روآيتـي الثآمنه .. القصآيد كلها بإسمك تغنت للكاتبه : gala q8

[gala q8]

البآرت السآدس ​

...​

خالد الحين بالسيآره يبتسم على ذكريآته الحلوى والمره .. ​

وصل منطقه بيت ريم بس ما يدله اصلآ .. ​

خالد يقومها : ريم .. ريممم ( مسك كتفها .. ) ريم ( تذكر لمن اهوا كان يبي يجيس ملابسها المبلله ماي ما كانت ترضى ابتسم و وخر ايده و قام يرفع شعرها اللي بويها ) ريمممم قوومي .. ​

ريم نايمه : امممممم .. ​

خالد : ريووومه .. ريممممممم قوومي .. ​

ريم فتحت عيونها : ها ! وصلنا البيت !! ​

خالد : لا يبـآ وين وصلنا ! انا ماادل بيتكم دليني ​

ريم تفتح عيونها حيل : هآ ! .. بيتنا !​

خالد : إي بيتكم وينه !! ​

ريم : إي .. روح صوب مدرستي وادليك لاني ما اعرف إلا بطريجها -​

خالد : زين وين مدرستج ؟ ​

ريم : روح قطعه 1 ثانويه بنات اللي يم الفرع الصغير مناك .. ​

خالد : خلاص خلاص الحين اشووف .. ( وراح لين وصل لها ) .. ​

خالد : كانا وصلنا .. شنو هذي ثانويتج ؟ ​

ريم : إي ثانويتي .. زين روح فوق تحت .. بعدين اول لفه يمين و ثاني لفه يسآر .. رابع بيت على اليمين ​

خالد : الله الله !! زين صبري .. شوي شوي دليني ( ورااح ) ​

خالد : ها وين بيتكم ؟ ​

ريم : وقف .. خلاص انا بنزل انت رووح ​

خالد : لحظه هيييي !! وين بيتكم ؟ ​

ريم : شتبي ّ لازم تدل بيتنا يعني !! ​

خالد : إي لازم كيفي ​

ريم : وييييييييييييييع .. حدك مليق ..بيتنا هذا ​

خالد طالع البيت .. انكسر خاطره تذكر لمن ريم انصدمت من شكل بيته اللي اعتبرته قصر : إي صج لحظه ( و نزل الجيس اللي عطته دلال ) .. هذآ عشى حقج و حق ابوج و خواتج ​

ريم اشهقت : امبيه انت شتقول ! شلون تبيني ادخل فيه !! ​

خالد : شنو شلون مسكيه بإذدج و دخلي و ​

ريم : و إذا سآلوني من وين !! ​

خالد : قولي لهم رفيجتي بالطريج اطلبت لي وانا يبته لكم ! شفيها ! ​

ريم : إي بس !! ​

خالد : لأا بس ولا شيء ..روحي فرحي اهلج بالاكل ​

ريم ابتسمت : مشكور خالد ( خذت الاكل ) .. مع انك وايد كسرت ايدي و ازعجتني بس هم انك طيب على الاقل صرت احسن من حمد الله لا يسآآمحه .. ​

خالد ابتسم : هذا رقمي و رقم دلول عندج و اي شيء تبينه قوليه .. و دقي علينا واحنا بالخدمه ههههه ​

ريم ابتسمت : عسآني ما احتاج لغير ربي .. ​

خالد ابتسم : زين دخلي هالوقت متآخر .. ​

ريم ابتسمت : إن شـآء الله .. مع السلامه .. ​

ريم راحت يم الباب و مختجله لان بيتهم متواضع .. و متكسره الطوووف .. ​

... ​

ريم تطق البآب .. ​

مشآعل و ابوها نايمين برآ بالحوش .. فارشين لهم و نايمين .. ​

مشآعل : بسم الله الرحمن الرحيم منو ياينا الحين ! ( راحت يم الباب تسمع صوت ,,, سمعت صوت خرخشه جيس ) .. مـ .. منوووو ؟؟ ​

ريم : انا انا شعول فتحي الباب .. انا ريمووه ​

مشآعل فتحت الباب : بسم الله .. شفيج يايه هالوقت ؟ و شنو يايبه معاج ؟ ​

ريم : ماكو ابد .. اكل .. ​

مشآعل منصدمه : أكل !! من وين !! ​

ريم : خليني ادخل بالاول .. زين وين ابوي ؟ ​

مشآعل : خذت حيلي .. ابوي توه حاط راسه و نام .. ​

ريم : زين مسكي فرشي لنا الاكل منيه و خلينا ناكل على الرآحه و اسولف لج شلي صآر معاي بكل هالوقت ​

مشآعل : والله ما عندج سالفه ! في احد يسولف الحين !! الحين وقت نوم .. و من اصبح افلح .. و بعدين من باجر لازم تبدين دراسه .. ​

ريم : يصير خير .. بس السالفه اللي بقولها لج لازم اقولها الحين لانها ما تتآجل ابد ...​

... ​

وبالفعــل .. ريم قآلت حق اختهـــــــــآ كل اللي صآر اول بآول .. حتى اللي صار بغرفته خالد لمن مسكها و كلمها قالت لها .. يعني خرت اللي اكووو واللي ماكووو .. ​

... ​

مشآعل : جذابه ! انتي جذابه يا قاعده تآلفين روايه او حلمانه او قاعده تآلفين صواريخ وبس .. ​

ريم واهي تاكل : والله ما اجذب عليج عيل بالله هالاكل من وين يبته !! ​

مشآعل تطآلع الاكل : اي والله .. إنزين و هذا خالد مزيون ؟ ​

ريم : آآممم .. اي حلوو .. بس تصدقين لو تشوفين عمره و شكله تقولين عمره اكبر من شكله بوايد اللي يشوفه يقول توه بالعشرينات بس عمره الصجي 29 سنه .. ​

مشآعل : اهـآ .. و هذي دلال جم عمرها ؟ ​

ريم : اممم .. والله اهي بعد طقه خالد او اكبر منه بجم سنه .. ​

مشآعل : آهآ و جابر ؟ اللي كانت تحبه ​

ريم : اممم على حسب علمي اعتقد كبر خالد او اصغر منه بجم سنه .. ​

مشآعل : والله كسرتي خاطري بـ دلال​

ريم : إإي والله .. شفتي شلون !! ​

... ​

فـ بيت خالد .. ​

السـآآعه .. 2 الظهر ,, ​

خالد نايم و نومته غلط .. كان نايم على بطنه و خدوده على مخدته .. و ريله وحده تحت الغنفه والثانيه فوق الغنفه ,,, ولام ريموت التلفزيون .. ​

ام حصه طلعت من المطبخ وراحت الصاله ,, طالعه خالد نايم : هههههههههههه .. خالد ( راحت تقومه ) خالد .. خالد قووووم ​

خالد : امممم .. خلووووني نايم ​

ام حصه : قووم يا الله بنحط الغدا الحين .. ​

خالد : اووووه ام حصه تكفييين خليني نايم امممم ​

ام حصه : كيفك .. هههههههههههه ..​

نزل هيثم بالدري و شكله بيطلع : السلام عليكم ​

ام حصه : اهلا .. وعليكم السلآم .. ​

هيثم يطالع خالد : ههههههه شفيه هذا نايم جذيه !! ​

ام حصه : ههه ما ادري ! شكله نايم متآخر ​

هيثم : آهآ .. زين انا بطلع إذا قعد خالد قولي له اني بروح شركه ابوي .. لانه يبيني اجبل شغله .. و عيز واهوا يدق على خالد .. بس ماكو فايده ​

ام حصه : إن شـآء الله .. ​

هيثم : إي وعلى فكره ابوي خلاص بيرجع الديره بإذن الله بعد جم يوم و راح يقعد بالبيت وانا اللي بجابل الشركات و الحاله .. ​

ام حصه : زين يسوي ابوك .. خذت حيلي .. قام يتعب وااايد .. و انت ولده و زين ما تسوي .. على الاقل يآمن فلوسه و شركاته عندك .. ​

هيثم : إن شـآء الله بس انتي حاولي فيه .. اهوا يقول اخوانك اللي اكبر منك اهما اولى .. و شوفي جدامج كل شيء بعينج .. الكبير سعود تزوج ولا ندري عنه ولا عن زوجته وعياله حتى .. و هذا اللي اصغر منه .. ما يحب الدراسه و ما يحب حياه الحكره والرسميات ,, بس شوفي طلعات و نوم و بس .. شنسوي بعد ! ​

ام حصه ابتسمت : لا عاد .. سعود بعد هم عنده شركاته واشغاله و غير هذا كله لا تنسى اهوا عنده عيال و عياله كبروا .. ما شاء الله مو مثل حصوصه الله يحفظهـآ توها ياهل .. ​

هيثم : والله اني نسيت حتى اسماء عياله بس .. ​

ام حصه : هههههه .. ​

هيثم : المهم انا بطلع .. ولا تنسين تبلغين خالد .. ​

خالد واهوا مغمض عيونه : سمعتك ما يحتاااج اتكلم .. ( قام من مكانه وقام يفكر عيونه جنه ياهل ) روووح .. رووح الشركه وانا بلحقك بعد ما اتفطر ​

ام حصه : ههههههه اي فطور ! الحين وقت غدا .. ​

خالد : ويييه .. زين خلاص حطوا الغدا على ما اسبح .. ( وقام راح يتسبح ) ​

ام حصه : إن شـآء الله ​

هيثم : يا الله عيل انا طالع .. مع السلامه ( و طلع )​

ام حصه : مع السـلآمه .. ​

... ​

فـ بيت ريم .. ​

مشآعل كانت قاعده تخم الحوش .. و ريم فارشه مفرش و قاعده عليه بالقآع .. و تدرس فرنسي .. ​

تررن ترررن .. ​

مشآعل قامت شالت التليفون .. : الووو .. إي يا هلا .. منو اقول لها !! .. شنو ! ( ترددت ) آ .. إي إن شـآء الله لحظه .. ​

مشاعل ركضت عند ريم : لحقي .. في واحد يبيج بالتليفون ​

ريم تطالع مشاعل : شنو ! بسم الله منو هذا ؟ ​

مشآعل : ما ادري بس يقول اسمه خالد ! ​

ريم قطت الكتاب لي ورا : خالد !!! و شلون عرف الرقم !!!! ​

مشآعل : شدراني و بعدين منو خالد ما تقولين لي !!! ​

ريم : يا الغبيه هذا الريال اللي قلت لج عنه امس ! اللي كلمتج عنه اللي وصلني البيت ​

مشاعل قطت المخمه : يمااا يماااا قلبي .. كلمته .. وااااااي صوته زوغه و فيه بحه يا ويلي تذبح ههههههههه ​

ريم : ويع اسخف شيء .. ( و قامت تركض عند التليفون و مشاعل وراها ) .. ​

ريم : الووو .. ​

خالد و صوته فيها بحه : هلا و غلا .. الويــن .. ​

ريم : هلا .. اهلا خالد شفيك ؟ ​

خالد : آآخ .. ولا شيء بس حبيت اتطمن عليج شلونج بعد امس ؟ ​

ريم : نعم !! خالد .. انا ماني مثل البنات اللي تكلمهم و اللي تقعد معاهم بروحك ! و لو سمحت انا عندي ابو كبير بالسن و ما يتحمل شيء .. شنو لو يدري اكلمك !! ​

خالد : انزين يبـآ انا ما سويت شيء بس حبيت اتصل عليج .. شفيها يعني ! ​

ريم : تكفا خالد لا تتصل و إذا تبي شيء و له تبي تتطمن خل دلول على الاقل تتصل .. وبعدين ابوي حرج و ما يرضى اقعد على التليفون وايد ​

خالد : ماشي عيل انا باجر اقط عليج تليفون خليه عندج و نسولف مثل ما نبي شرايج ! ​

ريم اشهقت : ايا جليل الحيــآ يـآ .. الـ ​

خالد قاطعها : ريمممممممممم .. انا خالد !! ​

ريم سكتت : اسفه خالد .. بس انا ما احب هالسوالف .. مواضيع اكلمك و تكلمني !!​

خالد : يووووووه الحين انا شقلت ! خلاص يبـآ إذا بغيت اتطمن راح اقول لـ دلووول ..​

ريم : اي وايد احسن .. ​

خالد : زين .. المهم شلونج ؟ ​

ريم : يووه ردينا !! ​

خالد: يوووه خلاص تدرين شلون ! بآي ( طووط طووط طووط ) ​

ريم : ههههههههههههههههه .. امبيه مو من صجه ! ​

مشآعل : شفيج ! شقااال !!!!​

ريم : ماكو بس كان يبي يتطمن علي و انا قلت له لا تتطمن ​

مشآعل : وليش يا الغبيه يمكن جوود يشوفني و يخطبني ​

ريم : إنتي نامي على المعسول .. والله هذا مستحيل يشوف وحده اقل من مستواه ​

مشآعل : إنتي مو تقولين اهوا متواضع !! ​

ريم : إي متواضع بكلامه وبتصرفآته .. بس شلون تبينه ياخذ وحده فقيره و عآيشه على الخبز والماي ! ​

مشاعل لفت ويها : إي والله صآجه .. المفروض ما نحلم بهالاحلام .. ​

ريم : إلا صج وين ابوي ! ​

مشآعل : قبل شوي خذاه راشد ولد جيرانا راح يوديه المستشفى .. ​

ريم : إلا صج شلون مريم ؟ ​

مشآعل : شقول لج ياريم !! الدكتور محتااج فلوس عشان نسوي لها العمليه .. ولازم يشيل لها الورم .. وإذا ما شاله .. ما يندرى إن بقى لها حياه تعيشها ! ​

ريم : و جم المبلغ ؟ ​

مشآعل : والله ما ادري ! ابوي اللي قال لي السآلفه .. روحي سآليه .. ​

ريم : مآشي ..​

... ​

و مر اليوم عادي .. و خالد راح الشركه .. و قعد مع هيثم و فهموا الشغل عدل .. ​

وريم و مشاعل طول اليوم يا على الكتب القديمه ملوت مشاعل ايام الثانويه .. او كتب ريم حاليآ .. و يقرون منها و يتعلمون .. من قوة الفرآغه .. ​

طق طق طق .. ​

ريم : اكيد هذا ابووي .. ​

مشآعل قامت : خلج كملي دراستج انا بروح افتح له الباب ​

راحت مشآعل تفتح البآب و دخلت و معاها كيس كبير تطلع منه ريحه مجبوس دياي و سلطه و ورق عنب و كباب و حمص .. ​

مشآعل : يمممممه على الريحه مو صج ! ​

ريم : شنو هذا ؟ ( فتحت الجيس ) شنو هالاكل !! من وين ؟ ​

مشآعل : ما ادري في واحد طق الباب و قال هذا طلب بإسم ريم .. ​

ريم : يا بعد عمري يا دلوول .. اكيد اهي اللي دازته لنا .. ​

مشآعل : زين دام جذيه خلينا ناكل و نشبع ​

ريم : من صجج !! لا نطري ابوي لين يرد من المستشفى و تالي ناكل ​

مشآعل : هاج ورقه .. معلقه بالجيس ​

ريم : عطيني ( فتحت الورقه ولقت مكتوب فيها ) .. بالعآفيه .. مــن : خالد الـ.. ​

ريم عطبت : ويعه زين ! ​

مشآعل : شفيج ! لا تقولين غلطانين بالعنوان !! ​

ريم : ياليت غلطانين .. هذا خالد اللي يايب لنا الاكل ​

مشآعل : وليش معصبه ؟ ​

ريم : شعووول .. اليو ماكل باجر ما يندرى شييب لنا ! ​

مشآعل : يووه حمدي ربج وقف معاج ضد ربعه .. ​

ريم : يا غبيه .. اليوم إييبب اكل باجر يتمادى .. ​

مشآعل : يوووه بسج معتقدات و بعدين اهوا قال لج يبي يتطمن بس .. و بعدين كلها جم يوم و يفأرج .. ​

ريم : انا بقوم ادرس بالدار اول ما إيي ابوي ناديني ( قامت و شالت كتبها ) ​

مشآعل : ريموووه يا سخيفه اقعد بروحي ؟ اووف .. ماكو إلا اروح اتابع اي شيء بالتلفزيون .. اوووف ​

... ​

مرت الايآمي و مرت الآسآبيع و مرت الآشهر .. و لمده شهرين .. كل يوم تقريبآ تدق دلال على ريم و سآعآت ما تدق .. ​

وطبعآ امتحنت ريم و طبعآ درجااتهـآ وايد انزلت .. و ابوها ريآل كبير و ما يعرف بـ سوالف الشهادات ! ولا شيء .. ولا يعرف المفروض النسب جم ! بس ريم تجذب على ابوهـآ عشآن ما يتضآيق .. ​

ابو ريم : ها يا بنيتي خذيتي الشهاده ؟ ​

ريم تبتسم : إي يبـآ ماخذتهـآ من شهرين والحين بندخل بإمتحانات النهآئيه .. اللي الحين يسمونهـآ الفآينل ,, ​

ابو ريم : ها وانا ابوج شلون درجاتج ؟ ​

ريم : اي الحمدالله وايد زينه .. كالعاده .. 95


ابو ريم : عفيه عليج .. إلا وانا اقول لج ريم وانا ابوج .. تبين تكملين الجامعه ؟


ريم تطالع مشاعل و منصدمين .. ​

ريم : إي يبـآ اكيد ..


ابو ريم ابتسم : بكلمكم بموضوع .. شقلتوا !!



في بعد بس ما اقدر انزل هالحين ​

​

​

​

​

 

[أمحق وفى ـا]

يسسسلموو حبوبه ع البارت ..

والسموحه اذا نزلتي جم بارت وما قريته لان امي ساحبه الاب والفون وانا الححين بايقه ايبود اختي الصغيره عششان اقررا الروايه

دعواااتكم بناات لي بالاختبارات ولكم بالمثل يارب ..

سامحيني غلوي ع الاطاله ..

وتقبلي مروري ..

 

[ورده خضرا]

مشششگووره ع البارت بس احسه قصير

 

[gala q8]

يسسسلموو حبوبه ع البارت ..

والسموحه اذا نزلتي جم بارت وما قريته لان امي ساحبه الاب والفون وانا الححين بايقه ايبود اختي الصغيره عششان اقررا الروايه

دعواااتكم بناات لي بالاختبارات ولكم بالمثل يارب ..

سامحيني غلوي ع الاطاله ..

وتقبلي مروري ..

الله يسلمممج ..

لا عآآآدي بس اهم شيء دراستج و بعد ما تخلصين الامتحانات مو مشكله اقريهـآ على الراحه و عشآن تردين علي و انتي مرتاحه << لووووول

روحي يا امحق وفى ـآ عسى ربي يوفقج وين ما رحتي .. وعسى ربي يسآعدج بالابلات اللي ما يدرون وين الله قاطهم بالصف لوووول

لا عآدي شدعه ;**************



:eh_s(22):

 

[gala q8]

مشششگووره ع البارت بس احسه قصير

إإإي والله ادررررري .. انا على فكره اكتبهم بالوورد و بعدين انسخه منيه .. فلمن انسخه يقول لي ما يصير .. وانا كل سآع امس حشوي و احطه لين اخر شيء حطيته و باقي بعد واايد بس يقول لي ما يصير حتى جمله وحده زياده ,,

البآرت اللي وراه إن شـآء الله راح اكمله الباجي

العفووو فديتج منوووورررره :eh_s(22)::eh_s(22):

 

[CUTIE-THUG]

حدي تشوقت بعرف شنو بيصير
رح تنزلين بارت يديد اليوم ؟

 

[gala q8]

حدي تشوقت بعرف شنو بيصير
رح تنزلين بارت يديد اليوم ؟

إإإن شـآءءء الله إذآآ مدى وقت رآآآح آإآنزززل :d

نورتي يا الغـلآلآلآلآ .. ~ ​

 

[ShoSho ~]

تسسسلمين عـ إلـرِؤآيـَةة تِجآآآنـِن p:

نبــــئ بآرت إلحييييييين :'(

 

[gala q8]

^^ إن شـآء الله .. الحين قاعده اكتبهـآ :d

 

[عوبه ويعشقني]

يوووووه غلاااااوييي حدهااا عجيييبه عفيييه نزلي البااااارت
بسرررررررررعه
رواااايتج رووووعه مثلللج وحدي متشووقه للبارت اليديد
وع فكره باجر عندي فاينل وعشاانج داشه النت
اب اب لعيوووووونج

 

[عوبه ويعشقني]

يوووووه غلاااااوييي حدهااا عجيييبه عفيييه نزلي البااااارت
بسرررررررررعه
رواااايتج رووووعه مثلللج وحدي متشووقه للبارت اليديد
وع فكره باجر عندي فاينل وعشاانج داشه النت
اب اب لعيوووووونج

 

[ShoSho ~]

WaiTinG YaaaaaaaaaaaLLaaaaaaaaa Bther2a ;p

 

[gala q8]

يوووووه غلاااااوييي حدهااا عجيييبه عفيييه نزلي البااااارت
بسرررررررررعه
رواااايتج رووووعه مثلللج وحدي متشووقه للبارت اليديد
وع فكره باجر عندي فاينل وعشاانج داشه النت
اب اب لعيوووووونج

حبيبتي والله إن شـآء الله فديتج ..
وي اهمم شيء درآستج :eh_s(22):وله الروايه لاحقــه عليها :eh_s(22)::eh_s(22):
الحين بكملها شوي وبنزلها بس لاني ما ابي الخبط الروايه :eh_s(22)::eh_s(22):
فديتج .. منووره .. :eh_s(22):

 

[gala q8]

waiting yaaaaaaaaaaallaaaaaaaaa bther2a ;p

إإإإإن شـآء الله :d:d:d

 

[ms.fro0o7a]

waiting

 

[ms.fro0o7a]

اب اب لعيوووووونج

 

[ms.fro0o7a]

اب اب
اب اب
اب اب

 

[أمحق وفى ـا]

وَ يـوفـقـج حـيـآتـي يـآرب وَ كـل مـن يـقـرآ آلـروآيـه ..

كـح آخـتـي خـذت آيـبـودهـآ وَ بـقـت آلـ لآآب :d

شـسـمـه قـلـتـي مـآيـصـيـر تـنـزلـيـنـهـآ كـآمـلـه لآن آلـرد مـآيـكـفـي وَ جـذي ..

آحـمم نـزلـيـهـآ عَ رديـن وَ ثـلآث وَ آربـع عَ رآحـتـج

بـلـيـز آبـي بـآرت بـععـد

آذآ تـقـدريـن طـبـعـاً وَ آذآ مـآتـقـدريـن مـو لآآزم وَ آلله نـنـطـر بـآجـر وَ عـقـبـه وَ لـيـن آلـوقـت آللـي تـقـدريـن فـيـه فـديـتـوج ..

 

[gala q8]

البآرت السآبع .. ​

... ​

ابو ريم ابتسم : بكلمكم بموضوع .. شقلتوا !! ​

ريم : شنو يبا ! ​

مشآعل : امر يبـآ ,.., ​

ابو ريم : تعرفون ابو مسعود .. جارنا اللي بيته بالزاويه ؟ ​

مشآعل : إيي يبـآ .. إي انا عرفته ​

ريم : لا يبـآ انا ما عرفته بس كمل .. ​

ابو ريم : ريم وانا ابوج .. اللي عنده ولدين و ثلات بنات .. لطيفه و رغد و شيخه ​

ريم : إإي إإي اذكر كانت شيخه معاي بالمدرسه قبل لا تتخرج قبل سنه .. إي شفيهم ؟ ​

ابو ريم يتكلم و مو قادر يتكلم : إي وانا بوكم .. اليوم وانا قاعد برآ عند عتبت البآب مر علي ابو مسعود .. وبصرآحه كلمني بموضوع انا عن نفسي فرحني ( و من داخله الضيقه ) ​

ريم : يبـآ قوول .. وشلي فرحك بموضوعه ؟ شبغى اهوا ؟​

ابو ريم : بصرآحه يآ بناتي .. إنتوا تدرون اني انا كبرت و عيزت خلاص و ما عدت اتحمل حتى اتحرك من مكاني .. او حتى اتكلم كلمه وحده إلأا بالـ يا الله .. اليوم مثل ما قلت لكم .. ياني جارنا ابو مسعود .. و كلمني عنكم .. وقال ان بناته مدحوكم من ناحيه التربيه و من ناحيه السنع .. و يقول انه يبي مسعود لـ مشاعل .. و ريم تكونين محجوره على طلال .. لين تخلصين الثانوي .. شقلتوا ! ​

ريم تطالع مشآعل .. @@​

مشآعل : يبـآ وإنت راضي !! ​

ابو ريم : والله انا عن نفسي الحمدالله اعرفهم عدل صلاه و صيآم و عبآده .. و انا شايف لو تشوفون نصيبكم احسن .. باجر تكبرون و تييبون عيآلكم و تنشغلون معاهم .. احسن من قعدتكم بالبيت بروحكم بعد موتي ​

ريم راحت يم ابوها : يبا .. لا تقول جذيه ( باست رايه ) تسلم لي يا جنتي .. صج ما عندنا اغلى منك ! بس انت ابونا و بنظل نتذكر يا يبـآ .. وانت ما قصرت معانا و كل شيء تحاول تسويه لنا تسويه .. يبآ ما انسى لمن كنت تركبنا سيآرتك الوانيت و تفر فينا لين تلقى عبريه تاخذ منه نص دينار وله دينار .. يبا ما انسى لمن كنت تشتغل اي شغله و تطلع لك باليوم لو 100 فلس و تشتري لنا فيها خبزة .. و ما انسى انك تعبت و شقيت .. و ياما اشتغلت عشآن تطلع الفلس الحلال .. يبآ انا ما انسى كل شيء سويته .. يبـآ يقولون البنت عزوتها ابوها .. و انت عزوتي .. لي راحت عزوتي منو بيعزن و يرزني ! تدري اني افتخر فيك ! والله يا يبا لو تبيني اشيلك فوق ظهري وافرك العالم كله وربي ما إيي شوي من جزآك .. ( دمعت عيونها ) غنت نور البيت و ضواها .. يبـآ .. انا و خواتي من دونك وربي ولا شيء .. ( باست راسه ) ياربي يحفظ لنا ولا يحرمنا منك .. ​

مشآعل قعدت يمه و دمعت عيونها وباست راس ابوها : مثل ما قالت ريم يا يبـآ .. احنا عمرنا ما نوينا نضيق خلقك .. ( مشآعل تطالع دمعت ابوها و قامت تمسحها ) يبـآ لا تبجي .. دمعتك غاليه .. ​

ابو ريم يبجي على حضه ريآل كبير و مو قادر يسوي شيء .. ​

ريم تطالع ابوها و تبجي : يبـآ تكفى لا تبجي .. يبآ إنت امر وانا مستعده اسوي اللي تبيه ​

ابو ريم واهوا يبجي : آآآآخ يـآ بناتي .. تمنيت اقطع نفسي قطعه قطعه ولا اشوفك تبجون جدامي .. لكن شنو بيدي !!! ما باليد حيله ! ​

ريم : يبـآ .. يا الدور اللي احنا نشيلك و نساعدك .. انت كبرتنا و ما عجزت عنا .. واحنا اليوم نشيلك محنا عجزانين ​

ابو ريم : ربي لا يحرمني منكم يارب ( و قام يمسح دموعه بطرف دشداشته المشقوقه بكل مكان ) .. ​

... ​

وقـت الإمتحانات .. ريم كان تفكيرها كله بالامتحانات .. ​

و مشآعل تفكر بـ مسعود هل ممكن يكون الزوج المستقبل ..؟!! ​

... ​

آآآخر يوووم امتحااان .. و خلآص بعدها التخرج .. ​

...​

ريم توها طآلعه من المدرسه مع صديقتهـآ رهف .. و شآفت سآره اللي خلتهـآ تتقرب من حمد .. و كآنت سآره لابسه ضيج و قصير .. و فآتحه زرآرآتهـآ كلها .. و حآطه مكياج و تلعب بالعلج اللي بحلجها و تلفه بصبعهـآ و تتكلم بدلع .. ​

ريم تطالع سآره بنظره يعني ( إنتي قذره ..) ​

و سآره تسوي روحهـآ مو مهتمه لنظرتهـآ و تسولف عآدي بس من داخلها محترقـه .. ​

ريم وقفت مع رهف بعيد عن دلال .. ​

ريم : اووووف .. اليوم اخر يوم مدرسه ​

رهف : هههههههه شفيج ضآيق خلقج ؟؟ ​

ريم : بعد شنو اللي شنو ؟ خلاص يعني ماكو جامعه و ماكو مدرسه و ماكو شغل ​

رهف : ما تدرين يمكن هذآ اللي ياي يخطبج يخليج تدرسين و تتخصصين الشغله اللي تبينهـآ .. و يقدر يهيآ لج جوو الدراسه ! ​

ريم : لا رهووف .. امس شعول يت لي و اهي تبجي .. و تقول اخوه ما رضى إنها تشتغل و تكمل دراستها .. وتقول يمكن ترفض دام هالزواج ما راح يطلعها من شيء اهي كانت تبيه ! ​

رهف : اووووف عليج يا ريم .. هذي إنتي قلتيها بنفسج بعد ! قلتي اخوه مو آهوا !! ​

ريم : رهووف ما ادري ! اخاف اوافق و تصير مشاكل .. ​

رهف : و بعدين صج اهما شلون حالتهم الإجتماعيه ؟ ​

ريم : والله ما ادري ! بس يعني اذكر قبل كان بيتهم حلوو و مو متكسر مثل بيتنا .. مع انهم عاديين يعني مو اغنيه ولا فقآره ,, ​

رهف : شوفي قبل كل شيء و اي شيء تسوينه صلي الإستخاره .. ​

ريم : اووف اكيييد .. ​

رهف : زين راح تيين حفله تخرجي ؟ ​

ريم : لا ما اعتقد وانتي تدرين السبب .. ​

رهف : اووف إذا على الملابس والكشخه ما عليج انا راح انقي لج احلى لبس و راح انادي الصآلونه تيي بيتنا و ذاك السآع بنستانس .. ها شرايج ؟ ​

ريم : لاااا رهووف .. سآمحيني ما اقدر .. لان بعد تدرين امس الدكتور دق على بيتنا و قال لهم ضروري لازم نروح المستشفى لان اختي تعبت وايد .. ما يندرى شفيها !! ​

رهف : إذ شاء الله مافيها إلا كل الخير .. ( تطالع جدامها ) يا الله راجو يا .. الحين لازم اروح ... باي حبيبتي ​

ريم : بآي .. ( و قعدت تدور اختها او ابوها .. بس انصدمت ) .. خالد !!! شيسوي منيه ! امبييه ,, ​

خالد كان واقف و متسند على سيآره سودا غير السيـآره اللي قطها فيها .. و كآنه نآطر احد .. ​

شآفت سآره تتمشى جدام البنات و اهي مستانسه وتتفاخر ان خالد موجود .. وراحت كلمته و قام يكلمها عادي .. و يتلفت .. ​

ريم بقلبها ( إي اشوا حسبالي ياي يشوفني ! .. با الله بعدين شقول للبنات عني ! اووف .. بس حتى لو .. قبل كان يتصل الحين حتى رنه ما دق .. و لمن اسآل دلال عنه تقول لي بس بخير .. حتى ما تييب لي اخباره كلش ! ) .. ​

سآره قامت والتفتت و طالعت ريم بنظره ( إنتي موووو قـــــــــدي ) .. و مشت و دخلت سيآره خالد .. ​

ريم بقلبها ( لأ و هذآ إثبات ان خالد ياي عشآنهـآ .. مآشي يا خالد .. مآشي ) ,, ( ولفت ويها الصوب الثاني ) .. ​

... ​

بعد نص سآعه .. والكل راح بيته إلأ بنتين مع ريم .. و كانوا واقفين برا .. ​

الابله : هـآ يا بنات ! اتصلتوا على اهاليكم ؟ ​

البنات 2 < : إي ​

الابله التفتت على ريم : و إنتي ؟ ​

ريم :هآ !! إي اتصلت ( اووف .. اتصلت بس محد يرد !! الله يستر ) .. ​

مرت نفس سيآره خالد .. و فتح الباب و نزل .. ​

ريم اشهقت .. و تحاول تلف ويها الصوب الثاني .. ​

خالد راح لها : ريم امشي معاي .. ​

ريم : وين ؟!! وخر عني شيقولون عنك البنات الحين !! ​

خالد : إنتي امشي و لا ترتبكين الحين يقولون هذا آشكرا صىحبها امشي خلصيني ​

ريم التفتت عليه و مشت معاه وركبت السياره .. ​

داخل السياره ريم تتلفت .. ​

ريم : اووووف الحين لي يا ابوي شراح اسوي و إذا سآل عني وقالوا مع ولد !! وله تخيل بس اختي مشاعل تشوفني معاك !! والله صدمه حياتي !! ​

خالد ساكت و يطالع جدام : ... ( بصمت ) ​

ريم : والله العظيم إني قادعه اكلمك مو اكل طوووفه ... رررد علي !! ​

خالد و من غير تعآبير : ما راح إيوون لج ​

ريم تطالعه: نعم ! ليش !! شصاير ! ​

خالد : ربطي حزام الامان .. ​

ريم : ما راح اربط قوول لي شصاير !!! ​

خالد :.....( سآكت ) ..... ​

ريم : اوووووووووووف .. تكلم لا تحرق اعصآبي !! ​

خالد : اهما الحين بالمستشفى ​

ريم : يمه قلبي ! ليش !! شصاير !!! تحجى قووووول ​

خالد : ماكو إلا كل الخير بس ربطي احزام الامان عشان نوصل بسرعه ​

ريم قعدت عدل و ربطه الحزااام .. ​

و داس خالد .. و اهوا ماسك اعصآبه .. ​

.... ​

بالمستشفى .. ​

ريم تدخل بسرعه و خالد قبلها .. ​

ريم : قوول لي شصاير !! ​

خالد يمشي اسرع منها و ويها كلش ما فيها اي تعآبير .. ​

ريم : اوووووف والله قاعد تحرق اعصابي تحجى لا تسكت انا اكره الناس اللي تسكت !​

خالد دخل الاصنصير .. و ريم يمه تحن و ترن و تزن بس ماكو فايده !!! ​

لين وصل عند باب غرفه رقم 102 وفتح الباب و اشر لها بـ ( دخلي ) ​

ريم تطالع خالد : هذي مو غرفه اختي ! وين اختي !! ​

خالد طالع عيونها : دخلي و بعدين تعرفين .. ​

ريم دخلت و قامت تسمع صوت بكي داخل .. شافت اول شيء دلال واقفه و ماسكه كتف مشآعل و مشآعل تبجي و ولابسه عبآيتهـآ و حجابهـآ .. ريم تركض عند الفرآش وشآفت !! ​

ريم : لااا .. لآلآ .. ليش ! و متى ! وليش ملحفين ابوي !! ليش !! ​

مشآعل تبجي .. ​

دلال ماسكه مشآعل : خلاص هدوووااا .. ​

خالد وقف ورا ريم .. و ساكت .. ​

ريم : شفيه ابوي ! شفيه !!! وليش حاطين عليه هالكمامات !!! ​

دلال راحت عند ريم تهديها : ريم حبيبتي قعدي .. ​

دلال تقعد ريم بس ربم تحاول توخر ايد دلال و ما تبي تقعد بالكرسي : لالاا.. ما ابي .. لحظه .. ابوي شفيه !! ليش مغطين جسمه بهالشرشف !! و بعدين شنو هالكمامات !! ​

دلال : ريم والله ما ينفع البجي .. خلاص هدي ​

ربم : وخررررري دلال ( و منصدمه بس تنزل دموع مو بجي ) وخرري .. ابي اكلمه ابي اقول له يقوم .. ​

خالد وخر دلال و مسك كتف ريم و قاعد يمسح على كتفهـآ : خلاص ريم حبيبتي خلاص .. ​

وريم تصآرخ : يبـآ .. يبـآ بنتك تخرجت اليوم .. اليوم اخر امتحان وابشرك الامتحان سهل .. اهوا اليوم الصبح ما فيه شيء ! و قال لي ابيج تبشريني خير ,, ​

خالد لف ريم عليه و ضمها و يمسح على شعرها ويتكلم واهوا صاك ضروسه كآنه معصب و متضآيق لانه قاعده تنزل دموووعهـآ : خلاااااص .. خلاااااااص كاااااافي .. كاافي بس حبيببتي خلاص ​

ريم تبجي و تشهق : خالد اليوم ابوي قال لي ابيج تفرحيني .. خالد بشر ابوي اني تخرجت .. ​

... ​

السـآعه 7 المغرب .. ​

ريم قاعده بالكرسي و تتذكر اليوم الصبح .. ​

الصبح .. ​

ابو ريم : يا الله يا ريييم قووومي .. بسرعه ​

ريم تطلع واهي تمشط شعرها : يبـآ كآني خلصت .. ​

ابو ريم : يا الله وانا ابوج روحي خلي مشاعل تقطج المدرسه ​

ريم : ليش يبا ! فيك شيء اليوم !! ​

ابو ريم : ابد وانا ابوج بس ابي اقعد بروحي شوي .. ومشاعل مسكينه انحكرت من قعده هالبيت خليها تغير جو معاج بالطريج ​

ريم ابتسمت : الغآلي بيقعد بروحه ! شدعوه مليت منا هههههههه ​

ابو ريم : هههههه .. لا وانا ابوج .. شلون امل من بناتي اللي حايفيني حوووف .. و مو مقصرين فيني و مهتمين فيني مثل الياهل هههههههه ​

ريم : إي اكيد بنهتم فيك و اكثر من اليآهل حتى .. إنت ابونا و عزوتنا عسى ربي لا يفرقنا عن بعض يآ نظر عيني .. ​

ابو ريم : آآخ يا بنيتي ويدي اشوفج عروس و اشوف عيىل عيآلج .. و يا الله روحي المدرسه و بشريني خير .. و إن شـآء الله تكونين متخرجه اليوم هههههههه ​

ريم : من عيوني يا نظر عيوني كله والله ​

ابو ريم : الله يخليج يا بنيتي .. ​

مشآعل طلعت مع عبايتها : صبآح الخير يبآ .. كاني خلصت ​

ابو ريم : صبآح النور .. يا الله ودي اختج و رجعي مبجر ​

مشاعل مبتسمت : إن شـآء الله .. ​

... ​

خالد توه ياي من الكآفتيريا اللي موجوده بالمستشفى تحت وياب معاه عصير برتقال : اخذي العصير شربيه ​

ريم تطالع جدامها وعينها حمرا من البجي : ما ابي .. ​

خالد قعد يمها و شكله دايخ و فيه النوم .. قام وفتح العصير و حط العود و مسك ذقنها و لفه عليه : شوفي هالعصير بتشربينه طيف وله غصب بتشربينه يعني بتشربينه .. ​

ريم : إنت شدراك ان ابوي طاح بالمستشفى ؟ ​

خالد طالع مشاعل و دلال : ابد .. بس دلال صآدفت مشآعل وصآرت رفيجتهـآ ​

ريم تطالعه و مستغربه : من متى ؟ ​

خالد طالعها و ابتسم : من عرفتج .. كنت اخلي دلال تصىدف مشاعل وايد عشآن تصير رفيجتهـآ ومن بعدها اخت اكشفتنـآ و درت إني خالد اللي كلمتيها عني .. هههههه ​

ريم : شلي يضحك !! ​

خالد ابتسم : اللي يضحك انج انتي قايله حف اختج كل شيء .. وانا فكرت انج ما راح تقولين لها .. ​

ريم : اصلا انا ما اخش عن خواتي شيء .. ​

خالد : أدري و هذآ اللي حببني فيج .. صرآحتج ​

ريم تطالع خالد : دام انك عرفت العىيله كلها ممكن اعرف اختي مريم شلونها !! ​

خالد : لا ابشرج .. كلها جم يوم و مريم بتسوي عمليه و بإذن الله بتصير احسن قبل .. ​

ريم : يآليت والله .. ​

خالد : لا تخافين .. المهم الحين شربي هالعصير عشآن تصحين لان توه لمن قايسوا ضغطج شافوه وايد نازل .. ​

ريم خذته و شربته من غير طعم .. و من غير ماتحس فيه .. عيونهـآ سيدا و مخهـآ كآنه شريط فبآلهـآ ,, تتذكر كلام ابوهـآ و حكآويه .. تتذكر لمن كانت صغيره يتيمه الام .. وشلون صآر لها الام والابو و الاخو والاخت و الصديقه ..
... ​

السآعه 9 .. ​

دلال يت لـ ريم اللي حاطه ايدها على خدها و خالد ناي معلى كتفهـآ ,,


دلال قعدت على ركبهـى و جدامها ريم : ريووم .. يا الله لازم الحين نوديكم البيت


ريم : لا شلون نروح البيت انا و اختي بروحنا ! احنا خوافات مستحيل نروح ​

دلال : امم .. خلاص راح اخذكم عندي بالبيت .. ( طالعت خالد ) خل اقعد خالد .. ( راحت يمه ) خالد .. خالد .. بووو وليييد .. ​

​

 

[gala q8]

وَ يـوفـقـج حـيـآتـي يـآرب وَ كـل مـن يـقـرآ آلـروآيـه ..

كـح آخـتـي خـذت آيـبـودهـآ وَ بـقـت آلـ لآآب :d

شـسـمـه قـلـتـي مـآيـصـيـر تـنـزلـيـنـهـآ كـآمـلـه لآن آلـرد مـآيـكـفـي وَ جـذي ..

آحـمم نـزلـيـهـآ عَ رديـن وَ ثـلآث وَ آربـع عَ رآحـتـج

بـلـيـز آبـي بـآرت بـععـد

آذآ تـقـدريـن طـبـعـاً وَ آذآ مـآتـقـدريـن مـو لآآزم وَ آلله نـنـطـر بـآجـر وَ عـقـبـه وَ لـيـن آلـوقـت آللـي تـقـدريـن فـيـه فـديـتـوج ..

لووول بسسسسج بووق خخخخ << لاااااااا اتغشمر

لووول أميين يـآرب .. إن شـآء الله نتخرج كل بنـآت 12 والفآل حق البآجي


اممممم إن شـآء الله راح احاول انزل بارت و بارتين و 3 ,, بس بعد مااخلص شغلي بإذن الله



ولي بـآآآآك بعد شوي بإذن الله