روايات دخلت السينما .. تعالي شاركينا

[C'est La Vie]

Alice Adventures in Wonderland by Lewis Carroll

سووها بباي ديزني

وهالسنة سووها فيلم حده تعيييس خربطو القصة وخربووها
بطولة جوني ديبب

 

[C'est La Vie]

بنات اذا تبون تعرفون اكثر عن الافلام اللي حطيتها دشو يوتيوب وشوفو ال trailer مال الفيلم

اكتفي بهالقدر وانشالله باجر اكمل الباجي

 

[ScarletteO'Hara]

The Client للكاتب John Grisham
تحول الي فلم سنة 1994 من بطولة سوزان سراندون و تومي لي جونز

Pride And Prejudice للكاتبة الكبيرة Jane Austen
الفلم من انتاج عام 2005 من بطولة كيرا نايتلي

Dear John written by Nicholas Sparks
الفلم انعرض هالسنة من بطولة تشانينج تاتم و اماندا سيفريد

رواية بين القصرين لنجيب محفوظ
الفم من بطولة يحيى شاهين و نادية لطفي
ماني متأكدة متى انعرض الفلم

Angels And Demons للكاتب Dan Brown
الفلم صدر السنة الي فاتت من بطولة توم هانكس

The Iliad by Homer
حولوها الى فلم Troy سنة 2004 من بطولة ايريك بانا و اورلاندو بلوم و براد بيت

و حاليا باخذ بريك لاني تعبن من الكوبي بيست بس اكيد لي رجعة

 

[حياتي فراغ]

رد : روايات دخلت السينما .. تعالي شاركينا

مـــشكووووورين يا احلى عضوات على التفاعل

بس اتمنى انكم تتكلمووون عن القصة و الاحداث عشان اذا عجبت احد يروح يشتريها

 

[~ تريآق]

رد : روايات دخلت السينما .. تعالي شاركينا


موضوع حــلو ماشاء الله ^^


"حيآتي" .. انا الصراحه لسه ما تشرفت بالقصه تبعج والروايه بس ان شاء الله انهم باللسته بعد هالموضوع ^^

سي لافي .. سكارلت .. ماشاء الله تبارك الله جهد روعه .. تسلمون ويعطيكم العافيه

سكارلت .. الصور للاسف اللي حطيتها مو طالعه معاي

رآجعه ان شاء الله بعد شويه .. بس أحضر الصور

 

[~ تريآق]

رد : روايات دخلت السينما .. تعالي شاركينا



confession of a shopaholic by Sophie Kinsella

سووه فلم لكـن .. مــــا له أي علاقة بالرواية سوا الفكرة تقريبا والأسماء وشوية من الأحداث

قصته الروآية

بنت عندها مشكلة في السيطره على رغبتها في التسوق .. لدرجة إن صار عليها ديون للفيزا والماستر كارد .. وكل شهر ماتدفع اللي عليها .. تروح تشتري اغراض جديده ..والبنك صار يطاردها

بيوم من الأيام يسئلونها الجيران عن رايها بعرض رهن بيت او شي زي كذا .. وتقول لهم انه كويس .. ويقبلون العرض .. وتنصب عليهم الشركه ويخسونهم وفوق كذا يطلعون مديونين

تحس البنت بالذنب تقوم تحاااول قد ماتقدر انها تحل المسأله .. وتكتب في الجرايد عن نصب الشركة والضحية .. تطلع في برنامج تلفزيوني .. وفجأه يتصلون لها النتفرجين ويسئلونها عن "الادخار والديون ومشاكلهم معاها " .. فجأه تطلع بحلول أكثر من فذه ويصير لها برنامجها الخاص وتنشهر والخ

القصه حلوة بتفاصيلها ومضحكة وكثير حبوها ..

ان شاء الله واضحة

قواج الله "حياتي" على الموضوع وماقصرتي

 

[~ تريآق]

رد : روايات دخلت السينما .. تعالي شاركينا



The boy in striped pajamas By John boyne

سووه فلم ,, وهم الفلم غير عن القصه نوعا ما , الفلم برايي اختي أحلى من الروايه تقول أقل قسوة

القصة تحكي حكاية طفل عمره 9 سنين أبوه ضابط كبير في الجيش الألماني .. يغيرون مكان بيتهم لأن ابوه جاته ترقية
ويروحون قريب من سجون " اليهود " الألمان اللي سجنهم هتلر بسبب ديآنتهم

الولد يكتشف إن جنب بيتهم هالمخيمات تبع االيهود ويحسبها مزارع وإن اللي فيها مزارعين
يروح يكتشف الطريق لوحده .. ويشوف هناك طفل يتعرف عليه ..ويصيرون اصحاب من ورى الشبك ., . وكل يوم يروح الطفل هناك يقابل رفيقه ..

بيوم يجي الطفل المسجون ويقوله إن ابوه ضايع ويبغ مساعده .. يقوم ولد الضابط يدخل داخل المخيم ويلبس بجامه زيهم ويدورون عن أبوه ..

النهايه .. لا تُصدق .. او بعباره أخرى غير متوقعه ..


مو حابه احرق عليكم أكثر شاهدوا الفلم أو اقروها وتعرفون ^^

وترى الروايه اختي قرتها وانا شاهدت الفلم خخ .. , ختي ماحبت الروايه ولا صديقتي اسلوبها ماعجبهم .. ومأسواية ..


:
.

لي عودة لاتذكرت شي ثاني

 

[توته وزيتونه]

رد : روايات دخلت السينما .. تعالي شاركينا

توته و زيتونه

تدرين عاد أتوقع أن انا الوحيدة بالكويت إللي ماشفت هالفيلم و لا قريت الرواية

لا تسأليني عن السبب ,, بس راح أقرى الموضوع المثبت و اذا عجبني بروووح ركضة اشتري الفيلم

تسلمين على المشاركه

لا من صجج نصيحه شوف الفيلم راح يعجبج بس ماتحسين بروعته الا بعد ماتقرين الروايه لانها بفاصيل اكثر



الله يسلمج حبيبتي

 

[عهود الحب]

رد : روايات دخلت السينما .. تعالي شاركينا

الله وناسه
خوش موضوع

لا توقفون شوقتونا صراحة

 

[ScarletteO'Hara]

رد: رد : روايات دخلت السينما .. تعالي شاركينا

مـــشكووووورين يا احلى عضوات على التفاعل

بس اتمنى انكم تتكلمووون عن القصة و الاحداث عشان اذا عجبت احد يروح يشتريها

حبوبة سوي كوبي حق اسم الكتاب و حطيه باليوتوب و شوفي الدعايات
حاولت اشرحهم لج بس حسيت ان اليوتوب صورة احسن
و باجر بحط لج بعد كتب تحولت الى افلام سينمائية و حتى بعضهم تحولوا الي مسلسلات تلفزيونية

 

[ScarletteO'Hara]

رد: رد : روايات دخلت السينما .. تعالي شاركينا

سي لافي .. سكارلت .. ماشاء الله تبارك الله جهد روعه .. تسلمون ويعطيكم العافيه

سكارلت .. الصور للاسف اللي حطيتها مو طالعه معاي

وي ليش جذي؟؟؟
عاد الحين من الصور الي حطيتهم بس صورة The Client مو طالعة
بس هم الكتب الي حطيتيهم تحفة تسلمين عليهم حبوبة

 

[غيدآء]

خوش موضوع

لـي عودهـ

 

[butterscotch]

PS I Love You by Cecelia Ahern

الفيلم بطولة هيلاري سوانك
غيرو احداث القصة وااااااايد لدرجة اني ما قدرت اكمله من كثر ما خربو القصة :rgewrg:

بالضبببببببببببببببببببط

حدهم خربوا القصة :rgewrg:

حرااااام

 

[brat]

رد : روايات دخلت السينما .. تعالي شاركينا

وايد حلو الموضوع

من رواياتي المفضلة اللي سووها فلم Harry Potter

وأغلب رواياتي المفضلة اللي سووها فلم قالوها سكارليت وسي لا في

ولي عودة إذا طرت على بالي رواية سووها فلم

 

[brat]

رد : روايات دخلت السينما .. تعالي شاركينا

اي تذكرت بعد The Curious Case of Benjamin Button بس اهيا تعتبر قصة قصيرة (كاتبها F. Scott Fitzgerald) قصتها إن واحد ينولد بس هيئته هيئة شايب، أمه تتوفى بعد الولادة وأبوه يقطه عند دار رعاية ويعتنون فيه هناك. والغرابة بحالته إن كل ما يكبر بالعمر، يصغر بالشكل. وبعدين عاد الأحداث طويلة، إن يحب وحده ويشوف أبوه... (ما أتوقع في وحده ما شافت هالفلم لأنه روعه)

 

[Pixels]

موضوعج إينن ويونس :fun:

عاد شوفي آنا الحين قاعدة أطالع فلم في بيتنا رجل .. سبحان الله :27d66a9c24b146327bf

القصة:
يحكي الفيلم عن مناضل مصري أبراهيم حمدي (عمر الشريف) قتل قريبه أثناء مظاهرة علي أيدي البوليس في الفترة ما قبل الثورة فيقرر الأنتفام بقتل ئيس الوزراء الخائن الموالي للأنجليز ولكنه يتم القبض عليه بعد قتل الوزير ويتم تعذيبه حتي يدخل أحد المستشفيات ولكنه يستغل فترة الأفطار في شهر رمضان ليقوم بالهرب لمنزل زميله الجامعي محيي زاهر (حسن يوسف) الذي ليس له نشاط سياسي فيعيش في منزلهم فترة مع أبيه زاهر (حسين رياض) وتقع نوال (زبيدة ثروت ) أخت محيي في حبه ولكنه يقرر السفر خارج مصر للهروب ولكنه بعدما علم القبض علي محيي وأبن عمه عبد الحميد (رشدي أباظة) فيقرر تدمير معسكر للأنجليز بالعباسية ولكنه يقتل أثناء تفجير المعسكر ثم يخرج محيي وعبد الحميد من السجن بعد أن يقرران مع نوال الأنضمام للجماعة التي تقاوم الأنجليز مع زملاء أبراهيم حمدي.


طبعا هالقصة للكاتب إحسان عبد القدوس بسنة 1957 وكانت حدها تشوق وممتعة وتحولت لفلم بسنة 1961 وكان من أروع أفلام الأسود والأبيض بس للأسف كان فيه شوية اختصارات وتغييرات عن الرواية

والفلم بطولة نخبة من نجوم الزمن الجميل

عمر الشريف .. حسين رياض .. رشدي أباظة .. حسن يوسف .. زبيدة ثروت .. زهرة العلا .. يوسف شعبان

أما المخرج كان هنري بركات
والسكريبت لـ يوسف عيسى



وبعد تحولت القصة لمسلسل بالثمانينات وكان من بطولة

فاروق الفيشاوي بدور (عمر الشريف) .. أحمد عبد العزيز بدور (حسن يوسف) .. طارق الدسوقي بدور (رشدي أباظة) .. رشوان توفيق بدور (حسين رياض) .. دلال عبد العزيز بدور (زهرة العلا) .. عزة بهاء بدور (زبيدة ثروت) طبعا ولا يت ربعها

المفارقة الحلوة إن إللي سوت دور الأم في المسلسل هي زهرة العلا ... يعني مثلت بالفلم والمسلسل بس بالفلم كانت بدور البنت الكبيرة

هذا إللي عندي ألحين وإذا طرى على بالي شي بإذن الله بأرجع

ثانكس =)

 

[a3gl-5bla]

نااايس ماشاءالله عليكم

ان شاء الله اذا فضيت راح احطلكم مجموعتي اللي اعرفهاا

يعطيكم العافيه

 

[Pixels]

إي ذكرت وحدة بعد :eh_s(9):

رواية The Devil Wears Prada - 2003

للكاتبة Lauren Weisberger

وتحولت لفلم في سنة 2006 .. وهو من نوع (كوميدي - دراما)

إخراج David Frankel .. والسكريبت Aline Brosh McKenna

بطولة المزيونة Anne Hathaway

وخفيفة الطينة Meryl Streep

طبعا الفلم إينن ويونس .. بس للأسف ما قريت القصة =)

 

[miss-007]

وااااااااااااااااااايد حلوين

 

[حياتي فراغ]

رد : روايات دخلت السينما .. تعالي شاركينا

ترياق ..

فيلم
The boy in striped pajamas By John boyne



روعة من قلب شفته و النهاية تعور القلب .. بس لو تلاحظين في مديح بسيط لليهود .. تقريبا يخليج تحنين لهم

وتكلم بعد عن المحرقة اللي يسويها هتلر باليهود
الفيلم يهبل بس احس ان الاخراج ظلماه شوي الرواية عندي احلى


.....


امبيييييييه على كثر ما اقرى بس الروايات اللي حطيتوها حسستني ان في اشياء وايد ما شفتها ..

..


و اللحين بحط لكم جم رواية ..


برب