رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

[MeMo.318]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

اووووووكيك حيااتي اخذي رااحتج

 

[Perfect M]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ياااا بعد عمري روونا ..

اكيد طبعا نبي الاحداث كاملة ..

و على سالفة ماتقدرين اتدشين طبعا معذورة ..

ووو الله يوفجنا كلنا بالدراسه ..

و ناطرينج مهما طولتي افا عليج ..

تسلمييييين ع القصه اللي اتينن ..

 

[fa6m al-s]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Waaaaay wnasa l78t 3leekom 9arly yoomen Agra bdeet yoom elym3a

Bs 9ra7a elrwaia bdaaaaaaaa3

Oo la t5t9reenha 5leha chthee a7la

Waiting you 7bebty

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Roona 7beebti ,, 3ad iL youm 3al a8al nabi part 9'3airoun plz ,, Bs nabi nigra shay o n3arf a5baarhum ,, Bra7tich 6weel wela g9eer ,, Bs nabi in3arf 3anhum shay etha medaach kitbylena plz 7beebti ;* Fdaitich:eh_s(22):

 

[fa6m al-s]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

^^^^^
Ee walla nbe ay shy elmohim ngra ana waaaied endmigt blrwaia

Gmt afker fehom

Bs atw83 5lood bya5the jory ... Bs ana abee 78 rioon
Oo atw83 roon ra7 t'9l m3 3bood a7sa waaied zain
Oo rwoon ma adry kl sa3 y6ra 3la baly shy bs ymkn ra7 t7ib fwaz

Bs waaay rwoon t3wer elglb oo fhood ytheb7 a7sa myeet 3leeha ... 3fya 36eena a5bar 3n fhood m3wer glby

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

xPp Rayi mn rayich ^^ Fa6m ,, Soo Plz Roona ,, Kitbylena shay il youm ,, nabi n3arf 3anhum shay plz ;* Fdaitich ;* Na6ryynich

 

[miss limoona]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

مسموحه
waiting

 

[كاسبرينوو]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

هااااااااااي بنات شلونكم ؟ شخباركم؟ :eh_s(8):
أنـــــــا بنت خالة روونا اللي كاتبه معاها الروايه
والله الصراحه ونستوني عالردود العجيييييييييييييبه نفسكم :eh_s(6):
وحدددددددددددددكم حددددددددكم مشكورين عالردود ويعطييكم العافيه :tek:
وإنشالله أول ما نكتب بارت أنزله لكم .....أوكي؟
و :ssssso: عالقصور
أحبببببببببببببببببببببببببببببببببببببببببببكم :nbvppw: :hjy5jewf: :33_1185028183: ​

:bye22:

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Teslemyn 7beebti ;* Na6ryynich ;* Tyt ,, B3d chabdi walla ,, mn ree7at roona ;* Na6ryyn

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Nsait agoulich ,, N7ebich akthr 7beebti ;* Fdaitich ,, Salmay 3ala Roona ;* Missha

 

[Perfect M]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

العفوووووووو

دام القصه فلته و اتينن .. مو ذنبنا نندمج ترى ..

تسلم الأيادي اللي اكتبت d:

اموفقين كلنا ان شالله ..

 

[fa6m al-s]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Tslmeeeen 7beebty oo ma ako g9oor bl3aks ykfy enkom kl yoom tnzloon part bs tdreen endmgna fn7n waaied

Yala waiting nn6rkom e5theoo ra7tkom

???Bs mta elpart elyoom wela bacher 3lshan nn6er ethe elyoom

 

[MeMo.318]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

oki 7yati na6rinkoom
fdeit el.katbaat walla

 

[امة الله2]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ويهويه انتو اهني وانا ادواركم يا راوووون يلا انا قعده انطر

 

[fa6m al-s]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

?????Waaaaaaaay l2 pleeeeeez mta elpart

3ad elyoom ybeela parteeen l2n ma 3ndy shy adrsa<<< n8z 8wyaaaa ha ely ygool fa'9eenly loooool

Yala 7bebaty waaaiting oo e5theoo ra7tkom

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Roona o bnt 5alat.ha ;** Fdaitkum ,, Na6ryynkum ,, mu6awloun 3alaina ;* A7ebkuuum!! Na6ryynkum

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

..البارت الثامن والثلاثون..
الحريم قاعدين في بيت أبوهم وقاعدين يسولفون
لطيفه: ما قلتلكم خلود يبي يتزوج
هيا: منو إنشالله بنت سنعه ؟!
لطيفه: إي والله بنت ناس
مريم: منو قووولي ؟
هيا: إي والله
لطيفه: إخت مرت حمنو الكبيرة والله نسيت إسمها
مريم: وشلون شافها ؟!
لطيفه: ذيك المرة لما كانوا روان وريون طالعين معاهم مو مروا بيتنا خلود وأهو طالع صادف روون وشافها
مريم: لا الحمدالله خوش ناس وإختها الكبيرة سنعه وتينن
هيا: إي والله بس لطوف كلمي ولدج تدرين خلود عينه زايغه وهذيل ناس نعرفهم وخوش ناس لما تدرين إن من صج من مل سوالف المراهقة بعدين خل يفكر يتزوج
لطيفه سكتت وقعدت تفكر بكلام إختها لأن تدري إن صح
مريم: إي لا يفشلنا جدامهم بعد
لطيفه: خلاص أكلمه وأشوف
---------------------------
خلود قاعد بغرفته بليل يطالع مباراة لطيفه طقت الباب ودشت
لطيفه: خلود أبي أكلمك
خلود: يمااا قاعد أطاله مباراة
لطيفه: أوووه مباراة ومباراة خلصني يلا بكلمك ضروري
خلود قصر على التلفزيون والتفت على أمه
خلود بملل: شنووو ؟
لطيفه: إنت تبي تتزوج متأكد ؟
خلود تنح: إي يما متأكد
لطيفه: لأ أنا قصدي يعني خلصت من اللعب ؟...ترى هذا زواج ومسؤوليه مو أي شي أما مابي أزوجك الا لما تكون مال من كل هذا وتبي تستقر من صج !
خلود: إي يما أنا متأكد إن أبي أتزوج مليت من كل هذا
لطيفه: أكيد مابيك تفشلني جدام الناس وهذيل ناس نعرفهم مبيك تاخذ بنتهم وعينك تصير زايغه
خلود: إنشالله
لطيفه: خلاص أنا ماخذه كلمة ريال
خلود: إي أكيد
لطيفه: أوكي أشوف شيصير
خلود: إنزين يما تكفين سرعي
لطيفه: إنزيييين لا تحن وااايد وطلعت
---------------------------
ثاني يوم
في بيت بو عبدالله العصر
روان راحت تبي تكلم أمها
نزلت الصاله لقتها قاعده
روان: يمااا أبي أروح الصالون شكلي حددده غلط
هيا: روحي مع السايق
روان: وريون بتروح معاي
هيا: أوكي
روان: خلاص بروح أبدل عشان أمرها
هيا: أوكي سإلي فروح يمكن تبي تروح إهيا بعد
روان: أوكي وتوها تبي تصعد فوق ولا هيا تقول
هيا: ولا أقول خلاص يلا قولي حق ريون تيي إهني وأنا بروح بعد الصالون أوديكم
روان: أوكي ألحين أدق عليها وأقول حق فروح تبدل
وصعدت فوق
-------------------------------
روان تدق على ريون جهازها مغلق استغربت أول مرررة ريون جهازها مغلق لو شيصير ما تسكره جان تدق على بيت خالتها
حمود: ألووو
روان: ألووو هلا حمود شلونك ؟
حمود: تمام وإنتي ؟
روان: تمام...حمود وين ريون ؟
حمود: كاهي ويت
ونادى ريون وعطاها السماعه
ريون: ألووو
روان: ألووو...إنتي وينج جهازج مغلق ؟
ريون: إي غيرت رقمي !
روان تنحت مستغربه: ليش ؟!
ريون: بس مليت منه
( ريون غيرته عشان ما يكون لها أي صلة بإحمدو ! )
روان: متى غيرتيييه ؟
ريون: أمس بليل أبوي كان طالع وقلتله يمر يشتريلي
روان: ومتى إنشالله بتحطينه بفونج ؟
ريون: لووول ألحين
روان وليلحين مستغربه بس طنشت: أوووكي حطيه عشان إذا بغيتج أدق عليج وريون ذيك المرة تقولين بتروحين الصالون صح ؟
ريون: إيييي حدددي
روان: بسرعه بدلي وتعالي بيتنا بنروح مع أمي
ريون: أوووكي
روان: ريون تكفين بسرعه لا تطولين
ريون: لوووول أوكي ما راح أطول باي
روان: باي وسكروه وراحت تبدل
-------------------------
ريون صعدت غرفتها راحت تبدل وتذكرت إنها تغير خطها
مسكت تليفونها وبطلت الكفر وطلعت الخط القديم وحطت خطها اليديد داخل
ريون مسكته وقعدت تتذكر إحمدو ودمعت عينها
جان تمسك الخط من الطرفين بإيدها الثنتين وبكل قوتها كسرررته
نزلت دمعتها جان تقول: ( باي يا أكبر غلطة بحياتي ! )
مشت دموعها وبقلبها ( إنشالله عبود يعوضني ويخليني أنساك ! )
وقطت الخط بالزباله وراحت تبدل
-------------------------
بالصالون ناطرين دورهم لأن كان زحمه شويه
صار دورهم وروان راحت تحف والباجي عقبها
روان كانت قاعده على الكرسي جان يرن تليفون هيا
هيا طلعت بره صوب الباب عشان تتكلم بالتليفون كانت اللي داقه إختها لطيفه
هيا: ألوو
لطيفه: ألوو
هيا: هلا
لطيفه وصوتهامتغير جنها باجيه: وينج ؟
هيا اخترعت: بالصالون شفيج شفيه صوتج ؟
لطيفه: تعالي بيت أبوي بسرعه
هيا وقلبها قام يطق حيل: لطوووف شصاير قوليلي صاير شي ؟
لطيفه: هيا إنتي بس تعالي بسرعه
هيا دمعت عينها: لطوف لا تلعبين بأعصابي قولي شصاير وصوتها تغير
هيا بتردد: أمي وأبوي فيهم شي ؟!
لطيفه: هيا بس شوي شوي إنتي فيج ضغط لا يصير فيج شي
هيا علت صوتها شويه: لطييييييفه قوليييييلييييي فيهممم شي ؟!؟
لطيفه ما تحملت جان تبجي: أبوي صار في جلطه بالمخ وأهو ألحين بالمستشفى
هيا انصدممممممت وحست الدنيا تدور فيها ونزلت دمعتها
هيا: خلااااص ألحين أيي
روان قامت من على الكرسي وراحت تدور أمها بالصالون عشان تقولها إن صار دورها
روان شافت أمها وانصدمت مسكتها بسرعه: يمااا شفيييييج ؟
هيا: قوليلهم بنمشي بسرعه
روان مخترعه: شصاير يما
هيا وعينها مدمعه: يدج تعبان بسرعه قوليلهم
روان نادتهم وطلعوا من الصالون
ريون حدددها مخترعه: روون شصاير
روان شوي وتبجي: مادري ريون يدووو تعبان بنروح بيت إيديده
ريون سكتت وانصدمت حييييل وعينها دمعت وبقلبها ( أمبيه لأ شفيييييه يدووو ! )
طلعوا من الصالون وطول الطريج ساكتين وكلهم خايفين وهيا دااايسه بس همها تروح بيت أبوها
وقاعده تحاول كثر ما تقدر ما تبجي جدام البنات عشان لا تخرعهم بس دموعها غصبن عليها قاعده تنزل دموعها على أبوها !
وصولوا بيت يدهم ونزلوا بسرعه من السيارة
هيا راحت الصاله ولمت أمها وقعدت تبجي
هيا وإهي ميته بجي: يـمـا شـلـووونـه شـلـون صـار جـذي ذيـك الـمـرة كـلـنـا قـاعـديـن مـعـاه مـا فـيـه شـي وصوتها راااح بالبجي
لطيفه راحت بسرعه صوب إختها وإهي تبجي: هيا خلاااااص ذكري ربج أمي اللي فيها كاااافيها لا تبجيييين راح يرتفع ضغغغطج !
هيا تصرخ: أبووووي شلوووونه قولووووليييييي !
مريم راحت صوب إختها ولمتها وقعدوا يبجووون
مريم: إنشالله ما فيه شي
البنات دشوا الصاله الثانيه
روان حطت راسها على القنفه وقعدت تبجي حيييييل
ريون راحت صوبها وإهي تبجي: روون بس قولي إنشالله ما فيييييه شي إحنا ما ندري حتى شفيه
دش فهود الصاله
فروح ودموعها تنزل: فهوووود شفيييييه يدووووو ؟!
فهود انصدم لما شاف روان تبجييييي
فهود: صاير فيه جلطه بالمخ
روان بس سمعته صرخت وقعدت تبجي حيييييييل: لأ لأ لأ لااااااا يصيييييييير فيييييييه شيييييييييي
فهود راح صوبها بسرعه
فهود: رووووون بس موووو زين جذيييي !! ومسكها حيل من إيدها ورفع راسها
فهود: لاااااا تبجيييييين إنشالله ماااا فيييييه شي
روان تشاهق وتبجييييي: بس أبييييييه فهود لا يصيييييير فييييييه شيييي
ريون لمتها وقعدوا يبجوووون حييييل
فهود مو عارف شيسوووووي
جان يدش خالهم حمد الصاله أول ما شاف البنات يبجون راح صوبهم بسرعه
ريون: خالييييييييي حمددد شلوووون يدوووو ؟
حمد يحاول يسكتهم: فهود قولهم إييبون ماي حق البنات
ومش دموعهم: بس إنشالله ما فيه شي لا تبجووون إدعوله
رفع راس روان ومش دموعها: إدعوله وإقروا قرآن لا تبجووون جان يلمهم وفهود قاعد يطالع روان ووده يكون أهو معاها ويكون أهو الحضن اللي تبجي عليه ويمها ما يتحمل يشوف دموعها تنزل جذي !!
طلع فهود من البيت وكان حددده متضايق راح افرع مشي وطول ما أهو يمشي سرحان وقاعد يفكر باللي قاعد يصير وصل الفرع ودش
فهود: عطني قوطي زقاير مارلبورو بوكس أحمر
الريال عطاه الزقاير ودفع الفلوس وطلع
طول ما أهو راد البيت وأهو قاعد يدخن زقارة وره زقارة وبقلبه ( قمت أدخن !! آآآآخ من المشاكل والله مو مني ! )
وقف بره عند المواقف وقاعد يدخن
روان طلعت بره تبي تروح تييب تليفون خالها من السيارة
طلعت وشافته واقف قاعد يدخن وسرحان
روان تمت تطالعه ومنصددددمه وبقلبها ( يدخننننن ؟!؟ )
روان وإهي منصدمه: فهود إنت تدخن ؟
فهود سمع صوتها التفت وقعد يطالعها
فهود سكت وقط الزقارة
روان: إنتي من متى تدخن ؟!
فهود وعيونها كلها حززززن: من الييييوووم
جان يبتسم ويحط عينه بعينها وعيونه مبينه إن متضايق: أبي أنساج
روان دمعت عينها على ولد خالتها وعلى الأشياء الي قاعد تصير كلها وبقلبها ( سوووري والله سوووري أنا معتبرتك أخوي وما أشوفك أكثر من جذي والله تعبت أنااا )
راحت صوب سيارة خالها وخذت الفون وردت داخل بسرعه وفهود قاعد يطالعها جان يغمض عيونه وتنهد: آآآآآآه الله يصبرني وولع زقارة ثانيه وقعد يدخنها
روان عطت الفون حق خالها ودشت الحمام وقعدت تبجي حييييل وبقلبها ( كله مني يدخن ومتضايق وكل هذا قاعد يصير فيه شسوووي والله مو بكيفييييي أبي أرتاااااح بلييييز كافييييييي اللي فيني أنااااا )
------------------------------------
روان ما قدرت تنام طول الليل
قعدت على الساعه 4 العصر غسلت وراحت غرفة أمها بتسأل عن يدها
روان: يما شلون يدو ؟
هيا طالعت روان: الحمدالله بس مبين بعيونها إن في شي
روان: بتروحيله ؟
هيا: إي وراح تيون معاي
روان وإهي خايفه: أوكي
هيا: تعالي قعدي شويه بكلمج
روان قعدت يم أمها وإهي مستغربه: شنو ؟
هيا: اليوم إحنا بنروح حق يدج بس ترى أهو ما يقدر ما يتكلم ودمعت عينها...لا تستغربون ولا تخافون خلكم عاديين
روان دمعت عينها: ليش يما شفيه
هيا دمعت عينها: أهو صار فيه شلل
روان نزلت دمعتها: يما أنا أخاااف يما راح أبجي ما أقدر
هيا لمت بنتها: لازم تروحين ما يصير
روان مشت دموعها
هيا: قولي حق إختج اللي قلتلج إياه وبدلوا عشان الساعه 5 بنطلع
روان: إنشالله
وقالت حق فروح وقاموا يبدلون
وصلوا المستشفى وروان طول الطريج خايفه
صعدوا الدور ومشوا لي الغرفة وقلبها قام يطق حيييل
دشوا داخل لقوا يدتها وخالها ناصر وخالها حمد ومرته وخالها عبدالعزيز ومرته وخالتها مريم وعيالها وخالتها لطيفه مع فهود
روان ما حطت عينها بعين فهود وسلمت على الكل بعدين راحت صوب يدها كان منسدح باست راسه وعينها مدمعه ووقفت يم كرسي أمها لأن ما كان في مكان تقعد
وقعدوا يسولفون شويه ويحاولون يونسون الجو حق يدهم
جان يدها يأشر بيده يبي شي وكلهم ما عرفوا شنو يبي
يدهم: أأأأأ ويبي يحاول يتكلم بس مو قادر جان ينزل راسه
ريون شافت يدها جذي جان تدمع عينها
لطيفه قامت راحت صوب أبوها: ها يبا قول نسمعك شنو تبي
يدتهم: تبي تاكل
أشرلها لأ
يدتهم: تبي تشرب ؟
أشرلهم إي
لطيفه: شنو تبي تشرب يبا ؟...عصير..ماي ؟
ريون قامت الحمام ونزلت دموعها وبقلبها ( إنشالله يصير زييييين ماني قادرة أتحمل أشوفه جذي والله ) وقعدت تبجي
-----------------------------------
مر إسبوع كان حددده كئيب على العايله كلها وما صار شي بس يدهم طلع من المستشفى وبالبيت وكانوا كل يوم بناته إييون يزورونه مع عيالهم وبليل أحد من عياله الصبيان ينامون عنده عشان يساعدون أمهم
------------------------------------
روان شابكه قاعده تكلم شيخه ارتاحتلها وايد وحتى شيخه ارتاحت حق روان وقامت تقولها كل شي عنها ويسولفون مع بعض وايد
روان: أمبييييه شيوخ ماني قادرة أحب فواز شنو أسوي !؟
شيوخ: روون أنا مو فاهمه السالفه إنتي ليش كلمتيه إذا إنتي ما تحبينه ؟
روان: لأني أبي أنسى فروووس شيوخ ماني قادرة والله تعبت
شيوخ: روون حرام حاولي كثر ما تقدرين تحبينه وتنسين فروس
روان: والله قاعده أحاااول شيوووخ
شيوخ: إنزين روون إنتي هالأيام دايما متضايقه والله ما أحب أشوفج جذييييي ضحكي ضحكي شرايج نلعب لعبه
روان: لوووول أمبيه شيوووخ يالفاااضيييه
شيوخ: لوووول يلا بقول إغنيه وإنتي آخر حرف من الإغنيه تبدين فيه إغنيه ثانيه إنشالله فهمتي عاد لووول
روان: لوووول أوكي أوكي فهمممممت
شيوخ: يلا ببدي...ماااروووم يا رايح عن العين يا مسافر على وييين ماروم إذا ما شفتك اليوم تقعد الدنيا وتقوم مااااروم عااااشوووا لوووول
روان: مستحيييييييل ألقى مثيييلك مستحيل أحب أحددد ما يميل قلبي لغيييييرك وإنت رووووحي والجسد حبي إنت تعرررفه ما يحتاااج أوصفه
وسرحت لما عبود عطاها هالإغنيه إهداااع تموووت عليها وأول ما تسمعها تتذكر أول الأيام اللي كلموا بعض فيها وتذكرت ملف من زماااان ما بطلته
روان: برب شيوخ شويه
شيوخ: تيت
بطلت الملف وقعدت تشوفه كان في صور فروس ومحادثات بينهم
بطلت محادثة وقعدت تقراها
فروس: آآآآآخ رواااني متى نتزوج وتيين عندي !
روان: فدييييتك قلبي أنا بعد أبي أيي عننندك
فروس: تصيرين زوجتي ونطلع مع بعض ونسكن مع بعض
روان: حياتي إنت إنت بعد زوجي
فروس: أحببببببببج ينيييييت أنا واللللله ينيييييييييييت إنتي يننتينييييييي
روان: لوووووول فديييييييييت حبيبي المينووووون أحببببببببه وأموووووووووت فيييييييه
فروس: لووووووووووووول فدييييييت حبيبتي المينونه أنا أحبهاااا وأموووووووت فيييييييها
روان قعدت تقرى المحادثة وتضحك ودمعت عينها على الأيام اللي كانت معاه وبقلبها ( ما راح ترد هالأياااام بس أنا ماااني قادرة أنساهااااا )
وسكرت المحادثة والملف وبقلبها ( لووو شيصير ما راح أمسحهم إذا مسحتهم ما راح يبقى ولا شي منه )
وردت تكلم شيوخ وقعدوا يسولفون
-----------------------------------
تموا شهر على هالحاله كلهم لاهين وبدت المدارس بس نفسية العايله أحسن من قبل
روان بدت تحب فواز شويه وما قامت تكلم فروس لأن ما قام يشبك بس ما نسته يظل بقلبها لو شيصير ولو حبت فواز راح تظل تحب فروس أكثر منه بس نفسية روان ما تغيرت ليلحين تحس نفسها مخنوقة وماكوا أحد معاها هالشي خلاها تخاف إنها تكون بروحها ومن عقب فروس قامت تخاف إن فواز يهدها وتكون بروووحها وما عندها أحد
روان ببيتهم قاعده مع ريون وقاعدين يسولفون جان يرن تليفون روان اللي يايبه لها فواز
روان شافت اللي قاعد يدق
ريون: منوو ؟
ريون قامت تكلم عبدالله وااايد وارتاحتله وقامت تحبه لأن خوووش واحد ويووونس وقامت تنسى أحمد وعندها إحمدو ما يسوى وا شي من عبووود !
روان: هذا سعووود
ريون تنحت وبقلبها ( منو سعود بعد ؟! )
روان شالته وقعدت تتكلم بالفون وريون حدددها انقهرت وبقلبها ( أمبيه حرااام اللي قاعده تسويه بفواز )
روان عقب شويه صرفت اللي قاعده تكلمه وسدته
روان: إي شنو كنا قاعدين نقول ؟
ريون وإهي معصبه: روون منو هذاااا ؟!
روان تنحت: شفييييج ؟!
ريون: أمبيه روون إنتي من صجج ؟
روان: شسويت أنا ؟
ريون: منووو هذا بعد ؟!
روان: واحد بس جذي أكلمه فريندز
ريون: ويييين قاعدين فريييندز وفواز
روان دمعت عينها: ريوووون مثل ما فروووس هدني وأهو كان يموووت علي حتى فواز يمكن يهدني ومابي أتم بروووحي وعشان ألهي عمري عن فروس وما أفكر فيه !
روان انصدمت من كلامها
ريون: فروس هدج بس مو يعني فواز راح يهدج !
روان نزلت دمعتها: وأنا شدراااني إذا ما راح يسوي نفس الشييييي
ريون: روان لا تسوين جذي بفواز أهو يحببببج
روان سكتت وبقلبها ( ما أقدر أنا ما قمت أثق بأحد أخاااااف أكون بروحي وما عندي أحد يوووقف معاي...إذا فواز هدني منو راح يبقالي ؟! وأنا أبي أنسى فروووس بأي طرييييقه مابي أفكر فييييه وإذا كلمت شباب وايد يمكن أقدر أنسااااه )
ريون ردت بيتهم وقبل لا تنام دقت على عبود تكلمه وكانت متضايقه على بنت خالتها قعدوا يسولفون شويه وعبود ملاحظ إن فيها شي من صوتها
عبود: ريونه شفيييج ؟
ريان: مادري متضايقه شويه
عبود: من شنو حياتي ؟
ريان: بنت خالتي
عبود: متضايقه من بنت خالتج ؟! ليش شنو سوت ؟ إنتي دايما تسولفين عنها وإنتو وايد قراب من بعض !
ريون: لا متضايقه من اللي قاعده تسويه !
عبود: شنو قاعده تسوي ؟
ريون: أنا قلتلك عنها وعن حبيبها اللي قبل وإنها هدته وقامت تكلم واحد ألحين اسمه فواز عشان تنسى فروس
عبود: إي أوكي
ريون: زياده على إنها ما تحب فواز وقاعده تكلمه حب ألحين قاعده تكلم شباب ثانيين لعب !
عبود: لييييش عااااد ؟
ريون: ماااادري والله مادري شفيها مادري ليش صارت جذي قبل كان عندها فروس وبس ما كانت تكلم ولا واحد غيره وألحين تكلم فواز وشباب لعب !
عبود: ما عرفتي ليش قاعده تسوي جذي منها ؟!
ريون: تقول إنها تخاف فواز يخليها مثل ما خلاها فروس وما يكون عندها أحد بعدين وتبي تلهي عمرها عن فروس عشان تنساه
عبود سكت وقعد يفكر
ريون: والله مادري شسوي
عبود: بنت خالتج تعقدت
ريون انصدمت: شنوووو
عبود: مادري حياتي إنتي لا تروحين تقوليلها هالكلام بس هذا اللي أنا قاعده أشوفه إنها خايفه واحد إنها تحب مرة ثانيه ويهدونها وما يكون عندها أحد وقاعده تكلم لعب بس عشان ما تفكر بفروس يعني قاعده تسوي كل هذا من فروس والصدمه اللي خذتها لما هدته !
ريون دمعت عينها: وأنا شنو أسوي ألحين
عبود: كلميها لا تخلينها كللللش إهي من كثر ما كانت تحب فروس صار فيها جذي !
ريون: أمبييييه تعبت من هالمشاكل والله
عبود: قلبي أنا معاج لا تخافين بس مابيج تخلين بنت خالتج بروحها وكلميها إنتي بطريقتج خليها توخر
ريون: إنشالله...عبود ؟
عبود: عيووونه
ريون: أحبك
عبود: فديييييتج وأنا بعد أحبج واااايد
------------------------------------
روان قاعده بغرفتها ناطرة تصير الساعه 12
( بيصير عيد ميلاده...عيدميلاد حبيبي عيد ميلاد فرووووس !! )
أول ما صارت الساعه 12 ولا تدز مسج حق فروس كاتبه فيه
( كل عاااام وإنت بخييير فرووووس وهاااابي بيرثدي ! أنا روون هذا خطي اليديد وما أنسى عيدميلادك لو شيصييييير أتذكررره وأدري إن مسج ولا شي بين هدايا ثانيه بس والله إن من كل قلبي ومشتاقتلك من صج إذا تبي شي هذا رقمي عندك باي )
فروس قاعد بالشاليه على البحر مع ولد عمه
وصله المسج بطله وقعد يراه وبقلبه ( فديتج والله فديتج إهي أول وحده تقولي كل عام وإنت بخير ! )
جان يرد عليها
( مشكوووورة والله وإنتي بخيييير وصحه وسلاااامه مادري شقولج أنا مشتاقلج بععععد )
روان قرت المسج وقعدت تبجييييي وبقلبها ( متى راح أنساك ؟! )
------------------------------------
ثاني يوم
بليل الساعه 10 فهود قاعد بغرفته يفكر بروان وبقلبه ( إذا إهي هدت فروس يمكن تعطيني فرصة ألحين ! بس شلون إذا أنا حتى لما أشوفها ما قمت أكلمها وإهي تغيرت حييييييل ألحين دايما متضايقه وساكته ودي بس أعرف شفيها ماكو طريقه أكلمها فيها الا بالفون )
فهود مسك تليفونه ودور رقمها بين الأرقام ومتردد يدق ولا لأ !
ضغط على اتصال وقعد يسمعه يرن
روان ببيتهم قاعده تكلم فواز
روان سمعت رنة تليفونها الثاني شافت منو قاعد يدق وانصدمت آخر واحد توقعته يدق عليها أهو فهود !
فواز يكلم روان: منو قاعد يدق ؟!
روان وإهي منصدمه: ولد خالتي
فواز حس بغيرة: وشنو يبي بهالوقت
روان: مادري حياتي أنا أشوف شنو يبي وأدق عليك
فواز وأهو ما وده: أوكي لا تطولين معاه
روان: أوكي باي وسدته بسرعه وردت على فهود
روان: ألووو
فهود بغى يسده خلاص ما توقع إنها تشيله جان يسمع صوتها
فهود وأهو متردد ومستحي شويه: ألووو
روان: هلا فهود
فهود: هلا فيج شلونج ؟
روان: تمام وإنت شلونك ؟
فهود: تمام
روان سكتت شويه وكانت خايفه بس حست إن أهو كان عادي معاها عشان جذي ارتاحت شويه وفهود سكت لأن مستحي وما يدري شنو يقول
روان: إممم داق كنت تبي شي ؟
فهود ضحك: لا والله بس جذي بسولف مع بنت خالتي
روان ضحكت وكانت مستغربه: أوكي
فهود يبي يدور أي شي يسولفون فيه: شلون المدرسة
روان: ويييع صايرة مالي خلق أدرس كلللش
فهود: شصااااير خو إنتي كله جذي وبعدين درجاتج عاليه
روان: لووووول خو قول مشالله
فهود: لووووول مشالله يبا مشالله صججج زلممممه
روان: لوووول إنت ليلحين متذكر هالاسم
فهود: لووووول شلووون أنساااه
روان: لوووول وإنت شلون المدرسة معاك ؟
فهود: لووووول كنت ساقط بالفرنسي شكله دور ثاني هالسنه
روان: لوووووول أمبيه تدري لو يمي جان صكيتك طراق لووول لأن لو أنا أسقط بمادة يمكن يوووقف قلبي
فهود: لووووول فديييت اطراق منج
روان سكتت واستحت
فهود ضحك وغير السالفه وكان حددده مستانس لأن قاعد يكلمها وهذا أهم شي عنده وبقلبه ( أكلمها ويمكن مع الأيام تحبني )
روان ارتاحت وايد لما كلمته لأن أول صبي كانت تدري إن لووو شيصير ما راح يضرها ولأن من زمان مو مسولفه معاه عدل وأهما كااانوااا وااااايد قراااب من بعض وفجأة ما قاموا يكلمون بعض وكانت تعزززززه حيييييل بس ما كانت تشوفه الا أخوها مو شي أكثر !
صارت الساعه 1 جان يسدونه وروان ما انتبهت حق الوقت وبقلبها ( أمبييييه فواااز راح يذبحني )
شافت تليفونها الثاني جان تلقى 1 نيو مسج
بطلته ولا من فواز لقت مكتوب فيه ( خلي ولد خالتج ينفعج ! )
روان تنحت وبقلبها ( واااااي لأ أوووف ألحين زعللللل )
دقت عليه وكان زعلان حاولت تكلمه كان مو راضي يسمع أول شي بس عقب رضى شويه
فواز: وليش داق عليج أهو أصلا ؟
روان: أمبيه فواز عادي ولد خالتي وداق يسولف بس !
فواز: طول ما عرفتج ولا مرة قلتيلي ولد خالتي داق يسولف معاي
روان: إي ولا مرة صادف
فواز: ولد خالتج فيه سالفه صح ؟
روان سكتت
فواز: صح ؟
روان: سالفه مثل شنو يعني ؟
فواز: مادري أنا قاعد أسإلج قوليلي
روان: ماكو شي
فواز: قووولي روان أنا أدري إن فيه خاصة إن كان مبين بصوتج إنج كنتي منصدمه لما شفتيه قاعد يدق
روان: أوكي بقول خلاص
فواز: يلا قاعد أسمع أنا
روان: إمممم أهو كان يحبني ودرى إني أكلم وأنا ما كنت أحبه ومن يوم ما درى إني أكلم فروس وتغير علي وقالي أحبج وأنا قلتله إني هديت فروس واليوم داق وقاعد يسولف عادي
فواز: قلتيله إنج تكلميني ؟
روان: لأ ما سألني
فواز سكت وما وده إن روان تكلمه بس ما يقدر يقولها لا تكلمين ولد خالتج
وروان مع الأيام صارت وااايد أقرب حق فهود من قبل وقامت تكلمه تقريبا كل يوووم وصاروا نفس قبل وأحسن
----------------------------------
في بيت لطيفه خلود راح غرفة أمه
خلود: يمااا متى بتخطبيلي البينه ؟
لطيفه: خلود إنت شايف شنو قاعد يصير مع يدك مو وقته كللللش
خلود: ويما أنا لي متى بنطررر ؟!
لطيفه: لما نفسية يدتك تتعدل وأهلك
خلود: بس ما راح يتغير شي ؟
لطيفه: خلود يعني إنت تبي زواج من غير عرس ؟ لأن الوضع كلش ما يسمح حق عرس !
خلود: وإحنا بننطر شنو يعني ؟!
لطيفه: خلاص خلود سكر السالفه ألحين مو وقته !
خلود عصب وقام راح غرفته !
----------------------------------
قبل عيدميلاد روان بيوم ( الصدفه إن روان وفروس عيدميلادهم بنفس الشهر )
روان قاعده في عيدميلاد ولد خالها عبدالعزيز
وكانوا حدهم مستانسيييييين
وبالحمام روان وريان وفروح قاعدين يعدلون أشكالهم
ريون: لوووول تدرون إن مرت خالي عزوز عندها أخووو شباب
روان: لووووول حلفييييي
فروح: ونااااسه لووووول
ريون: لوووول والله
روان: إنتي شايفته ؟
ريون: لوووول لا مو شايفته
روان: لوووول أشوه إن إحنا كاشخين عشان تشوفنا أمه وتختار وحده منا حقه لووووول
ريون: لوووووووول حدددده
وطلعوا من الحمام كانو حاطين إغنية سواها قلبي جلسة وكانت تررررقص !
سوااااااهاااا قلبييييي ياااا حبيبيييي وحببببببك ما طااااعني وأنا عن الحب ناهيييييه
الظاااااهر إن ما يبيييي غييير قربك عااااف الجمييييييع وأول الناس راعييييييه !
روان: ريون قومي نرقص
ريون: طيريييييي فشله أستحييييي شويه ناااس
روان: ريووون لا تصيرين جذي أنا مابي أرقص بروووحي !
ريون: لوووول مابي كيفج إنتي عاد
روان: أووووه بالطقاق أنا بقوم أرقص لووووول ما أتحمممممل !
ريون: لوووووووول هزي هزي
قامت روان ترقص مع إخت مرت خالها وحدددهم مستانسيييين
يابوا الكيكه وكانت الساعه 11:48 روان ك شوي تطل بساعتها وبقلبها ( باقي دقيقتين على عيدميلادي منو المتذكر ومنو الناسيييي ؟! )
أول ما صارت الساعه 12 شغلوا أغنيه راشد - عيدميلاد حبي
كل عام وإنت عيدميلاد حبيبي !
روان سمعتها وبقلبها ( يليييييت فروس متذكر عيد ميلادي ويقولي جذي )
روان ماسكه تليفونها وبدوا الناس رفيجاتها يدزولها مسجات وحتى فهود دازلها مسج ابتسمت لأن ما توقعته متذكر بس حدها احترت لأن ريون ما قالتلها شي ولاهيه مع الحفله بس ما بينت
وخلصت الحفله وطلعوا وروان يت بتركب السيارة ولا ريون تيي من وراها وتغطي عيونها
روان: منوووو
ريون: قعدت تضحك
روان عرفتها: لووووول ريوووون يالهبله وخريييي عنييي لووول
ريون شالت إيدها من على عيون روان
روان التفتت عليها جان ريون تلمها وتضحك
ريون: كلللللل عاااااااام وإنتييييي بخييييير...عبالج ناااااااسيه هااااا
روان: لووووووول إييي حدددده عبالي ناسيه
ريون: لوووول أشوفج محترة
روان: لووووول جبي والله مو محتررررة
ريون: لوووووول إيييي خير...رواااانوووو صرناااااا كباااااار لوووول صرنا 17 !
روان: لووووول حددده ريون كبرنا
مريم: إي والله كبرتوا وكبرتونا معاكم...يلاااا ريونه خنمشي تأخر الوقت
ريون تكلم روان: يلا أكلمج باجر باي
روان: باااااي
وكل وحده صعدت سيارتهم وردوا بيوتهم
ريون طول الطريج قاعده تفكر باللي قالها عبود تسويه وبقلبها ( بس أبيييي وقت أقدر أكلم روون فيه من صج ! )
وروان طووول الطريج تبي تشوف تليفونها الثاني إذا فروس دزلها مسج ولا لأ !
وكان همها تعرف إذا فروس دزلها مسج أكثر من إن تعرف إذا فواز دزلها مسج
وبقلبها ( أنا ظالمتك معاي فواااز بس والله إني قاعده أحبك بسسس ماني قادرة أحبك أكثر من فروووس ! )
ردت البيت وراحت على طول غرفتها تبي تشوف تليفونها
لقت بس مسج من فواز
تضااايقت من صجججج حزززز بخاطرها ودمعت عينها ( لييييش أهووو مو متذكر عيدميلادي نفس ما أنا تذكرت عيدميلاده يعني من صج إهووو نسااااااااني ! )
--------------------------------
ثاني يوم روان دقت على ريون عشان تقولها إنهم بيروحون جوكلت بار إحتفالا بعيد ميلادها
ريون قالتلها أوكي وبقلبها ( هذي فرصة عشان أكلمها توخر عن هذيل الشباب ! قبل لا نطلع أكلمها )
ريون بدلت وراحت مبجر قبل أمها وأخوانها عشان تكلم روان وطول الطريج وإهي قاعده تفكر وخايييييفه شلون تفتح هالموضوع معاها وما تبي تزعلها أو تكدرها بيوم عيد ميلادها !
بس تذكرت كلام عبود وبقلبها ( إهو قال إنها محتاجتني أنا لاااازم أكون وياها وماكو أحد غيري راح ينصحها لأن محد يدري عن اللي إهيا قاعده تسويه وبحاول كثر ما أقدر ما أضايقها ! )
ريون تنهدت ودمعت عينها: آآآآآخ حرااام يصيييير كل هذا بروون وهذا جزاها لأنها حبت فروس من صج ؟! والله ما تستاهل اللي قاعده تمر فييييييييه
وصلت بيت خالتها ونزلت من السيارة وقالت حق سايقهم: خلاص إنت روووح ولا يجي ياخذني ماما يجي
السايق: أوكي ومشى ريون طقت الجرس ونطرت على ما يفتحون الباب ولما فتحوووه دشت وسلمت على خالتها
هيا: عيل وين أمج روون ما قالتلج بنروح جوكلت بار ؟
ريون: إي إمبله بس أنا سبقتهم أهما بيون بعدين
هيا: إي أوكي
ريون: روون فوق ؟
هيا: وإهيا عندها مكان ثاني 24 ساعه فيه
ريون: لوووول خل أروح أشوفها
وراحت غرفة روان
دشت عندها لقت روان قاعده تكلم فواز
روان تكلم فواز: فوااااز مالك شغل بريييييليييي ضروووي
فواز: إيننننن اللي ما يتينن عليه حركات مليقه
روان: لوووول لو سمحت ريلي مو مليق ويهك المليق
فواز: لووووول إلسااااانج بقصصصصه
روان بدلع: ماااااا تقدرررررر
فواز نبرة صوته صارت هاديه: أدري ما أقدر
روان استحت
روان: فواااز أنا أكلمك بعد شوي لأن ريون يت بقعد معاها
فواز: أوكي سلمي عليها
روان: لووول يوصل بااااي
فواز: باااي وسكروه
روان تلتفت على ريون
روان: لووووول سؤااال ليش تنطميييين لما أكلم فوااااز ؟
ريون فصلت ضحك: لووووووووول أمبيه حتى إنتي لاحظتي
روان: لووووووول إي قبل كنتي تزعجيني وأنا أكلم فروس قرقة إنتو الأثنين وهوااااااش
ريون: لووووول عقلت صرت تكانه
روان: لوووووو إي خيييير أقول شلووونج إنتيييييي
ريون: لوووووووول جبييييييييي بس والله مادري ليش جذي بس مع فروس اللي كنت هبله وما أعرف أسكت ألحين مع فواز العكس
روان: لوووووول مالت عليج ما عندج سالفه
وروان قعدت تسولف عن جوكلت بار وإنها ما تدري شنو تلبس وريون سرحانه وبقلبها ( أمبيييه أقولها ولا لأ ! )
روان: ريوووون لا تسرحيييييييين قاعده أكلمممج شنووو ألبس هذا ولا هذا ؟!
ريون: ها مادري جنه البيج أحلى
روان ابتسمت وبينت لمعه بعيونها: أوكي راح ألبس هذا
ريون طالعت بنت خالتها وابتسمت وبقلبها ( ما راح أكلمها اليوم ما أقدررر أخرب وناااستها ومن زمان مو شايفتها تضحك يمكن إهي من صج قاعده تنسى فروس وتحب فواز ! أنا حاسه إنها بدت تحبه ! وأكلمها عن سالفة الشباب باجر ولا يوم ثاني بس ألحين ما أقدر )
روان: أقووول ريون شلون عبود اللي خذيتي رقمه بالمستشفى ؟
ريون: تمام إيننننن حددده زوغه
روان: لوووول حلو ؟
ريون: لووووول قمر
روان: لوووول أمبيه ما يصير تكلمين واحد وأنا مو شايفه شكله لازم أشوفه وأعطيج رايي فيه
ريون: لووووووووول طيري زيين المهم إن عاجبني أنا لوووول
روان: لووووول ماااالت زين منيييي بعطيج رايي
ريون: لوووول خليه حقج الا على طاري عبود خل أشبك يمكن شابك ألحين
روان: كا فوني يمج شبكي منه
ريون: أوكي
روان لبست وريون خذت تليفون روان وشبكت لقت عبود شاب قعدت تكلمه على ما يطلعون
عبود: إنتي ببيت خالتج قلبي ؟
ريون: إي
عبود: كلمتي بنت خالتج ؟
ريون: لأ حياتي والله ما قدرت أضايقها اليوم عيدميلادها ومستانسه وأنا من زمان ما شفتها مستانسه حتى اللمعه اللي بعيونها ردت أحسها أحسن من قبل...قبل كان يبين إنها متضايقه من عيونها ألحين شويه أحسن ! إنشالله أكلمها بالهموضوع مرة ثانيه لما أشوفها بس مو اليوووم
عبود: أوكي وقوليلها كل عام وإهي بخيييير ودام إنها مستانسه ألحين لا تكدرينها باجر أو أي يوم قريب كلميها
ريون: أوكي حياتي
عبود: إنتي قلتيلي إنكم بتطلعون ليش ما طلعتوا ليلحين ؟
ريون: كا شويه روانو قاعده تلبس وناطرة أمي وأخواني إيوون
عبود: أوكي لا تقزين إهناك عاد أدري إهناك كله القز على البدع
ريون: لووووول مااا أقز ليش أقز يعني ؟
عبود: لوووول مادري يمكن تدورين واحد أحلى مني
ريون: لوووول لا إنت عااااجبني
عبود: فدييييت اللي أنا عاجبهاااا
ريون استحت: فديييييتك إنتتتت
وقعدوا يسولفون شويه لما خلصت روان تلبس وأم ريون وأخوانها يو
( روان لبست كوت ثقيل لونه زيتي ومن ورى فرو بيج على الكبوس وتحته بلوزة شويه أطول لونها بيج ضيجه وجينز سكني غامج وبوت بيج وشيله سوده فيها خط شوارفسكي لونه بيج ومكياجمها خفيف كان طالع شكلها حددده كيووت )
( ريون لبست جاكيت لونه بنفسجي وتحته بلوزة شويه أطول لونها أسود وجينز أسود وبوت كعب أسود وشيله شوده فيها شوارفسكي ملون في بنفسجي )
ونزلوا تحت جان هيا تقول: جان دقيتي على خالتج لطوفه تيي معانا ؟
روان تذكرت فهود وبقلبها ( وييييي نسيت أقوله إيي أخاف يزعل ! )
روان: أوكي خل أدق على فهود أقوله أهو وخالتي لطوفه إييون
مسكت تليفونها ودقت على فهود
فهود: هلا وغلا
روان استحت: هلا فهود ويييينك ؟
فهود: بالبيت ليش ؟
روان: رايح مكان ؟
فهود: إي شوي وبطلع مع ربعي
روان ضاق خلقها شوي: أوكي خلاص عيل
فهود: ليش شنو بغيتي ؟
روان: إمممم بنروح جوكلت بار وقلت إنت مع خالتي لطوفه تيون معانا
فهود: أوكي خلاص أيي
روان: لوووول مو توك بتطلع ؟
فهود: لووول أكنسله عشانج هذا عيد ميلاد روان مو أي أحد
روان: لوووول خلاص قول حق خالتي لطوفه وتعالوا بسرعه
فهود: لا أمي معزومه اليوم طلعت
روان: لااااااا حساااافه إهي اللي تونسنا
فهود: مو تارس عينج أنا
روان: لووووول إمبله
فهود: خلاص أنا أيي أونسج أفا عليج لوووول
روان: لووول يلا بسرعه تعال لا تطول
فهود: كاني خالص لابس ألحين أييكم
روان: أوكي
فهود: باي
روان: باي وسكروه
نطروا فهود على ما يا
وطلعوا كلهم وراحوا بسيارتين
وصلوا البدع ونزلوا
دشوا جوكلت بار وقعدوا على طاوله وكانوا وايد لووول مشالله مسوين لويه
روان قعدت وريون على يمينها وفروح على يسارها وفهود جدامها ويمه حمود والباجي منتشرين على الطاوله
وأهما حدددهم لاهين بالسوالف والضحك كان حددده فصله
فهود: لوووووووووول تتذكرون بعيدميلاد حمود ببيت إيديده سوينا كلنا لما كنا قاعدين نبط بلونات
كلهم: لوووووووووول شخباااااااري
روان: لوووووووول ريون قعدت على البلونه عشان تنبط ومووو راضيه آخر شي حتى ما انبطت...انفشت لوووووول
فهود: لوووووووووووول إيييييي عفيه بلونه ناقزوا عليها ما انبطت
ريون: لووووووول خو مووو راضيه شنو أسووووي
فروح: لووووول بس خذينا زفففففففففه يووومها موووو صج
حمود: يااااا كثر ما ننزف إحنااااا
كلهم: لوووووووووول
فهود: عيل لما شتنا الكرة جان تطق الثريه
حمود: لووووووووول إيييي أمبيييييييه طاحووووا اللي كانوا معلقين بالثريه جان ناخذ لزاق ونلزقهم لوووووووول
كلهم: لووووووووووول بدعناااااااا
جان تيي كيكه وغنوا حق روان هابي بيرثدي
ريون حست إن كلام عبود صج إهي محتاجه أحد وإذا صارت هاليمعه دايما أنا متأكده إنها راح تنسى فروس وكل شي مضايقها
فهود خذا من يمه جيس وحطه جدام روان
روان: شنووو هذا ؟
فهود: لووول هديتج
روان: لوووول أمبيه فهود ليش كلفت على عمرك
فهود: تستاااهلينهاااا
ريون: أووووه أووووه لو سمحتوا إحنا قاعدين
فهود عطاها نظرة وبنفس الوقت استحى وضحك
روان طالعت فهود وضحكت
فهود بقلبه ( أحسها مستانسه ومن زمان مو شايفها جذي فدييييتها وفديت عيونهاااا ! )

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

لووووول كا هذا بارت طويييييييييل أمس واليوم قاعده أكتبه وفديتكم على متابعتكم ونطرتكم بنات والله ونستووووني فدييييتكم

 

[كاسبرينوو]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

هاي حبيباتي انشالله البارت عجبكم ؟
وسامحونا عالتأخير :hjy5jewf:

 

[fa6m al-s]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

وااااااااااااااااااااااااااااااااااي وناااااااااااااااااااسة فدييييييييييييييتج انا الحيين بقرا:ggdw::eh_s(6):