رد: روآيتـي الأولىǾ لأنـي بنيه .. ღ .. { Ǻ آآهـ يـآ يمه..آشهـد إنـي تعبـت مـن قسـى ال
...
البـآرت الثامن
...
في بيت حنان ..
حنان هدت شوي من البجي .. و تذكرت اللي سوته جدام احمد .. و ستحت اهيا شلون سوت هالشيء ؟؟ عشلون قالت له هالكلام .. يمكن لانها كانت بمرحله خوف ؟!
حنان نزلت .. لقت احمد قاعد بالصاله و حاط على قناة رياضه .. و دخلت و سلمت و قعدت يمه
حنان نحاول تكون طبيعيه : مبارات منو و منو؟؟
احمد : ... ( ساكت و يطالع جدام )
حنان تطاللعه : انزين منت طالع اليوم ؟؟ شرايك نطلع نتعشى برا ؟ (( تكلمه كأنها ولد ))
احمد : ..( ساكت و يطالع جدام )
حنان حست إنها مرفوضه بالمكان .. فـ وقفت ..
اول ما وقفت .. تكلم احمد و قال ، ..
...
وقال و اهوا لحد الحين يطالع جدامه و منزل راسه و ويه احمر : حنان .. ليش خفتي مني امس .. ؟؟
حنان تطالعه و شوي و تبجي : مـ .. ما فيني شيء ..
احمد طالعها مده و قام شكله متوتر و احمر :eh_s(14): : حنان .. انتي تدرين شنو بالنسبه لي .. حنان قولي لي اللي بقلبج .. من متى و انتي تخشين عني ؟؟ حنان .. انا مثل اخوج .. وله نسيتي قبل .. ما كنا نخش عن بعض أي شيء ..
حنان والدمعه و سط عينهـآ : خلاص عاد .. خلاص احمد .. انا ما فيني شيء .. يعني غصب يصير فيني شيء ؟
احمد بعصبيه : حنان .. قولي لا باجر والله تتنحسفين إنج سكتي ..
حنان تبجي : خلاص احمد .. تكفا خلاص ,.. ( هدت شوي ) .. خلني شوي بروحي ( و راحت غرفتهـآ )
و احمد يشك و.. قعد يفكر .. شفيها حنان ؟؟ شلي غير شكلها و قلبها و مرحها و وروحها و حياتهــــــــــآ ..
حنان قعدت بغرفتها و تقول بقلبهـآ (( آهـ يا يمه .. أشهـد إني تعبت من قسى الدنيـآ ))
...
صـآر بـآجر ..
الصبح ..
مريم قعدت .. و كالعاده قامت تشتغل على البيت .. مع الخاله سبيجه ..
و نزل خالد و كان لابس فنيله بيضا و مجسم شوي .. و شعره معفوس و ناعم .. و كان مبين انه توه قاعد من النوم .. و قاعد ينزل و يتثاوب .. و لقى مريم اللي لابسه الحجاب خاصه لمن صار لها الموقف هذاك ..
خالد يتنحنح : احممم ..
مريم انتبهت له لفت بسرعه و شافت شكره الجذاب : ...
خالد يبتسم .. و كل ساع تتوسع ابتسامته و ضحك : هههههههههههه .. آسف على اللي صار لي امس .. هههههههههه .. امي فهمتني السالفه كلها .. ما كان قصدي إني .. هههه .. إني المج .. ههههههههه .. حسبالي اختي ريم ..
مريم ويها صار احمر .. بس ما قدرت تمسك نفسها ... وقامت تضحك على اللي صار : ههههههههههههه .. ( و ركضت على المطبخ على طول )
اما خالد لي الحين قاعد يضحك .. على اللي سواه : ههههه .. :krkrkr:
...
عند بيت العم محمد ..
العم ممحمد .. قاعد يتريق .. و ماغي يمه .. و ريم بعيده عنهم و ماسكه عزوز ( عبدالعزيز ولد ماغي ) و تلعبه ..
نزلت نوره بالدري و كانت كاشخه ..
نوره : يا الله ريمووه امشي ..
محمد يطالع نوره : وين على الله إن شاء الله ؟؟
نوره : ماكو شيء يبـآ .. بس انا وريم نبي نطلع نونس نفسنا شوي .. ملينا من قعدت البيت ..
محمد : اممم .. زبن .. بس لا تتأخرون ..
نوره بقلبها ( من متى ابوي يقول لنا لا تتاخرون ؟؟ والله غريبه )
نوره شافت ريم و مستغربه : يا الله ريم .. مشينـآ ..
ريم عطت الياهل حق ماغي و طلعت ..
...
عند هند ..
هند تتكلم بالفون طبعـآ مع بدر ..
بدر : وليش يعني ؟؟
هند : لأن عمي ما يرضى نسافر مع امي
بدر : و شكو عمج فيكم ؟؟
هند : ابوي قبل لا يتوفى .. ما عطى امي الجنسيه .. و امي جنسيتها غير كويتيه .. و ما نقدر نسافرمعاها .. و عمي مانعنا نطلع .. و قابل لامي لو يسافرون معاج .. راح اسوي بلاوي و احنا نعرف عمي .. ياما سوى بلاوي مع اهل امي .. و دخل خالتي الصغير السجن
بدر : معقوله ؟
هند : أي و اكثر ,.,
بدر : أي زين لا تسافرين .. عشان ما تبتعدين عني
هند :هههههههه .. بدر إنت من صجك يا قلبي ؟
بدر : أي حبي .. انا واحد ما اقدر إني ابتعد عنج ..
هند بقلبها ( ما ادري يا بدر .. كلامك و افعالك توحي إنك تحبني بس انا اخاف من شيء اسمه حب .. ما ادري يا بدر ما ادري )
بدر : الوووو .. الووو هنوده قلبي وينج ؟
هند : هلا حبي .. انا معاك
بدر : وينج ؟ إنتي مو معاي كلش ..
هند : لاو الله معاك .. كمل كلامك قلبي ..
بدر : زين سمعي ..
...
مريم بالمطبخ قاعده و تقص الخضرا .. و تفكر بـ خالد اللي دخل قلبها .. بس شنو اخر حبها بـ خالد مستحيل ينتهي بزواج .. و خاصه انها (..) .. تذكرت فونها وانها كانت مصكرته كل هالمده .. قالت خل افتح فوني و اشوف شنو الاخبار .. لقت 10 مس كولات ,, و 5 مسجات ,
مريم : هه .. وايد عليك يا جابر .. صار لي اكثر من سبوعين مصكره جهازي و انت تدق 10 مس كولات و 5 مسجات ,, خل نقرى المسجات ,,
المسج الاول :
• طبعـآ من جابر ..
قوه قلبي .. ليش مصكره جهازج ؟؟ ردي علي ضروري
المسج الثاني :
• المسج بعد من جابر
مريوووم .. ليش مصكره جهازج ؟؟ اول ما تفتحينه دقي علي ..
المسج الثـآلث :
• المسج بعد من جابر
مريووم والله ابي اكلمج ضروري .. بسرعه لاني بسافر ,,
المسج الرابع :
• من جابر
قووه مريوووم .. انا رديت اليوم الصبح .. ماكو الحمدالله على السلامه حبيبي ؟!
المسج الخامس :
• من جابر
مو مشكله انا تعوود على ان فونج مصكر .. لي فتحتيه اتصلي
مريم : هه ..و الله و قمت تسافر و ترد على كيف كيفك .. انا لازم اتفاهم معاه الله يستر علي ياربي
دخلت سبيجه و لقت مريم قاعده : صباح الخير يمه ..
مريم باست راس سبيجه : هـلآ و الله خالتي .. :tek:
سبيجه : مريم يا بنيتي بسألج سؤال .. بس لا تفكرين إني ما ابيج ..
مريم : شفيج خالتي امري ..
سبيجه : يمه .. ما اشوفج تقعدين في بيتكم .. مع ان بيتكم ما ينقصه شيء ..
مريم : في سببين يا خالتي .. اول سبب لاني مااقدر اخليج بروحج .. خاصه ان ريم ما قامت تحب تقعد بالبيت اللي يذكرها بأبوها و ثانيا .. انا ماابي اروح مكان فيه مرت ابوي .. احسها غثيثه .. و بصراحه تلوع الجبد ..
سبيجه : يا يمه لا تحكمين على ناس ما شفتي اطباعهم ..
مريم بقلبها ( بلاج ما تدرين يا خالتي .. في سبب ثالث و مدفون بقلبي .. )
مريم : عن اذنج خالتي .. ( و صعدت دارها )
...
نورة و ريم بالسيـآره ..
ريم + نورة : هههههههههههههه ..
رن فون ريم ..
نوره : منو متصل عليج ؟
ريم : امم .. هذي رغوده رفيجتي
نوره : اهاا .. شوفيها شتبي ؟
ريم : لا قلبي ما ابي اعرف شتبي .. المهم اقعد معاك ..
نوره : لا ردي شوفي شتبي ؟
ريم : اوكي .. ( ردت ) .. الو
رغد : ريموووه إنتي مو من صجج ؟؟ شفيج قلبتي هالاسبوعين؟
ريم : اووف رغود شتبين داقه ؟
رغد : نعم ؟! .. شنو شلي ابي داقه ؟
ريم : رغد خلصيني عاد انا حدي مشغوله ..
رغد : ليش ما قمتي تحضرين الجامعه ؟؟ يا المينونه .. ترى الدكتور شايش علينا هاليومين .. تعالي لا يفصلونج ..
ريم : اقول .. قولي له خل يكبها بالماي و يشربه .. باي ( و صكته )
رغد انصدمت من ريم .. و شلي غيرها بكل حياتها .. كل هذا بس لأأنها كانت تبي تتقرب من نوره بسبب شخصيتها .. و له لأن ريم محتاجه احد كان المفروض أنه يسمعها
...
:tek::tek:
