رواية انت بحري وانا اليم بقلم الكويتيه سموره[ روآيه مسمُوح بهآ ]

[ام حمادي309]

حلووووووووه الروايه يالله انا متابعتج بعد

اهلين يا قلبي مو سهله

عيوونج الحلوووة
يشرفني تواجدج​

 

[ام حمادي309]

حبيبتي مــــــــــشكوره وايد ع القصه

لكن حرام عليج مندمجه وايد بالقصه وافجج اعيوني ع الشاشه واتابع لدرجه انه بنت اختي لصغيره تقولي خالتي ليش وانت ع النت تبتسمين قلتلها منسجمه بالقصه

ياريت تكملينها ارجوووووووووووووووووووووووووووووووووووووووج

وتحياتي لج

اهلين يا قلبي
الشكر لج على تواجدج بروايتي
ههههههههههههههههه يحليلها الله يخليها لكم
من عيووووووووني اللحين انزل لكم بارت​

 

[ام حمادي309]

اللحين بنزل لكم بارت

قرااااااءة ممتعه للجميع
وممكن يكون في بارت ثاني الصبح ان شاء الله

حيااااااااكم الله
انتظر ردووووودكم​

 

[ام حمادي309]

البارت الرابع


تم تحديد يوم الخميس ان يزورون اهل خالد اهل شيماء فى سكنهم
ويتفقون على كل الامور

اليوم الخميس الساعه 6 المغرب

خالد وامه وابوه واخوه راحو حق اهل شيماء

خالد : يطق الباب

ابو شيماء : يفتح الباب يا هلا والله حياكم زا رتنا البركه ودخلهم الصاله

رحيمه ام شيماء قعدت مع ام خالد وتعرفو على بعض
وخالد وابوه وابو شيماء قاعدين مع بعض وهم الكل يتعرف على الثاني

رقيه : وين العروسه مل شفنها

رحيمه : خل اروح اناديها راحت رحيمه حق شيماء يالله الناس تنطر يبون يشوفونج

شيماء : يمه استحتى اطلع

رحيمه : طلعي بس بدون دلع

شيماء : يمه والله استحى موقف صعب

رحيمه : يالله انا بروح اقعد معاهم وانتى طلعى بعدى مو تفشلينى

شيماء : ان شاء الله يمه

طلعت رحيمه بعدها بشوى طلعت شيماء سلمت وقعدت يم امها

خالد وامه : @@ بهرهم جمال شيماء

رقيه : تعالى قعدى يمى وين قاعده يم امج

شيماء : ان شاء الله خالتى

رقيه : قامة تسئل فى شيماء ما خلت شى الا وسئلتها عنه
وشيماء ترد عليها

رحيمه : خالد ولدى ماسمعنا صوتك

خالد : هلا عمتى

رحيمه : انت وين تشتغل وقامت تسأله بوووووبل من الاسئله

ولما الكل خلص اسئلته اتفقو على موعد الملجه
وحددو تكون الملجه والعرس بيوم واحد بعد شهر على ما خالد يجهز اوراق اذن الزواج
من دوامه

وسلمو على بعض وطلعو

بالسياره

رقيه : خالد والله عرفت تختار صج البنت حلوه وايد واخلاقها وايد زينه
واهلها مبين عليهم ناس طيبين على نياتهم

عامر ابو خالد : الله يتمم عليكم بالخير

خالد : امييين

وصلو البيت

رقيه ام خالد : قامت تمدح بشيماء وجمالها واخلاقها جدام يوسف وسعد والبنات

سعد : والله يايمه شوقتينا نشوف اختيار خالد ولو انى مو موافقه على هذا الزواج بس
كل واحد ونصيبه

امه رقيه : والله البنت مبين عليها زينه بس لو كانت كويتيه جان زاد حلاها
يالله كل واحد ما ياخذ الا نصيبه

اليوم الثاني الصبح

خالد : اتصل على شيماء لوووو صباح الخير يا عمرى

شيماء : صباح النور

خالد : وينج رايحه الجامعه

شيماء : انت وينك ؟

خالد : رايح الدوام اقولج اليوم انا بمر عليكم المغرب عشان المهر
عاد خل اشوفيج

شيماء : تضحك ههههههه ماظن

خالد : انتى عاد الحين قولى حق اهلج انى اقدر اشوفج اكلمج
على الاقل نكون عرفنا بعض اكثر

شيماء : اوكيه بقول حق امي

خالد : اى ضرورى تقولين لها صج اهم متى بروحون البحرين ؟

شيماء : باجر

خالد : افاا ليش بسرعه جذى

شيماء قالت حق خالد ظروفهم فى البيت وانهم كلهم بنات من ام وحده
ومايقدرون يطولون عليهم وايد وان علاقتهم باخوانهم من ابوهم شبه مقطوعه
وقالت له كل شى يتعلقه بحياتهم وان اهم ناس على قد حالهم ماعندهم غير معاش ابوهم
التقاعدى وماعندهم اى مصدر ثاني يعنى قالتهل اشياء تخص بيتهم عشان خالد يتفهم وضع بيتهم
قبل لا يتم الزواج


خالد: اهلج اعتبرهم مثل اهلى واى شى قاصرهم ماراح نتأخر عنه
وانتى لازم تساهمين فى مستقبل خواتج باللى تقدرين عليه انا ماراح اخليج
تقصرين عليهم بشى كلش

شيماء : اعجبت فى موقف خالد وكلامه وتفهمه حق بساطة عيشتهم
تدري خالد انت رجال رقى فى اسلوبك وتفهمك انا ما كنت احلم بزوج مثلك

خالد : يابعد عمرى هذا بنظرج

شيماء : ياعل عمرى فداك

خالد وشيماء حبو بعض بدرجه قويه وبفتره قصيره
صار كل واحد ما يقدر يستغنى عن الثانى وكل واحد حس ان لقه نصه الثاني
المفقود

شيماء : خالد انتى بحري

خالد : انتى اليم

الساعه 5 المغرب

فى سكن شيماء

شيماء : يمه اليوم خالد دق على وكلمنى

رحيمه : شنو قالج ؟

شيماء : يمه قالى عشان اليوم الساعه 7 يبي يجى ايب لكم المهر
تدرين يمه انا وايد ارتحت حق خالد وحس انى لقيت الرجال المناسب

رحيمه : ليش ما مداج تكلمينه

شيماء : يمه انا قلت قبل لا نرتبط بالزواج لازم خالد يعرف عن حالنا كل شى
عشان ماينصدم بعد الزواج بحالنا

رحيمه : @@ وشنو قال ؟؟

شيماء : يمه كان رجال وايد راقى فى اسلوبه وكلامه المنطقى
وقالت لها كل اللى قاله خالد

رحيمه : الله يتمم بينكم بخير ويسعدكم ان شاء الله

شيماء : امييين يارب يمه انا ترى راح اكلمه احنا لازم نتعرف على بعض اكثر
فى هذى الفتره

رحيمه : اهو باين عليه خوووش رجال كلميه بس دربالج

شيماء : ان شاء الله يمه

خالد يطق الباب ويفتح الباب ابو شيماء

عامر : هلا ولدى خالد حياك تفضل

خالد : باس راسه ودخل وقام يسولف معاه وقبل لايطلع قدمله المهر وسلم وطلع

اليوم الثاني

خالد : اتصل على ابو شيماء واصر ان اهو يوصلهم المطار وافق ابو شيماء

خالد وشيماء وابو شيماء وام شيماء فى سياره وحده رايحين يوصلونهم المطار

وبالسياره

ابو شيماء عامر : يوصى خالد على شيماء وان يخاف عليها
وقوله حالو انك ماتسبب حق شيماء باحراجات دام انتم توكم ماتزوجتو

خالد : اى فاهم قصدك عمي لاتحاتى شيماء فى عيونى واللى يعيبها يعيبنى

وصلو المطار ودعوهم ومشو وكانو مطمنين على بنتهم شيماء مع خالد

خالد وشيماء رجعو مع بعض فى سياره وحده

خالد طلب من شيماء ان يتعشون مع بعض
شيماء عارضة فى البدايه وبعد اقناع من خالد وافقت وراحو يتعشون فى مطعم ميس الغانم
وهناك طبعا كل واحد قام يقص قصته على الثانى ويضحكون وكان هذا اللقاء زاهم
الحب والشعور بطمئنينه على حياتهم المستقبليه


باقى على الملجه اسبوعين

خالد حجز صاله لرجال وصاله لنساء
وقام بتوزيع بطايق العرس على كل معارفهم واخوانه وخواته قامو يوزعون البطايق
على اقاربهم واصدقائهم ومعارفهم

اسبوع باقى على الملجه


اربع ايام باقى على الملجه


يومين باقى على الملجه

يوم واحد باقى على الملجه

اهل شيماء وصلو الكويت

اليوم الملجه

شيماء فى الصالون

خالد مع ابوه وابو شيماء واخوانه والمعازيم فى الصاله
والعارضه تشيل وتشدخ

والحريم فى صالة الحريم
والطقاقات تحمي طيرررررررررررانها

وكانت ليلله من عمرهم ماينسونها
من احلى الليالي فى حياتهم



وتم الزواج


خالد + شيماء = حب للابــــــــد







نهــايــة البارت





​

 

[ام حمادي309]

ووووووووووووين الردووووووووووووووووووود


خلالالالالالالالالاص زعلـــــــــــــــــــــــــــــــــيت

 

[حورو الحلوة]

مشكورة حبيبتي على الرواية ، الرواية واايد حلوة ناطرتج:eh_s(6):

 

[بيـــشو17]

يسلموووو البارت رووعه:blueSmCLR:
الله يووفقهم يارب:hjy5jewf:

 

[ام حمادي309]

مشكورة حبيبتي على الرواية ، الرواية واايد حلوة ناطرتج:eh_s(6):

هلا و غلا حبيبتي
تسلمين يا الغاليه

مشكورة على التواجد بروايتي​

 

[Sara.M]

وااايد حلوه الروووايه : ) .؟... يعطيج العافيه
ناطرييينج

 

[ام حمادي309]

يسلموووو البارت رووعه:bluesmclr:
الله يووفقهم يارب:hjy5jewf:

اهلين حبيبتي
من ذووقج
شاء الله اجمعين ان​

 

[ام حمادي309]

وااايد حلوه الروووايه : ) .؟... يعطيج العافيه
ناطرييينج

هلا حياتي

عيوونج الحلووووووة
من عيووووني الحين انزل بارت​

 

[ام حمادي309]

البارت الخامس



بعد العرس


خالد وشيماء زفوهم للفندق راح ينامون فيه ليله وحده


بالفندق

خالد وشيماء بروحهم الاثنين كانو يتمنون اليوم اللى يجمعهم تحت سقف واحد

شيماء : حدهااااااا منحرجه من خالد وجنها اول مره تشوفه

خالد : يتحرش فيها ويتغزل فيها مو مصدق انا قمر فى غرفه شلون صارت

شيماء : خلود بس عاد والله ترى حدى مستحيه

خالد : يضحك تدرين عاد هم انا مستحى منج جنى اول مره اشوفج
بس لازم اكسر حاجز الحياء بينى وبينج

شيماء : خالد والله هذا احلا يوم فى حياتى
بخليك طوووول عمرك ما راح تنسى هذا اليوم

خالد : ومن قالج انى راح انسى هذا اليوم ولا باجر بعد مسويلج مفاجئه ماراح تنسينها

شيماء : شنو المفاجئه خلوود

خالد : هذى مفاجئه اشلون اقولج ماتصير مفاجئه

شيماء : عاد حبيبى خلود قولى عاد عاد

خالد : اوكى اقولج بس بشرط ويضحك ههههههه

شيماء : شنو الشرط والله الفضول تملكنى موافقه على شرطك قبل لاعرفه بس قولى

خالد : صج موافقه عيل الشرط وبعدين اقولج المفاجئه

شيماء : احلف تقولى بعد الشرط

خالد : والله اقولج بس موافقه على الشرط

شيماء : وانا اقدر ما اوافق شنو الشرط

خالد : يغطى شيماء فى الديباج وكان هذا اهو شرطه ( مولازم اقول الباقى انتو تعرفونه )

بعد فتره

شيماء : نايمه على صدر خالد حبيبى جنك نسيت تقولى المفاجئه

خالد : حبيبتى باجر الساعه 2 الظهر طيارتنا على قبرص

شيماء : وى خلود حبيبى والله فاجئتنى ونااااااسه تدرى عمرى انا عمرى ما سافرة غير
جيتى اهنى الكويت

خالد : بعد عمرى راح اعيش معاج احلا ايام عمرنا وبحاول اسعدج بكل لحظه ودقيقه

شيماء : خلووو حبيبي انا عندى جامعه بنطول هناك

خالد : لا حبيبتى انا عارف ان عندج جامعه ومن جذى سفرتنا بس 4 ايام

شيماء : يا بعد عمرى خلود الله لايحرمنى منك يا عمرى

خالد : الله يا حلوها طالعه من حلجج

شيماء : شنو اهيه

خالد : كلمة عمرى

الصبح الساعه 10

يطق باب الغرفه وكانو نايمين

خالد : يفتح الباب هلا عمي حياك هلا عمتى

عامر ابو شيماء : والله ادرى ازعجناكم بس جينى نسلم عليكم
طيارتنا الساعه 12 الظهر

خالد : افااا لاتقول جذى ياعمرى انتو عطيتونى اغلا واجمل هديه
ازعاجكم بالنسبه لى احلى راحه

رحيمه : خالد ولدى وين عيل العروسه

خالد : نايمه دخاى لها الغرفه قعديها

رحيمه : اى اكيد بقعدها ريلها قاعد وهى نايمه
وراحت قعدتها وطلب خالد من الروم سيفتى ريوق وتريقو
واتصلو على التاكسي يجيهم

خالد : @@ حلف عليهم ان اهو يوصلهم ومايروحون بتكسى

عامر ابو شيماء : رفض وماحب يطلعهم فى نهار عرسهم
واصرت بعد رحيمه انهم مايطلعون

شيماء : خلاص خالد خلهم على راحتهم انا اعرف امي وابوى
اذا حطو براسهم شى ما يتنازلون عنه

الكل يضحك ههههههههههههه

وسلمو عليهم ومشو

خالد وشيماء خذولهم دووور غزل وحب وكانو حيييييييييييييل طاااااايرين فى بعضهم
ما شاء الله عليهم

الساعه 12 الظهر

سلمو الغرفه وراحو بيت اهل خالد

فى بيت اهل خالد

كان الكل موجود وقاعدين بالصاله يسولفون

ودخلو خالد وشيماء عليهم

السلام عليكم

الكل وعليكم السلام

سعد : حي الله معاريسنا

رقيه ام خالد : ما شاء الله عليكم لايقين على بعضكم

شيماء : مشكوره خالتى

عبد اللطيف ابو خالد : عاد بعد لازم تغدون معنا

خالد : يبه والله كان بودنا بس تدرى انا حاجز طيارتنا الساعه 2
بنسلم عليكم وبنروح المطار يالله يمدينا نتغدى بالمطار

عبد اللطيف ابو خالد : اى صح والله راح عن بالى سفركم

يوسف : زين خل نوصلكم

خالد : لا يا خوى ما يحتاج بنروح بسيارتنا ماتقصر خيرك سابق
وصعد خالد غرفته جاب له هند باك فيها شوية ملابس ونزل

رقيه ام خالد : خالد وزوجتك بتروح وين شنطتها

خالد : لا يمه اهى بتقعد 3 ايام بنفس الملابس ماراح تغيرهم

الكل يضحك ههههههههههههههههه

خالد : بجيب لها احلا الملابس من هناك

الكل الله يوفقكم ودوم عليكم السعاده

خالد : توصون بشى

الكل نبيكم سالمين

خالد : من اوصل ادق عليكم اطمنكم

وسلموووو وطلعوو


بالسياره

شيماء : تدرى حبيبى وايد مستحيه من اهلك وايد طيبين

خالد : وانتى طيبه باجر تعودين عليهم وحنى ساكنين عندهم

شيماء : ان شاء الله والله اهلك بعيوووني ياخالد

خالد : وانتى بعيونى يا عمرى انتى

وصلو المطار قصو البوردنق وقعدو يتغدون فى المطعم بالمطار
على ما يجى موعد فتح البوابه

خالد : احس الناس كلها تطالعنا مادرى ليش

شيماء : تضحك ههههههه اى مبين علينا عرسان جداد عرسان امس

خالد : يضحك هههههههههه

تم فتح البوابه قامو ودخلو الطياره


فى بيت عبد اللطيف

رقيه: تكلم عبد اللطيف خالد وحشنى ما عمره غاب عنى

عبداللطيف : يا ام يوسف اشدعوى تو ما صار له حتى 6 ساعات من مشى

رقيه : اى بس انا ما اقصد انه مشى من 6 ساعات اقصد ان راح يغيب عنى
ويلها مع زوجته

عبد اللطيف : الله يجمعهم بخير وسعاده وهم بعيشون عندنا فى البيت مو طالعين من البيت

رقيه : والله اتمنى له كل خير

في قبرص

خالد وشيماء مرت عليهم الثلاث ايام وكنها 3 دقايق
كانت ايام رومنسيه حلووو طلو هذى الايام ما شعرو فيها غير بالحب والوفاء
والسعاده ايام من عمرهم ماينسونها فى قبرص مرت الثلاث ايام بثلاث دقايق
واليوم يرجعون الكويت

بالكويت كان فى استقبالهم فى المطار

كل اهل خالد

وهم طالعين من البوابه

خالد وشيماء @@ شافو الاستقبال وهم ما كان فى بالهم ان احد يستقبلهم لانهم
رايحين بسيارتهم المطار

كانت فرحة خالد وشيماء فوق ماتصورون لما شافوهم باستقبالهم

شيماء حست انها راح تعيش عيشه سعيده مع هذى العائله ونه
مثل ما لها اهل فى البحرين لها اهل فى الكويت

وعاشة شيماء مع ريلها فى بيت اهل خالد وتأقلمت على العيشه معاهم
وحبت اهل خالد وايد وهم حبوها وعاشو حياتهم بحب ومحبه

بعد اربع شهور من زواجهم

شيماء حامل الكل فرح فى هذا الخبر

يوسف وزوجته امل فرحتهم بحمال شيماء كانت لهم فرجه بس فرحه بطعم يخلف
بطعم اليأس من انهم يشوفون ضنى لهم

امل : يوسف بقولك شى بس عفيه لاتفهمنى غلط

يوسف : قولى حبيبتى شنو فيه فيج شى

امل : حبيبى انا ادرى انك انت كثر فرحتك بحمال مرت اخوك شيماء
وان اخوك بصير اب وانت متزوج قبله ب 5 سنوات للحين ما عندك ولد او بنت تحمل اسمك
وحنى سوينا كل شى بس الامل مفقود
انا قررت

يوسف : يحط يده على حلج امل وسكر حلجها لا لاتكملين
ما ابي اسمع منج الباقى

امل : ترفع ايد يوسف وتقوله بس انت لازم يكون لك ولد
وانا موقادره احقق لك هذا الشى انت لازم تتزوج

يوسف : امل حبيبتى اللى قلتيه ما ابي اسمعه مره ثانيه
لازم تعرفين ان الله كبير ومافى شى مستحيل على الله وحنى تونا فى اول حياتنا
مو معنى ان تأخر الحمل 5 سنوات ان ما راح تحملين لا تيأسين من رحمة الله

امل : تبجى وتلم يوسف

شيماء وخالد طايرين بالفرحتهم وخصوصا ان شيماء اخلصت
السنه الثالثه من الجامعه تفوق وتستعد السنه الجايه انها تنهى دراستها الجامعيه اخر سنه

خالد : شرايج نروح نزور اهلج ونقعد عندهم جم يوم هناك
دام انج خلصتى الجامعه وانا قاعد فى اجازه

شيماء : حبيبي ما اقدر شرايك لو نجيب اهلى كلهم الكويت
اهم يقعدون معنا وبالمره نلفهم الكويت كلها اهم ما شافو شى بالكويت

خالد : والله هم فكره حلوو خلاص دقى عليهم
وقوليلهم خل اطرش لهم تذاكر

شيماء : الله لايحرمنى منك حبيبي
وقامت وهى طااااااايره من الفرحه اتصلت على اهلها

شيماء : الوووو قوه يمه

رحيمه : هلا حبيبتى شيماء اشلونج وشلون خالد واهله كلكم زينين

شيماء : اى يمه كلهم زينين يمه بقولج شى بس عفيه لاتقولين لا ابي توافقين

رحيمه : شنو اشعندج

شيماء : يمه خالد يبي يحجز لكم كلكم تذاكر حق الكويت

رحيمه : لا يمه فشله لا مانبي نكلف عليج وعليه

شيماء : لا يمها عاد عاد تكفه

خالد : اخذ التلفون من شيماء
قوه عمتى اشلونج شوفى انا ما راح اخذ رايكم مثل شيماء انا الحين رايح احجز لكم كلكم بدون استثناء

رحيمه : الله يجمع بينكم بالخير ووفقكم يارب خلاص بعد دام السالفه امر بعد شنو نسوى
بس متى بتحجز

خالد : شوفو اى يوم يناسبكم والحين اروح اجز التذاكر

رحيمه : خالها على الاسبوع الجاى

خالد : ان شاء الله عمتى وسكر التلفون

خالد وشيماء رايحين يحجزون التذاكر









نهــــاية البارت


​

 

[توتا كويتيه]

حبيبتي توني قريت القصه
خوش قصه
وننطرج بالبارات الياي

 

[بيـــشو17]

الله يوفقهم يارب
مشكوره على البارت الحلو

 

[Tom ♥ Jerry]

.


واااو الأحدآث عجيييبه و القصه اتينن =)

تسلمين حيآآتي و تسلم آيدج عالـ روآيه !

و نآطرين البآرت الياي ..

 

[مـ سهله ـو]

يعطيج العافيه حياتي الروايه حدها تينن وما شاء الله عليج ما تقصرين بالبارت ويالله ناطرينج :*

 

[ام حمادي309]

البارت السادس


خالد وشيماء
بالمطار يحجزون حق اهل شيماء

خالد : ماسك بيد شيماء ويمشون بالمطار
وهم رايحين لمكتب السفريات يصادف خالد فاطمه اللي كانت تربطهم علاقه قبل الزواج
خالد يرتبك وغير مسار خطواتهم لمكتب السفريات وقام يقطع بالحجى مع
شيماء وهو يعرف فاطمه انها مبلتعه بالحجى ويمكن تسبب له بموقف مع شيماء

شيماء : خالد اشفيك المكتب هناك ليش غيرت الطريج

خالد : لالا حبيبتى ما...ما...فى شى بس محتاج اروح الحمام

شيماء: خلود اشفيك حتى مو عارف تصف الكلام

خالد : شيماء انتى قعدى اهنى على الكرسى انا بدخل الحمام ورجعلك

شيماء : ان شاء الله حبيبي

قبل دخول خالد الحمام

فاطمه : قوه خالد

خالد : الله يقويج

فاطمه : منو هذى الحلوه اللى معاك

خالد : هذى زوجتى

فاطمه : لا تزوجت من متى ؟

خالد : من فتره تقريبا بندخل بسنه

فاطمه : خالد تذكر ايامنا قبل كانت حلوه صح

خالد : ها.. هأأ فاطمه ياريت ما تذكرينى فى هذى الايام وانا ندمان على اثامها

فاطمه : اشدعوى الحين معرفتنا كانت اثام

خالد : اى عيل شنو تسمينها

فاطمه : خالد انت مثل ما انت ما تغيرت كله تجرح بالحجى بدون لاتحس

وهم يسولفون وطولو بالكلام

شيماء : حست ان خالد طول عليها راحت تبي تمر تشوفه
هى رايحه صوب دورة المياه

شيماء : @@ شافت خالد مع فاطمه وهم يسولفون
شيماء وايــــد انصدمة من اللى شافته وكان الموت عندها اهون من اللى شافته
شيماء احبست دمعتها فى عيونها ورجعت وقعدت على الكرسي

فاطمه : شوف خالد انت تزوجت بس انا مستحيل انسى احلا ايام عمرى معاك
والحين قدامك يا ام تعطيننى رقم تلفونك او بروح حق الحلوه زوجتك وبقول لها على كل سواد وجهك

خالد : انتى حقيره وانا ادرى اذا حطيتى شي براسك دائما تكون العواقب لاتحمد عقبها

فاطمه : زين والله تذكر يعنى يالله اشوف عطنى رقمك

خالد : سجلى الرقم

فاطمه : لا هذى ماتمشي على انت دق على مبايلى وانا راح اسيف الرقم

خالد : شوفى انا بامكانى انى ما اعطيج رقمى بس لو لا خوفى من افعالج
جم رقمك

فاطمه : قالت له الرقم

خالد : اتصل عليها مس كول من مبايله

فاطمه : اى الحين روح حق الحلوه

خالد : اوكى شوفى اذا دقيتى وكلمتك على انك انتى واحد من ربعي
عرفى انى ماراح اقدر اواصل معاج المكالمه

فاطمه : اى جذى انت تعجبنى سيوووووو

خالد : راح حق شيماء اسف حبيبتى طولت عليج

شيماء : ترفع راسها وتطالع خالد بنظره اول مره خالد يشوفها من شيماء
لا ما طولت اخذ راحتك حتى اذا تبي تروح تكمل ماخلصت روح عادى انا اطرك اهنى

خالد : شيماء حبيبتى اشفيج

شيماء : لا مافينى شى سلامتك

خالد : بس انا احس انج فيج شى

شيماء : ليش انت مسوى شى ؟؟

خالد : هاا ..هاا انا لاماسويت شى
يالله حبيبتى قومي نروح نحجز حق اهلج التذاكر

شيماء : لا خلاص ما نبي ما نبي نحجز حق اهلى ابي تحجزلى انا بروح البحرين

خالد : @@ شيوومه ليش احنا وعدناهم

شيماء : خالد يكفى عاد انا ابي اروح البحرين ابي ازور اهلى فيها شى

خالد : @@ حس ان شيماء شافته مع فاطمه
ان شاء الله حبيبتى الحين نروح نحجز لى ولج نروح احنا نزورهم

شيماء : لا خالد انا ابي اروح بروحي

خالد : يا عمرى انا خليتج مافيج شى شنو اللى غيرج جذى

شيماء : انت تدري ليش ما تدرى ؟؟

خالد : انا لا ما ادرى عن شى انا ضايقتج بشى ؟

شيماء : لا حبيبي وانت تعرف تضايقنى
انت من عرفتك وعمرك ما ضايقتنى بس لما تحب تضايقنى تذبحنى مره وحده

خالد : @@ شيومه حبيبتى اسم الله عليج ليش تقولين جذى

شيماء : خالد ممكن تحجز لى التذكره وياريت لو فى حق اليوم احسن بعد

خالد : اليوم !!

شيماء : لو سمحت

خالد : اوكى بس انا ماراح اخليج راح احجز لى معاج

شيماء : خالد اقولك انا ابي اروح بروحى

خالد : انشاء الله عمرى بحجز لج بروحج بس انا يومين وكون عندج

شيماء : ان شاء الله

خالد حجز تذكره حق شيماء على طيارة باجر الساعه 10 الصبح

بالسياره

شيماء : خالد قبل لا اروح ماودك تقولى شى

خالد : اى والله ودى اقولج شى

شيماء : اى قول شنو تبي تقول

خالد : شيومه انا احبج وايد وايـــد

شيماء : وانا بعد وايـــــــــد وايــــــــــــد احبك
ما ادرى اشلون راح اعيش بدونك

خالد : لا انشاء الله ماراح تعيشين بروحج كلها يومين وانا عندج
واذا تبين اجى معاج والله هم اتمنى

شيماء : اه يا خالد ياريت تعرف اشكثر غلاك فى قلبى
بس اخ

خالد : سلامتج حبيبتى من الاخ وانتى والله غاليه فى قلبى
لج معزه مايشيلها بحر يابحرى انتى

شيماء : اه ياليم ونزلت راسها وبجت

خالد : حبيبتى اشفيج احسن ان فيج شى كبير وخاشته عنى

شيماء : اشويه كلمة كبير على اللى في قلبى ياخالد

خالد : زين ليش ماتقولين لى شنو فيج يا عمرى

شيماء : لا تشيل هم انا اداوى روحى بروحى

خالد : ليش وانا وين رحت

شيماء : انت بالقلب الله يشهد

خالد : يابعد قلبى انتى

وصلو البيت قبل نزولهم من السياره
تلفون خالد يرررررن

خالد : شاف الرقم ونقلب وجهه

شيماء : منو ليش ماترد ؟

خالد : لا واحد من الربع بعدين اكلمه

شيماء : تبينى انزل عشان تاخذ راحتك بالكلام معاه

خالد : اوكي عمرى انتى نزلى انا بروح الجمعيه وكلمه ورجع

شيماء : @@ عيونها تقوووورق من الدموع تنزل وتسكر الباب

خالد : يمشى ودق على المتصل عليه
وكان المتصل فاطمه خالد الوووو انتى ماتدرين انى طالع مع زوجتى ولا تعمدين انج
تسوين لى مشكله

فاطمه : ما ادرى عبالى وصلتو البيت ما كنت اقصد

خالد : زين شنو تبين

فاطمه : ليش اسلوبك جذى اطر منك انا شنو يعنى شنو تبين ابي اسولف معاك بس
وحشتنى

خالد : فاطمه ياريت ما تسويلى احرجات مره ثانيه وحاولى اذا بدقين تختارين وقت مناسب

شيماء : تدق على خالد وتشوف انتظار
ومايرد عليها وزادت بالبجى فى غرفتها

خالد : بعد ساعه ونص تقريبا يرجع البيت
وكانت شيماء متصله عليه مو اقل من 7 مرات وتلفونه انتظار ومارد عليها

خالد : يدخل البيت

كان فى البيت فى الصاله
امه خواته ومرت اخوى يوسف

خالد : السلام عليكم

الكل وعليكم السلام

رقيه ام خالد : خالد اشفيها مرتك دخلت من بره على طول صعدت فوق بدون حتى لاتسلم علينا
شنو فيكم شى متزاعلين ؟؟

خالد : لايمه مافينا شي انا بصعد اشوفها

خالد: يفتح باب الغرفه على شيماء وشوفها ميته من البجى
وقاعد يسكتها وحاول يعرف شنو فيها ما كانت ترد عليه
غير انه مافيها شى تعبانه حاسه بضيقه فى نفسي

شيماء : خالد انا تعبانه ابي انام ممكن تخلينى انا

خالد : اشلون عمرى اخليج تنامين وانتى جذى تعبانه

شيماء : خالد راح ارتاح لما انام

خالد : على راحتج عمرى انا بنزل اقعد مع امي تحت اخليج ترتاحين
طلع وسكر الباب عليها

سعد : كان توه داخل من بره اول ما شاف خالد نازل من فوق
هاا خالد امي تقول القيامه قايمه عندكم ويضحك ههههههه

خالد : لا يا خوى مافى شى بعد تدرى امي تحب تكبر السوالف شوى

سعد : قعد جنب خالد هاا ياخوى شكلك موعاجبني فيكم شى صج ؟؟

خالد : علاقته مع سعد مو بس اخوان اكثر من الاخوان بعد
وكانت اسرارهم كلها وحده

خالد : والله سعد ما ادرى شنو اقولك اليوم صار شى
وحس ان شيماء اعرفته بس مو راضيه تقول

سعد : خير ياخوى شنو صار عسى ماشر
لا يكون شى يسود الوجه

خالد : يتنهد اه اه اه اه















نهايـــة البارت

 

[ام حمادي309]

حبيبتي توني قريت القصه
خوش قصه
وننطرج بالبارات الياي

اهلين حبيبتي

حياااج الله​

 

[ام حمادي309]

الله يوفقهم يارب
مشكوره على البارت الحلو

اجمعين حبيبتي

يسلمووو على المرور​

 

[ام حمادي309]

.


واااو الأحدآث عجيييبه و القصه اتينن =)

تسلمين حيآآتي و تسلم آيدج عالـ روآيه !

و نآطرين البآرت الياي ..

هلا حبيبتي

مشكووورة كلج ذووق​