المغرب
روان عقب ما بجت راسها قام يعووورهاااا حيييييل ( وهذا طبع فيها ) وريون قالتلها: نامي وإن شفتج تبجين روان يويلج خلاص أمبيه حرام اللي تسوينه بنفسج
وروان وحطت راسها على المخده ولفت ويها الصوب الثاني وقعدت تبجي حييييل من غير صوووت وبقلبها ( خلااااص حبيبي راااح مني يااا رب أناااام وما أقوووم ! ) وراحت بسابع نومه
ريون قاعده بغرفة روان وإهي نايمه وماسكه اللاب وشابكه قاعده تسمع أغاني وتقرا قصة
جان تسمع تليفونها يرن ولا إحمدو اللي داق على طول حطت تليفونها سايلنت عشان خافت روون تقعد من الصوت وما كان لها خلق شي وقتها جان تدزله مسج: حياتي سوووري اليوم ما راح أقدر أكلمك بنت خالتي تعبانه حيييل وأنا عندها
جان يرد عليها: أوكي قلبي بس ديربالج على نفسج
وريون قعدت تطالع روان وبقلبها ( معقووووله فروس يسوي جذي فيها أهو يحبهااا لييييش يسوووي جذي ؟! هذا وأهو يموت فيها سوا فيها جذي عيل ولد عمه اللي كانوا يقولون عنه يلعب شنو بيسوي ؟! بيكون نفسه ولا غييير ؟! )
جان تدش أم روان الغرفة وكانت توها قاعده من النوم
ريون قامت بتسلم على خالتها
هيا: هلا هلا ريونه من متى إهني ؟
ريون: من العصر خالتي...روون قالتلي تعالي ويييت
هيا: عيل شفيها نايمه وكاشته فيج مو من عوايدها ؟
ريون تدودهت: ها لا بس كانت تقول إن راسها قام يعورها وحاسه إنها تعبانه وقلتلها نامي يمكن يطيب
هيا: وييي شفيها لا يكوت مريييضه ؟
ريون: مادري خالتي
راحت هيا صوب بنتها تبي تقعدها تشوف شفيها وتحركها
هيا: روان روونه
روان ما قامت ولا حست
هيا استغربت لأن تعرف بنتها نومها خفيف
وهزتها شويه حيل
وروان قامت وقعدت تبجيييييي حيييل
أمها خافت على بنتها لما شافتها جذي
هيا: روان شفييييج ؟
وروان تبجي وما ترد على أمها
هيا وإهي مخترعه: روون قومي ماما قوليلي شفيج ؟
روان وإهي تبجي: يــــمــــاااا تـــعبــــانــــه !
هيا قومت بنتها وقالت حق ريون تييب الترموميتر عشان تقيس حرارتها لأن حست جسم روان كان حاااار
ويابت الرموميتر وقاست حرارتها ولا 39.4
هيا اخترعت وقامت بسرعه بتسوي كمادات حق روان وقعدت تحطلها كمادات وريون تساعدها
عقب نطرت شويه عشان تنزل درجة حرارتها وقاستها وليلحين كانت مرتفعه وبالعكس كانت زايده أكثر
هيا: ريونه قومي خل نوديها الطبيب حرارتها مو راضيه تنزل !
ريون وإهي خايفه: إنشالله خالتي
هيا: بسرعه ساعديها خليها تلبس أي شي وأنا بروح ألبس عبايتي عشان نوديها
ريون: إنشالله وبطلت كبتها طلعت لها ملابس ومسكت روان عشان تقدر تقوم تلبس وساعدتها وعقب ما خلصوا ريون دقت على أمها عشان تقولها بتروح مع خالتها الطبيب عشان يودون روان لأنها تعبانه وراحوا طيبه كلينك
ونطروا شويه ودخلوها عند النرس عشان تقيس الضغط والحرارة وكانت حرارتها مرتفعه
النرس: madam Her temperature is very high we need to put an I.V but first shes has to go to see the doctor
( مدام لازم نحطلها دريب لأن حرارتها واااايد مرتفعه بس أول شي لازم تدش عند الدكتور )
هيا: ok we will wait for our turn
( أوكي راح ننطر دورنا )
ودشوا عند الدكتور وشافها ووصفلها أدوية وقال لازم نحط دريب وراحوا عند النرس
وقعدت روان على السرير وحطتلها كمادات على جسمها وبس شافت الإبرة قعدت تبجي لأنها تخاااف من الإبرة وحاولت أمها تسكتها ولفت ويها وعقب معاناة حطتلها النرس الدرب
-------------------------------------------------------
فروس ببيتهم
من عقب السالفه حتى أهو نام ولما قعد كان مسخن وجسمه كللللله يعووووره حددده تعباااان
وراح أهو وولد عمه الطبيب ولما رد على طول حط راسه ونام مرة ثانيه ماله خلق ولا شي ولا له خلق يفكر بأي شي عشان جذي ما لقى أي شي ثاني يسويه غير إن ينااام ويفتك من كل شييييي
-------------------------------------------------------
ردت روان البيت كانت ليلحين تعبانه مو قادرة تمشي حتى انسدحت على فراشها ودمعت عينها تبيه إي ليلحين تبيه ولو شنو يصير فيها منه تبيييييييه تبي فروس !
ما تقدر تدق عليه خلاص لأن مهما يكون أهو ألحين مو حبيبها فشبكت من تليفونها واللي خلاها تنصدم إن لقت إيميله شابك لأن ما توقعت بيكون شابك أصلا أول ما شافت توبكه تذكرت اللي صار اليوم نزلت دمعتها
ودشت عليه: فروس أناااا تعبااانه والله أبييييك
شويه ولا يرد: أنا مو فروس
روان استغربت واستحت حست إن فشله: إممم سوووري وين فروس ؟
ولدعمه: فروس نايم وناسي ايميله شابك...تعبان مريييييض
روان بس سمعت إن مريض قلبها طاح ببطنها ( شفيه حبيييبي ليش مرييييض ؟! )
ليلحين مو قادرة تستوعب إن أهو مو حبيبها خلاص صار حاله حال أي صبي ثاني بقلبها وعقلها أهو ليلحيييين حبيبهااا !
والصدفه إنهم أثنينهم مرضوا بنفس اليوم وتعبوا لما افترقوا عن بعض !
روان: أمبيه شفييييه ؟! بليييز ديربالك علييييه بلييييز وقوله إني سألت عنه أوكي ؟
ولد عمه: إنشالله
روان: باي
ولد عمه: باي
-----------------------------------------------------
ريون دقت على أمها قالتلها إنها بتنام ببيت خالتها لأن روان تعبانه وايد وما تبي تخليها بروحها وتدري إن بنت خالتها مينونه ومستعده تسوي أي شي عشان فروس فقالت لو شيصير ما راح تخليها بروحها
وأمها قالتلها أوكي
-----------------------------------------------------
بليل روان نامت وريون قعدت تكلم إحمدو بصوت خفييييف عشان ما تقعد
ريون وإهي تتكلم بصوت حددده خفيف جنها قاعده تتساسر: حياتي أحبك !
إحمدو ضحك ويقلد صوتها: حتى أنا أحبج
ريون ضحكت: أمبيه لا تخليني أضحك والله بنت خالتي نايمه يمي مسكينه مابي أقعدها
إحمدو: إي صح شفيها اليوم بنت خالتج ليش تعبانه ؟
ريون: تعبانه شوي وديناها الطبيب لأن مو راضيه تنزل حرارتها وحطولها دريب
إحمدو: مسكينه ما تشوف شر
ريون بقلبها ( قول هالكلام حق ولد عمك كله منه إهي فيها جذي )
وقعدت تسولف معاه شويه لما سمعت صوت تليفون روان رنة مسج
طنشته وقالت لا أنا مالي شغل أشوفه
----------------------------------------------------
اليوم اللي وراه روان قعدت من النوم الصبح وما كان لها خلق تبطل عيوووونها مدت إيدها خذت تليفونها بتشوف يمكن تلقى فروس شابك
لقت 1 نيو مسج
بطلته ولا من فواز مكتوب فيه:
قوووة هلا باللي ما تسأل عني ولا تقول شلونه وصل مات حي لووول يالخاااايسه اشتقتلج
المهم ترى أنا وصلت البحرين وقلت أقولج يمكن تبين حلوى ولا شي من إهني لووول
وإذا تبين أي شي أنا حاااضر وردي علي طمنيني عليج مو تكشتيييين يالله بباي
بقلبها ( واااي فوازو حتى أنا حدددي اشتقت حق فصلتك محد كان يطلعني من ضيقتك الا إنت ومتحملني لو أكون طول اليوم متضايقه )
بس ما كان لها خلق ولا شي ولا حتى تكتب مسج
دشت المسن على طول بالفون ما لقت توبكه تضايقت حذفت تليفونها بعيد عنها بالفراش وردت نامت
--------------------------------------------------
الساعه 12 أم روان دشت الغرفه لقت روان وريان نايمين
هيا: هووو يلااااا قوموا اليوم يمعه ما تبون تروحوووون ؟!
روان قعدت بسرعه كانت ليلحين تعبانه بس شويه أحسن من أمس قامت من الفراش وراحت الحمام ( وانتوا بكرامه ) عشان تغسل
عقب ما طلعت راحت عند ريون تبي تقعدها لأنها تعرفها لو شنووو ما تقوووم
عقب ما غسلوا راحوا يبدلون وما كان لهم خلللق
راحوا بيت يدهم وكان يوم كئيييييييب العموم لاحظ إن روان فيها شيييي لأن طول اليوم ساكته وما تضحك وكل ما تتذكر فروس تروح بسرعه الحمام تبجي كرهت عمرهاااا
ولما بغوا يردون البيت ريون قالت حق ريون: قااااعده على قلبج برد معاج البيت بنام عندكم ( ما تبي تخليها بروحها )
روان ضحكت غصب: تعالي حياج الله
وردوا البيت روان على طول نامت وريون قعدت تكلم إحمدو شويه جان تنام
---------------------------------------------
الصبح
بالبحرين
فواز قاعد يبدل يبي يطلع وقاعد يفكر بروان ( وينها مو من عوايدهااا ما ترد عليييي إذا دزيت مسج وهالمرة أنا موصيها ترد علي تطمني عليها )
عبدالوهاب: فواااازوووو يلااا بسرعه الفيلم بيبديييي !
فواز: أوكي أوكي كاني خلصت
( فواز كان مسافر مع عبدالوهاب رفيجه بروحهم )
ولبس بدي لونه بنفسجي وجينز غامج ولبس ساعته وتوه بيطلع ولا يرن تليفونه
فواز شاف الرقم غريب ومن الكويت جان يشيله: ألووو
صوت بنت: ألووو
فواز بقلبه ( وييييييع شتبيييي هذييي ! ) رد عليها بنفسيه: هلا عذاري
( عذاري حبيبته اللي قبل وأهو كان يحبها وايد بس هدها لأنها تغيرت وقامت تطلع كلام عنه عند رفيجاتها وايد سوالف مليقه قامت تسويهم )
عذاري: هلا فواز...شلووونك ؟
فواز: تمام بغيتي شي ؟
عذاري: لا بغيت أسأل عنك بس شدعوه نسينا فواز
فواز: عذاري أنا مو بالكويت ومو ناقص عوار راس إنتي كل ما تدقين تسوينلي مشكلة وقتلج مااالي خلق عشان جذي أنا أخليج ألحين
عذاري افتشلت لأن كلامه كان صح وحست إن دقرها: أوكي خلاص باي
فواز: باي
----------------------------------------------
العصر روان منسدحة وريون يمها وفروح معاهم وقاعدين يسولفون وروان ترد عليهم بس ما كان لها خلق وأصلا كانت سرحااانه وبالها مو معاهم !
فروح: إنزين روون دقي على إحمدو قوليله خل يكلم فروس يقنعه يعرف شي منه أي شي على الأقل
روان: فكرت فيها بس حسيت فشله أدخل الصبي بالسالفه
ريان كانت خايفه إن إحمدو يقول شي بس بنفس الوقت كانت تبيها تدق عليه لأن صج يمكن إحمدو يقدر يخلي فروس يغير رايه ويكلمه: عادي روون دقي عليه قوليله السالفه وقوليله بس أبيك تكلمه
روان: إمممم مادري أفكر
ريون: روون شتفكرين دقي عليه خو
روان: أوكي أوكي أدق المغرب فشله ألحين
----------------------------------------------
في بيت لطيفه
فهود بغرفته قاعد يفكر بروان أمس ياليمعه بقلبه ( متغيييييرة أحسها ذبلاااانه مبين إن فيها شي...ولي متى وأنا بقعد أفكر فيها إهي ما تبينيييي تبي هذا اللي اسمه فروس...! )
-------------------------------------------------
بالبحرين فواز قاعد بالغرفة ويمع أغراضه وكان قاعد يجهزهم لأنهم بيردون
وناطر بره على ما يخلص عبدالوهاب الـcheck out
مسك تليفونه وكان قاعد يحاتي روان من سافر وأهو ما يدري عنها
دق رقمها ودق عليها
روان قاعده مع فروح وريون تشوفه يدق بس مالها خلق تكلم أحد ما شالته
ريون شافت اسم فواز على الشاشه: رووون هذا فواز اللي رقمج يوم العرس صح ؟
روان: إي هذا أهو
ريون: شلونه شلون صفاته ؟
روان: يوووونس حددده طيييب وأحلى ما فيه عبببطه فااااااصل
ريون: إممم ونااااسه
فواز شافها ما ترد دق مرة ثانيه ما ردت وقام يحاتيها أكثثثر
---------------------------------------
المغرب روان خذت تليفونها ودقت على إحمدو
وإهي تنطره يرد قليها قام يطق حيييييل وكانت خايفه ما تدري ليش جان يشيله
إحمدو: هلا هلااا
روان وصوتها متغير مبين فيها شي ضحكت شويه: هلا إحمدو شلونك ؟
إحمدو: تمام والله إنت شلونج ؟ شلون فروس معاج ؟ ( ما يدري عن شي لأن فروس مو نوعه يتكلم عن اللي بينه وبين روان )
روان دمعت عينها ما توقعت إن ما يدري: ما تدري ؟!
إحمدو: عن شنو ؟
روان سكتت فترة جان تقول: أنا وفروس إفترقنا
إحمدوو تننننح: شنوووو ؟...لا مو من صجج أنا أعرف ولد عمي ما يقدر يبعد عنج انتي الحببببب
روان نزلت دمعتها وبقلبها ( كنت الحبببب ! ): لا إحمدو أهو من صجه
إحمدو ما درى إنها قاعده تبجي بس عرف إنها متضايقه: لا مالج شغل روان لا تتضايقين أنا أكلمه لج
روان: مشكووور إحمدو بس والله صج أهو يدري أنا شكثر أحبه ما أقدر أخلييييه
إحمدو: العفووو وأدري إن يدري بس أنا أعلمه شغله عاد كل شي ولا رواااان
روان: مشكووور أنا أخليك ألحين
إحمدو: أوكي ديربالج على نفسج ولا تتضايقين أنا أول ما أكلمه أدق عليج
روان: أوكي
إحمدو: يلا بااااي
روان: بااااي وسكروه
ريون: هاااا شقال ؟
روان: قال يبي يكلمه...أمبيه ريون قولي إنشالله يسمعه والله ماني متحمله جذيييي
ريون: خلاص روون أنا شنو قلتلج لا تتضايقيييين إنشالله يسمعه
