روآيتي الاولى { نظر عيني } .. بقلمي M!s$ GoOnA

[Miss.Piano]

خوووو كملي خوو

عجبتني الرواية والله ،، ناطرين البارت الياي

 

[6amni bs]

رد : روآيتي الاولى { نظر عيني } .. بقلمي M!s$ GoOnA

يعطيج العافيه عالبارت
ناطرينج

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

>> الـــــــبـــارت الـــــخـــــامـــــــــــس <<
:: في الافنيو ::

لجين ماخذه غاليه ورايحين الافنيو يبون يغيرون جو لانهم من صارت السالفه ما طلعو ولا شمو هواا من اليت لي الجامعه ومن الجامعه لي المستشفى وبــس ..

لجين كانت ملاابسها كااجول ( سكيني رمادي .. وقميص ابيض لي نص الفخذ قصته حلوه .. ولابسه حجاب قطن رمادي قامج شوي > لان بشرتها فااااااتحه فحلو عليها .. ولابسه جنطه طويله بيجيه .. )

اما غاليه هم اهيا كانت لابسه كل شي ناعم وكاجول ( سكيني جينز قامج .. وقميص ابيض مقلم بكحلي واايد حلو عليها .. وحجاب قطن كحلي وحاطه عليه نظاره شمسيه شكلها فيها يشوق  )

لجين : غلوي غلوي ..
غاليه : هلا
لجين : لفي وراج !
غاليه : ليش ؟
لجين : انتي لفي وشوفي
غاليه لفت ويها ما شافت شي غريب يعني كله ناس قاعد يمشون
لفت وييها على لجين جان تقول واهيا مستغربه : انزين .. ماكو شي !
لجين : يا غبيه شوفي .. شفتي هذيل الاثنين الشباب اللي ورانا
غاليه لفت وييها مره ثانيه ورا مثل اللي تبي تتأكد ولما لفت لقتهم
غاليه : أي شفيهم ؟!
لجين : غلوووي .. هذيل قاعد يلحقوونا من اول ماطلعنا من زارا .!
غاليه : ويي حلفي ..
لجين : والله غلوي .. انا ما احب جذي خل نطلع اخاف من هالمواقف
غاليه : انتي من صجج خل يولون .. احنا بس ندخل الحماام ونطلع ماراح تلقينهم صدقيني
لجين : تهقيين !
غاليه : ايي صدقيني .. امشي امشي

و طول الطريج واهما رايحين الحماام وهذيل الشباب ما فجو عنهم يعني وراهم وراهم وين مايروحون اهما وراهم .. وبسرررعه لما قربوا من الحمام لجين لفت وراها ومالقتهم

لجين : غلووووي رااحو مو موجودين
غاليه : صج ( ولفت وراها ومالقتهم ) .. وتنهدت . واااااي اشواااا
لجين : يعني كنتي خايفه ، ومساع تقوليلي خليهم يولون
غاليه : مادري كنت خايفه بس انتي مبين علييج خايفه واعرفج انتي من تخافين تبجين بسرررعه خو الدمعه على طرييف ، فعشان جذي سويت نفسي مو خايفه عشان ما اخوفج اكثر
لجين : انزين انزين خل ندش الحماام شكلنا غبي اذا رجعنا واحنا عند الباب
غاليه : هههههههههه .. شكو

ودشوا .. ولما طلعوا قالت غاليه مشتهيه موكا و مروا ستار بوكس وشروا اثنينهم موكا واهما قاعد يتمشون دشوا واحد من المحلات ما عجبهم شي وطلعوا ..

غاليه : شووووووووووووفي
لجين : هاا
غاليه : كاااهم .. يماا
لجين : وااي غلووي حدي خايفه لا واشكالهم تخرع مع الدشداشه والنظاره ( كانوا اثنينهم لابسين دشداشه وغتره وعقال ولا بسين نظاره شمسيه .. يعني اشكالهم مجهوله وصارمين )
غاليه : امشي بس خل نطلع
لجين : يلاا يلاا بسرعه

وكاانو قاعد يمشون بسرعه وطووول الطريج واهما وراهم جنهم ما صدقوا يلقونهم وحتى لما وصلوا المواقف توها لجين بتبطل السياره ولا اييون عندهم الشباب .. عاد لجين من الخوف عينها دمعت

واحد منهم : سلام عليكم
غاليه : وعليكم السلام .. نعم ؟
....... : اختي انتي ماخذه جيسي مال زارا !!!!
غاليه انصدمت ولجين مسحت دمعتها وحدها منصدمه ، جان تقوم غاليه وتطل بجيسها ولا تشوف جاكيت ومادري شنو المهم ان مو هذا مالها هنيي حدهاااااا انحرجت وييها قلب احمر تفشلت حدهااا جان تقول له

غاليه : آسفه اخووي مادري بالغلط
....... : لا عادي ولا يهمج وتفضلي جيسج
غاليه بدلت الجياس وبسررعه بطلت باب السياره وماااااااااااتت من الضحك اهيا ولجون مو مصدقين اللي صاار واهما رااح فكرهم بعيييييييييييييييييييييييييد يعني احرجووو وخاصة واهما شكلهم داشين الحمام يعني مناحشين منهم ولما طلعوا بسرعه .. المهم قطت غاليه بيتهم وراحت اهيا البيت

::: في المستشفى :::

حمد ولجين عند ليان لان لما راحو عندها كان عندها الدكتور و السـستر قاعد تعطيها ابره مسكنه لان جسمها قاعد يشخص عليها وهالابره دوختها ونامت .. وشوي وراحوا عند سعاد واهما عندها يت هيا وغاليه .. وكان حمد وهيا متفقين انها تقول لها عن الموضوع ( انها حامل ) ..

هيا : سعاد بكلمج بموضوع
سعاد : هلا .. شنو ؟
هيا : الصراحه ودي اقولج وما اقولج بس لان الوضوع يخصج انتي بالذات ، واذا ما قلتلج الحين راح تعرفين بعدين فعشان جذي قلت بقولج الحين
سعاد : خير هيا في شي .. خرعتيني انا فيني شي ، الدكتور قالكم شي عني .. حمد شنو شسالفه خرعتوني
هيا : انشالله ماكو الا الخير بس انتي هدي اعصابج ..... ( وطالعت حمد بنظره فيها توتر وخوف من اللي راح يصير ) ...
حمد عباله انها ما تقدر تقول جان يقول : ســـعاد ..
وقبل لا يكمل قاطعته هيا وقالت : ســعـــاد ... انتي ... انتي حـ .. سعاد انتي حامل !!!!!!!!!
سعاد انصدمت: شنوووو انا حااامل .. !!!!!
حمد : أي يا سعااد والحمدالله على كل حال .. وحمدي ربج ان الياهل ما طاح من عقب الحادث
سعاد عينها دمعت من الصدمه : الحمدالله .. الحمدالله على كل حال .. بس انا ..
قاطعتها هيا : لا بس ولا هم يحزنون .. هذا قضاء الله ، ومو شرط يا سعاد انج كبرتي شوي خلااص .. وانتي اساساً مو كبيره اللي يقول كلش الحين .. عادي مافيها شي يعني اذا عيالج كبروا خلاااص.. لاا هالشي ماله شغل.
سعاد :ادري .. بس مادري احس مادري شلون جداام الناس وجدام اهلي
حمد بداخله كان مستانس ان بييله ياهل : بالعكس لي الفخر .. وبعدين عادي مافيها شي ، خل يعرفون اصلا هالياهل اللي انتي مصدومه فيه مرجعني سنيين لي وراا  !

لجين وغاليه طالعوا بعض بيضحكون جان تلتفت عليهم هيا شافتهم فيهم ضحكه جان كلهم يضحكون .. وهالسالفه هانت على سعاد وشوي شوي تقبلت الوضع مع انها مالها خلق الحمال والعوار وصيحة الياهل ،،، وامدااهم حمد لجين رجعوا البيت ولجين واهيا بتروح غرفتها تلقاها ثامر بالممر ..:

ثامر : تعالي تعاالي
لجين : هااا
ثامر : دشي دارج بقولج شي
لجين : اخلص ثويمر شتبي
ثامر : ما ينفع هني .. امشي
لجين : اففففففف يلاا

ودخلو غرفتها وقعد ثامر على فراشها ..

لجين : هااا اشوفك بسطت شكلك ورااك سالفه .. شفيك شمسوي
ثامر : وانتي ما تتوقعين مني الا المصايب
لجين : مادري عنك .. شكلك يوحي بجذي
ثامر : المهم ،مالج شغل بشكلي .. انزيين انتي كلمتي غاليه
لجين : وييييييييييييييييييييييي
ثامر : ويعيييييييييييييييي
لجين : والله والله ثمّوور نسييت
ثامر : لجوون يا النسايه يالعيوزه يعني لي متى تبيني انطر وبعدين مو انتي قلتي بتخلينها تيي وتقولين لها وانا صارلي جم يوم انطر .
لجين : خلااص خلااص باجر ذكرني واروح لها ونتمشى واقولها زيين ؟
ثامر : اذا ماقلتي راح اتهور واناا راح اقولها !
لجين : لاااااا لااا .. حرام تخرعها لااا .. لا خلااص باجر انشالله اقولها
ثامر : اففففف .. انزيين بنطرج

:: في بيت اهل مها ::

التلفون يرن وشالته شروق ..

شروق : الوو ؟
......... : الوو سلام عليكم ،،
شروق : وعليكم السلاام .. منو ؟ سالم ؟؟
.........: أي انا سالم انتي شروق صح
شروق : أي هلا والله
سالم : هلا فيج .. شلونج شروق شخبارج
شروق : تماام الله يسلمك شلون بريطانيا والدرااسه ؟
سالم : حمدالله ماشي الحاال ...... الا مها وين ؟
شروق : كاا الحين اناديها لك بس دقايق
سالم : اووكي

شروق : مهاااااااااااااااااااااا .. مهووووووي
مها : نـــــــــــــــــعـــــــــــــــــــم
شروق : تعالي تعالي تلفون .. هذا سالم تعاالي بسسرعه
مها ركضت ركض عند شروق : شنوو سالم ..!
شروق : أي شفيج ..
مها : وين امي ؟
شروق : مو هني طالعه .. اصلا حمدي ربج لو اهيا هني جان صارت سالفه ،، تعاالي بسرعه كلمي ريلج
مهاا سحبت منها السمااعه : الوو هلا سالم شلونك
سالم : هلا هلا تماام شلون انتي
مها : حمدالله
سالم : انا دقيت على ابوي وقالي انج رحتيلهم وقلتي لهم كل شي وخذيتي الياهال .. والصرااحه كبرتي بعيني يا مها على صراحتج مع اهلي
مها استحت وقلب وييها احمر من كلامه وكانت شرووق مجابلتها وتطالع تعابير وييها ومااتت من الضحك لما قلب وييها احمر وعرفت ان يمدحها لانها قاطه اذونها بالسماعه

مها : هذا الواجب وماسويت شي زايد واهلك اهما اهلي ماكو فرق
سالم : هذا العشم فيج
مها حدهااا انحرجت وبتضيع السالفه : ممم أي شلون درااستك هنااك .. والله انا افكر اييب الياهال ونيي عندك
سالم : لااا وين تييبين الياهال وتيين خلااص هذي لي اخر سنه فيها واخذ الشهاده وخلااص ارجع لكم دكتوووووور
مها : ونااسه راح اكون حرم الدكتور المهندس/ سالم فواز الـ....
سالم ومها : هههههههههههههههههههههههه

 

[Miss Hayoon]

رووووعة الرواية يلاا كملي ناطريينج خيتووو

 

[يادنيا ارحميني]

رد : روآيتي الاولى { نظر عيني } .. بقلمي M!s$ GoOnA

كمليييييييييها حبيبتي
بالأنظاااااااااااااااار ..!
لاتطولييييييين علينا عفيه

 

[كويتيه و اافتخر]

رد : روآيتي الاولى { نظر عيني } .. بقلمي M!s$ GoOnA

لا يوقف
كملي يا قلبي

 

[يادنيا ارحميني]

رد : روآيتي الاولى { نظر عيني } .. بقلمي M!s$ GoOnA

waaaaaaaitiiiiiiiiiiiing u >!
na6rench 3la a7r mn algmr!

 

[R i M]

رد : روآيتي الاولى { نظر عيني } .. بقلمي M!s$ GoOnA

NiCe ~

wating !!

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

آسفه على التأخير !

>> الــــبـــــــارت الــــــســــــادســــ <<

(( اليوم الثاني الظهر بعد الغدا ))

لجين داقه على غاليه ..

غاليه : الوووووووووووووووووووو ههه
لجين : الوو الوو غلووووووووووي
غاليه : بسم الله شفيج
لجين : هههههههههههههههههه ما فيني شي
غاليه : عيل شحقه تصرخيين
لجين : هههههههههههه كيفي كويتيه
غاليه تقلد لجين : "كيفي كويتيه" .. جنه بس انتي كويتيه
لجين على غشمره : اقول جب
غاليه : ههههههههههههههههههه يا حماره
لجين : غلوي .. اليوم خل نطلع على البحر
غاليه : انتي شفيج اليوم تدخلين شي على شي
لجين : مافيني شي .. يالله شقلتي
غاليه : اووكي .. بس متى ؟
لجين : قبل المغرب
غاليه : اووكي .. امرج ولا انتي تمريني ؟
لجين : لا انتي مريني .. ( هني انفعلت بس تتغشمر لانها كانت فاصله) كله انا امرج .. لا لا سايق ابوج انا لاا لا أي قولي بعد قولي
غاليه : واااي واااي يمه منج حاظر انشالله عميمه
لجين : أي جذي صيري خوش مره
غاليه ولجين : ههههههههههههههههههههههههههههههه

:: بالقهوه ::

زياد : من صجك !!
ثامر : أي من صجي .. هااااااا شفييييييك جنك قلتلي وتالي تحسفت
زياد : لااا شكوو .. بس مادري
ثامر : شلون يعني ماتدري قولي اذا ما تقولها قبل لا تقول
زياد : لا لااا خلها خلها خل تقول احسن لك .. خل تعرف عشان انت ما تمووت
ثامر : زيووووووود شفييك
زياد : ما فيني شي .. بس ابي اغير الجو انت حدك متوتر
ثامر : اخخخخخخ .. اذا عرفت رااح تنصدم حدهاا
زياد : لاا انا اتخيل تقولها .. غاليه ترى ثامر يحبج ومتولع فييج ههههههههههههههههههههههههه
ثامر : وااي احر ما عندي ابرد ماعندك

:: على البحر ::

غاليه : واااي الجو شنو روووووعه .. يهبل
لجين : ايي حده .. خل نقعد هني
غاليه : اوكي
وسحبوا الكراسي وقعدوا على الطاوله
وكانت لجين متوتره ومهيا عارفه شلون تبدي وكانت بس تعظ شفايفها وتهز ريلها ، غاليه حست فيها بس طنشت عبالها يعني عادي مافيها شي ..،، وتعبت لجين من التفكير ويتها الشجاعه انها تتكلم وبدت بالموضوع بالساسه وشوي شوي ..

لجين : اقول غاليه ..
هني غاليه قالت بقلبها ( لااا اكيد فيها شي دام انها قالت غاليه الموضوع فيه شي والا اهيا مو من عوايدها تقولي غاليه كل مره تقولي غلوي )
غاليه : هلا ..!
لجين : شرايج باللي يحبون .. بس ان يكون حبهم شريف ويحبون بكل اخلاص
غاليه استغربت ووتطالعها بنظره استغراب : شفيج شكو .. ليش تسألين
لجين : جذي طرى براسي هالسؤال
غاليه : مادري انا ما احب سوالف حبني واحبك .. الا على قولتج حب شريف يمكن بس ان ما تطلع وياه ولا سوالف وخرابيط
لجين : أي اكيد .. عيل شلون حب شريف
غاليه : هههههه .. اممممم
لجين : غاليه !
غاليه : انتي شفيج اليوم .. احسج متوتره مادري خايفه مادري شسالفتج .. فيج شي .. اصلا انتي مو من عويدج تقولين لي "غاليه" .. شفيج !؟؟
لجين : شوفي انا من مسااع قاعد احاول الف وادوور بس انتي كشفتي التوتر اللي فيني .. بقولج وعلى الله انشالله.
غاليه : امبيييي ترى والله خرعتييني لجووووووووووووووووون والله خرعتيييني تحجي عظامي صبت

لجين بلعت ريجها وتوكلت على الله بس حدها خايفه من ردة فعلها تخاف تكون قويه : غاليه ترى .. ترااااا .. تراا ثـ ( وهني حست انها ودها تبتسم وما ودها ) ترى ثامـر يحبج !!!
هني صار هدووووووووووووووووووووووء .. لجين تبي تعرف ردة فعلها .. اما غاليه وقفت على حركتها لا كلمة ولا صدمه ولاا أي شي لان صج كان صدمه وصدمه قوووويه ما كانت متوقعه كلللللللللللللللللللللللللش ،، بس لجين خافت على غاليه اول مره تشوفها جذي ما تنفعل ..

لجين تهزغاليه : غلوووي غلووي شفيج .. اففف ياليتني ما قلتلج ،، كله منك ثمّوور
غاليه مصدوومه : امبيي لجين انتي من صجج
لجين ابتسمت : اييي
غاليه : لأ يعني صج اللي قلتيه ولا قاعد تستعبطين تبين تفلمين علي !
لجين : ايي والله من صجي
غاليه : امبيي .. لجوون ليش تقولين لي احرجتيني
لجين : وااي فدييت اللي يستحوون
غاليه : بس ..
لجين : بس شنو ؟
غاليه : انا ما احب هالسوالف !!!
لجين : لاا حرام علييج .. انتي تعرفين ثويمر ماعنده خرابيط
غاليه : ادري والله .. بس انا كل اعيب على اللي جذي وانا اصير جذي بعد
لجين : بس راح يكون غير
غاليه : شلون
لجين : يعني اهوا يحبج بدون خرابيط وسوالف وتشلخ
غاليه سكتت وويهاا صار احمممممر ،، حست ان ودها الارض تنشق وتبلعها من كثر اهيا مو قادره تحط عينها بعين لجين من عقب ما قالت لها جان تقول

غاليه : وانتي تمووتين على هالسوالف
لجين : هههههههههههه لا والله انا نااسيه بس اهوا المسكيين يقولي ان وضحي لها تعرفين يعني يخاف اهوا يواجهج بس ماراح تتقبلين وتكون ردة فعلج قويه وجداامه
غاليه ابتسمت وصار ويها احممر: مممممممممم
لجين : انزين يلااا امشي برووح البيت
غاليه : انزين ليش الجو شحلوه
لجين : المتيم بالبيت ينطر الخبر
غاليه نزلت راسها من الحيا : هههه .. امبيي لجوون خلااص عااد

:: في بيت بو ثامر ::

ثامر رد من القهوه وقاعد يحااتي ويفكر وكان قاعد يكل من الدريشه لانها على السكه ينطر متى ترد لجين ،، وشوي ولا يشوف سيارة غاليه ونزلت منها لجين وبسرررعه صكر الشتر وقاعد يركض بالدري وبطل البااب

لجين اخترعت : بسم الله الرحمن الرحيم .. شفيييييييييييك خرعتيني
ثامر : اممم يلا دشي
لجين : امبيي انت مو صج .. مينوون مينوون ..
ودشت بتروح فوق عنااد عليه
ثاامر : تعااالي بحاجييج
لجين : ماابي
ثامر : تعاالي يا مليقه
لجين واهيا بتصعد الدري : لاا مابي
ثامر : وييعع وييع يالياهل يالحساسه .. شدعوه تعالي يلاا
لجين : اففففف .. لاتعيدها مره ثانيه طيحت قلبي ببطني جذي يبطلون الباب .. ( هني تتطنز ) يعني لي هالدرجه مو قادر تصبر
ثامر : يووووو .. انزين قوليلي شقالت .. والا اقولج قولي كل اللي صار
لجين : وانت شكو
ثامر : شلون انا شكو
لجين : بس جذي عنااد عليك
ثامر : يووو يلا عااد ذليتينا ترى
لجين : هههههه انزين انزين .. قلت لها والبنيه استحت وهذا بس تقول اهيا ماتحب هالسوالف
ثاامر : لااا لا تقولين.. بس انا ما عندي سوالف
لجين : قلتلها .. وطوول ما احنا قاعدين اهيا مستحيه .. بس تصدق اول ما قالت لها احس مادري شلون حتى ما تكلمت صار هدووء خفت من سكوتها يعني قلت اخاف يكون هالسكوت اللي قبل العاصفه بس اشوا احيها تفهمت الوضع بس المسكيينه انصدمت جني طاقتها طراق على ويها
ثامر : هههههههههههههههههههه .. بس اشوا ريحتيني الله يريحج

ودخلت سعااد عليهم نازله من فوق
سعاد : مشالله اشوفكم قاعدين ومستانين .. شعندكم ؟
لجين بتضيع السالفه : مااكو ولدج الخبل قاص على رفيجه وقايله انه مسافر ورفيجه مصدق
سعااد : وااي منك انت .. شحقه قاص على الولد
ثامر بيرقع : جذي وناسه ومسكيين مصدق يحليله صج خوااره
سعاد : ههههههههه ما تيوز من سوالفك ... يما لجونه حياتي انتي روحي شوفي ليان نايمه بدارها لانها مساع تقول ريلها تعورها وعطيتها المسكن !
لجين : انشالله

:: في غرفة غاليه ::

غاليه قاعد تفكر بثامر ان ليش وشمعنه اهيا اللي اختارها من بد البناات كلهم وحبها .. وشلون راح تواجهاا بعدين .. وشلون راح تتطور العلاقه بينهم .. وقاعد تفكر ".. ليش انا اللي حبني ؟ .. شلون راح اواجها ؟ .. شلون راح اشوفه ؟ .. لا لا مابي استحي .. لا انا اعرفه اهوا ولد خالي واعرفه ما عنده خرابيط لا لا .. بس شلون انا راح احبه صج مثل ما اهوا يحبني .............." وقعدت تفكر لين داخت وحطت راسها ع المخده ونامت

واليوم الثاني الصبح قعدت وتسبحت ولبست بتطلع بتروح الجامعه واهيا نازله تذكرت ما خذت ساعتها وردت غرفتها خذت ساعتها وانزلت وسافت امها وسلمت عليها

هيا : اليوم شنو وين كتبج ؟
غاليه : ويي فوق .. امبي شفيني كل انسى هههه خل اروح اييبها
هيا : هههههههه روحي روحي

وراحت فوق جان تقول بقلبها " انا شفيني .. صرت كل افكر والله خايفه من هالسالفه انا اول مره بحياتي جذي "
وخذت شغلها ونزلت ..

غاليه : يلا يما انا ماشيه
هيا : تعاالي تريقي اكليلج شي فتحي ريجج
غاليه : لاا يما مو مشتهيه ..
هيا : شماكله مو مشتهيه .. تعالي اكلي
غاليه : انشالله .. بس باخذ عصير من الثلاجه وبمشي
هيا : شفييج مطيووره و مستعيله ..
غاليه : ابي اروح مبجر مواقف الجامعه زحمه
هيا : يلا الله يوفقج
غاليه باست امها وطلعت

:: بالجامعه ::

غاليه توها واصله دشت والصدفه ان ثامر صار بوييها يعني جبالها راح لها ثامر ..
ثامر : هلاا غاليه شلوونج
غاليه قام قلبها يرقع تذكرت السالفه : هلا والله تمام .. انت شخبارك
ثامر : حمدالله .. ها اليوم يايه مبجر اول مره
غاليه : ههههه .. قلت ايي قبل زحمة المواقف وكل هذا واكو زحمه
ثامر : ههههههههه يلا ماعليه .. من زماان ما ييتينا البيت لا يكون هالدعله مزعلتج .. عاد يا ويلها انتي بس قوليلي اكفخها لي الليل
غاليه : ههههههه .. لا مسكينه ماكو شي .. بس لهيت بالدراسه
ثامر : انزين امشي عازمج على عصير هههه
غاليه : لا مالا داعي .. توني شاربه من البيت
ثامر : الحين انا شاد حيلي وعازمج وترديني
غاليه : هههه لا والله مو القصد بس مـالـ ....
ثامر : لا بس ولا شي لا تسوين نفسج اسحتي وفشله امشي
غاليه استحت : هههه

وراحو عند الكافتيريا وطلب لهم عصير وقعدوا بطاولة على جنب ويسولفون ،، وفجأة سكت ثامر وسكتت وياه غاليه ..

ثامر : اقول غاليه
غاليه : هلا
ثامر : مممم .. اححححححم احححح اححم ( يعني قاعد يعدل صوته ).. غاليه انا ارتحتلج !
غاليه كانت عارفه بالموضوع وسكتت ونزلت راسها وحدهاا مستحيه وحست ان وييها صاار حاار من كثر ما اهوا احمر .. وبنفس الوقت كانت خايفه ، خايفة من شنو اهيا مو عارفه .. واهوا اصلا كان عارف انها تدري بس يعني لازم اهوا يتكلم بلسانه ما يبي يتكلم بلسان لجين اخته ..

ثامر : غااليه
غاليه واهيا منزله راسها لانه حطااها بموقف محررج ما عرفت ترد عليه كللش : نعم
ثامر : شفيج .. انا شنو قلتلج ؟
غاليه انصدمت ومفتشله : هاا
ثامر : ههههه .. لا لا غاليه عاد صج صج .. انا من صجي اتحجى ،، انا صج ارتحتلج وحسيت اني احبج .. تعاملج واسلوبج دايما ذرب ومؤدب و اخلاقج وكللل شي فيج روعه .. بس لا يروح بالج بعييد عن قصدي انا ما احب اقص عليج واخربط ،، بس والله حبيتج .. يعني ادري انتي بنت عمتي ومن زماان اعرفج يعني مو يوم ولا يومين بس الحين كبرنا والتفكير وكل شي صار اوكي يعني انا عارف ان اللي قاعد اسويه صح مو غلط ..

غاليه شنو كاانت مستحيه ومن كثر ما اهيا مستحيه كان ودها الارض تنشق وتبلعها وولا انها ترد عليه

غاليه : ثامر .. صراحه انت وايد احرجتني وانربط لساني من كلامك والله .. والصراحه حتى انا اول ما قالت لي لجين كنت مصدومه وخايفه بس ...
ثامر استانس انها قامت تاخذ وتعطي وياه : بس شنو ؟
غاليه : بس الصراحه انا خايفه من هالسالفه .. انا اول مره بحياتي اصادف موقف جذي
ثامر : بس انا احبج والله .. والله انا مو قاعد اقص عليج ولا اني قاعد الف وادور عليج والله
غاليه كانت حيييييييل مستحيه كلامه قوي بالنسبه لموقفها .. بس كانت حيييييل مرتااحه لكلامه وصراحته وطريقة بالكلام ويااها وكانت خايفه تصدق انها حبته لانها خايفه من هالشعور لان توها ما عرفت اذا شعورها صح ولا غلط ،بس ما كانت تملك الشجاعه انها تتكلم حتى ولا تعبر عن شعورها ..

واثنينهم سكتوا وولا تكلمو وفضل ثامر ان يخليها تفكر وتتأكد من مشاعرها ، وماحب يضايقها او يحرجها بكلامه

 

[يادنيا ارحميني]

رد : روآيتي الاولى { نظر عيني } .. بقلمي M!s$ GoOnA

وآآآآآآآآآآآآآو أبداااااااااااع×ابدااااااااااع ماشالله عليج
وناااااااااااااااااااااااااااااااسه
كملييي كملييييي كملييييييييي
نااااااااااااااااااااطرييييييييييييييييييييييييييييييييينج!

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

up

up

 

[ريماس21]

رد : روآيتي الاولى { نظر عيني } .. بقلمي M!s$ GoOnA

روووعه

كملي يالغاليه

 

[كويتيه و اافتخر]

رد : روآيتي الاولى { نظر عيني } .. بقلمي M!s$ GoOnA

روووووووووووووعه صراااحه ابدااع
كملي يا قلبي

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

>> الــــبــــــــــارت الــــــســـــــابــــــــــع <<



:: مدرسة ليلى ::

بالهده كانت ليلى وحفصه رفيجتها اول من طلع تقريبا ،، وكان شكثر اهالي واقفين وخدم وسوااق

حفصه : ليووول
ليلى كانت قاعد تجيك اذا وليد اخوها يا ولا لأ : همممممم
حفصه : طااعي طاعي .. وااااي يهبل
ليلى لفت عليها : شنو .. منو ؟
حفصه : هذا هذا
ليلى : هذا ؟
حفصه : ابييي زووغه
ليلى : انتي هيييييي يالباازع استحي على ويهج
حفصه : ههههههههههههههههههههههههههههههههههههههه .. كيفي هههههههههههههههه
ليلى : ياللي ما تستحين على ويهج ..دوري وليدو وياي احسلج والله
حفصه : فاضية لج انا !
ليلى : قصبن عنج
حفصه : هههههههههههههه .. جبي
حفصه : وااي الا اعرف منو اخته
ليلى : ليووول انتي مو صج
عاد كان الريال تقريبا قريب شوي منهم ، فراح لهم
الريال : سلام
حفصه : وعليكم السلام
ليلى : نعم
حفصه عطت ليلى نظره جنه بعد شوي تكفخها
الريال : تعرفون وحده اسمها امل بدر
حفصه بلعت ريجها وتقول بقلبها ( أي شي املوو اخته ) : أي أي لحظه الحين اشوفها لك
وراحت اهيا وليلى داخل
ليلى : شفييج حفوص صايره خفيفه
حفصه : وااي بعد شفيج الريال سأل وانا جاوبت
ليلى : حمدالله والشكر
ورااحو بس مالقوهاا وردوا قالوله ان مايدرون وينها ويمكن بعد شوي تطلعع ، عاد شوي والا تطلع مع رفيجاتها
حفصه : كاااهي كااهي
ليلى : فررررررررق !!
حفصه : شفتي .. امبي ماني مصدقه .. ولا امل اخت هالمزيون
ليلى : أي والله
حفصه : بااجر بحاجيها
ليلى : هييي شبتقولين لها
حفصه : بقولها اخوج مزيون .. يعني شبقولها ، بقولها منو اللي امس ماخذج
ليلى : حفووووووص من صجج انتي
حفصه : أي شفيها
ليلى : واذا قالت ليش
حفصه : عادي بقولها .. مادري جذي لانه سألني ماتعرفين وحده اسمها امل
ليلى : أي شـــــــــي .. حدج فاضيه
حفصه : هههههههههههههههههههههههههههههههههههههههههههههههههههه
:: في بيت بو غاليه ::
بالصاله كلهم قاعدين ،، وغاليه طالبه عشا من برا وكلهم قاعدين غاليه تشوف التلفزون وهيا تتكلم بالتلفون واحمد مجابل الملفات واغرض شغله .. وشوي طق الجرس

غاليه : كاااهو وصل
هيا : نادي نادي .. ماريا ( خدامتهم ) تبطل الباب
غاليه : ماااااااااااارياااااااا
ماريا يت : نأم
غاليه : بطلي بطلي الباب وعطيه هذا
ماريا خذت الفلوس : اوكي
وراحت يابت العشا ..
هيا : ماريا حطي سماط على الطاوله
احمد : لييش بعد على الطاوله .. انتو شنو طالبين ؟
غاليه : خفايف .. فطاير و صمون فلافل وبديان وهالاشياء
احمد : لا لا انا مابي اقعد وابسط مو فاضي عطيني هني وانتو كيفكم
هيا : ويي خل شغلك شوي .. ريّح شوي .. اكل جابل صحتك عدل
احمد : انشالله بعدين بعدين
غاليه : ههههههههههههههههههههههههههههه
احمد : ههههههه .. والله ورااي شغل لي هني

وحطو العشا واهما قاعد يتعشون يا مسج حق غاليه .. عاد مالها خلق تبطل قاعد تاكل وايدها فيها اكل وعقب ماخلصت بطلت المسج .. ولا طلع من ثامر ، عاد اول ماقرت اسمه قام قلبها يرقع وهذا اهوا المسج :

ودي اعرف وش اللي في بالك
ودي اعرف وش الحين حالك
ودي اعرف وكيف بعرف
انــــك يامحــبوبــي تــغليني وانــي دآيــماً شــآآغــل بـالك!!

هني غاليه ارتااحت من اسلوبه بس بنفس الوقت ترجف لانها كللش مو متعوده بس مابينت حق احد وصعدت دارها على بو انه بتدرس .. ورااحت وبس قاعد تفكر .. " انا ارتحت له وارتحت من اسلوبه معاي .. بس صج اني حبيته مثل ما اهوا حبني ! .. يااربي انا كله احسبه حسبة اخوي وولا مره بحياتي فكرت بهالشي .. لاا بس انا شعوري غير بالنسبه .. يوووو مادري مادري .. بس اهوا وااايد زيين وماعنده خرابيط نفس الشباب .. يعني يحصلج يا غاليه تلقين واحد يحبج جذي وكل شي فيه زين .. انا حبيته ؟؟ ولا لأ .. يارب ساعدني انا ماني عارفه افهم نفسي .. استغفرالله ليش انا انحطيت بهالموقف ! " وقطع تفكيرها رنة التلفون وشافت < لجون يتصل بك > وبسرعه شالته

لجين : هلا هلا .. هلا بمرت اخوي
غاليه : ههههه .. واي لجون لا تصيرين جذي
لجين : أي بعد هذا الصج مايصير اجذب على عمري
غاليه : بس لجون انا مو عارفه افهم عمري
لجين : يعني شلون !
غاليه : مادري .. والله مادري .. احس حيل زيييين وانا حسيت اني ارتحت له بس مادري
لجين : ويييييييي انتي حبيتيه صدقيني .. اذا انتي مو فاهمه ولا مو متأكده من شعورج انا أأكد لج صدقيني ، يعني اذا ارتحتي لشخص اكيد راح تكونين حبيتيه
غاليه : مادري ..
لجين : المهم ماعلينا .. ليون باجر عندها مراجعه وثمور بيوديها .. وليوون تحن علي الا اروح معاها .. وانا قلت لها اوكي
غاليه : ومتى بتروحون ؟
لجين : العصر
غاليه : لا والله .. مو انتي قايله بتيني ؟!
لجين : يعني شسوي فيها كسرت خاطري وقلت بروح وياها .. شراااااييييييييييج انتي تعالي معانا
غاليه : لاا والله .. شنو وين رايحين نتمشى مثلا .. شنو اربعه رايحين شنسوي
لجين : انا ادش وياها عند الطبيب وانتي وثامر تقعدون بالاستراحه واذا خلصنا اروح وياج بيتكم
غاليه : اممممم .. افكر بس شسمه
لجين : شنو
غاليه : لا لا خلاااص
لجين : ثامر ؟
غاليه : مممممم .. أي .. والله استحي لجوون والله .. اول كان عادي اقعد واسولف واضحك وياه بس الحين قمت مادري استحي
لجين : وااااي شدعوه ولد خالج وتحبينه ويحبج شفيها ..
غاليه : واااااااااي خلاص خلاص
لجين : هههههههههههههههههه .. كيفي بطفرج
غاليه : أي مو لانج مليقه
لجين : ههههههههههههههههههههههههههههه .. انزين بااي امي تناديني
غاليه : يلاا بااي
لجين : بااي

:: بالمطاار ::

سالم رجع من بريطانيا بس ماخلص وبيرد لانه معطينهم اجازة بس ماقال حق احد بيسويها مفاجأة راح البيت بطل الباب لقى ليلى عااااااد رااااحت لمته حيلللل وحبته ما كانت مصدقه انها شافته ودمعت عينها من الونااسه

ليلى : وااااي سلوم مو مصدقه انك رجعت صج صج ونااااسه
سالم : حبيتي انتي .. وانا بعد حدي مستاانس مو مصدق اني شفتكم .. وين وليدان وابوي ؟
ليلى : ابووي فوووق ووليدان كالعاده هايت بس والله لو اقوله بيي رككككككض
سالم : هههههه .. بروح حق ابوي
ليلى : لااا لاا
سالم : لييش
ليلى : لا لا خلها مفاجأه .. الحين انت امش معااي انرووح انا ادخل واكلمه اكلمه وانت تدش من وراه
سالم : هههههههههههههه .. ليوول والله مو فاضي وحدي دايخ
ليلى :ههههههههه .. انزيين
وصعد سالم فووق وطق البااب

فواز : ادخل ..
سالم : سلاااااااااااااااااااام عليييييييييييييييييييييييييييييييييييييييييييييكم
فواز : سااااااااااااااااااااااااااااااااااااااااااااااااالـــــــــــــــــــــــــــــم !!
سالم راح لم ابوه حيييييييييييل وباس راسه وايده
فواز : حمدالله على السلامه .. وينك ماتسأل واايد .. ولهناا علييك
سالم : شسوي يبا الدراسه مو مخليتني حتى اقعد شوي
فواز : المهم الحمدالله على السلامه .. تعاال انت مو باقيلك سنه على التخرج شلون ؟؟
سالم : ايي يبا معطينا اجازه .. لان الطلبه محتجين من زماان ماكو اجازات وان تعبنا
فواز : اييييي والله .. وليش ماخلييتنا نييلك المطاار ناخذك ونفرح فييك ليش ما قلت لنا
سالم : حبيت اسويها مفاجأه لكم
ودش عليهم ولييد

وليد لمه وحبه : هلااااااااااااااااااااااااااااااااااااا .. ولهناا علييك
سالم : ولهت عليكم العافيه .. مشالله مسرع رجعت
وليد : عشاان تعرف ان احنا نحبك
سالم : هههههههههههههههه ..
وليد : ايييي مطول الغيباات جاب الغنايم !
ليلى : وانت ما همك الا هذا
سالم : هههههههههه ولا يهمكم يايب لكم خووش صوغه .. كل واحد له صوغته
ليلى : شيبتلي ؟
ولييد : طاع هذي تعيب واهيا تتحجى بعد .. أي لانه مايعيب الا المعيوب
سالم : شفييكم .. كل واحد وصوغته .. بس خلوني ارتااح لاني حدي داايخ وتالي اعطيكم ونسولف وكل شي
فواز : أي يلا روحو اخوكم بيرتاح
وليد وليلى : انشالله ..... ( وطلعو برا )
فواز : اقول سالم
سالم : هلا يبا
فواز : مريت على مرتك ؟
سالم : لا والله يبا قلت اخاف نايمه ولا شي باجر انشالله اروح لها وبعدين انا تعبان
فواز : انزين ليش ماتييب مرتك وعيالك هني وتعيشون هني
سالم : انشالله .. وانا مفكر فيها .. بس باجر اروح وبنتكلم عن كل شي انشالله
فواز : انشالله .. الله يوفقك انشالله ويسهل دربك
سالم : آميين .. تامر على شي يبا ؟
فواز : لا سلامتك .. بس انت روح ارتاح
سالم : أي انشالله

 

[Tom ♥ Jerry]

رد : روآيتي الاولى { نظر عيني } .. بقلمي M!s$ GoOnA

.



ويييييي وايد احداث طآفتني و الله
وايد بارتات


مشكوووووووووووورة
و اخيرا ثامر اعترف @@

 

[يادنيا ارحميني]

رد : روآيتي الاولى { نظر عيني } .. بقلمي M!s$ GoOnA

كمليييييي ابدآآآآآآآآآآآآآآآع ناطرييييييييييييييييييينج ياعسل
يلا يلا يلا

 

[عمري فـداك]

رد : روآيتي الاولى { نظر عيني } .. بقلمي M!s$ GoOnA

لا يوقف لا يوقف لا يوقف

 

[M!s$ GoOnA]

رد : روآيتي الاولى { نظر عيني } .. بقلمي M!s$ GoOnA

لوول .. توم & جيري ، عاد تصدقين حتى انا فقدتج !

 

[>>جلكسيه<<]

رد : روآيتي الاولى { نظر عيني } .. بقلمي M!s$ GoOnA

حلوه كملي

 

[يادنيا ارحميني]

رد : روآيتي الاولى { نظر عيني } .. بقلمي M!s$ GoOnA

waiting