مروى : خلاص هونت رديني
نجود : ومحاظرتي اخليها ؟ ماكو روحه بتحضرين محاضرتي والكل يبي يشوفج عادي حالج حالهم مافيج شي
مروى طالعت شكلها بالكرسي ونزلت راسها
ونجود تدزها
مروى : نجود انا خليني بالكافتيرا وانتي روحي اذا تبين شي اتصلي< ردت ثقتها
نجود بابتسامه : اوكي
نجود دخلت المحاضره
,,
اما مروى
مروى قعدت على الطاوله الي جنبها
مروى : واي حدي يوعانه اوف لازم انطر نجود تجي مقدر ادخل زحممممممممممــــــــــــــــــــــه ! وانا على كرسي اوف ,,
l
مروى : لا حاسه فيني هبوط لازم اروح اشتري ماي شسوي
مروى تدز كرسيها لي الكافتيرا وتعلق عجله كرسيها بدشداشه والكرسي طاح بس قبل لا تطيح مروى سبقتها ايد عثمان وبحركه سريعه ردها على الكرسي
ناصر بابتسامه نزل لمستواها وقال لها : قولي لي شنو تبين من الكافتيرا انا اجيب لج بس لا تجين شكلج تعبانه ووجهج اصفر
مروى ماردت عليه تعبانه ,,
ناصر بسرعه شرا لها ماي وجا عطاها
ناصر : لا الحمدلله مبين من وجهج انه راح الهبوط منج
مروى : مشكور واسفه على الزعاج
مروى حركت كرسيها بتمشي
ناصر : خليج خليج
مروى : ماله داعي خلاص انا زينه
ناصر : خلاص انا اوصلج يبا شفيج
مروى :: وربي مافيني شي
ناصر مارد عليها ووداها لي الطاوله
مروى قعد جنبها : سمعيني اي شي تبينه قولي لي اوكي ؟ انتي وين اي تخصص
مروى : انا مو بالجامعه جايه عشان اختي
ناصر :اها وليه ماتجين الجامعهه ؟
مروى : بس
ناصر: مافي شي اسمه بس هذا مستقبلج ليه ماتبين تدخلين ؟
مروى تطالع شكلها يعني سبب اعاقتها
ناصر : اهااااااااااااا وشالمشكله ؟
مروى : مابي ماحب الناس المغرورين يطالعوني بنظره مو حلوه مااحب جذي
ناصر : مروى مو عيب هالشي ترا عادي
مروى : عندك انت مو عيب الحين محد يبيني من الناس غير نجود اختي وبس حتى ابوي مايبيني لا انا ولا اختي ,, واختي عندها رفيجاتها انا ماطلعت من البيت الا لطبيب وبس ,,
ناصر : لا منو قال هالحجي بالعكس والله
مروى : مادري يا ناصر خلاص انا برد البيت
ناصر : تحبين اوصلج
مروى : لا لا بنطر اختي ,,
ناصر : زين عادي تعطيني رقم اي واحد من اهلج ؟ امج ابوج .......الخ)
مروى بصدمه : ليييييييييش ؟!
ناصر : لا تفهمين غلط بس ابيه عشان شغل وجذي
مروى : شلون تعرف ابوي
ناصر : ابوي رفيج ابوج ,, وابي رقم ابوج عشان شغل بينهم
مروى على نياتها ماتدري شسالفه عطته الرقم
ناصر : مشكوره ,, انا ماشي اي شي تبينه قولي لي
مروى ابتسمت ابتسامه صدمه : انا ليه عطيته رقم ابوي توه يقول رقم امج او ابوج او اي واحد من اهلج ,, ليييييييه ؟! الله يستر
lll ,,
نجود طلعت من المحاضره وشافت اختها متضايقه بس ماحبت تزيد عليها يوم دخلتها السياره سألتها
نجود : شفيج ؟
مروى : لاماكو شي
نجود : اكيد
مروى بابتسامه : اكيدين
,,
انتهى البارت وسامحوني على القصور بس حيل مشغوله
