*رواية حصرية للكاتبة (ودع مآحبكم) : (عليج ضحكه تزلزل آركآن عشقي)

[تمرة]

كملي انا متابعة يديدة

 

[تمرة]

اب اب اب اب اب اب اب اب
اب اب اب اب اب اب اب اب
اب اب اب اب اب اب اب اب
اب اب اب اباب اب اب اب
اب اب اب اب اب اب اب اب

 

[ودع مآحبكم]

البارت السادس عشر :
وصل المستشفى و كان يصرخ على الممرضات انهم اييبون سرير حقها , واهوا كله دم وشايل دلال بين ايديه , يابو لها سرير و دشوو العناية المركزة على طول ..
تسند على الطوفة ينطر و اهوا خايف انها تموت .. تذكر ان لازم يدق على اهلها ..
راح سيارته و فتح جنطتها , و انصدم ان في 3 تلفونات داخل الجنطة .. ما لقى الا واحد مافيييه باسوورد .. فتحه و اول اسم طلعله ( شهد ) دق عليه ..
بعد عشر ثواني ردت
شهد : دلوووووول يا شقووول ناطرينج البنات وروان يايه عشان تشوفج من زمان ما شافتج وانتي تمشين على بيض ماصارت سوق ..!!
... : الو السلام عليكم ,, ؟؟
شهد اخترعت : بسم الله منو انت لحظة ليكون رقم غلط..؟؟
... : لا اختي لا رقم غلط ولا شي ,,
شهد : عيل اكييد ناسيه فونها ؟؟ ,,
... : لا ولا ناسيته ..
شهد : ها عيل ليكون مسوي شي فيها هاا , انت منو لو سمحت ممكن تقولي و الحين ..!!
... : هدي اختي بس صاحبة الفون سوت حادث و الحين اهيا بالمستشفى بس , حبيت احد يعرفها يكون موجود معاي ..
شهد انصدمت : شنوووووووووووووووووو يعني اهي فيها شي ولا مافيها ولا ليكووون ماتت هااا صار شي ..!!
... : لا اختي الله لا يقول تعوذي من ابليس و تعالي المستشفى و شوي شوي مايحتاج تسرعين ...
شهد : اوك اوك بس اكيد مافيها شي ..
... : ان شاءالله مافيها شي الدكتوور ماطلع لمن الحين بس انا محتاج احد يعرفها حاليا معاي "قالها اهوا وين"
شهد : اوكي خلاص خلاص انا شوي ويايه "وسدته"
روان : فيها شي ؟؟
شهد : مااادري مادري انا مو قادرة امشي من الخرعة بسرعة وحدة منكم تسوق و تودينا ولااااا تبينون حق الي تحت ان في شئ و احنا طالعين نقولهم بنروح السوق لان دلال تاخرت شوي
سارة : خلاااص خلاص انا اسوق .. يلااااا امشووا بسرعة
....................................................................
في المستشفى كانت الساعة 8و نص
شهد و سارة و روان كانوا يركضون بسرعة بسرعة حق مكان الي قالها عنه
و اول ماوصلت شافت واجد ملابسه فيها دم و راحتله و شافها و حس انها الي كلمها ..
... : السلام عليكم اختي انا اسمي "مشاري " و انا الي دقيت عليج
شهد : و عليكم السلام
شهد : شلونها الحين ..؟؟
مشاري :لحد الحين ما طلع احد وطمني
شهد : شلون صار الحادث ,, سيارة بـ سيارة ولا سيارة بـ جسد
مشاري قام يتأتأ : شسمه آآآآآ سيارة بـ جسد
شهد اخترعت : وي وي وي اكييييد تعوورت حييييل واااي ييممه يمه اختي ..
مشاري :انااا اسف لاني الغلطاان كنت مسرع حيل و اهيا طلعت فجاة ..
شهد : الله يهداااك ماكاااان لازم تسرع استغفرالله , "وبعصبيهه " بس اسمع اذا صار باختي شي والله ماتلوم الا نفسك
مشاري : من حقج اختي تخافين وانا بعد خايف اكثر منج ..
شهد بتطنز : اي خو خايف يصير فيك شي اذا صار فيها شي ..
مشاري : لا مو عن كلن بياخذ جزاه بس هذي نفس والنفس غاليه ..
شهد : الله يستر
مشاري : الله يقومها بالسلامة ..
روان , و سارة راحو حق شهد و خلوها تقعد بالكرسي على مايطلع احد ويطمنهم ..
اما مشاري كان قاعد على اعصابه ويمشي رايح وراد بالممر ولمن يوقف يهز ريوله من التوتر ..
و بعد ثلث ساعة طلع الدكتوووور من غرفة العمليات .. بس شافوه راحو ركض
الدكتور : السلام عليكم .. انتو اهل الي مسويه حادث
شهد وروان و سارة : اي احنا اهلها ..
الدكتور : حاولنا نسوي كل الي علينا بس ..
شهد : بس بس شنو ..
مشاري : ممكن تخلينه يكمل من دون ما تقاطعينه "معصب"
شهد : و بعد فوق شينك قوات عينك مو كافي الي مسويه وتزف بعد
روان : خلاااص يا جماعةة وقته لو سمحت كمل كمل
الدكتور : استهدوا بالله يا جماعة البنت الحمدلله حالتها لحد الحين مستقره بس ما اوعدكم انها جيدة حيل ..
مشاري : شلوون مافهمت ..
الدكتور : يعني الحادث يمكن يسبب لها اعاقات لان كان حييل قوي و ,, يبيلنا اشعه و فحووصات , و نتاكد ان منطقة الراس و الرجل و اليد سليمه و اذا راح تقدر تمشي ولا لا , و اذا راح تفقد الذاكرة لان حيل قوية طيحتها كانت ..
مشاري معصب : عيييييل شنو كنتوووا تسوون بالعمليه هااا .. !!
الدكتور : كنا ندوور فصيلة دم نفس فصيلتها لان نزفت دم واايد و كانت محتاجة ان احد يتبرع لها و الحمدلله لقينا واحد توه متبرع و فيه جروح يبيلها معالجة و خياط ..
مشاري : اها يعني بس باقي الفحوصات صح الي راح تطمنا على حالها ..
شهد متنرفزة : وبعديييين انت شكو تسال انت الي داعمها بعد و قاعد وتسال عنها .. "روان تهديها "
الدكتور : اي نعم بس الفحوصات و الاشعة ,, بس الحين تفضل معانا لازم يحقوون معاك و شلون صار الحادث ..
مشاري : ان شاْءلله و "عطاهم ظهره عشان يمشي"
وقبل مايمشي لف عليهم و قال : اختي انا اسف على الي صار و اسف اذا ضايقتج لمن عصبت ومع السلامة
"وراح عنهم مع الدكتور" وبس راح قامت تتحلطم شهد و تسب فيه
روان : شهووود حرااااام الولد معترف بغلطته و قاعد يتاسف حرام ماشفتيييه شلون خايف عليها جنه بنته
شهد : بالطقااااق الي يطقه خو شبيفيدني اسفه اذا صار باختي شي ,,
سارة : شهووود المفروووض نسمع من دلال منو الغلطان ..
شهد : شنووووو منو الغلطان انتي بعد اكيييد اهوا الغلطان
سارة :انزين يمكن اهيا الي قاطه روحها على السيارة ..
شهد : لييييش قالولج اختي مينونة , قووولي شي معقول ياسارة
سارة : ليش انتي كنتي بمكان الحادث و تعرفين قلب كل واحد منهم و شنو يفكر فيه و لا شنو نيته ..؟؟
شهد : والله العظيييم .. لـ
"شافت دكتور ثاني طالع من غرفة العمليات راحت صوبه " : لو سمحت لوو سمحت يصير ادخل اشوفها
الدكتوور يفكر : مممم ماظن لازم ترتاح
شهد : بس 5 دقايق واطلع من دووون صوت تكفىدكتوور بس ابي اريح قلبي ..
الدكتوور :خلاص 5 دقايق و من دون صوت رجاءً
شهد مستانسة : مشككككور مشكور يا دكتور
الدكتور ابتسم : ولو ماسوينا شئ "وراح"
شهد دخلت غرفة العمليات و لبسوها البس الخاص بهذا المكان
...............................................
سارة و روووان رااحو كافيه تحت وقعدووا
قاعدين يسولفون جان تشووف روان فونها ولا 7 مكالمات من طلال .. قامت و اتصلت عليه بسرعة
طلال : رووووووانووووه انتي وينننج قاعد ادق عليج وانتي ماتردين توني قاعد البس قلت برووووح بيتكم حسبالي فييييج شئ والله "بعصبية وصراخ "
روان : اسفففة بس انشغلت شوي ..
طلال : لا والله تنشغلين عني !! وينج الحييين اقدر اشووفج ..
روان : انا بالمستشفى
طلال انصدم : بالمستشفففففى شفيج ليكون فيج شي قولي بسرعة اي مستشفى انا يايج الحين ..
روان : لا مافيني شي انا ..
طلال بصراخ : اي مستشفى خلصيني روااان ..
قالتله اي مستشفى و وين مكانها و سده بويهها ..
بعد ربع ساعة لقت طلال ياشر لها ..
روان حطت ايدها على بطنها و عفست ويها : سارة انا بروح الحمام , يمكن اطول شوي بطنييي يعورني , و بدق عليج اذا بتاخر اكثر , ويمكن اروح الجمعييية ابي اشتري جم شغله ..
سارة : خلاص عيل انا بقعد ويا شهود و دقي علي اول ماتوصلين
روان : اوك
روااان مشت و مشى طلال وراها و يكلمها فون
طلال : شفيكم
روان : مافينا شي
طلال يتطنز :صح ما فيكم شي انزين , بس صوتج كان مبين عليه ان فيج شي ..وبس وصلوا عند باب المستشفى و قعدت تبجي و سدته ,,
ركض طلال لي عندها ..
طلال مخترع : روااان روان حبيبتي شفييييج تبجين شصاااير قولي لي ..
روان " تمسح دموعها و تشهق " : د دلااال
طلال : شفيها دلال ..؟!
روان : سوووت حادث "وزاد بجيها "
طلال : حادث , لاحول ولاقوة الا بالله وشلونها الحين ..!!
روان : ممااادري يقولون زينة بس لحد الحين ما تأكدووا و تبرعووا لها ناس بالدم .. طلااال احس ان انا السبب لان قالت لها شهد اني انطرها ويمكن سرعت و ماشافت السيارة و دعمتهااا .. و قامت تشاهق ..
طلال يهديها : لا لا بيبيتي لا تقوووولين جيي كل شي مكتوب و مايصير تقولين جذي هذا قضاء و قدر ...
واهما يمشووون جان تطيح روان على الارض تبجي قومها طلال و حط راسها على صدره و ولامها على جنب و خذاها و وصلو المصافط و لمهاااا حييييييييييييييييل
و مسح على راسها
طلال : خلاااص ياعمري تري ما احب اشوفج تبجين
روان : بس اذا صار فيها شي ماراح اسامح نفسي ..
طلال : لا لا ان شاءالله مايصير تعالي تعالي ركبي خل اوديج مكان تمشين فيه هوا شوي ..
وياخذ ويركبون السيارة ..
......................................
اما مشاااري علمهم كل شي صار بس كانو ينطرون دلال لمن تقوم عشان ياخذووون اقوالها
............................
وانتـــهى البــــارت ,,

 

[ودع مآحبكم]

اسفه بنااااات على التأخير

 

[تمرة]

يعطيج العافية علي هالبارت
وناطريج علي احر من الجمر
كمليييي

 

[تمرة]

اب اب اب اب اب
ا
اب اب اب اب اب
اب اب اب ابب اب اب اب اب
اب اب اب اب اب
اب اب اب اب
اب اب اب اب اب
اب
اب اب اب اب اب
اب اب اب اباب اب اب
اب اب اب اب اب
اب اب اب اب

 

[missnight]

كمممممممممممممممممممممملي حددددي تحمممست
رواايتج عجججيبه