رواية شفايدة الندم ؟ رواية كويتية واقعية [ روآيه مسمُوح بهآ ]

[حور العيون]

رد : رواية شفايدة الندم ؟ رواية كويتية واقعية [ روآيه مسمُوح بهآ ]

كملي فديييتج

 

[DooLy88]

اين الباقي؟

 

[DALLY]

ويتيننننننغ

 

[الحلوه وبس]

بناات اليوم مااقدر انزله والبارت كتبت نصه اليوم وباجر بكمله
لانه جد طوييييييييييييييييييييييييييييييييييييييييييييييييييييييييييييييييل :eh_s(9):
بناات حتى لو طولت عليكم لاتخافون بنزله:sfg:

 

[البارونه*_^رونه]

امممممممممممممممم الله داااام طويييييييييييييييل اخذي راااااااااااااااااااااحتج

نااطرينج

 

[سارووونه22]

ناطرينج حبوبة

 

[DooLy88]

اووووووووووووكي - دام طويل اخذي راحتج

وان طلع قصير بشقق الرواية

لوووووووووول

 

[DALLY]

ويتينننننننننننننننننننننغ

 

[MazYo0ona*]

waiting you 7yatiii

 

[miss disaster]

ناطرين

 

[الحلوه وبس]

البارت 15 والاخير

عبدالرحمن ودانه حاولوا انهم يقنعوون ابوهم بخصووص امهم بس رفض وكان رده الوحيييييد
" مثل ماطلعت ترد " او " تدل البيت "
وكل ما يو بيكلموونه عن الموضوع يزفهم ويصكر الموضوع
دانه على حالتها بس غيرت رقمها وتابت من سالم بس ليلحين ويا دلال
ريم وعبدالرحمن ويا نفس ما اهما وكل يوم يزيد حبهم اكثر




عقب شهرييييين



نوره ( ام عبدالرحمن ) استرجعت ذاكرتها وعرفت كل ماضيها بس ماتقدر تطلع من الامراض الساريه
نوره : خلووني اطلع بس اشوف عيالي وريلي اللي هملتهم
السستر ( سوريه ) : التلك مابيصير والله مو بيدي
نوره : انزين ادق عليهم
السستر : شوو استرجعتي زاكرتك
نووره : وياليتني ما استرجعتها
السستر : طيب بتعرفي رقم بيتكوم ؟
نووره : ايييي
السستر : كم اوليلي مشان اتصل عليهم وبؤوولهم عنكـ
نووره : 2521........
السستر : هلأ بدق عليهم وبؤوولك بس بطلع ادق من تليفون المستشفى
نوره : انطرج

وراحت السستر ودقت عليهم
السستر : الوو
عبدالرحمن : الوو منو ؟
السستر : معاكـ مستشفى الامراض الساريه
عبدالرحمن : شسالفه ؟
السستر : من قبل شهرين وصلت لنا مريضه وهيا كانت مريضه بمرض الايدز وكانت فاقده الذاكره وهلأ استرجعت لها الذاكره وهيا عم بتؤوول هيدا رقم بيتها واسمها كمان نوره وعندها 4 عيال
عبدالرحمن : انا ما اعرف بس استفسر اكثر وانشالله براجعكم واتصل عليج اعطيج خبر لانه بالبيت كذا عايله
السستر : اوكي باي باي
وصكته
عبدالرحمن عرف انها امه والصدمه الكبرى انها مريضه بالايدز فقرر انه يقول حق ابوه من غير ماتدري دانه
راح عبدالرحمن غرفه ابووه وطق الباب ودش
عبدالرحمن : قوه يبا
بوعبدالرحمن : يقويك ... شفيكـ عسى ماشر
عبدالرحمن : ما شر يايبا بس عندي موضوع كبير
عبدالرحمن : بخصووص شنو ؟
عبدالرحمن : بخصووص نوره مرتك ...
بوعبدالرحمن : عيب يايبا ترا مهما سوت بتبقى امكـ ولو انا طلقتها هم لها حق عليك
عبدالرحمن : مشالله كل هذا حب ؟
بوعبدالرحمن : وحده مثل هذي ماتستاهل الحب وانا غلطان اني مأمنها عليكم !!
عبدالرحمن : اهاا انزين يبا انا بدش بالمووضوع
بوعبدالرحمن : تكلم ؟
عبدالرحمن : يبا مسااع دقت وحده سوريه تقول انها سستر من مستشفى الامراض الساريه وانه امي مناك وكانوا لاقينها قبل شهرين وفاقده الذاكره وتوها تتذكر وتذكرت رقم البيت وانه اسمها نووره ياعل ماكوو نوره وعندها بنتين وصبيين
هه مادرت انه عمر توفى الله يرحمه
بوعبدالرحمن : ااممممم كل هذا بامك وليش اهيا بمستشفى الامراض الساريه ??
عبدالرحمن : اهني المفأجاه الاكبببببر
بوعبدالرحمن : وشنو اهيا ؟
عبدالرحمن : مرتـك فيها مرض الايدز وتعرف شنو اهيا اسباب المرض اكيد
بوعبدالرحمن : لا بارك الله فيها ولا فاليوم اللي شفته فيها
حسبي الله ونعمه الوكيل فيها
عبدالرحمن : يبا شبتسوي ؟
بوعبدالرحمن : بروح المحكمه وبطلقها وبخلي السايق يوصلها واهيا بالمستشفى ورقه طلاقها
عبدالرحمن : استغفر الله يايبا ترا هذا احسن قرار اتخذته
بوعبدالرحمن : حسبي الله ونعمه الوكيل فيها
عبدالرحمن : يبا متى بترجعني حق الجامعه ....
بوعبدالرحمن : انا بتصرف بهالموضوع لانه عندي واسطاات وايد بالجامعه
عبدالرحمن : عسى الله لا يحرمنا منكـ
طلع عبدالرحمن من غرفه ابوه ولايسمع تليفونه يرن وكان تليفونه بداره
راح داره ولقى المتصل نصوور رفيجه
نصوور : هلا والله هلا وغلا
حمني : هلاا فيك حياتي انا احبك << يقلد صوت بنت
نصوور: وانا اكثر يا غلاتي
حمني : اموااااه
نصوور : ويييييييع لوعت جبدي بس اسكت
حمني : لااوالله الحين عبدالرحمن ال.... يعطيك بوسه وتعوفه ماعاش من من يعووفني
نصوور : ويه ويه ويه كل هذاا اقوول جب واسمعني
حمني : هاا
نصوور : شرايك نروح الشاليه
حمني : منو بيي من الربع...؟
نصور : محد بس انا وياك الكل لاهي
حمني : اوكيي الحين امرك ونروح
نصوور : اوكي على مااسوي جنطتي ترا بنطب بالبحر مالي شغل
حمني : افا عليكــ
نصوور : يلا باي

ــــ
عند دانه
كانت نايمه ودقت عليها دلوول
دانه : هممم
دلول : نايمه
دانه : اييه
دلول: شايفه الساعه جم ..؟
دانه : جم ؟
دلوول : 2 ونص
دانه : حلفي
دلوول : والله
دانه : امبيي اهم شي انا قايله بقووم ادرس
دلوول : دانه ممكن طلب
دانه : شنوو ؟
دلوول : انتي عارفه انه انا مستواي زفت وفي كذا ماده ما اعرفها ساعديني
دانه : بس انتي ادبي وانا علمي
دلوول : اففف انزين العربي ...؟
دانه : العربي من عيووني بس انتي تعاليلي اليوم لاني ببدي فيه واعلمج اللي ماتعرفينه
دلوول: خلاص انا بييلج الساعه 5 العصر
دانه : اوكي انا بدرس الحين فيزيا لانه بخلصه على ماتبدين بقالي بس فصل واحد
دلوول: تدرين ..؟
دانه : شنوو؟
دلوول : اني مابديت بولا شي
دانه : من صجج
دلوول : ايي والله 
دانه : خلاص تعاليلي اليوم نخلص نص العربي وباجر الصبح تعالي نخلصه كله ونظم جدولي وياج
دلوول : بس انا ببيتنا ما ادرس الجو مايساعد
دانه : ومن قالج ببيتكم ؟ انتي تعاليلي كل يوم وانا ادرس موادي وانتي تدرسين موادج
دلوول: حياتي انتي انا ولا مره تعرفت على وحده وكانت جذي تسوي فيني
دانه : لييش يعني
دلوول : كلهم حياتهم لعب ووناسه وتسليه ولا وحده فيهم ليلحين ويااي كلهم تخلوا عني بسهوله حتى لولو وفطوم
واللي وصلني بهالحاله بعد تخلى عني
دانه : ممكن سؤال ... ؟
دلول : قولي اللي تبينه
دانه : انتي ليش صرتي بويه
دلوول : الظروف يادانه اهيا اللي خلتني جذي
دانه : وشنو اهيا الظروف
دلول : يوم كان عمري 12 ابوي دش السجن بتهمه المخدرات والخمر ولي يومج هذا بالسجن لانه في تهمات وايد عليه
وامي تزوجت واحد ثاني لانه طلبت من ابوي الطلاق وطلقها وراحت سكنت عنده بالبيت وهدتنا بهالشقه اانا واخوي وطبعا ماتمر علينا الا يوم ولا يومين بالشهر بس ..... ومن عقبها صرت اصقط بالمدرسه وشكلي مو مرتب والله يخلي الخدامه اللي كل يوم تدخل ريال بالغرفه وتهددنا بالقتل وطبعا حزتها كنت ياهل واخاف منها واخوي اصغر مني وكانت امي توديني اقص شعري بوي كل ماطال تقول لانه مو لايق عليج الطويل وانتي ما تهتمين بالشعر وطبعا من عقبها تعرفت على شله البنات الخره اللي وصلووني لهالطريج وبالاخير نسووني وهدووني بس انا ما تبت بالعكس كملت وبنفسي شكلت شله بروحي بس الحين كل ووحده لاهيه بعمرها انا اللي بقيت بروحي وبصراحه انتي اكثر وحده اقولها كل شي وارتاحلها
دانه : كل هذا فيج وانا مادري
دلول : واكثر
دانه : لييش ماتحاولين تغيرين بشكلج وبلبسج ؟
دلوول : جذي احلى
دانه : بالعكس الله سبحانه لمن خلانا بنات مو عشان نغيرها ونصير بويات ترا الانووثه حلوه
دلوول : دانه انا ابي اتغير ساعديني
دانه : اوكي وشرايج تروحين تراجعين عند دكتوره نفسيه عشان تغير نفسيتج
دلوول: اوكي بس تعالي معاي بكل خطوه لانه اذا محد يمي ماراح اكمل بروحي
دانه : وانا اصلا ماراح اخليج واهدج مثل الباجي
دلوول : دانو انتي رفيجتي اللي احبها
دانه : بس حاولي تتحجين عدل
دلوول : يعني جذيييييه ( وتسوي روحها مايعه )
دانه : هههه لاا اذرب
دلوول : جذيي
دانه : ايي جذي وانشالله بتتعودين مع الايام
دلوول : خلاص اوكي
دانه : ترا الحين الساعه 3 ونص وانا بفراشي ولا رحت درست ولا شي
دلوول: لوول قرقنا وايد يلا سي يو الساعه خمس انا عندج
دانه : اوكي باي
دلوول :بايات

بالشاليه

اول ماوصلوا طبوا البحر وعقبها قعدوا بالشمس وحطوا تاان << يموتون على شي اسمه تان
نصوور : ترا هل تان انا مجربه شغل عدل
حمني : صج
نصوور : على ذمتي
حمني : يلا وحطوا

واهما منسدحيين قرر ناصر انه يقول حق عبداللرحمن الموضوع
ناصر : اقول حمين
عبدالرحمن : هلاا ؟
ناصر : انا بقولك شي بخاطري وصراحه مابيك تعصب او تاخذ بحقك علي
عبدالرحمن : قوول ياخوي مامن مستحى
ناصر :انا حاط عيني على اختك دانه وماراح اخذها الا بالحلال
عبدالرحمن : انت تكلمها
ناصر : لا حشى ماني ريال جاني كلمت اخت رفيجي
عبدالرحمن : والله ياناصر هذي الساعه المباركه بس متى بتخطبها ,,,
ناصر : انا ماراح اخطبها رسمي الا لما اعرف رايها
عبدالرحمن : خلااص ابشر انا بكلمها اليوم واشوف رايها
ناصر : عسى الله لا يفرقنا
عبدالرحمن : امييييييين ويكتب اللي فيه الخير

ــــــــــ


عند بوعبدالرحمن سوا اجراءات الطلاق وخذا السايق وياه ووصلوا مستشفى الامراض الساريه
بوعبدالرحمن : شووف يا كومار انت اخذ هذي وررقه روح داخل سو كلام هذا سستر قول هذا حق نوره
كومار: اوكي بابا
ودش كومار ولقى سستر
كومار : نيرس نيرس
السستر : وت ؟
كومار :هذي ورقه حق مريضه اسمها نوره انتي يقرا هذي ورقه يعرف
وقرت السستر الملف وكان من بره مكتوب عليه خااص لنوره ال.... المريضه بمرض الايدز والتي كانت فاقده الذاكره
خذت السستر الظرف وعطته نوره واول مافجته نوره لقت ورقه الطلاق انصدمت وطاحت غشيانه
وراحوا قعدووها ويوم قامت : طلقني اي طلقني شهالماضي وتتذكر الاماكن والاشياء اللي سوتها
وقعدت تصااارخ وتبجي وقعدت شهر كامل بس تصارخ وتبجي ومن عقبها حولوها الي الطب النفسي


،،


عند عبدالرحمن اول مادش بيتهم راح غرفه دانه
طق الباب , فجت دانه الباب
دانه : نعم ؟
بكلمج بموضوع
دانه |: مو فاضيه قاعده ادرس ورفيجتي وياي
عبدالرحمن : هه البويه ؟
دلوول اسمعت الكلمه وتضايقت وقعدت تبجي على كل شي سوته
دانه : احترم نفسك واطلع قتلك بعدين
وصكت الباب
حمني : قعد يتسمع
دانه : دلوولي بس خلاص لاتزعلين انتي تغيرتي واايد لا تبجين على شي مضى


حمني : ويي مسكينه الظاهر تسنعت انا اقول اختي ماترافج بويات ومشى
اول مادش داره دق على ريم
ريم : هلا بعيوني
حمني : هلا بقلبي
ريم : شلونك شخبارك
حمني : انا بخير بس عندي موضوع
ريم : خيير بشرني ؟
حمني: شرايج نتزوج ؟
ريم ( طارت من الفرحه واستحت ) : صج :$
حمني : ايي انا فكرت فيها وبما انج 19 وزين عمرج حق الزواج
شورانا احسن لنا
ريم : :$ مادري
حمني : الله اتمنى اليوم اللي تكونين لي بالحلال
ريم : بس عاد
حمني : ويه عشتوا مستحيه
ريم : واااااي
حمني : انزين ابي بوسه
ريم : اقلب ويهك
حمني : على اي صفحه ؟
ريم : ههههههههههههههههههههههه
حمني: عفيه ابي بوسه
ريم : امواااه وسدته
حمني : هههههههههههههه من صجها
ودق عليها وكملوا سوالف لي 4 الفير
اول ماصكه يه بينام ولا يتذكر موضوع ناصر قال خل اروح اطل على دانه يمكن قاعده
راح عند دانه لقاها نايمه ورد نام






صارت الساعه 2 الظهر
كانت دانه تدرس بدارهاا ......
وعبدالرحمن قعد من نومه وراح ياخذ شور
وبو عبدالرحمن قاعد ويا جوري بنته يتغدون

طلع عبدالرحمن من الشاور وراح غرفه دانه
عبدالرحمن : ها دانه شلون الدراسه وياج
دانه : زينه
عبدالرحمن : زينه ولا زوينه
دانه : لا الحمدالله زينه
عبدالرحمن : زينه ولا نحوول
دانه : حميييييييييين
عبدالرحمن : خلاص خلاص
دانه : شعندك زايرني ههه
عبدالرحمن : عندي لج موضووع بس موضوع قوي يبيله مجابل
دانه :يلا كلنا اذانٍ صاغيه
عبدالرحمن : تعرفين رفيجي ناصـر
دانه ( قالتها من غير ماتحس بروحها ) : شفيه ؟
عبدالرحمن : شفيج اخترعتي
دانه : لا ولا شي ليش ؟
عبدالرحمن : صرااحه انتي عاجبته واهوا بيخطبج بس يبي يعرف رايج قبل مايخطبج
دانه : مبدأياا انا موافقه بس عندي شرط
عبدالرحمن : شنووو ؟
دانه : قبل لا يخطبني رسمي وقبل لا ابوي يدري ابي اقعد وياه
عبدالرحمن : بوجودي طبعاا ....
دانه : لاا
عبدالرحمن : شنوو تقعدوون برووحكم ؟
دانه : ليش انت مو واثق من اختك ورفيجك ....
عبدالرحمن : امبله بس ليش يعني
دانه : في جم شغله اهوا لازم يعرفها وانا بعد بتعرف عليــه اكـثر
عبدالرحمن : خلاص انا اكلمه اخليه اليوم بليل اهوا يروح عالبحر وانا اقطج عليــه وبعدين امرج
دانه : لييش جذي مستعيل واايد
عبدالرحمن : احسـن
دانه : اوكييك اكوون مخلصه من الرياضيات :>
سمعوا صوت بوعبدالرحمن ينادي عبدالرحمن
دانه : ابوي يناديكـ
عبدالرحمن : الحين بروح
وراح عبدالرحمن حق ابوه لقا قاعد بالصاله
عبدالرحمن : هلا يبا
بوعبدالرحمن : هلا فيكـ عندي لك خبر
عبدالرحمن : خير يباا ؟
بوعبدالرحمن : رديتك الجامعه
عبدالرحمن: صج يباا مشكووور
بوعبدالرحمن : بس هاا هالله هالله بالدراسه مو تسود ويهي مرثانيه
عبدالرحمن : لاا يبا شدعواا انا اول ما اخلص هندسه بيي بشتغل وياك
بوعبدالرحمن : بعدي والله
ــــــ

طلع عبدالرحمن من البيت وراح حق الديوانيه
وبعد ساعه دش نااصر
عبدالرحمن : هلا والله
ناصر : هلا فيك وقعد يمه بالزاويه
عبدالرحمن : كلمت اختي
ناصر : وشقالت
عبدالرحمن : قالت اوكي بس بتقعد وياك
ناصر : اوكي بس متى ؟
عبدالرحمن : بعد شوي يناسبكـ
ناصر : ايي اوكي
عبدالرحمن : عالبحر اقطها بس هالله هالله باختي والله لو مو انت جان ما خليتها تقعد وياك دقيقه بس ترا انا واثق فيك
ناصر : افا عليك بعيووني
عبدالرحمن :اوكي

صارت الساعه 6
راح ناصر بيتهم بدل ولبس شورت ابيض وبلووزه زرقا
ودق حمني على دانه وقالها لبسي
دانه كانت مسويه شعرها ستريت
لبست نفنووف بيج في ورد بالاخضر والبرتقالي
لبست عليه كعب ولبست باند اخضر
ومرها حمني وخذاها
حمني : دانوو هالله هالله بالادب وترا لو ناصر مو رفيجي جان ماقطيتج عند واحد ولا تعتبريني بايعج بس انا اعرفه عدل
دانه : عارفه كل هالحجي وماله داعي تقولي
حمني : يلا كاهو ناصر نزلي وصيري ذربه
دانه : شقصدكـ انا دفشه
حمني : هههه نزلي يالدبه ديري بالج لا تخرعين رفيجي
دانه : انا دبه هين اوريكـ
ونزلت


ــــ

دانه : قووه
ناصر : الله يقويج يا هلا وغلا
دانه : هلا فيك
وتموا يسولفوون وحست دانه انها ارتحاتله وايد وهذا الوقت المناسب عشان تقوله عنها
دانه : ناصر انت وايد طيب ومتفهم ، اانت اكيد تدري عن امي وشلون هاملتنا وانه ابوي سافر من زمان ظروف الشغل وعبدالرحمن ماكان عارف شلوون يربينا وانا ماكنت اعرف الصح من الغلط انا بقولك شي
وقالتله قصه سالم طالها من الالف لي الياء وناصر منصدم موعارف شيقوول
دانه : اكيد انت الحين هونت عني وخلاص انا بخليك على راحتك تبي تخطبني رسمي اخطبني ماتبيني براحتك
وقامت وقعدت عند البحر عالرمل ودقت على حمني ياخذها
اول ما يه حمني خذاها قعد يسالها شصار بس طبعا ماقالتله الا كل خيير
بعد اسبووع
بمدرسه دانه
كانت تدور دلال ومولاقيتها ووقعدت بروحها على كرسي تراجع
دلال شافت دانه ويت من وره غمضت عين دانه
دانه : منوو ؟ ؟؟
دلال : انا
دانه : دلوول  تغيرتي حياااتي انتي
دلوول : كانت لابسه نفنووف مدرسه ثاني ومنزله الغوله وحاطه باند وتراجي وحافه ايدها وريولها وشواربها >>> لوول
دانو : حددج زوغه فدييتج
دلوول : صج دانه ترا انا تبت وصرت اصلي وتحسفت على كل شي سويته
دانه : احسلج والله , ها درستي عدل ؟
دلال : ايي درست الحمدالله
دلال : شصار على ناصر ليلحين ماصار شي ؟
دانه : لاا  استغفر الله
دلال وييه دوين عاديي خيرها بغيرها
ومر اسبوعين كانوا بامتحانات الفاينل ودلال تغيرت صارت بنت من بعد ماكانت بويه وندمت على كل شي
دانه : وااااااااااااي دلال ماني مصدقه اخييييرا عطلت
دلول: اييييي حده
دانه : جان زين اييب نسبه وادش الجامعه
دلوول : اميين
دانه : وانتي ؟
دلال : انا اتوقع راح تقبلني التجاري
دانه : وييه لا تقولين جذي شدراج انتي نجحتي بالقدرات
دلال : خير انشالله
ردت دانه بيتهم لقت حمني ناطرها بالصاله
عبدالرحمن : مبرووك
دانه : يبارك فيكـ
عبدالرحمن : دانه انتي مرتاحه حق نصوور صح ؟
دانه : ايي بس يمكن اهوا مو مرتاحلي
عبدالرحمن : لاا ابشرج مرتاحلج واليوم ببيي اهوا وابوه يخطبوونج من ابوي وابوي كلم عمتي امل واهيا بعد شوي بتوصل الكويت عشان تقعد مع ام نصوور
دانه : صج وليش ماقلتولي ؟
عبدالرحمن : لانه نبيج تنتبهين حق امتحاناتج وما تلهيين
دانه : يالعيارين
الا بدخله بوعبدالرحمن :منو العيارين
دانه : ههههههههههه انت وولدك
بوعبدالرحمن :افا
دانه : انزين يبا انا بروح اتسبح واسوي شعري بس ماعندي نفنوف :/
حمني : لا تحاتين عمتي بتييبلج من البحرين
( ماعندهم الا عمه وحده ومتزوجه بحريني وعايشه مناك )
دانه : وااي مشالله عليكم مضبطين كل شي
حممني : عيل شلوون تبينا
دانه : 100 % مشالله يلا بروح اتسبح
حمني : اوكي

ــــ
يو اهل ناصر وشافوا دانه وعجبتهم وقرروا يسوون الملجه والعرس بنفس اليوم عقب شهرين

عقب شهرين

عمتهم امل تمت بالكويت عشان تساعد دانه بتجهيزها وكان باجر عرس دانه
دانه : امبيه دلوول خايفه
دلوول : يه يه بتتزوجين ولا تنسينه عاد
دانه : انسى روحي مانساج انتي رفيجتي الغاليه دلووولي
دلوول : مشكووره احرجتي تواضعي
دانه : ههههههههههههههه
كانت دانه بالصالون تسوي حمام مغربي وحمام زيت وهالسوالف الللي ماتخلص لوول
وشعوورها كان جدا عادي لانها مو نفس شعوور كل العرايس حسب الظروف اللي صارتها
يعني ماكانت خايفه بس كانت خايفه من ناصر شلون بيعاملها
وردت البيت ناااااااااااااااامت
قعدتها عمتها الصبح لانها كانت نايمه عندهم
امل : داانه ... دااانه قوووووووووومي قووووووووووومي
دانه : عمتي امل حبيبتي انتي تكفيين خليني
امل : من صجج انتي الساعه 11 ييلاااااااااا قومي وراج صالون وبتمرين مال مسكتج قومي قوومي
دانه : اففف انزين
قامت دانه تسبحت وراحت مال الورد قالتله انهم بتطرش السايق الساعه 5 يكون الورد عندها
وكانت حاجزه بصالون رشا شيك
مكيجتها الصالونه وسووا شعرها
كااااااااااانت قمه في الروعه
نفنوفها يهبل والطرحه قصير والنفنووف له ذيل طوييل
ومكياجها الشدوو رماادري غامج وحمره ورديه
ومسكتهاا بيضه ونفنووفها عجييييييب صج عجييب كان من المصممه : ام الان
راحت صاله الرجنسي الساعه 7 دشت الصاله قعدت بالغرفه اللي حق العروس
وتصورها المصوره وتسوي حركات وهالسوالف
ولا تدش عليها وحده لابسه عبايه وحاطه الملفع عليها
اول مادشت دانه : منو انتي
قطت الملفع والعبايه : انا دلووول
دانه : حياااااااااااااتي دلووول وسلمت عليها
دلوول كاانت حلوووه اهيا جميله من زمان بس حركاتها الصبيانيه مخربه عليها
دلال كانت لابسه نفنوف وردي ناعم عليه شوارفسكي و ضييييج ومن تحت وسيع
وشعرها كاريه من عقب البووي









بعد مروور سنه

دانه كانت شايله بايدها نوور ويمها ناصر
دانه تزوجت ناصر وعاشت وياه احلى حيااه وحملت وولدت ويابت بنت سمتها نوور
وانقبلت بالاداب بجامعه الكويت

حمني : خطب ريم وتم الموافقه عليه ولمن سووا الفحص مال الزواج طلعوا مو مناسب طلبت ريم انها تبتعد عنها
وشاف دلال رفيجت دانه عقب ماتغيرت وعجبته وتزوجوا صارلهم شهر
ودلال انقبلت بالتربيه الاساسيه اقتصاد منزلي
بوعبدالرحمن : كان متحسف شلون هد عياله وبيته ولو ماهدهم جان مامات عمر بمخدرات ولا غيره بس شفايده الندم ؟
ضاري رفيج عمر : بالاحداث لانه تهاوش ويا واحد وبط عينه
فرح رفيجت دانه : حاولت كذا مره ترجع حق دانه بس دانه ترفض
ونوره ام عبدالرحمن بمستشفى الطب النفسي تتعالج من عقب ما استخفت

شفاايده الندم الحين ...؟ عقب شنو

بناات اللي بوصله لكل وحده
1.تنتبه حق بيتها وعيالها وتعلم عيالها مايخذون حبوب من اي احد مثل ضحيه عمر ؟
2.وموكل واحد او وحده دق وقال انا من طرف امج او ابوج تطيعه مثل دانه لمن طاعت سالم
3.مهما كانت الظروف ما نبتعد عن دراستنا او عالاقل ما نغيب مثل عبدالرحمن
4.الاب لازم ينتبه حق بيته وحتى لو سافر ما يهد عياله
تحياتي : الحلوه وبس
واتمنى الروايه نالت اعجابكم :yaaaaaarb:

 

[البارونه*_^رونه]

اممممممممممممممممممممم جنه انا اول وحده ارد عليج واذا كنت اول وحده يشرفني ارد عليييييييييييييييييييج >>>>> ماادري اذا انا الاولى او لا

المهم ماعلينااااااااااااااااا

قصتج وايييييييييييييييييد حلوه جد والله
ووووووووووووووووووووووو فيهاا عبره وفيهاا مواقف وااايد صااارت للابطال الي لازم ناخذ حذرهاااا

ويعطيييييييييييييييييييييييييييييييييج الف عااافيه يااارب

وان شاءالله يارب يوفق نصووور دندوونه ويسعدهم ياااارب

ويوفق حمني ودلووول يااارب ويسعدهم

ويخلي لهم ابووهمم ياااااااااااارب

يسلموووووووووووووو على القصه الروعه

نااطرينج بقصه يديده

 

[سارووونه22]

النهاية عجيييييييييييييييييييييييييبة مشكوووووووووووورة وماقصرتي

 

[Miss.6Mo7]

أول مره أقرى روآيآت .. وشكلهـآ مآرآح تكون آخر مره

روعــه والله .. الله يعطيج العآفية

 

[DooLy88]

حلوة قصتج وايد

بس عورت قلبي ريمـ شلون بتعيش تتذكر حبيبها واللي فرقهم نتايج الفحص يعني مو خيانة او شي جايد
مسكينة

مشكورة حبيبتي - البارت طويل وحلو

 

[غزلان الشماليه]

بصراحه ما احب تحطون القصص مثل المسلسلات ا بارت ورا بارت لأن اهيا اسمها قصه نقراها من اولها لين آخرها بوقت واحد مو نقعد ننطر

 

[ريا&سكينة]

مشكوووووووووووووووورة وتسلمين على هالرواية الحلوة

بصراحة حييل استانست على دلول والحمدالله تزوجت عبدالرحمن صج مسكينة ريم بس الحمدالله هم دلال يحليلها

ووو الحمدالله ناصر تفهم وضع دانة ولو احد غيره جان مارضى

ووو تسلمييييييييين يالغلا على هالرواية الحلوة وان شاء الله ماتطولين علينا برواية حلوة مثلها

 

[miss disaster]

يسلمو حبيبتي والروايه عجيبه مثل صاحبتها

 

[MeeMeeYoo_2]

حراام كسروا خاطري ريم وحمنيي


يعطيج العافيه

 

[sarouy]

رد : رواية شفايدة الندم ؟ رواية كويتية واقعية [ روآيه مسمُوح بهآ ]

ايواااا النهايه حلوه مشكوره حبي بردتي جبدي