييه المواعين

هالويك اند رايحه المييره باذن الله لان اعلانهم بالوسيط اييني كل يوم مع الجريده اليوميه واتشووووق اروح لان حلوين الصحون بالصور

اي عاد اقولك على السمبوسه توني من شوي كلمت ام عبدالله مالت الكبب وطلبت منها كميه

وسالتها عن السمبوسه قالت انها اهي تسوي عجينه السمبوسه بنفسها وتحشيها وتلفها تقول ان تكون لينه حتي اذا قليتيها وخليتها ما تنشف تظل لينه

عاد كله اخذ منها سبرنغ رول عجييييييييييب اتعب واقول عجيييييييييب وصج لين ما ينشف

 

[فاهييه]

توني من شوي كلمت ام عبدالله مالت الكبب وطلبت منها كميه

لوسمحتي جم رقم ام عبدالله ؟

اطلب من ام عبدالله والا من صاحبة هالرقم اللي حطيتييه قبل 99507659 برأأأييج ؟
ابي اطلب لاخواني لان امي هالسنه تعبانه ماتقدر تسوي شي

 

[مسك وطيب]

ياحلوج ام عبووود وياحلو مواضيعج ...

بالنسبة لي افطر مع حمولتي وبين فترة وفترة اسوي طبق او حلو ... وقبل رمضان اجيل مطبخي بالاغراض اللي احتاجها لاطباقي من صلصات ومعلبات وسوالف الكيك الدريم ويب وغيره

بناتي صغار 4 وسنتين توهم عالصيام ومفكره اعلمهم شوي شوي
ولتجهيزات العيد ورمضان ماسويت ولاشي ناطرة المعارض الزينه اغلبها عالاسبوع الجاي ان شاء الله

وبنتي الكبيره بثانيه روضه بيوم واحد اخلص شغلها فمخليته لبعد العيد تجهيزها

وبيني وبينج تونا معطلين خلينا نستانس بالعطله مابي شي يذكرني بالمدرسه

وعسسسسسسااااااااااااااكم من عواده

 

[شهرزاد الحكاية]

بصراحه انا ذقت كبب مقليه من أم محمد شحلاتها تحسين بهاراتها غيييير وهذا رقمها
225511433

اختي هذي ام محمد اللي بجنوب السرة ؟؟؟

وتوصل للبيت وشنو الانواع اللي عندها بنات والله احترت مادري من وين اطلب كبب ابي شي نظي وناطع ​

 

[مشغوله و محتاسه]

جم رقمها ام عبدالله ؟؟ و وين مكانها ؟ توصل لجنوب الجهراء ؟

 

[أميرة طفولتي]

يااااااااااحلااااااااااااااته رمضاااااااااان
وياحلات جوه

الله يعوده علينا كل سنه

طلبت الكبب من سما لبنان كان نازل بارض المعارض قبل اسبوعين اول مره اذوق شغله
والله حلو ومافيه شي فدقيت عليه وطلبت
كبة برغل
كبة بطاط
كبة عيش
وووو طلبت منه بعد معجنات تقديم تتثلج وبس تحطينها بالفرن وتكون جاهزه
واايد حلوه والعجينه ترفه
لبنه
حلوم
جبن بالزعتر
سبانخ

والسمبوسه انا الفهم
بسوي نفس العام ريلي وايد عجبه
شيدر مع ذره وهالبينو
بيتزا
حلوم


اممممممممم
مواعين ماشريت مواعيني يديده يدوب سنه ونص تقريبا
بس شريت الي ناقصني من ستي سنتر عندهم اشياء تشوق

مقاضي الجمعيه عالمعاش انشالله

دراعتي القرقيعان اليوم خلصت الحمدلله طلعت تشوق

ملابس العيد باجر بروح افنيوز وانشالله احصل حقي وحق ولدي

وعساكم من عواده
ومشكوره صاحبة الموضوع

 

[نوري قرآني]

الله يعين الجميع
بس انتو عندكم مدارس بشهر رمضان ؟؟؟؟
احنا في السعوديه خلصنا الدوامات من 22/7/
وفي اجازة الين 16/ 10 في شوال

والله تعب مدرسه ورمضان الله يكتب لكم الاجر

عني مافي الا انا وزوجي

بدور شغاله وهي تقوم بالازم

ما احب حبسة المطبخ برمضان ومع الحر

بروح سويدا

كل عااام وانتم بخير

 

[ام زينه المطيري]

والله ماسويت شي ان شاء الله ستفيد منكم عس الله يبلغنا رمضان

 

[اطياب طيبه.أم عبدالله]

لوسمحتي جم رقم ام عبدالله ؟

اطلب من ام عبدالله والا من صاحبة هالرقم اللي حطيتييه قبل 99507659 برأأأييج ؟
ابي اطلب لاخواني لان امي هالسنه تعبانه ماتقدر تسوي شي

هلا قلبي

الرقم اللى حطيته اهو رقمها سيده كلميها افضل

وحتي لو كلمتي التاجره ماراح تقصر وياج

ماتشوف شر ست الحبايب الله يقومها لكم بالسلامه :eh_s(7):

 

[اطياب طيبه.أم عبدالله]

لوسمحتي جم رقم ام عبدالله ؟

اطلب من ام عبدالله والا من صاحبة هالرقم اللي حطيتييه قبل 99507659 برأأأييج ؟
ابي اطلب لاخواني لان امي هالسنه تعبانه ماتقدر تسوي شي

هلا وغلا

اي دقي على الرقم اللى حطيته افضل لانه رقمها المباشر

ماتشوف شر ست الحبايب

 

[اطياب طيبه.أم عبدالله]

ياحلوج ام عبووود وياحلو مواضيعج ...

بالنسبة لي افطر مع حمولتي وبين فترة وفترة اسوي طبق او حلو ... وقبل رمضان اجيل مطبخي بالاغراض اللي احتاجها لاطباقي من صلصات ومعلبات وسوالف الكيك الدريم ويب وغيره

بناتي صغار 4 وسنتين توهم عالصيام ومفكره اعلمهم شوي شوي
ولتجهيزات العيد ورمضان ماسويت ولاشي ناطرة المعارض الزينه اغلبها عالاسبوع الجاي ان شاء الله

وبنتي الكبيره بثانيه روضه بيوم واحد اخلص شغلها فمخليته لبعد العيد تجهيزها

وبيني وبينج تونا معطلين خلينا نستانس بالعطله مابي شي يذكرني بالمدرسه

وعسسسسسسااااااااااااااكم من عواده

اهليييييييييييييييييينن رفيقه درب الكفاح هههههههههه

شخبارج واشلون الكتكوته الصغيره ؟؟

والله لكم وحشه كلكم ..:eh_s(7):

اسم الله عليهم اي توهم صغار بناتج بس ترا من السنه اليايه بلشي تعلمينهم الصيام نصيحه

انا علمتهم الصلاه من عمر 4 سنوات يعني مع بدايه الروضه تقريبا والحين اعمارهم 6 و 7 يصلون بروحهم بس متقطع الا يشوفوني اصلي ولا ابوهم يقومون يصلون

الصيام بلشت ويا بنتي العوده العام كانت 6 سنوات والحمد لله على اذان العصر تتفطر

بس هالسنه ناويه اخليها تكمل الين المغرب ويا عبود يقول يبي يصوم بعد

خخخخخخخخخ اي انتي نفسي ما ابي شي يذكرني بالمدرسه لان جني انا اللي داومت العام من كثر التدريس والهواش .. بس الحمد لله بنتي الثانيه على صفها الف حمد وشكرلك ياربي

بس نصيحه بلشي من الحين ترا اول شهر 9 زحمممممممممه كلللش واغلب المقاسات خالصه وما تحصلين

بوسيلي الصغيرونه

 

[اطياب طيبه.أم عبدالله]

جم رقمها ام عبدالله ؟؟ و وين مكانها ؟ توصل لجنوب الجهراء ؟

هلا فيج
رقمها حطيته اهني بالموضوع وعندها واحد يوصل بس انا اطرش لها مندوبي بس تخلص شغلها

بيتها بالعارضيه او الرابيه مو متذكره

 

[اطياب طيبه.أم عبدالله]

يااااااااااحلااااااااااااااته رمضاااااااااان
وياحلات جوه

الله يعوده علينا كل سنه

طلبت الكبب من سما لبنان كان نازل بارض المعارض قبل اسبوعين اول مره اذوق شغله
والله حلو ومافيه شي فدقيت عليه وطلبت
كبة برغل
كبة بطاط
كبة عيش
وووو طلبت منه بعد معجنات تقديم تتثلج وبس تحطينها بالفرن وتكون جاهزه
واايد حلوه والعجينه ترفه
لبنه
حلوم
جبن بالزعتر
سبانخ

والسمبوسه انا الفهم
بسوي نفس العام ريلي وايد عجبه
شيدر مع ذره وهالبينو
بيتزا
حلوم


اممممممممم
مواعين ماشريت مواعيني يديده يدوب سنه ونص تقريبا
بس شريت الي ناقصني من ستي سنتر عندهم اشياء تشوق

مقاضي الجمعيه عالمعاش انشالله

دراعتي القرقيعان اليوم خلصت الحمدلله طلعت تشوق

ملابس العيد باجر بروح افنيوز وانشالله احصل حقي وحق ولدي

وعساكم من عواده
ومشكوره صاحبة الموضوع

عليكم بالعااااااااافيه يارب

اليوم اول الايام البيض وانا صايمه

وراح ابلش اقرا القران واختمه خلال 15 يوم

الله يقدرني يارب ويكتب لي الاجر

ادعولي بنات ريلي ناطر خبريه من زمان فيها الخير له دعواتكم :eh_s(2)::eh_s(2):