رواية انت بحري وانا اليم بقلم الكويتيه سموره[ روآيه مسمُوح بهآ ]

[ام حمادي309]

ويييه عسي مايطلقها خالد ومايدري انها حامل

مشكوره بعد عمرى على التعليق

بس تعتقدين يسويها خالد وطقها ؟؟​

 

[ام حمادي309]

البارت حلو
ومسكينه شيماء ماتستاهل ان خالد يطقها

مشكوره حبيبتي ام حمادي وناطرينج:nbvppw:

بيشوووو اشلونج حبيبتى ؟؟

اى والله ماتستاهل فديتها بس هم خالد مايستاهل تخلي وتروووووح

ان شاء الله على الليل انزل البارت​

 

[ام حمادي309]

مادري على شنو اعلق بالضبط

فرحت حييل حق شيمااء

ان شاءالله ترد حق زوجهاا


وناطرينج

مشكوره على تواجدج ومتابعتج لروايه

اميييييييييييين يارب انها ترجع

انتى شنو تعتقدين راح ترجع ؟؟

او خالد يطلقها ؟؟​

 

[ام حمادي309]

مشكوووووووووووووووووورة على بارت

العفــــــــــــــوا حبيبى

مشكوره على المتابعه​

 

[ام حمادي309]

واللــــــــه

ودي اكتب البارت الحين ونزله بس اول خل اشوف توقعاتكم شنو راح يصير فى البارت الياي


شيماء راح ترجع ؟؟

خالد راح يطلق شيماء ؟؟
​

 

[om norha]

مشكوره بعد عمرى على التعليق

بس تعتقدين يسويها خالد وطقها ؟؟​

حبيبتي العفو بس عندي احساس ان راح يطلقها عفية شوقتينا ناطرينج حبوبة:hjy5jewf:

 

[fato_kw]

اتوقع راح يطلقها

بس ماراح ينسى الحب اللي بينهم ولما يعرف انها حامل راح يتصالحون ويردها

 

[بنوتة عراد]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

اتوقع انه شيماء راح ترجع حق خالد
وناطرينج

 

[ام حمادي309]

مشكورين على التوقعات

البرات ان شاء الله على الساعه 5 انزله

ونشوف منو اللى توقعه كان فى محله ​

 

[ام حمادي309]

البارت الرابع والعشـــرين









شيماء : تتصل على خالتها ام خالد

الووووو قوه خالتى


رقيه: الله يقويج منو ؟


شيماء : خالتى انا شيماء


رقيه : هلا شيماء اشلونج وشلون اهلج


شيماء : تبجي الحمد لله كلهم زينين انتى اشلونج وعمي وكلكم زينين ؟


رقيه : شيماء رجعى تعالى تصالحي مع ريلج وخلو ابليس عنكم


شيماء : خالتى خالد رجع البيت عندكم خبر عنه ؟


رقيه : خالد دق من 4 ايام ويقول ان محتاج يقعد بروحه يتخذ قراره بروحه


شيماء : @@ خالتى قرار شنو ؟


رقيه : والله ما ادرى انتى تعالى وان شاء الله كل شى راح يتعدل


شيماء : خالتى يعنى خالد وين الحين ؟


رقيه : والله يابنيتى الله العالم عنه مارضى يقول اهو وين وحتى تلفونه مسكره


شيماء : خالتى انا احس انى ضايعه بدون خالد وما ادرى شنو اسوى وما ادرى ليش سويت جذى


رقيه : شيماء خالد غلط عليج وانتى بعد غلطي ومو معنى هذا انكم تبعدون عن بعضكم وصير مصيركم مجهول
انتى لازم ترجعين وتصلحون اللى بينكم


شيماء : خالتى انا ما اقدر اعيش اكثر من جذى وانا بعيده عن خالد


رقيه : وانا متأكده ان خالد اهو بعد مايقدر يعيش بدونج


شيماء : بعد عمرى خالد وقامت تبجى


رقيه : تهديها وتنصحها ترجع حق ريلها
وسكرو التلفون


سعد : دخل البيت يمه منو تكلمين ؟


رقيه : مرت اخوك شيماء


سعد : هاا بشرى بترجع

رقيه : والله ماقلت بس وعلي عليها تقطع القلب والله البنت هذى مسكينه
احس انها مكسوة الخاطر وبقلبها وايد كلام بس البجى يسبق كلامها


سعد : لاحول لله والله يمه شيماء بنت ناس ومتربيه


رقيه : الله يهديهم لبعض وهدى سرهم


سعد : يمه ترى اليوم كانت جلسة فاطمه


رقيه : ليش اهم موحكمو عليها خلاص


سعد : يمه هذا كان حكم درجه ثانيه اليوم كان حكم التميز


رقيه : عسى زادو الحكم عليها خل نفتك مها


سعد : لايمه مازادو الحكم طلعوها بعدم النطق بالعقاب وغرامه 2000 دينار


رقيه : والله هذى تستاهل يزيدون عليها مو يطلعونها خرابت البيوت


سعد : يمه كان المفروض يزيدون عليها بس انا تنازلة عن القضيه والحكم الى احكمو فيه كان الحق العام


رقيه : @@ انت تنازلة بعد ما سوت فيك وبخوك ليش تتنازل


سعد : يمه عفى الله عما سلف وان شاء الله يكون درس لها واحس انها تعلمت من الدرس
وطلبت منى اتعذر لها من خالد وشيماء


رقيه : الله يسمع منك ويعطيك على قد نيتك يارب


على الغدى الكل مجتمع


يوسف : عندى خبر لكم


عبد اللطيف : خير ان شاء الله


يوسف : يبه انا عرفت خالد وين


الكل @@


رقيه : خالد وينه شفته كلمته ؟


يوسف : لاماشفته ولا كلمته بس عرفت مكانه


سعد : وينه


يوسف : اليوم كان عندنا حملت تفتيش على مطاعم الفنادق وشفت سيارته واقفه جدام الفندق
سألة الرسبشن اذا عندهم نزيل اسمه خالد عبد اللطيف ورد وقالى اى عندهم وعطانى رقم الغرفه



رقيه : وليش ما صعد شفته وتطمنت عليه


يوسف : يمه ماحبيت ان يعرف ان عرفنا مكانه ويغري المكان اهم شى ان عرفنا مكانه


عبد اللطيف : زين سويت


الساعه 4 العصر

الخادمه : ماما فى ماما عند الباب يبيج


رقيه : منو ماما


الخادمه : هذى ماما اول يجى مع بابا قرقر واجد ويبجي


عبد اللطيف : رقيه خليها تدخلهم شوفى منو


رقيه نزلة


ام فاطمه بالصاله


رقيه @


ام فاطمه : مشكورين الله يعطيكم العافيه وقامت تتشكر لهم


رقيه : الشكر لله اهم شى ان بنتك تبعد عنا واذا صار مره ثانيه اى موقف مع بنتج ماراح نسامحها ابدا


ام فاطمه : اوعدكم ان ماراح تشوفون فاطمه بعد ولا لها علاقه فى ولدكم ومانبي منكم غير الستر
وانا حابه اقدم لكم هديه بسيطه على تنازلكم وطلعت ظرف من شنطتها


رقيه : اسفه مانقبل هدايا وهذا كنتى بتقدمين هديه هديتنا ان بنتج تبعد عنا
وارجوكم انسو عنوان بيتنا اللى بينا انتهى خلاص وعتقد ان كل واحد جذى اخذ حقه ومابينا الحين اى اتصال مع بعض


ام فاطمه : الله يستر عليكم سترو علينا وطلعت


بعد مامشت ام فاطمه الكل مجتمع

عبد اللطيف : زين ماسويتى اهم شى تنقطع علاقتنا فيهم


سعد : يبه اتوقع ان اللى صار كان لهم درس


يوسف : اتمنى ان درس وماينسونا


عند الباب



شيماء : @@ شافت ام فاطمه وهى طالعه من البيت وصعدت سيارتها ومشت
شيماء وقفت تطالعها وبعدها دخلت البيت



الكل @@


رقيه : شيماء @@


عبد اللطيف : @@ شيماء


شيماء : رحت ولمت خالتها رقيه وقامت تبجي


عبد اللطيف : كنت واثق ان عقلج كبير ومتفهمه


سعد : تو مانور البيت


يوسف : امل امل تعالى نزلى شوفى من وصل


امل : نزلة @@ شيووووووووووووووووم ولموووو بعض وقامو يبجون


الكل قعد


شيماء : خالتى ام فاطمه شنو كانت تسوى عندكم


الكل @@


رقيه : قالت لها السالفه


عبد اللطيف : ماتنلامين يابنيتى والله بس ان شاء الله فاطمه خذت درس فى عمرها ماتنسى
ومن اليوم انسى فاطمه وكل المشاكل وفتحى صفحه جديده مع زوجج


شيماء : عمي انا ما يتى الا انى ابي افتح صفحه جديده مع خالد تدرون ليش لان ماقدر اعيش بدون خالد
لو شنو صار خالد اهو الدم اللى يمشى بعروقى وبدون خالد ينشف دمي


امل : الله يخليكم لبعض يارب وديم المحبه بينكم ويبعد عنكم شر الناس


الكل اميييييييييييييين


شيماء : ما عرفتو خالد وينه وحشنى ابي اشوفه


عبد اللطيف : اليوم بس عرفنا وينه اخو يوسف عرف ان قاعد بفندق


يوسف : سبحان الله اليوم اللى عرفنا خالد وين بنفس اليوم انتى رجعتى
الله سخركم لبعض


شيماء : ابي روحله عفيه ابي اروح وحشنى وايــد


عبد اللطيف : اى لازم تروحين له وطيحين اللى بينكم وتدحرون ابليس عنكم


رقيه : يالله خل نروح له كلنا هم انا ولدى وحشنى وقامت تبجى


عبد اللطيف : رقيه شيماء بس اللى بتروح له بروحها وبتاخذ ما فى خاطره
وماترجع الا وهى معاه خليهم بروحهم يتفاهمون وحلون اخطائهم وايد كل واحد فيهم مشتاق لثانى
خل يكونون بروحهم احسن من نكون معاهم ونخرب عليهم لحظه حلوه


شيماء : قامت وباست راس عمها عبد اللطيف مشكور عمي


الكل كان سعيد فى الاقتراح اللى قاله عبد اللطيف وماعرض عليه احد


شيماء : اموووله اشلون البيبي


امل : تضحك ههههههههه يسلم عليج


شيماء : اشكثر باقى لج على شهرج


امل : انا الحين بنص الثامن يعنى نقول شهر ان شاء الله وشرف ولى العهد


الكل يضحك ههههههههههههههه


يوسف وامل يروحون يوصلون شيماء حق خالد بالفندق

وبالسياره شيماء كانت مرتبكه من ردت فعل خالد وشنو اللى راح يصير لما خالد يشوفها جدامه


امل : تضحك ههههههههههه والله شيوووومه ودى اكون موجوده فى هذى اللحظه الرومانسيه


يوسف : امل وانتى شكوووو


شيماء وامل : يضحكون هههههههههه على غيرة يوسف


شيماء : وايـــد مرتبكــه جنى اول مره بشوف فيها خالد


وصلو الفندق وعطى يوسف شيماء رقم الغرفه وكانت سيارت خالد واقفه عند الفندق


شيماء : رحت لرسبشن وتأكدة من وجود خالد بالغرفه وقدمة عقد الزواج لرسبشن وسمحو لها ان تصعد


شيماء كثر ماهى متشوقه حق خالد كثر مامانت مرتبكه من لحظة ردت الفعل
وصلة عند باب الغرفه


وسمعت صوت المسجل كان مرتفع

((أنت بحري وأنا اليم...يقولون اللي يقولون ... أنا بحبك متيم...خلي الحساد يموتون
انت في قلبي غالي ... لو عنك يسألون ... أنت بحري وانا اليم ... يقولون اللي يقولون
هذا حبيبك تحبه ... واللي قلبك على قلبه ... لا تخلون العواذل بينكم يفرقون
اثنين تجمعنا المحبه ...يغارون منا الاحبه ... حبي وأنا أحبه ...عذالي ما تفهموني
هذا حبيبك تحبه ... واللي قلبك على قلبه ... لا تخلون العواذل ... بينكم يفرقون
ان زعلت اهو يصالح ... وان خطا انا اسامح في شي ما تعرفونه اني أحبه بجنوني))


شيماء : ادمعت عينها وذكرة نفس الموقف وهى فى البحرين وهى تسمع هذى الاغنيه
كل يوم


شيماء : طقت الباب ومحد يرد


طقت مره ثانيه


خالد : سكر المسجل وفام فتح الباب


خالد @@ شيوووووومه


شيماء : خااااااالد


خالد : مسكها من ايدها ودخلها الغرفه ولمو بعضهم وكانت عيونهم تفيض من الدموووووع
وكل واحد يطلع مافى قلبه من لرومانسيه والشوق والوله
اكثر من ساعه وهم لامين بعض وكل واحد يقول لثاني مدى وحشته ولهفته وشوقه لثانى


















نهاية البارت








​

 

[fato_kw]

زيييين ما بغت شيووم ترد لبيتها

بس ان شاءالله تكون اخر مرة وما ترجع تسحب جنطتها وتسافر تقثني هالحركه لووول

ويتنغ ويتنغ ويتنغ البارت اليديد


وثااااانكيووووو

 

[om norha]

لوووووووول احساسي هالمرة غلطاوكي ياعسل ناااااااااااااااااااااطرينج

 

[دلوعة القادسية]

واااااااااااااااي حيااااااااااااتي


كمليهــا بلييز

 

[سارووونه22]

زين مابقو يردون حق بعض الله وناسة ربي يخليهم حق بعض
مشكوووووووووووووووووووورة على بارت ومادري ليش اتوقع انه فاطه ماراح تفكهم من شرها

 

[بنوتة عراد]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

اشوه انه توقعي طلع صح
فديتهم الله يخليهم لبعض ويبعد عنهم عيون الحساد
وناطرينج حبيبتي

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

وأخيرااااا ردوا حق بعض
مشكوووووووووره ع البارت

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

up
up

 

[rayona]

مــــــــــشـــــــــــــــــكـــــــــــــــــــورة وااااااااااااااايد على البارتات الروعه

والحمدالله ردووا حق بعض والله خنقتني العبره وانا اقرا البارت الي آخر واحد :eh_s(2):

نــــــــاطريــــــــــنـــــــج :tek:

 

[SanYorTa]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

ام حمادي دام ويك اند
نبي بااااااارت

 

[بنوتة عراد]

رد : رواية انت بحري وانا اليم بقلم الكويتيه سموره[ روآيه مسمُوح بهآ ]

ام حمادي ناطرينج