روايات دخلت السينما .. تعالي شاركينا

[غيدآء]

ههههههههههه

لا تلوميني احب العب بالصور اللي تعجبني بالفوتوشوب واحطهم بالرمزيه

برايد اند بريجيدس حكايه اخرى ...خصوصا هالنسخه مالت الممثله كيرا نايتلي..!

فلم رائع فعلا ونظيف

 

[RowTow]

ههههههههههه

لا تلوميني احب العب بالصور اللي تعجبني بالفوتوشوب واحطهم بالرمزيه

برايد اند بريجيدس حكايه اخرى ...خصوصا هالنسخه مالت الممثله كيرا نايتلي..!

فلم رائع فعلا ونظيف

آنا أعشق برايد آند بريجدس
قبل اسبوع طالعت الميني سيريس الرائعه مالت 1995 و بعدها طالعت لوست إن أوستن إذا تعرفينها, كرهت برايد آند بريجدس إلا شوي ههه

يبيلي أطالع فلم كيرا عشان أعدل ميزاني :ch12:

سبحان الله بعض الاقتباسات تقلل من قيمة العمل الأصلي, و البعض الآخر ترفعه.

مثل رواية شيء من الخوف مثلا لثروت أباظه.
اللي سووها فلم لشاديه, الفلم كان راااائع.
بعدها قرأت الروايه, سيئه بمعنى الكلمه.

طبعا هذا المشهد الأسطوري بالفلم. لما فؤاده تفتح الهويس لأهل القريه و تواجه غضب عتريس و بطشه و جبروته و تتحداه.

و في أعمال فيها الروايه لها جمالها و الفلم له جماله.
مثل دعاء الكروان لطه حسين. اللي مثلت الفلم فاتن حمامه و أحمد مظهر.

و في الكتاب السيء و الفلم السيء.
مثل آنا كارنينا لليو تولستوي اللي تمت صياغتها عالشاشه مرات كثيره.

 

[غيدآء]

انا هم شفت الميني سيريس وبصراحه ما كملته ..لوست ان اوستن سمعت فيها لكن ما شفته لي الحين..وفعلا معاج حق في فلم يرفع العمل الادبي وفيه اللي ينزله!

فلم شيء من الخوف لا يمل منه شاديه ومحمود مرسي ابدعوا فيه..!

دعاء الكروان كنت احبه وبعدين كرهته مادري ليش!

على فكره آنا كارنينا قاعد يحضر لها مخرج برايد اند بريجدس نسخه جديده لعام 2013 والظاهر انه البطله اهي نفسها كيرا نايتلي بطلة عمله الاول في الاخراج برايد اند بريجدس ( الظاهر صارت له تعويذه ويتفائل فيها ) ههههههه

 

[RowTow]

انا هم شفت الميني سيريس وبصراحه ما كملته ..لوست ان اوستن سمعت فيها لكن ما شفته لي الحين..وفعلا معاج حق في فلم يرفع العمل الادبي وفيه اللي ينزله!

فلم شيء من الخوف لا يمل منه شاديه ومحمود مرسي ابدعوا فيه..!

دعاء الكروان كنت احبه وبعدين كرهته مادري ليش!

على فكره آنا كارنينا قاعد يحضر لها مخرج برايد اند بريجدس نسخه جديده لعام 2013 والظاهر انه البطله اهي نفسها كيرا نايتلي بطلة عمله الاول في الاخراج برايد اند بريجدس ( الظاهر صارت له تعويذه ويتفائل فيها ) ههههههه

ترى الميني سيريس رائع, صحيح إن موده و الرذم ماله غير عن فلم 2005 بس له جمالياته.
ههه جو رايت لازم يحشر كيرا بأفلامه و الا ما يرتاح.

آاا و على طاري كيرا و جو رايت

رواية أتونمنت
بطولة كيرا و جيمس ماكافوي

الروايه قرأتها بس ما كملتها
مود الفلم و إيقاعه كان ممتع أكثر من الروايه

طبعا القصه حق اللي ما يعرفها عن بنت أم 13 سنه, تتهم حبيب اختها ظلما باغتصاب صديقتها اللي من سنها و تفرق بينهم. و الحبيب ما يلقى مفر من السجن إلا إنه يتجند و يتطوع و يصير من الجند في الحرب العالمية الثانيه.
شنو ممكن يكون مصير الحبيبين؟ و شيصير بالإخت الصغيره لما تكبر؟

المخرج أخرج الفلم بروعه مو طبيعيه.
شلون يلعب بالزمن و يخلينا نشوف اللي يبينا نشوفه.
أول شي يعرض علينا مشهد خاطف نفهم منه شي, بعدها يعيد علينا المشهد بالتفصيل من ناحية شخصيه ثانيه و نفهمه صح هالمره.

طبعا آنا الأخت الصغيره كرهتها, من أكثر الشخصيات اللي كرهتها بالأفلام. ندمها ما أقنعني و لا صدقته.

و المشهد هذا فعلا أبدع فيه المخرج.
http://www.youtube.com/watch?v=BB8tVQ_pWFA

يصف أهوال الحروب و الجمال و الحب المفقود.
بس الأجمل إن المقطع كامل أكثر من 5 دقايق تصور ب Shot وحده.
عجيب شلون الكاميرا تتبعت كل شي بشكل متواااصل من غير لا تقطع.
أروع مشهد بالفلم.
جو رايت فنان و له ذائقه جميله بالإخراج.

 

[غيدآء]

يا الهي هالفلم روووعه رووعه

والنهايه مابي احرقها على الي ماشافوها بس صج رحمت اختها حسيتها صج اندمت وحاولت تعوض اللي فقدته اختها وحبيبها!

بس الممثله اللي على اساس انها اختها بالفتره الاولى من الفلم البنت الصغيره عيونها كانت صج توصل لج شعورها بالغيره من اختها!!!!

ياساتر نظرتها وحشيه @@

 

[RowTow]

يا الهي هالفلم روووعه رووعه

والنهايه مابي احرقها على الي ماشافوها بس صج رحمت اختها حسيتها صج اندمت وحاولت تعوض اللي فقدته اختها وحبيبها!

بس الممثله اللي على اساس انها اختها بالفتره الاولى من الفلم البنت الصغيره عيونها كانت صج توصل لج شعورها بالغيره من اختها!!!!

ياساتر نظرتها وحشيه @@

ندمها مو صادق و آنا ما صدقته. تدرين شنو الدليل؟
((بالروايه اللي كتبتها على إنها قصتهم سوت النهايه إنهم رجعوا حق بعض و كملوا حياتهم بأحضان بعض, و بينت إن الروايه حقيقيه. بس بالواقع إهي جنت عليهم اثنينهم و ما قالت إن النهايه مو حقيقيه إلا بنهاية حياتها لما قربت تنسى كل شي لأن أعتقد كان صايبها زهايمر و كان باقيلها بس شوية وقت و تخرف, فالحقيقه ما كشفتها إلا بمقابله وحده ما راح يشوفونها الكثير من الناس, و بنهاية حياتها لما راح يصيبها الخرف و ما تضطر تواجه جريرة أعمالها))

بس فعلا الفلم روعه, و مؤلم و جميل.
ههه و فعلا الإخت كانت متوحشه, و كاذبه محترفه.

 

[غيدآء]

ايه صح تصدقين!!

انا استغربت بعد قلت ليش الحين بس قالت الصج!

يعني كان ممكن انها تعترف من زمان بندمها لو انها ندمانه صج!!!

 

[RowTow]

ايه صح تصدقين!!

انا استغربت بعد قلت ليش الحين بس قالت الصج!

يعني كان ممكن انها تعترف من زمان بندمها لو انها ندمانه صج!!!

ترى اهي كانت عندها عدة سنوات كان فيها بالسجن قبل لا يدخل منطقة اللا عوده.
كانت تقدر تتكلم بالذات إن صديقتها تزوجت هذاك المنحرف.
لما راح كان عمرها 17 تقريبا يعني فاهمه, بس اهي أنانيه ما كانت تبي تطلع بالشينه
كانت تروح تساعد الناس بالمشافي و اهي أرسلت إنسان لحتفه.

يعني أنانيه و منافقه ههه

 

[غيدآء]

عوده مع انتاج قناة bbc

مع رائعة تشارلز ديكنز( التي استمد احداثها من حياة ابيه السجين ثلاثون عاما ليصورها لنا في هذه الروايه )

Little Dorrit

ميني سيريس عباره عن 14 حلقه كل حلقه مدتها 30 دقيقه

في بداية الحلقات الأحداث هادئه أسرار وعلاقات متشابكة بشكل غريب
لكن عند نهاية الحلقات تدفق مستمر للحبكة رتم متصاعد جداً وأسرار تكشف!


القصه:

تدور احداث روايتنا حول عائلة دوريت النبيله المتمثله بالرجل النبيل ذو الثروه والمكانه العاليه ويليام دوريت...يقع لهذا الرجل حادث يجعله يخسر كل ما يملكه ويدان بـ دين لا يستطيع سداده فيُسج بسجن يدعى آنذاك بالمارشيليسيا!

من هنا تبدأ القصه حيث تولد طفلته الصغيره ايمي خلف القضبان وهي لاتعرف شيء عن العالم الذي وراء القضبان ...عندما تصبح في عامها الحادي والعشرين..يتم استئجار ايمي لتعتني بسيده عجوز مقعده لكنها ثريه تدعى كلينم ابن وزوج هذه العجوز متواجدون في الصين منذو عشرون عاما من اجل تجارة العائله,يعود آرثر ابن السيده العجوز ليعلمها بوفاة والده وينفذ الوصيه ويسلم والدته
ساعه بها قطعة قماش كُتب عليها DNF اي do not forget

ولكن هُناك سر عظيم بهذه الوصيه لا يعلمها الا آرثر وامه ...يتعلق بعائلة ايمي !!

المسلسل حيييل اعجبتني احداثه وتصويره للسجون والتعذيب النفسي والجسدي والزمن اللي هم فيه احب هيك عصور

وكل الادوار ابدعت من دون استثناء

وبس

 

[RowTow]

little dorrit

مع إني ما قريت الروايه بس حيل استمتعت بالمسلسل.
مع إني ما فهمت ببدايتها طريقة الحبس و السجن, ليما استوعبت إنهم ينسجنون كل هالسنين عشان جم بيزه.

بس الأب بدَّع بدوره.

 

[غيدآء]

فعلا اللي مثل دور الاب ابدع ,,, صج وصل لنا احساس الشخص اللي كان بنعمه وفجاه اختفت هالنعمه اللي كان فيها!

 

[رورو 88]

وايد حلو الموضوع حرام يوقف

وانا بضيف بعد ..



Sleepers

والفلم جد من احلى الافلام اللي مرت علي مؤثر حيل حيل و قديم بس still من احلى الافلام عندي لي الحين

الفلم كان بال 96 و based on a true story

قصته باختصار : 4 شباب وبنت كانوا يعيشون حياه بسيطه حيل وعلاقتهم وايد قويه ,, ومره خذتهم الشطانه

ان يبيقون hot dogs من اللي كان يبيع بالشارع ,, انحاشوا بالعربانه بس الكارثه انها زلقت منهم عالدري وطاحت

على شخص وصار بين الحياه والموت ,, انحكم عليهم بالسجن لمده سنه وبهالسنه كل شي تغير بحياتهم ,, لان

بالسجن تعرضوا لاذلال واغتصاب من الحرس ,, ولما اطلعوا بعضهم صار يتعامل مع الاجرام باحتراف من بعد البراءه

اللي كانت فيهم وبعضهم ظل نفسه ,, ويتلهم فرصه ان ياخذون حقهم من بعد هالسنين ,, الفلم مؤثر وجد يعرف الصداقه

اعطيه 10 - 10 بدون تفكير






Twelfth Night

ل شكسبير

الفلم

الفلم كان بال 96 بعد

من كوميديا شكسبير ,, ماحبيته وايد




The Boleyn Inheritance

الفلم

( فووق الوصف )

قصه الملك ادوارد باختين ,, انعجب بوحده وحملت بس اختها اجذبته صوبها لما خلته يتخلى عنها وعن زوجته

وفصل كنيسه انجلترا عن روما ,, حاولت اتحافظ عليه بشتى الطرق والنتيجه الفشل ,, وايد مؤثره النهايه




The devil wears prada

الفلم

عن fashion diva ,, رئيسه تحرير مجله فاشن تتحكم بحياه المساعدات مالوتها ,,

 

[RowTow]

In the time of Butterflies

الفلم مستوحى من الروايه. و الروايه مستوحاه من القصه الحقيقية للأخوات ميرابال

هذولا الله يسلمكم 3 خوات انذبحوا سنة 60 بسبب دورهم الناشط في حركة قلب نظام الحكم في الدومينيك.
جمهورية الدومينيك حكمها مدة 30 سنة تقريبا رفاييل تروخيليو, و هذا الحاكم كان من أكثر الحكام دمويه, يقدر عدد اللي ماتوا بعهده بقرابة 50 ألف إنسان.
فيقال إن تروخيليو خاف من صولتهم و ذبحهم. بس الناس صحت لما ماتوا و ما عمر وراها بالحكم. و اغتيل سنة 61.

و على فكرة, الفلم جدا رائع.

 

[غيدآء]

رورو

روبرت دينيرو يااااي اغلب افلامه شايفتهم بس غريب اني ماشفت هالفلم شكله حلوو

روو توو

احب الافلام اللي فيها نكهه سياسيه بحاول اشوفه


يعطيكم العافيه بنات

 

[honor]

طبعا هاذي اول مشاركه لي بهذا الموضوع الحلو

روايه Fight Club

انا ما احب روايات الحب والغرام فعشان جذي هاذي الروايه جذبتني
نادي القتال هي أولى روايات الأديب الأمريكي تشاك بولانيك المنشورة. صدرت في عام 1996

هاذي الروايه تروح داخل النفس البشريه
تتكلم واحد يروي قصته وهو ما قال اسمه بالقصخ ولا الفيلم بس لقبوه بالراوي
انه يلالتسعينات حس انه ماله فايده بعالم امريكا المبني على الماده و بطل الفلم الي اهوه الراوي تحت ضغوط لدرجه انه ما يقدر ينام ويروح جلسات علاج نفسي بس الجلسات اختربت بسبه بنت تحاول تدخل الجلسات بعدين يلتقي بشخص اسمه تايلر ديردن الي يحرره من تعلقه وخوفه من الاشياء بعدين يسوون نادي القتال ال راح يجذب وايد ناس محبطين عشان يطلعون غضبهم وكرههم للعالم في القتال

ما ابي اخرب عليكم النهايه


الفلم روعه وهو واحد من افلامي المفضله

بطوله براد بيت والرائع ادوارد نورتن


الي ما راح تقرأ الروايه نصيحه تطالع الفيلم روعه وايد

 

[honor]

elephantman

قصه وتحولت لفلم

هاذي قصه واقعيه صارشخص صجي
اقرو عنه في ويكبيديا http://ar.wikipedia.org/wiki/جوزيف_ميريك


اسمه جوزيف ميريك

 

[حديث الروح]

من الروايات العربية القديمة والتي تعرض حاليا في روتانا زمان ضمن الافلام القديمة :

اللص والكلاب
دعاء الكروان
ثلاثية نجيب محفوظ
الوسادة الخالية .... والقائمة تطول


بالنسبة للافلام الاجنبية فمن الروائع التي تحولت الى أفلام على سبيل المثال لا الحصر ..افلام كلاسيكية

ذهب مع الريح
جين اير
اوليفر تويست
قص ة مدينتين
.....

 

[الغــلآ]

رواية نساء صغيرآت
my little wommen

قدييييمه اذكر كنت اقرآها وعآيشه الجو , عقب يوم شفتها بالتلفزيون ,
نفس الجو اللي كنت متخيلته احساس حلو
​

 

[نوف الصقعبي]

وايد حلو الموضوع بنات اللى عندها صور روايات قرتها طبعآ وحلوه تحطها لنا​

 

[ḟẩἡṫảṤῩ ῶỗṝḽḑ]

موضوع رووووعه
اب
اب
اب