روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

[بيلسـان]

رد: روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

باانتظارك عزيزتي

 

[zger_tiya]

رد: روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

ياااحياتي كملي ,,,,

 

[طفله جامعيه]

رد : روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

فديتـكم انتظروني شويتين لأني عندي اختبارات هالأسبوع بس قاعده اكتب شوي شوي

 

[zger_tiya]

رد: روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

اووكي حياااتي بنتظاارج ع نااار ,,,
الله يوفقج انشا الله ’’’

 

[LOOLY]

رد: روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

بانتظارج

 

[LOOLY]

رد: روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

:lkmnkl:

 

[طفله جامعيه]

رد : روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

غالييياتي آولا كل عام وانتم بألف خير وعساكم من عواده

ثانيا ياغاليات سااامحوني ع التأخير كان خارج عن ارادتي انا حاليا مسافره

وبإذن الواحد الأحد اذا رجعت بالسلامه راح اكمل لكم البارت ادري متأخره حييل لكن والله خارج عن ارادتي

وسامحوووني على القصوور

 

[طفله جامعيه]

رد : روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

البــــــــــــــــارتــ الــحـــــادي عـــشـــر

في بيت ابو احمد بهالوقت مجتمعيـن على الغـداء ..كـان ابو احمد على غير عــادته معصب لأقصى درجـه
والكـل التزم الصمت والكل يفكر ليه سبب هالعصبيه كلها من وقت مارجـع من الشغل وهو يهاوش ويسب....
ابو احمد جالس على الطاوله وبيده الملعقه لكـن باله بمكان آخر((..معقوله الأوراق اللي انسرقت مني قبل 3 سنوات يكون هو السبب فيها مو بعيده يكون هو مخطط لهالشي بعد ..ايش مصلحته من هذا كله!!انا صديق عمره واخوه وقفت معه بمحنته يرمي علي مصيبه مثل كذا آآآآآآآآآآآه بــس آآآآآآآآه سلمتهم بنتي ونظر عيني بسبب تخطيط منه ومن اعوانه لكـن والله ثم والله مااعديها له ... خاين العشره والصداقه بنشوف يابو بندر وش تقدر تسوي الحـين ......)) صحى على صوت ام لارا
ام لارا بخوف: فهد جاك اتصال
فهد: مابي ارد على احد قولي نايم
ام لارا :ان شاءالله
راحت تقول للمتصل ان ابو احمد نايم ورجعت تكمل غدائها....
ابو احمد ترك الملعقه بعد مابرد الاكل وقـام متوجه لمكتبه الخاص وحرص عليهم مايبي ازعاج واي اتصال
يجيه يصرفونه...
بعد ماتوجه لمكتبه..
لارا: ابوي فيه شي متأكده
ديما: ودي اعرف
ام احمد :اياني وياكم تحاولون تسألونه ابوكم معصب حده
ديما: يامامي لالا مابنسأله
ام لارا :الله يستر
الكل:آمين

=========================

بالمكتب

اخذ جواله واتصل على بنته وبعد رنتين جاه صوتها وهي ترحب فيه لكن واضح من صوته الجديه بالموضوع قسى قلبه مايبغى يحن بهالوقت
فهد:السلام عليكم
هنادي: وعليكم السلام هلا بالغالي هلا يبه كيفك اليوم؟
فهد:بخير
هنادي استغربت نبرة صوته: يبه فيك شي؟
فهد (( سامحيني محد يستاهلك)): هنادي بقولك كلمتين وتنفذينها ولا والله لغضب عليك ليوم الدين..
هنادي خافت قامت قفلت باب جناحها: يبه خير خوفتني
فهد: بندر مايستاهلك شيلي كل اغراضك وشوي وبجي آخذك
هنادي بعدها مو فاهمه: يالغالي ممكن تفهمني احس انك تقول لغز
فهد عصب : اللي قلته تنفذينه,,للأسف طلعوا خاينين ولايمكن اخليك عندهم ثانيه وحده دقايق وجاي اخذك
فهمتي اللي اقوله ولا والله ياهنادي لا انتي بنتي ولا اعرفك
هنادي تبكي :يبه ليش شصاير انا وش ذنبي
فهد: اللي قلته يتنفذ وبندر لا يعرف اني جاي آخذك فاهمه......قفل الخط قبل يسمع ردها..........
ترك الجوال بعنف على المكتب وهو يفك ازرار ثوبه ويحـاول يتنفس يحس بضيق وكتمه كله منه كله منه ...

قبل ايام بشركة ابو بندر وابو احمد ...
كان ابو بندر طالع يستقبل الوفد البريطاني ..دخل ابو احمد مكتبه ينتظره كان جالس على الكرسي المقابل للمكتب
لفت نظره ملف اصفر في الدولاب المخصص للملفات ...ناظر فيه بتمعن الا هو .. الملف اللي فقده من ثلاث سنوات واتهم بأنه سبب خسارة الشركة 8 مليون جاه فضول انه يأخذ الملف ....اخذه وطلع بسرعه لمكتبه قفل الباب وراه بعد ماحرص على السكرتير لايدخل احد
فتح الملـف وجاته الصدمــه هذا ملف اللي عليه توقيعه اش اللي جابه لمكتب ابو بندر وهو يقول ان الملف ضايع
وان اللي سرقه موظف بالشركه معقول يكون له يد فيها شاف توقيع خالد وتوقيع موظف بالورقه الثانيه
تذكر هالموظف يشتغل بشركة بندر بدون تردد اتصل عليه وطلب يقابله بمكان خارج الشركه...
وفعلا تم اللقاء والموظف قال ان ابو بندر زور الاوراق وان الاوراق الاصليه معه وبكذا زور توقيع فهد
وقدر يرمي عليه تهمه ......لكن اللي مو مستوعبه للآن ليه يسوي فيه كذا.....!!!
رجع ابو احمد البيت بدون لايرجع الشركه كان تعبان بعد اللي سمعه وغمى عليه ودخل المستشفى...
نفض هالذكـرى ..وقام بسرعه لبس شماغه وعقاله وخرج من البيت بدون علم احد ....

=============



هنــادي
اصدق تعبير لهالأنسانه انها مصدووومــهـ ومحتاره خايفه من ابوها وماتقدر على زعله ..وبنفس الوقت زوجها
وحبيبها كيف تتركه ؟ وليه ؟ ايش الأسباب اللي خلت ابوها يأخذها من بيت زوجها الا اذا كان الامر خطــير
وهذا اللي حسته من كلامه ..كانت تبكي بصمت وبحيره ابوها جاي بالطريق اكتفت بأنها تأخذ اغراضها المهمه
وتركت الباقي على امل انها بترجـع ....
جاها اتصال من ابوها اعطته بيزي وتسحبت وخرجت من الباب الخلفي للفله ومن هناك تسللت بهدوء الى ان وصلت للباب الخارجي وشافت سياره ابوها بلعت ريقها كان ابوها عاقد حواجبه ويأشر لها بأن عجلي ركبت السياره وبعد السلام التزم الاثنين الصـمـت وقلبها محرووووق ليه ابوها يسوي كذا ليه مايعلمها ويقول الاسباب اللي خلته يأمرها بترك بيتها وزوجها وبدون علمه ... تنهدت ودعت ربها يعدي الايام الجايه بخيــر
وصلوا البيت ونزلت مع ابوها وهي تقاوم دموعها اللي غرقت عيونها دخلت وشافت امها وبسرعه ارتمت بحضنها وهي تبكي الام مو فاهمه القصه وقالت اكيد متزاعله مع زوجها واتصلت على ابوها يأخذها...لكن اللي سمعته عكس ظنها وانصدمت من فــهـد
هنادي تبكي وهي بحضن امها: يممممممممممه ابوي اخذني من بيت زوجي غصب ليه لييه يمه وش اللي صاير علموني
زينه مصدومه:............
هنادي: يمممه تكلمي قولي وش صاير اهييييي
دخل ابوها وهو معصب سحبها من حضن امها: بندر لاتجيبين طاريه بهالبيت ورجعة ماترجعين لو على موتي
الخاينين طعنوني بظهري واخذوك مني بالغصب ابعدي من قدامي الحين اطلعي غرفتك بسرررررررعـه
هنادي بكت اكثر واكثر من اسلوب ابوها الغامض جرت على غرفتها وقفلت الباب وراها اسندت ظهرها للباب وهي تبكي وتشهــق ........جوالها كان يرن ويقفل بإستمرار بندر كان متصل عليها ... اما هي ماكان عندها رغبه ترد قبل تعرف السالفه وظلت تبكي وتندب حظـها بكت بألم وحرقـه على وضعهـا..



=====================

بندر
(( رجعت من الشغل لقيت السواق يقول ان مدام راحت مع بابا فهد ومعاها شنطه استغربت هنادي ماتروح اي مكان بدون شوري ...دخلت البيت لقيت امي وابوي في الصاله مرتبكين وقلقانين السواق اعطاهم خبر ان عمي فهد جاء واخذ هنادي كنت مستغرب فعلا من تصرفه سألت امي قالت ماتدري سألت ابوي لقيت الحيره على وجهه بدون مايتكلم كان يفرك يدينه طول الوقت طلعت الغرفه واتصلت اكثر من مره ولا جاء رد منها ))

ارسل لها رساله :
ممكن اعرف ليه خرجتي من غير اذن يامدام !!
ترك الجوال وهو معصب منها مرره راح آخذ شاور و لبس بيجاما سمع صوت نغمة جواله تعلن عن وصول مسج
قراه وكانت الصدمه على وجهه.

بندر ..مدري اش السالفه ابوي اصر انه يأخذني وش اللي بينكم وبين ابوي !!!
رفع الجوال وضغط على رقمها وبعد فتره جاه صوتها التعبان واضح انها كانت تبكي
بندر: هنادي
هنادي تكتم دموعها: نعم
بندر تنهد: فهميني السالفه لا تخليني كذا
هنادي بدت تبكي وبصوت متقطع: بندر ابوي مايبغاني ارجع لك
بندر......................
هنادي:كل كلامه الخونه مايستاهلونك بندر ايش اللي بينكم وبين ابوي ؟
بندر اسند ظهره على الكنبه: مادري مادري
هنادي: بندر لا تتركني
بندر: ماراح اتركك لو ايش يصير انتي حبيبتي وزوجتي وكل حياتي هنادي محتاجك بهالوقت
هنادي انهارت من البكى وبندر تقطع قلبه لما يسمع صوت بكاءها ووده يعرف السالفه من ابوه وعمه...
سمع صوت ابوها يصرخ عليها..
فهد: تكلمييين مين هاه؟
هنادي بخوف: بـ ...ن در
فهد صرخ عليها : انتي ماتفهمين اقولك لاتكلمينه ليه تعصين امري
هنادي :اهييييييييييييي بابا حرام عليك هو زوجي
ماحست الا بكف على وجهها ويسحبها من ذراعها: اسمه لا تجيبينه قدامي لا هو ولاابوه
هنادي.............تبكي
تركها وخرج من الغرفه ودار هالحوار وبندر على الطرف الثاني سمع كل كلمة وسمع الكف اللي حسه بوسط قلبه
قفل بهدوء وهو شاعل من النار يحس بحرقه تكويه حبيبته محد يمد يده عليها عصب ورجع لبس ثوبه واخذ غترته
ونزل وهو معصب للأخير ومقرر يحط حد للمهزله هذي

=====================
((..مشيت..))
والخطوه غريبه
((..والقلب..))
يتمنى حبيبه
مشوار في عمري طويل..
وعزّاه ضيعت الدليل..
ومشيت في دروب الليالي..
(( للمبدع محمد عبدالله الفيصل ))


راح لأبوه وقف قدامه وهو يحاول يكون طبيعي: يبه تعال معاي
ابو بندر: وين؟
بندر: قريب بس تعال انا انتظرك بالسياره ... طلع من البيت قبل يسمع شي ثاني وراح سيارته ينتظر ابوه
بعد دقيقه دخل السياره وهو مستغرب من ولده ..
ابو بندر: قولي الحين وين بتروح؟
بندر بكل هدوء لف جهه ابوه : بيت عمي فهد
ابو بندر: ليه خير ؟
بندر يحاول يتماسك: انت شفت هنادي الظهر؟
ابو بندر: لا
بندر: عمي فهد جاء واخذها وشكله موناوي يرجعها
ابو بندر مستغرب اكثر: فهد ؟؟ ليه يسوي كذا طيب
بندر: انا بسألك يبه ليه يسوي كذا؟؟
الف علامة استفهام فوق رأس ابو بندر فضل الصمت .. اما بندر حرك سيارته متوجه لبيت عمه فهد
طول الطريق كان الصمت هو سيد الموقف كل واحد يدور في باله الف سؤاااال وسؤاااااال....

=========================

لارا تهدي اختها: بس هنادي ريحي نفسك مصيرنا بنعرف ايش فيه بس هدي
هنادي ضامه مخدتها ودموعها على خدها: لارا ابغى ارجع لبندر ابغاااه الحين اكثر من اي وقت
لارا: ان شاءالله بترجعين
هنادي: لارا انا ..
لارا: انتي ايش؟
هنادي: انا حـامل
لارا:.................
هنادي :تسمعيني
لارا حزنت عليها تخاف من ان ابوها يرفض يرجعها حتى لو عرف بحملها: هنوده ليه ماقلتي من قبل
هنادي تمسح دموعها: امس اللي عرفت
لارا: بندر يدري؟
هنادي: لا ولا مداني اقوله ابوي الله يهديه خرب كل شي ... ورجعت لنوبة البكاء

يقطع حديثهم دخول ديما كان عندها خبر
ديما: بنااات ابو بندر وبندر تحت بالمجلس
هنادي ...شهقت
لارا: من جدك
ديما: والله ماكذب تعالوا شوفوا
هنادي: وين ابوي
ديما: توه نزل لهم وبصراحه وجه مايبشر بالخير شكله بيتهاوش معاهم
لارا: اقول اسكتي بالله عليك قولي خير والا اسكتي
ديما تميل فمها: الشرهه علي اعلمكم ايه هنادي ابوي يقول البسي وانزلي
هنادي: توك تتكلمين طيب اذلفوا ابي البس
طلعوا البنات وهي لبست بنطلون اسود وبلوزه فوشي طويله رفعت شعرها ونزلت بدون مكياج

كان اصواتهم عاليه النقاش حااد وصوت ابو احمد كل شوي يعلى هنادي خـافت وظلت مدة عند الباب تسمع اللي يدور وفعلا انصدمت من معرفة الحقيقه وانصدمت من ابو بندر اكثـر ليه خان ابوها حاولت تقاوم دموعها ماتبغى تضعف الحين ,, سمت بالله ودخلت
كانت عيونه تناظرها بلهفة وشوق اللي يشوفه يقول ماشافها من سنين اما هي فكانت تناظره بس تسترق النظرات خايفه من ابوها ..اشتاقت له ولضحكه ولجده ولحنانه ...
هنادي: السلام عليكم ...راحت باست رأس عمها وجلست جنب ابوها وبندر كانت هي بالوسط...

فهد يكلم بنته: اظن انك عرفتي السالفه
هنادي هزت رأسها يعني ايه
فهد: وشرأيك ؟
هنادي الف علامة استفهام ماتعرف وش ترد ...
خالد: يابو احمد البنت مالها ذنب بكل اللي صار صحيح اني ..سكت ثم كمل كلامه.. غلطت وزوجت ولدي بطريقه غير عن الناس لكن الحين اظن انهم متفاهمين ويبون بعض اذا تبي تحاسب حاسبني انا مستعد لكن هنادي وبندر
مالهم ذنب
هنادي بدأت دمعه تتكون بعينها: يبه ..انا ....... انا حامل
الكل انصدم واولهم بندر
فهد عصب:يعني تبين ترجعين له بعد اللي سمعتيه؟
هنادي بكت .......
ابو بندر: قلت لك يابو احمد حاسبني انا والله هم مالهم ذنب واظن الحين علاقتنا قوت اكثر بيصير لنا حفيد
ترضى يعيش بعيد عن ابوه وامه ؟؟ تكفى يافهد تكفى ياخوي خل نرجع هنادي وبعدها سو اللي تبي انا مستعد اتنازل لك عن حصتي بالشركه
فهد:..........
ابو بندر: ومستعد ارجع لك اللي دفعته واكتب لك شركتي اللي بالرياض بأسمك والله ثم والله اني صادق بس لاتفرق هنادي وبندر
فهد بدون نفس: خلني افكر واراجع حساباتي وهنادي بتقعد هنا لين اعطيكم قراري
بندر بتردد: طيب لو رفضت ؟
فهد: اكيد مابتشوف هنادي
بندر ((آآآآه ياقلبي يارب تلين رأسه ))
ابو بندر : على راحتك بس لاتطول بالرد والحين نستأذن
طلع من المجلس هو وفهد وبندر ظل مع هنادي .. بعد ماطلعوا قرب منها وضمها لصدره بكل قوته وهي مارفضت ارتمت بحضنه مثل الطفل ...
بندر يهمس لها: اشتقت لك
هنادي : وانا بعد
بندر: ابوك عنيييد
هنادي: مو اعند من ابوك اجل هذي سوات صديق مع صديقه
بندر: الظاهر كبروا الشياب وخرفوا
هنادي:هههههه اششش لايسمعون
بندر: احبك
هنادي: وانا اكثر
بندر: تعرفين وش كنت بسوي فيك لو رجعتي
هنادي حمرت خدودها: بندرررر
بندر: آآآآآآآه ياقلبي تعذبيني لاقلتي بندر ارحمي حالي ياهنودتي
هنادي: سلامتك من العذاب
بندر باسها: يالله بقوم الحين ابوي اكيد معصب
هنادي: انتبه لنفسك
بندر: وانتي بعد لاتنسين انك حامل ,,على فكره ليه ماقلتي لي من زمان
هنادي: امس اللي عرفت
بندر:انتبهي لنفسك هنوده ارتاحي زين واكلي زين فهمتي؟
هنادي: ان شاءالله
خرج من المجلس وصلته لما الباب ورجعت غرفتها.....

==================


ابو احمد (( والله لأدفعك الثمن غالي ياخالد اجل انا اللي اطعن بظهري ومنك انت اللي حسبتك اكثر من اخوي اللي ماجابته امي ووفقت معاك بهمومك واحزانك هذي جزاتي الحين ؟؟ آآآه يالدنيا مافيها احد صااادق ..
)) طلع غرفته وهو يفكر هل يرجع هنادي لزوجها ولايصر على طلاقها ...

ام احمد: فهد شفيك ؟؟
فهد: ابد
زينه: علي انا؟
فهد :آآآآه محتار
زينه: قولي شصار بينكم ؟
فهد قالها السالفه من الاول ..
زينه: افاااا والله خالد طلع بهالنذاله ؟؟ زين ليش يسوي كذا؟
فهد: مادري مادري
زينه: طيب الحين شغلك معاه هو هنادي وبندر ايش ذنبهم؟صدقني بندر ماراح نلاقي مثله
فهد: اشوف غيرتي رأيك عنه من اول كنتي تكرهينه
زينه: ايه اول لآنهم ماتفاهموا والحين شوف اش زينهم
فهد: ماراح ارجعها بهالسهوله
زينه: شلون يعني؟؟ ش راح تسوي؟
فهد: بعدين تعرفين الحين خليني انام لأني مانمت من الصبح
زينه: طيب انا بنزل الصاله تصبح على خير
فهد: وانتي من اهله ..

طلعت من غرفتها وتوجهت لغرفة بنتها سولفت معاها وعرفت منها انها ودها ترجع اليوم قبل بكره
بس هم الثنتين مابيدهم شي الامر لفهد ....

=============


بيت ابو نواف ..

هديــل واسيل كانوا عاملين بارتي لأنهم تخرجوا اخيرا ..كانوا عازمين صديقاتهم واهلهم
اسيل شكلها كان محط الانظار بسبب بروز بطنها من الحمل وكان معطيها شكل كيوت كانت لابسه فستان حمل ابيض طويل وجاكيت جينز قصير وشعرها عاملته ويفي وهديـل كانت لابسه فستان تصميم شانيل اسود لنص الساق
وبأكمام قصيره شعرها عاملته ويفي ومن قدام بف صغير وكان انيقه جدا ...

البنات كانوا بجهه والحريم بالمجلس ..
دلال كانت مسويه لهم مفاجأه هي وهنادي ومحد يدري عنها ...
دلال تسحب الطاوله مع الشغاله : بس هنا مكانها تمام شرأيك هنوده؟
هنادي يدها على ظهرها: ايه تمام
دلال تكلم الشغاله : جيبي التورته من الثلاجه وشوي وانتي تشيلينها
هنادي ترتب الطاوله وتضع اللمسات الاخيره .... جهزوا الاستريو والاضاءه والهدايا كانت الغرفه رووعه
جهزوا كل شي وتوجهوا للبنات بالصاله

دلال: حياكم بنات قوموا معي للغرفه الثانيه
هديل: هنا احسن دلوله
هنادي: انتو قوموا الحين
هديل مستغربه منهم قامت وقامو البنات معاها ... وبعد ما تفاجأت بالغرفه كانت مصدومه وايدها على فمها ..اما اسيل كانت تناظر مستغربه ومبتسمه
دلال وهنادي : مبروووك التخرج
هديل ضمت اختها واسيل ضمت هنادي والبنات من وراهم يصفقون ومستانسين حييل
دلال توجهت للأستريو وشغلت اغنية للتخرج وقاموا البنات يرقصون ...
انتهت الحفله على خير والكل توده لبيته

===============

انا من كثر ما احبك ابيكِ كثر رمل اليــــــــــــــــــــم ...

وابيكِ تكوني فوق الناس وابي ما ينحني راســــــي ...
(( للمبدع / عبدالرحمن بن مساعـد ))

الساعه 3 فجـراَ ...
حست بالملل رمت كتابها تبي تأخذ بريك من المذاكره شوي ..فتحت جهازها وفتحت الماسن وسجلت دخول
واستغربت من الاضافه قبلتها وعلى طول ارسلت....

بس ناظر للسماء فيه منهو يسمعك~
نعم من انت؟

صــقر الـعرب
انا واحد حبيتك واعرفك واعرف اسمك وعمرك واهلك

بس ناظر للسماء فيه منهو يسمعك~
اذا كنت رجال صحيح ماتطق الناس بحجاره انا بنت ناس ومحترمه

صــقر العرب
ونعم فيك وبأهلك ,والله العظيم نيتي شريفه ولاتسيئين الظن

بس ناظر للسماء فيه منهو يسمعك~
اسمحلي يا اخ ياتقول من انت ومن وين لك ايميلي ولا مضطره احذفك على كل حال

صــقر العروبه
بتعرفيني بعد ايام قلايل ان شاءالله

بس ناظر للسماء فيه منهو يسمعك~
اوكي انا مضطر احذف ايميلك و على قولك بعرفك بعد ايام
سي يوو

سجلت خروج ودخلت مره ثانيه بالظهور دون اتصال
حذفت ايميله ... ورجعت قفلت ايميلها وجهازها وهي قلقاانه يكون طلال ناوي لها على نية شينه
لارا (( ياارب استر علي لايفضحني ياارب انا تبت وتركت كل هالخرابيط لأجلك ياارب استر علي...))

اخذت جوالها واتصلت على صديقتها تسأل عن اختبار بكره ......

======================


بالطرف الثاني

كان سرحان قدام الجهاز وفاتح المحادثه يقرأ كلماتها ..
منصور(( يااربيه انا شلون تعلقت فيها جذيه ؟؟ شلون ياتني جرأه اخذ ايميلها بس صدق مؤدبه ومحترمه وعقلها اكبر من سنها ... شلون افاتح اهلي بالموضوع ؟؟مالي الا الجازي يارب ماتطير مني ويارب اهلها يرضون هي صغيره وبعدها مثل الجازي آآآه ياقلبي ))
قفل جهازه وقام لبس بيجامته الا من وقت رجعته من الدوام وهو ينتظرها بالماسنجر ...
توجه لسريره واستسلم للنوم ............

==================================

مر شهرين على حيــاة ابطــالـنا ::::

هـنـادي& بندر
رجعوا لبعض بعد طلب من ابو احمد تنازل من ابو بندر عن شركته اللي بالريـاض..
هنادي تمر بحاله نفسيه سيئه جـدا كله تخانق وتهاوش وتكره بندر << متوحمه عليه *_^

هنادي ترمي مخده لبندر لبرا الغرفه: اووف اقولك ماتفهم انت !! ريحتك تسد النفس
بندر: لاحوول ولاقوة الابالله يااربي وش سويت بدنيتي انا؟؟
هنادي تدفه لجهة الباب ومتقرفه منه: اقوول اطلع برا ولايكثر صدق ريحتك مقرفه اوووووف
بندر: زيين لاتدفين بخرج بكرامتي
اخذ بعضه وراح غرفة اخوه حازم ينام معه ..

أســيل & نواف
ولدت اسيل بالشهر الثامن بعد ماعانت من الالم والحمدلله رزقت بولد زي القمر وحالتهم الاثنين مستقره
نواف طااااااااير من الفرحه واهله بعد وقرروا يسمونه ((حـسان)) ... وبعد فتره عملوا سابع لولدهم بأستراحه فخمه والكل فرح لهم


حــازم
كلم هنادي على البنت اللي شافها ذاك اليوم في بيتهم وصارحها ويبي يخطبها ..

هنادي
طايره من الوناااااااسه لأن دلالوووه بتتزوج وبتصير حماتها وبتسكن معها بنفس البيت وطلبت من حازم يؤجل الخطبه لبعد سابع ولد نواف لأنهم مشغولين وحازم وافـق وخبر امه وابوه والكل استااانس

لارا
مازالت قلقانه من الايميل اللي يرسل لها رسائل بريد اشعار وقصايد حب وتكمت على الموضوع لين تشوف آخرتها معه...

هــديـل
تحـس بالملل وتغير اسيل من بعد ولادتها وانشغالها بطفلها...قررت تكلم اهلها تبي تتوظف بشركة بندر بالقسم النسائي ولأن هنادي عرضت عليها انها تتوظف بشركة زوجها لآنهم بحاجه لموظفات ومازالت تحت التدريب لمدة 5 شهور
=========================================


الله يا دنيا ،، صحيح
شفنا في أحوالك عجب
فيك الثمين ،، مسكين
يرخص ولو أنه ذهب

******************

بيوم سابع ولد نواف

بالاستراحه ..بقسم الحريم

ام نواف تستقبل المعازيم : ياهلا ومسهلا حياكم الله نورتوا
هديـل جات مسرعه: يمه اجيب القهوه
ام نواف بهمس: اششش وطي صوتك اول جيبي العصير
دلال: ههههه وش عندك متحمسه تبين تنخطبين ؟؟
هديل: مالت من زين اللي حضر يعني كلهم ام صالح جارتنا ولدها متزوج حرمتين وام خالد ولدها الكبير عاطل
والثاني بسادس ابتدائي
ام نواف عصبت : اقول اسكتي لايسمعونك اذلفوا عني
البنات خرجوا من الصاله يضحكون

ام نواف: ياهلا والله اجل ليه ماجوا البنات يا ام صالح انتي وام خالد؟
ام صالح: وييه عايشه عندها اختبار بكره بالجامعه الله يعينها وفوز تعرفين حالتها ياوخيتي منطويه ماتحب الاجتماعات
ام نواف: الله يسعدهم ويرزقهم بالأزواج الصالحين ,وانتي يام خالد
ام خالد: هههه نوره بيزورها خطيبها ماتبي تجي
ام نواف: هههههههه الله يوفقها
الكل: آمين
ام خالد: الا وين حريم اخوك
ام نواف: على وصول ان شاءالله

====================

بجهة البنات ...
كان الكـل حاضر عايلة ابو احمد وعياله والجوري هي زوجها واصله من الرياض...وندى وزوجها واحمد ومرته
واهل اسيل و خالها فيصل وخالها ابو عهد ..وعايلة ابو بندر

سوسن وديما كالعاده
سوسن: يابنت ابعدي عن وجهي مابي اعطيك بالغصب
ديما: سوسنوووه ترا هاااه اعلم عمتي ان المدرسه فصلوك 3 ايام وانك تكذبين عليها لابطنك يعورك ولا شي
سوسن: اوووف هذي والله النشبه زين يالقرده تعالي معاي الغرفه مابي احد يشوف
ديما: يالله مشينا

انسحبوا وراحو للدور الثاني ...

بالممر يسمعون بأحد الغرف صوت بكـى ..
سوسن: ديموه تسمعين اللي اسمعه
ديمـا :ايه ايه
سوسن: تعالي شكلها بغرفة تالا
مشوا صوب الغرفه فتحوا الباب ..و انصدموا من الشكل اللي قدامهم ..
سوسن: تااالا ؟؟ اشفيكي
ديما قربت لها ورفعت وجهها: تالا حبيبتي وش فيك؟
تالا: وخرووا عني مابيكم اكرهكم...اهييي اهيييييي
سوسن: ترا مو فاهمين منك شي
تالا: عمركم ماتحسون فيني كل حياتكم مع بعض وتاركيني ما كأني اختك ولا بنت عمتك
ديما وسوسن يناظرون بعض مستغربين من انفعالها
تالا: اطلعوا لو سمحتوا انا طول عمري وحيده الحين تبون تحسون فيني انا بخير ومافيني شي
سوسن: وش اللي جرالك اليوم بالذات كل هذا بقلبك وساكته
تالا: ..........
ديما: احنا طول عمرنا مع بعض بس انتي اللي شايفه نفسك غير عنا مدري لا يكون مو عاجبينك مثلا
تالا: مو انا اللي اشوف نفسي على احد
ديما: طيب ليه اليوم بالذات تقولين هالكلام؟؟
تالا دمعت عيونها: احس انكم ماتبوني اجلس معكم كلامكم مع بعض كله اسرار والغاز ماافهمكم وقبل شوي
لما وصلتوا سلمتي على سوسن وحضنتيها وانا لا .. واشياء كثيره بقلبي
ديما وسوسن يتبادلون النظرات بخجل من انفسهم...
تالا: ممكن الحين تتركوني لحالي
سوسن: بس تالا تحت فيه ضيوف وامي بتسأل عنك مايصير تجلسين هنا
تالا : هه لا تخافين محد بيفقدني

انسحبوا من الغرفه بهدوء ..
سوسن بحزن: معقوله كل هذا بقلبها
ديما: تالا متغيره مرره
سوسن: معاها حق احنا دايم مع بعض وتاركينها لحالها اكيد بيوم تنفجر
ديما: بس انتوا مع بعض في البيت
سوسن: ايه بس مابيننا كلام مثل الاخوات كله هي ياتذاكر يا جالسه قدام النت ماتختلط فينا ابد
ديما: بس حزنت عليها
سوسن: بس اسكتي ترا ببكي
ديما تسحبها: اقوول قومي جيبي السي دي ولا يكثر
سوسن: ول انتي ماتنسين
ديما: قل اعوذ برب الفلق

==============

عند الحريم
كانت هنادي وهديل يصبون القهوه للحريم و دلال تقدم الحلى..
دلال: تفضلي خالتي
ام بندر تناظرها بإعجاب: ماشاءالله لا اله الا الله قمر يابنتي الله يحفظك
دلال بخجل: تسلمين ياخاله
هنادي سمعتهم : خالتي ترا دلال هي اللي مصلحه الحلى
ام بندر مو مصدقه: من جدك؟ والله على بالي انه جاهز ..ماشاءالله عليك يادلال سنعه
دلال ودها الارض تنشق وتبلعها..(( الله يفشل ابليسك ياهنادي هههههه قال انا مسويه ذا الحلى خخخخ والله لو تدري انه من محل الحلويات اللي جنب الاستراحه ول عليك ياهنوده مصيبه ))
صبوا القهوه للكل ورجعوا جلسوا وهنادي فيها الضحكه ودلال بعد
هديل: اشفيكم احس ان عندكم بلا
هنادي ماقدرت :ههههههههههههههه ... الحريم ناظروا جهتهم
البنات يسكتونها
دلال بصوت واطي : وجع ياللي ماتسحين وطي صوتك
هنادي يدها على فمها: ههه والله غصب عني
هديل: قوموا قوموا خلونا نروح نسولف بالحديقه
دلال: يالله سرينا

================

يا مروق البال الله يسعدك
مافيه شي عن رواقك يبعدك
لا نوم من عينيك مسروق ..
مثلي ولا لك قلب محروق ..
ومن كثر ما اتعبني الشوق ..
انا احسدك على كل حال يا مروق البال ..
**************

بالحديقه جلسوا الثلاثه مع بعض ودلال وهنادي ماتوا من الضحك وهديل مو فاهمه شي
هديل: مالت عليكم بتقولون السالفه ولا شنو ؟
هنادي: ايه ايه بس اول الله يسعدك ابي مووويه ريقي نشف
هديل: بعد فيها مذله خلاص مابي اعرف
هنادي: يالله عاد عن الدلع لا مذله ولا شي بس والله عطشانه حرام عليكي انا حرمه حامل
هديل: ما اقول الا الله يعين بندر هالمسكين
هنادي كشرت: وعععععع لا تجيبين سيرته
دلال وهديل: ههههههههههه
دلال: حالتك صعبه جدا
هنادي: آآه ياقلبي مدري وش فيني توحمت عليه
هديل وهي تقوم : الله يصبره بس
هنادي: وانا الله يصبرني ترا الوحم شي صعب ياارب تجربوونه
دلال: مثلك لالالالا
هديل: انزين بروح اجيب لكم مويه وعصيرات والشيبسات اللي شريتها لنا مخصوص
هنادي ترفع يدها: وي فديت هديل ياجعلني مافقدك خشتك
هديل: آمييين

ضحكت ومشت للمطبخ الصغير بطرف الحوش كانت جايبه حلويات وشبسات وخبتها عن اخواتها وبنات خالها
تعرفهم يسوون نذاله ويأكلونها عليهم ..
دخلت المطبخ : سوما وش تسوين يالهبلا
سوما: ماما قول جيب هديه حق بيبي
هديل: ههههه اسمها توزيعات وييه وشدراك عن ذي السوالف اقول روحي ودي الاغراض وتعالي ساعديني
سوما: زين
راحت الخدامه معها التوزيعات وهديل تفتح الدوالايب تدور اغراضها شوي وتنطفي الكهرب
هديل: يووه وقته الحين اخذت الكيس ولفت بترجع واصطدمت بشخص
هديل: نوافوه وجع
فيصل: من انتي
هديل بلعت ريقها: هاااه
فيصل: ههه مادام قلتي هاه بس عرفتك اسيلوه الخبله لحظه بطلع ولاعه الدخان
هديل:..........
فيصل خرج الولاعه وفتح النار
هديل: هيييي اخرج انا مو اسيل
فيصل انصدم :......
هديل عصبت : انت شفيك علي بكل مكان تطلع لي
فيصل انقهر من اسلوبها : حظي انك دايم بوجهي
هديل: شكلك ماتحس على دمك النور رجع
فيصل تفشل ونسي الشي اللي جاي عشانه خرج بسرعه قبل مايجي احد ويشوفهم
بعد ماخرج
هديل: يااااويلي شافني للمره الالف يافشلتي ياربي مسكني هو استغفرالله بس

===============
عند فيصل
(( شايفها نفسها بس ماعليه والله لأكسر رأسك ..!!

نواف: هيي يالحببيب
فيصل: آمر
نواف: مايأمر عليك عدو بس وين الفحم اللي قلت بتجيبه
فيصل: ماحصلته الظاهر ان الخدامه دخلته المطبخ الداخلي
نواف: اجل بكلم اسيل
فيصل توهق: هاه لالا ماله داعي
نواف: لا والله له داعي بعد العشا نبي نشب النار ونبسط بذا الجو الزين
فيصل(( هذي والله النشبه)): خلاص انا بكلمها
نواف: طيب مو مشكله

=======================

أحـــداآث جديـده واشخاص بتتغير حياتهم
شو هي الاحداث ؟؟
ومن هم الاشخاص ؟؟

انتــظر توقـــــــــعـــــــــــــاااااتـــــــكـم ...!!

 

[LOOLY]

رد: روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

الله يعطيج العافية
وبانتظارج

 

[LOOLY]

رد: روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

تأخرتي وايد

عسى المانع خير

 

[دنيا غريبه]

رد: روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

نتحراااااااااااج

 

[دعودي]

رد : روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

بلييييييييييز كمليهااا مره طولتي مرره تحمست معك

 

[ريماس21]

رد : روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

قصه عجيبببببببببببببببببببببببه

مشالله عليج مبدعه وكل بااارت احلى من الثااني


يعطيج الف عاافيه وفي انتظااارج

 

[دعودي]

رد : روآيتي الاولى"◦ ღقلبي اللي حبك انت ومارحمنيღ◦" روايه سعوديه رومانسيه بقلمي

وييينك حرام عليك كل يوم اطل في الروايه وماا كمليتيها طفيتي الحمااس قريت 3رواياات وانتي ماكملتي روايتك ههههههه ننتضررك :fun: