رواية وش موقفك لجيت اضمك وطولت في الضمة وفجأه تلقيني في حضنك توفيت /بقلم قلب المحرق

[جريئ بس بريئ]

وااااااااو الروايه خطييييييييييره
بليز لا تطولين
اب اب اب اب
اب اب اب
اب اب
اب
لعيوووووونج​

 

[هواك قلبي]

مشكورين قلبوو ع التشجيع

بعد دقائق بنزل البارت الثامن

 

[هواك قلبي]

$$ الفصل الثلاث$$$
* * * * * * * * $$$ الجزء.. الثاني$$$
* * * * * * * * $$$ البارت. الثامن$$$



نرجع عند الحفلة

روى خذتً المكرفون
مروى: ارجوا الانتباه*
الكل طالعها

مروى: أعجبكم البارتي
الكل بصوت وأحد : ايه
مروى: طيب انا عندي مفاجئه لكم
الكل مستغرب
مروى: تبون تعرفون المفاجئه
الكل بتحمس واضح: ايه
مروئ: طيب اتمنى من الكل يغمض عيونه
الكل استغرب اكثر بس كلهم عمضوا عيونهم
مروى : والحين فتحوا عيونكم والتفتوا وراكم
الكل فتح وأولهم ملاك
التفتوا كلهم االبنات كلهم صرخوا
اما الشباب صفروا*
البنات تعالت صرخاتهم وشباب يصفرون ويصفقون

رعد
واقفة والكل حولينها مستانسين عليها


أعرفكم
رعد*
مغنية راب معروفة في البحرين*
محبوبة من قبل البنات وشباب
مميزة بطلتها الرئية*
واغانيها الاجتماعية
دووم تتكلم في أغانيها عن المشاكل الي تحدث في وطننا العربي*
وتتكلم عن العادات والتقليد الي تمنع كل بنت*
تطلع عن ناطقة*
وتتكلم عن مشاكل الشباب في موضوع الزواج من الأهل >> وهذي المشكلة يعنون الشباب منها
فهي دووم تلفت نضر الجمهور بمواضيعها القوية

ملاحظة: رعد صديقة مروى من أيام الطفولة*


خلود متابعة الوضع وهي قاعدة وفي قلبها*
تقول:*
حمد الله والشكر جنة اول مرة يحفون مغنية*
الحمد الله ع نعمة العقل*



حصة عمرها ما اهتمت براب*
ولا اصلا ودها تهتم فيه

ملاك وايد تحب الرأب*
وتحب وايد رعد*
بنسبة لريم
فهي الوضع عندها عادي يعني ماتحب وايد الرأب *وفي نفس الوقت ما تكرره


نرجع عند بيت ملاك*
أش صار

رجع علي ع الساعة*
12:00
من الشغل
جاف امه واخته مريم يتابعون المسلسل

قرب من عندهم*
علي: السلام عليكم
امة& مريم: وعليكم السلام
علي باس راس امه
ام علي ابتسمت: تبوس الكعبة*
علي رد لها الابتسامة
علي بستغراب: غريبة وين ملاك بإعادة اجوفها تتنافر مع مريم
مريم وعيونها ع التلفاز: اطلعت .. فكتني عن شرها
علي : وين اطلعت
ام علي برتباك: هاه أية. ملاك راحت مع ربعها
علي: شنو ... يمة انا جم مرة اقول لها ما فيه طلعة لهالوقت*
ام علي : ياوليدي الله يهداك أش فيها لو راحت عند صديقتها
علي حك شعره: يمة كافية مشكلة بطلعاتها بس ما تتأخر لهالوقت
ام علي : ..........
علي تنهد: طيب من بيرجعها
ام علي: مادري.. بس هي راحت بسيارتها
علي: اهووه يمة بنتج تستهبل ولا تبي تحرق أعصابي.. انا قالت لها أمية مرة لا تروح بسيارتها
ام علي: هووووو ليش!!!!
علي: تعرفين بنتج يمة وايد تحب تفحص وتسوي حركات*
ان علي: والله شوف دبرتك معها مالي شغل منكم

علي خذا تلفونه ودق عليها*
بس هي ما تشيله>> تعرفون إزعاج من وين بتسمع

عند ملاك
وأخيرا وصلت لعند رعد وسلمت عليها
ملاك بطبيعتها طاقة سوالف مع رعد*
ورعد مندمجة معاها

رعد: ملاك انتي جامعية
ملاك: أية
رعد: هه حلفي
ملاك: والله
رعد:المهم ملاك ابي رقمج
ملاك: 33
و رعد ع نيتها تكتب
رعد: ايه
ملاك: والباقي في التلفون مسجل
رعد رفعت حواجبها: حلفي
ملاك : خخخخخخ دقيقة*
طلعت تلفونها
ونصدمت
8 مكالمات من علي*
اول ما قرت اسم علي*
ارتعشت

عقب اتصلت ع علي
علي رد وهو معصب : ليش ما تردين
ملاك بهمس: انا ....
علي قطعها: وينج الحين
ملاك: بيت ...
علي قطعها: وين بيت صديقتج
ملاك ما عرفت شتقول : في عراد
علي: الحين بييلج اوكي لين أوصل بتصل لج*
علشان تدلني صديقتج بيتهم*
طوووووطً طوووط~ سكه قبل ما تتكلم

رعد : أش فيج
ملاك: رعد وين بيتكم؟؟؟
رعد باستغراب: شنو
ملاك *عصبت : اقول باي

ملاك تدور احد بيتهم في عراد >> مسكينة اشوي وتصيح

خلود لحضت. ملاك اشلون تحوس جنها تدور شي

خلود : ملاك
ملاك راحت عندها
ملاك وكلها امل: خلود وين بيتكم
خلود: في عراد ليش

ملاك اهنية لمت خلوود وباستها في خدها
ملاك وفيها الصيحة: فديتج والله خلوود
خلود مب فاهمة شي
ملاك: سمعي ما عندنا وقت بقول لج شسالفة
سمعي اخوي ما يدري أني في هل الحفلة*
وانا قالت حق امي ان انا بروح بيت صديقتي
وعلي الحين يقول لي بياخذني من بيت صديقي
خلود وفيها القهر: وما قلتي له الا عراد يكون بيت صديقتج فيه
>>>خلود أشرت ع راسها<<< يابنت اعقلي*
جوفي وين جزر أمواج و( وين) الحد اتقي الله

ملاك بقهر: والله طلعت الكلمة مني >> زلة لسان

خلود تنهدت: اوكي بسرعة خل نلحق

خلود و ملاك طلعوا بدون ما يقولون حق احد

.
.*
.
.
.
.
عند فيصل

فيصل حده تملل الأجواء صارت بايخة بنسبة له

جاف بنت لبنانية*
قاعدة وخاطة رجل ع رجل*
البنت لبسه تنورة حدها قصيرة وفانيلة الصدر*
كامل مفتوح>> خبركم اللبنانيات اشلون لبسهم

المهم فيصل حاب يستهبل
فيصل صفر لها*
البنت التفتت
فيصل غمز لها
البنت تتثيقل
فيصل: فديت الحلووو
البنت مطنشة
فيصل: يابعد عمري الثقل وربي ليق عليج

البنت عصبت: اووف حل عني >> يعني اتركني ، هدني جية
فيصل: يابعد جبدي وين الأسئلة

ريم كانت قريب منهم*
ريم *اول ما سنعت رد فيصل فطست ضحك


البنت تملأت وقامت اما فيصل
التفت حق ريم
فيصل: ليش تضحكين قايل نكتة وانا مادري
ريم وهي ميته ضحك: وأحلى نكته ههههههههه


نرجع*
عند مروى
مروى سلمت ع صديقة عمرها رعد
مروى وهي ماسكة يد رعد: شكرًا لنج ييتي وما فشلتيني
رعد: لا اشدعوه انتي الغالية واليوم عيد ميلادج اشلون افوته

مروى اكتفت ببتسامة

نرجع عند ملووووك
ملاك طول الطريق تسوق وهي ساكتة
قطع السكوت تلفون ملاك
خذت ملاك التلفون وردت
علي: وين بيت صديقتج
ملاك: في الحد
علي : ادري اقصد وين بالضبط
ملاك بخوف: وصلت
علي : الحين بدشها
ملاك: ماذا بيتهم وين بالضبط
علي: عطيني صديقتج خل تدلني
ملاك: اوكي
وعطت خلود
ملاك تأشر لخلود
انها تضيع علي ع ما يؤصلون
خلود فهمت ملاك
خلوود: الوو
علي: السلام عليكم
خلود: اهلين>> مب متعودة ترد السلام
علي: أختي وين بيتكم بالضبط
خلود تأثرت بكلمة أختي كانت تتمنئ تسمعها من شوق أختها
خلود: انت دخلت الحد
علي؛ أية توني
خلود : اوكي انت روح...... >> تدله وشوي تضيعه يعني*

المهم وأخيرا خلود وملاك وصلوا البيت
ودخلوا ع طول*
خلود توها تدل علي ع بيتهم*
لانها ضيعته
علي: أختي لين أوصل لعند البيت الأزرق بتصل لج
خلود: اوكي
طوووط طوووط>> سكت لوجهه*

في غرفة خلود
غرفة خلود وايد حلوة اثاثها رصاصي. ولون الجدار ( اكريمي) نضيفة وراقية وايد*

ملاك صرخت: ابييييه
خلود : أش فيج
ملاك بخوف: لو يجوفني علي بهالملابس بيذبحني
خلود: لا تخافين انا من يومين شريت بدله وطلعت صغيرة توها يديده لبسيها اضن بتنفع
ملاك: اوكي
خلود فتحت كبتها
كان وايد كبير وفية وايد بدل*
طلعت البدلة وعطت ملاك
ملاك برضوا: شكرًا خلود
خلود: ع شنو
ملاك: ع كل شي*
خلود: آفا عليج بس*
ملاك خذت البدلة ودخلت الحمام تغير ملابسها

خلود: هاه بشري البدلة عليج
ملاك طلعت: ماشي الحال

كان البدله اشوي طويلة بس ماشي حالها*

علي اتصل
وردت عليه خلود ودلته وين البيت بالضبط
ملاك طلعت بعد ماقال لها هلي تطلع
ركبة السيارة*
يم علي
علي حرك السيارة
وكانت السيارة هدوا كافيه ولا صوت
علي: مرة ثانية ما تطلعين الا بعد ما تقولين لي*
ملاك: ......
علي بصرمة: فاهمة
ملاك هزت راسها بمعنى أية

المهم وصلوا البيت وع طول راحت غرفتها
ملاك بينها وبين نفسها:
اووووف أش فيه ذي كله معصب علي الله ياخذه اووف يمة يخرع وهو معصب*


نرجع للحفلة*
رعد غنت راب والكل متحمسين ويغنون معاها

رعد: هذي الاغنية اهديها بصديقة عمري مروى
الكل صفق وصرخ.>> شفتوا الحماس

رعد تقول الراب والكل معاها
حصة تمللت وطلبت من ريم يرجعون البيت
ريم وافقت وردوا البيت
ريم رجعت غرفتها بشويش بشويش علشان محد يجوفها*
دخلت غرفتها من الدريشة*
بش كانت الصدمة*
لين جافت قدامها ريااان
تهقون شنو بيصير ريان بيقول لمها !!!!!
تابعوني في البارت القادم
مع تحياتي
**


يالله حماس بنات
ع فكرة تقول الكاتبة في اليل بتنل البارت التاسع

بلييييييييييييييييييييز تشجيع

 

[جوري ستايل]

روايتج رووعه. كمليهاا بليزززز. واناا متابعه يديدهـ. ويسلمووو

 

[هواك قلبي]

بنااااات هاااذي التكملة


* * * * *$$ الفصل الثلاث$$
* * * * *$$الجزء. الثلاث $$
* * * * *$$البارت 9+10$$

هدااء الى كل من شجعوني*
وإهداء الى الشوق معذبني
ع تشجيعها الدائم
وإهداء الئ هواك قلبي
ع نشرها رويتي وتشجيعها
وإهداء كل معجبين روايتي هذه مع حبي
وامتناني
قلب المحرق*



ع فكرة*
والله العضيم وما جدب عليكم أني طلعت مع الربع ورديت أقراء الردود
وكانت الساعه تقريبا 11:30
طبعا انا وععدتكم انزل البارت التاسع في اليل
بس ماكتبته
بعدين قريت رد
الشوق معذبني
تقول فيه انها ناطره الرواية من ساعتين
جد اهنية
قالت لزم اكمل عشان كل من نطرني انزل البارت التاسع

والله عقب تميت اكتب
البارت التاسع والعاشر*
من الساعة 12 اليل لين الساعة 2:39 الصبح
وانا اكتب الرواية بس علشان ما تزعلون مني
وشكرا


اتمنى. أجوف التشجيع القوي
لان والله تعبت وأبي الردود الي تنسي الهم

يالله وهاذي هي التكملة
البارت التاسع والعاشر

$$ عنوان البارت $$
&& عاجبني جنوني .. دامه يعجبكم تحملوه&&



حصة تمللت وطلبت من ريم يرجعون البيت
ريم وافقت وردوا البيت
ريم رجعت غرفتها بشويش بشويش علشان محد يجوفها*
دخلت غرفتها من الدريشة*
بش كانت الصدمة*
لين جافت قدامها ريااان

ريان واقف وحاط ايدينه ع خصره
ريم ماتدري ليش حست بالخوف*
يمكن لانها خايفة يقول لمها*

ريم برتباك مع خوف: ريااان. انا......
ريان قطعها: ليش خايفة .... اشر ع نفسه.. خايفة مني!!!!!
ريان طالعها من تحت لفوق: لا تخافين ما راح اقول حق امج

ريم ماتبي توضح ارتباكها: من قال أني خايفة ... بعدين اذا تبي تقول حق امي قولها
مب خايفة.. بعدين امي ما راح تسوي لي شي

ريان: واضح
ريم : أش قصدك!!!!!
ريان: لو انتي مب خايفة جان ما طلعتي من الدريشة.. جان طلعتي من الباب

ريم: أش قصدك ريان .. قصدك انا اطلع من ورأ امي!!!!
ريان: سالي نفسج!!
ريان بجدية: المهم انا مايهمني الموضوع بكبره
.. تقولين لمج ما تقولين.. هالشي راجع لج انتي.. انتي اعرف بتصرفاتج بعدين منتي صغيرة اقول لج هذا صح وهذا غلط .. انا جيت اودعج ؟؟

ريم متفاجئه: تودعني!!!!!
ريان تزل راسه : انا بسافر امريكا ويمكن استقر هنااك وما ارجع البحرين مرة ثانية...

ريم وهي حدها منصدمة: لا مؤ من صجك .. يعني ماراح اجوفك مرة ثانية طيب لييييش!!

ريان بقلبه:*
اشلون تبيني أتم اهنيه وتطعن في اليوم بدال المرة عشر*
اشلون تبيني اجوفج تروحين وترجعين ع كيفج
بدون ما امنعج
اشلون تبيني اجوفج تطلعين بهالملابس وانا ماقدر اقول لج شي
طول عمري اتمنى تكوني من نصيبي بس مب*
وانتي جييه
ابيج متحجبة لبسة دفتج>> عباتج... و حجابج
انا ماقدر اجوفج جيه تطلعين
أش تبيني اسوي بروحي
انتي طول عمرج تحتسبيني مثل اخوج لا اكثر
وانا دووم اعتبرج اول وآخر حب في حياتي*
انتي الوحيدة الي دخلت قلبي
انتي الوحيدة الي حبيتها
احبج*
بس ياليت تفهميني
هذا حب غير عادي يابنت ما تفهميني


نرجع للمحور الرئيسي

ريم واقفة مكانها حتئ انها نست حالها: من صجك انت بس انا قلت لك انا الي بزوجك

ريان ضحك غصب عنه: ههه ومن قال أني بتزوج

ريم: اكيد اذا انت بتستقر اهناك بتتزوج من هنااك

ريان: ههه يحليلج
ريان طالعها بنضرات ما فهمتها : انا مستحيل أتزوج غيرها*
وطلع من الغرفة......

ريم لحقته
.......
ريم: ريااان
ريان وقف بدون ما يلف
ريم بسرعة ركضت وحضنته من ورأ

ريااان وقف مكانه منصدم صج كان يبيها تكون حبيبته وزوجته المستقبليه
بس ما كان يتخيل يوم من الايام تسوي ريم ها لحركة*

ريم وهي توها حضنته: شكرًا ع كل شي طول عمري اعتبرك اخوي الي ما ولدته امي*

ريان خلاص مايقدر التفت لها: بس.. هه اخوج
ريان ريم كل الناس عارفين اشكثر ....
ريم: اشكثر شنو!!
ريان تذكر كلام هند وسكت: اشكثر اعتبرج أخت غاليه علي
ريم ابتسمت: هه وانا بعد*
ريان رد لها الابتسامة
ريم: طيب رياان
ريان : عيونه
ريم: امممم تسلم عيونك.. بس ممكن طلب اصغيرون

ريان: اكيد انتي تأمرين*
ريم: ريم تسلم يالغالي.. أنزين ممكن تأجل رحلتك

ريان: ليش

ريم: ابي اطلع معاك قبل ما تسافر .. من يدري يمكن ماجوفك مرة ثانية

ريان في نفسه: والله لو قلتي لي اقعد وربي اكتسل كل شي *وأعقد عشان عيونج الحلوين

نرجع للأرض الواقع*

ريان: اكيد جم عندنا ريم
ريم فرحت
ريم : مشكوور جد استانست.. امممم طيب بسً من الحين الطلعه ع حسابك

ريان رفع حواجبه: اه يالمكاره انتي عزمتني وانا ادفع
ريم: عيل انا ليش بطلع معاك (جدار يمي)

ريان: هههه حلوه ذي اعيبتني
ريم بجديه: امزح معاك اكيد ع حسابي*

ريان: لا والله ما راح ارضئ .. ع حسابي انا
ريم: من صجك انت .. ع حسابي انا .. اشفيكً انا الي عزمتك اشدعوه
ريان: لا والله مب دافعة ولا ربيه من مخباج.. قالت ع حسابي يعني ع حسابي
ريم: لا ع حسابي انا
ريان: ريم لا تعندين ع حسابي انا وخلاص مابي تقولين شي
ريم ضحكت: هههه اول شي خل نروح وهناك يصير خير*
ريان: ههه صاجه

~~~~~~~~~~~~~~~~~~~~
عند حصة*
دخلت وكالعادة جافت عيال اخوها توهم سهرانين >> ايه محد يكلمهم

حصة رايحه غرفتها بس وقفها صوت أمها

ام حصة: هااه اشلون ذكرتي
حصة: ايه
ام حصة: ورايحه تذكرين بهالملابس
حصة: يمة أش فيج اكشخ.. يعني ممنون اكشخ
ام حصة: أش فيج وانا ماقلت شي بعدين لا تنسين تراني امج عدلي اسلوبج*
حصة: وانا أش قلت
ام حصة : المهم فهمتي
حصة بملل: ايه
( اكره شي عند حصة احد يسألها)
حصة: في شي ثاني
ام حصة: لا روحي نامي وراج جامعه
حصة*
طلعت أمها لين راحت ودخلت غرفتها

~~~~~~~~~~~~~~~~~~~~~~~~

نروح عند مروى*

الحفلة قريب وتخلص
والحضور بشويش بشويش يقلون

مروى مندمجة مع سوالف رعد الي ما تخلص

) ع فكرة رعد لو تتكلم من اليوم لين بأجر ما تخلص سوالفها(((

بدر كل ما يبيً يتكلم مع مروى *يجوفها كله مع رعد تتكلم

بدر في قلبه: اووفيييه هاذي متى تخلص سوالفها حشى ما تعطش*
حشى مب بلعووم

فيصل دبس بدر*
بدر مسكين نقز*
بدر عصب من حركة فيصل: أش فيك ياخي*
فيصل: هههههه انت أش فيك طول الوقت واقف وساكت مع انه مب من عوايدك
بدر: اقول فيصل اقلب وجهك
فيصل بستهبال: ع اي صفحه هوووووع
بدر: هاهاهاها اضحك ولا شسوي!!
فيصل: اقول شكلك مالك نفس احد يمزح معاك
المهم بتطول
بدر: ليش انت بتروح!!!
فيصل باستغراب :ماتجوف مافيه احد اهنيه
.. الكل راح
بدر باستغراب: ليش الحين الساعة جم!!
فيصل: لا الولد مب بعقله اليوم... ياحضي الحين بتدخل *الساعة4 الصبح
بدر: شتقول
بدر طالع ساعته
بدر : اوووف ياخي مر الوقت بسرعة حتى أني ماحسيت فيه
فيصل: اهااا.. المهم تبي اوصلك
بدر: تسوي خير
فيصل: اوكي .. يالله مشينا
بدر: مشينا
~~~~~~~~~
عند مروى

جافت الكل طلع مابقى الا جم واحد بس*
رعد: مروى
مروى: هلا
رعد: يالله انا بروح
مروى: توا الناس قعدي
رعد: من صجج الكل راح بعدين انا بأجر وراي شغل
مروى: الله يعينج
رعد سلمت عليها وراحت


الكل راح مابقئ غير مروى

مروى تعبت وايد*
حتى انها قررت ما تروح الجامعة*


المهم الكل ناام اول ما رجع البيت علشان الجامعة

خل نجوف الوضع عند ملاك
.
.
.
.
.
.
.
.
.

ملاك ردت وهي تعبانه
طبعا سمعت محاضرة من علي
وبعدين ع طول راحت غرفتها ونامت


.
.
.
.
.
.
في الصباااح

خلود كلش ما تبي تروح الجامعة*
بس قالت بتروح علشان تطمئن ع شووق>> تؤمها*

قامت من السرير*
وحالتها حاله
دخلت الحمام عين. مفتحه وعين مغمضة*
خذت لها شاور( وأنتوا الأكرمين)
طلعت من الحمام( وأنتوا الأكرمين)
ولبست ملابسها
الي هم عبارة عن
بنطلون بني وقميص بيج مع جاكيت>> حق البدلات الرسمية>> تعرفونه ع اضن المهم

طالعت نفسها في المنضرة>> المرائاه
راضيه عن استايلها
بس لحضت ان شعرها وصل تقريبا لحد كتفها>> تضايقت
المهم طلعت المقص من الدرج حق الدولاب
وقصت الشعر الزائد*

بعدين طالعت تفسها مرة ثانيه
راضيه عن نفسها

نزلت في الطابق الأرضي
في غرفة الطعام
جافت*
الدكتور طلال
وراشد
قاعدين يتفطرون
سحبت الكرسي وقعدت قدام راشد

راشد يتضايق من اسلوب خلود الجاف
راشد: مافيه سلام ولا صباح الخير .. إحنا طوفه>> جدار.. قدامج ولا شنو

خلود طالعته ببرودة: هلا
الدكتور طلال متابع الوضع

راشد: بس هاذا الي قدرتي عليه
خلود: أش تبي اقول مثلا
الدكتور طلال : ما عليج منه .. المهم اشلون الجامعة
خلود بستهبال: تسلم عليك
راشد: خلوود لا تستهبلين
الدكتور طلال: راشد انت كل وانت ساكت.. لا تتدخل
راشد: بس ..
قطعه الدكتور طلال: راشد*
راشد سكت

الدكتور طلال التفت حق خلود: خلود قلت ألج شخبار الجامعة
خلود: بذمتك يعني شخبارها .. تروح تسمع محاضرات مالها اساس .. وترجع .. يعني شنو...

الدكتور طلال : إها .. مصروفج ماخلص
خلود وهي تأكل: لا البطاقة ماصرفت منها
الدكتور طلال: ليش!!!!
خلود: عندي فلووس
الدكتور طلال: المهم اذا احتجتي شي قولي لي
خلود قامت: مب محتاجه شي ...*

وطلعت

راشد: جفتها حتئ ماقالت بااي ولا مع السلامة
الدكتور طلال: راشد أش فيك انت تعرف اسلوب خلود
راشد: اعرفه بس متى بتغير هالاسلوب الجاف

الدكتور طلال: قول الله يهديها

أذكركم
يمكن نسيتوا راشد ادري لخبطتكم*
وايد لانه في وايد شخصيات
صحيح فيه وايد شخصيات.....*
منهم ذكرتهم قبل بس يمكن انتوا نسيتوهم
*ومنهم جديد*
المهم في كل مرة بذكر كم فيهم

~~~~
راشد مر علينا في الرواية
اذا تذكرون*
لين خلود طقت الولد في الجامعة*
وراشد مسكها>> اعتقد تذكرتوا هالموقف

راشد هو نفس الشخص*
المهم راشد يصير اخو الدكتور طلال الصغير
الدكتور طلال هو الي ربى راشد وخلود مع بعض

راشد وخلود ما يلتقون وايد*
احيانا يلتقون ع الفطور
او ع العشاء
اما الغداء خلود ماتقعد معاهم
لانه احيانا*
رهف>> خطيبة راشد تتغداء معاهم
وخلود ما تطيق وحدة اسمها رهف تكرهها وايد
بعدين خلود ماتحب تقعد مع رهف لعدة اسباب
1- لانها تكرهها وماتحب يصير مشاكل بينهم
>>
بعد تعرفون خلود (كبريت)مشاءالله عليها تعصب بسرعة ع اي شي

راشد .. طويل.. جسمه حلوو... عيونه متوسطة بني... اسمر >> وهذا أحلى شي فيه


بنسبه لرهف
هي بنت من عايله غنية يعني مثل طبقة راشد
تعرف عليها بوساطة *البيبي( البلاك بيري)
وحبوا بعض بعدين*
مكالمات*
بعدين صور*
بعدين مقابلات
لين ما خطبها

رهف .. طولها زين.. جسمها متوسط .. عيونها بني كبار..شعرها لحد خصرها اشقر>> طبعا سابغته.... بشرتها حنطيه
يعني جمالها عادي
الشي الي فيها الي يعصب خلود منها وخلى خلود ما تطيقها
دلعها الماسخ
*وايد تتدلع وتجوف نفسها
ودوم تعتبر نفسها اجمل وحدة في الكون ومتكبرة*
يعني حدها دلوووعة
راشد خذاها من بيت أبوها دلوعة
في أساليب الدلع *الصراحة تصير موسوعة


المهم*
نروح عند فيصل
فيصل
قبل يومين رجع ابووه من السفر
وزينب ع طول تهدد فيصل تقول انها بتقول حق ابوه انه تحرش فيها*

فيصل ولا يهتم من تهديداتها الغبية
يدري هي وش تبي توصل له>> خبرة في البنات مشاءالله عليه خخخخخخخ

قام ع توقيت المنبة
وهو حدة نعسان ومافيه شدة لسوالف زينب وتهديداتها البايخة
تروش ولبس ملابسة
الي هو ثوب بدون غترة وعقال( يعني شماغ ومادري شنو يسمون العقال بالهجه الخليجيه العامة.. إحنا عندنا في البحرين نقول عقال عاد بالعامي مادري)*

المهم*
سوا اسبايكي
وحط نضارته في المخبى حق الثوب*
ونزل

المسكين لقئ قدامة زينب
فيصل كلش مب وقتها*
طنشها ومشى
زينب انقهرت من حركته وصلت حدها
زينب في نفسها:
طيب يا فيصل والله بخليك تنام في الشارع*
وتحب تترجاني أرجعك البيت
انطر علي بس وبتجوف

~~~~
عند ريم
طبعا مب رايحة الجامعة
اولا لانها تعب أنة
ثانيا لانها بتطلع مع ريان*
~~~~~
عند حصة*
من الصبح وأمها تقومها
ام حصه: حصووووووه قومي قامت عليج طوفه
حصه وهي في سابع نومة: همممم
ام حصة: حصة قومي وراج اختبار يالله لحقي عليه
حصة بهمس وعيونها مسكره: زين زين
ام حصة: حصة انا بروح أجوف عيال اخوج قاموا وبرد .. اذا رديت وانتي ع هالحال والله بتجوفين الي ما يسرج

طلعت ام حصة
حصة قامت بكسل
حصه: أهووو كلش تعبانه جسمي مكسر اووف حاله الحين امي مصدقة عني اليوم اختبار اووف اذا رديت ارقد بتم تحن فوق راسي اوانا مب ناقصة

قامت حصة وفي راسها فكرة
علشان تقنع أمها ماتروح الجامعة
راحت خذت لها قطعة قماش مبلله
وفركت يبهتها فيها
عقب مشت الماي الموجود في يبهتها*
وخذت قطعة قماش ناشفة وفركت فيها بعد
لين ماصات يبهتها ساخنة جنها مسخنة
وردت رقدت

بعد نص ساعة دخلت *أمها عليها وجافتها راقدة
ام حصة: حصوووووه
حصه فتحت عيونها وسوت روحها مريضة: كح *كح يمة يمة لحقي علي

ام حصة خافت: أش فيج يمة مريضة
حصة وتكمل التمثيل: يمة إاااه راسي يعورني

ام حصة حطت يدها ع يبهت حصة
ام حصة بخوف: اوووووه حدج مسخنة
حصة: يمة لزم اروح الجامعة وراي اختبار كح كح
امً حصة: لا والله ما راح اخليج تروحين بها لحاله*
حصة: بس يمة
ام حصة: لا بس ولا شي بعدين الا اختبار يعني ماراح يأثر*

راحت ام حصة وعطت حصة حبة بندول
حصة خذت الحبة*
لين طلعت أمها قطت البندول*
ضحكت حصة: مسكينه امي ع نياته تصدق
رجعت راسها في الوسادة وراحت في تاسع نومة> هه

~~~~~~~
عند ملاك
قامت مثل العادة ودقت ع مشاري*
ومشاري *اول ما دقت ملاك عليه قام~> حشى منبة خخ

دخلت الحمام وتروشت *( وأنتوا الأكرمين)
طلعت من الحمام وطلعت لها
بنطلون ازرق وفانيلة ع علم البرشل( برشلونا)
رفعت شعرها مع انه قصير بس تقدر تلمه
وحطت مكياج خفيف كالعادة*
طلعت من البيت*
وهي شبة صاحيه

وقفت يم البرادة
وطلبت من الهندي يجيب لها ( بوم بوم)
عطاها
وهي عطته الحساب ومشت حست بألم خفيف في راسها
طلعت البندول وبدون ما تركز شربت ( بوم بون)
خبركم بوم بوم مع بندول يخلي الواحد شبة سكران*

وهذا الي صار مع ملاك

وصلت الجامعة
وهي توزع ابتسامات للكل من تلقيه قدامها
وهم مستغربين منها
يوسف
جاف ملاك وقال من بعيد بصوت عالي: ياعمرررررررري البرشلونا

ملاك التفتت له وهي مب فاهمة >> مسكينة مب صاحيه

بعد دقائق استوعبت
ملاك: ياهلا بالطش والرش والبيض المفعصص

يوسف ضحك من قلب: كككككككككك حلوة البيض المفعصص*

ملاك: هاه
يوسف: ملاك انتي شاربة شي الصبح خلاج مب بعقلج
ملاك تذكرت: اووووه شربت بوم بوم مع بندول
يوسف : اقول أش فيج تخربطين في الكلام
ملاك: اها
يوسف: اقول ملووك امشي ورنا محاضرة
ملاك: هاه
يوسف : اقول امشي اطلبلج قوة تشربينها تصحصحين اشوي

بعد ما شربت ملاك القهوه
راحوا القاعة
وبتدت المحاضرة







عند خلود
دخلت الجامعة
ع طول راحت تدور ع شوق قالوا لها انها ما أحضرت الجامعة

خلود اشتاقت حق شوق*
من بعد الي صار مع شوق
ماجافتها خلود

خلود لحضت ان تقريبا نص الي حضروا البارح الحفلة
ما راحوا الجامعة
قعدت وحطت رجل ع رجل
جافت شلتها
جايين صوبها
سلموا عليها وراحوا محاضرتهم
خلود ما راحت*
مافيها شدة وجع راس الي تدرسهم وحدة هندية ما ينفهم منها شي وفوق هذا تصارخ وهي تشرح
وخلود كلش ماتحب احد يصارخ
قعدت تطالع الرايح والي راد*
جافت يمها بوية تدخن
خلود التفتت للبوية
خلود: ممكن سجارة
البوية: اكيد تفضلي
خلود خذاها طبعا بدون ما تقول شكرًا
وبدأت تدخن

ملاك كملت محاضرتها
جافت خلود*
وراحت من ورأ لمتها
خلود : ملوك
ملاك لين شمت ريحة السجارة حست بالغثيان
تكره ريحة السجاره*

بعدت ملاك عن خلود وهي حدها ماقززة من ريحة السجارة الفايحه في ملابس خلود

خلود وقفت*
وهي مبتسمة
قربت خلود تبي تحضن ملاك
بس ملاك دزتها
خلود باستغراب من حركة ملاك: أش فيج
ملاك : بعدي عني
خلود: ليش
ملاك تجمعت الدموع في. عينها
خلود لحضت هالشي
خلود : ملاك يبه أش *فيج
ملاك نزلت دموعها
* *




ياترئ ليش تضايقت ملاك من ريحة السجارة!!!!
ياترى ليش صاحت فجاه!!!
تبعوني في البارت القادم
مع*
تحياتي



يالله ابي تشجيع قوي ....

 

[zhoorQ8]

تسلمين عالبارت عجيييب كمليي

 

[هواك قلبي]

هاذي التكملة

ولا
رمضان كريم
حبيت أبشركم كل يوم بنزل بارت في مثل هالوقت

يالله حماس

وهذي التكملة

$$الفصل الرابع$$
* * * * * * * *$$ الجزء الاول$$
* * * *ًًًًً * * ** * *$ البارت11$


&&عنوان البارت علموك القسوه وانت طبعك حنون&&



بسرعة تغيرت الاحداث مع ابطال قصتنا*

نرجع عند راشد& شموخ


اشد: انتي ليش وافقتي علي
شموخ: ..............
راشد: انتي ماتستاهليني انتي تعامليني بكل احترام وانا......
شموخ: لا يا راشد انت بعد ما قصرت معاي كل شي ابيه تجيبه لي ..... راشد قول منهي
البنت اليً سكنت قلبك وانا بنفسي بروح اخطبها لك
راشد: شنو وانتي
شموخ ابتسمت: بتم ع ذمتك*
راشد رفع حواجبه: يعني راضيه أني أتزوج عليج
شموخ: عادي اكاهوا الرسول تزوج 13 وحدة
راشد: انتي ليش تسوين كل ذي انا ما استاهل
شموخ: لا تستاهل ونص … بروح اخطب مريم لك
راشد منصدم
شموخ قعدت وحذت رجل ع رجل: ع بالك في العرس ما لحضت نضراتكم لبعض
راشد توه منصدم

شموخ حدها متضايقة بس ماحبت توضح هالشي لراشد
شموخ ابتسمت:كانت مريم ع طول تكلمني عنك وتتكلم عن حبكم لبعض لكن انا ماتوقعت
يوم من الايام ان نفس الشخص الي تزوجته هو حبيب صديقتي الي وعدها بالزواج .. انا مابي يوم من الايام اكون السبب في كره صديقتي لك انا احب وأعز مريم وايد
شموخ عصبت مرة وحده وفيها الصيحه : انت ليش تزوجتني ليش دمرت قلب صديقتي ليش!!
انت مب بس دمرت حياتك*
انت دمرت حياتها وقلبها بعد اشلون تسوي فيها جذيه ياقوة عينك!!
راشد : صدقيني ماكنت ادري والله العضيم
انا قالت لمي أني ابي أتزوج بس ماكنت اقصد انها تختار البنت الي بتزوجها
لان مريم الوحيدة الي فكرت فيها
شموخ: الغلط منك أيشً ماقلت لها ان عينك ع بنت محددة
ليش ما قلت لها انك تحب مريم وتبيها
مسكينه مريم انتضرتك 6 شهور
كان كل يوم واحد يطق بابها وهي ترفض
بس عشانك انت
اما انا ماكنت حاطه عيني ع احد*
انا كنت ابي انسان يحبني وأحبه
ما كنت ابي انسان يفكر بغيري وهو منجبرت*
انا ما عندي. مشكله لان اذا تطلقت*
اليوم الثاني بيخطبوني ويجيني نصيبي
بس مريم حلفت ماتزوج احد غيرك يعني بتم متعذبه طول حياتها
خلاص افهم

راشد: .......

شموخ : أبيك تطلقني بس قبل ما تطلقني توعدني انك بتراضي مريم*
راشد: ماقدر اطلقج
شموخ: طيب لييييييش!!!!!!
راشد : تبين تعرفين ليش لان ما ابي مريم تزعل مني
شموخ: شنوووووو
راشد: فيه يوم من الايام كانت تقول لي اذا الله ما جمعنا وما تزوجنا وانت تزوجت وحدة غيري امااانه لا تجرحها او تطلقها علشاني
وانا وعدتها بالشي
شموخ: بس انت تبيها بعدين مريم كانت تقصد اذا البنت هاذي تبيك*
راشد: يعني انتي ما تبيني
شموخ: ايه ما ابيييك طلقني!!!
راشد : ليش انتي مصررره ع الطلاق
شموخ: لان عمرنا ما راح نكون لبعض بعدين من يدري بأجر أتزوج ع واحد يحبني ويبيني!!
راشد: طيب انتي طالق طالق طالق
شموخ ابتسمت وهي تحس براحة غير طبيعيه

شموخ عمرها ماتبي تكون سبب قهر وكره وخراب حيات مريم
لان ياما مريم وقفت مع شموخ في أوقات لا تحسد عليها

شموخ وراشد رجعوا للبحرين وهم مطلقين
راشد راح بيت أهله وشموخ راحت بيت اهلها

راشد حس بفرح حس ان الله عطاه فرصة ثانية وماراح يضيعها من ايده



نرجع عند ملاك

ملاك كملت محاضرتها
جافت خلود*
وراحت من ورأ لمتها
خلود : ملوك
ملاك لين شمت ريحة السجارة حست بالغثيان
تكره ريحة السجاره*

بعدت ملاك عن خلود وهي حدها ماقززة من ريحة السجارة الفايحه في ملابس خلود

خلود وقفت*
وهي مبتسمة
قربت خلود تبي تحضن ملاك
بس ملاك دزتها
خلود باستغراب من حركة ملاك: أش فيج
ملاك : بعدي عني
خلود: ليش
ملاك تجمعت الدموع في. عينها
خلود لحضت هالشي
خلود : ملاك يبه أش *فيج
ملاك نزلت دموعها
* *
ملاك قعدت ع الارض وهي توها تصيح
خلود كسرت خاطرها ملاك
قربت من عندها
بس ملاك صارخت اين كل الطلاب يجمعوا
ملاك وبهي تشهق: بعدي عني ماتفهمين*
خلود قربت اكثر تبي تمسح دموع ملاك
بس فيصل دزها لين ما طاحت ع الارض
فيصل: انت شمسوية في ملاك يا لحقيرة
خلود بدات تعصب: فيصل مالك شغل
فيصل وهو واصله حده: سمعي يالبوية اذا انتي شاذه روحي جوفي بنت غير ملاك يا######

خلود عصبت: فيصل احترم نفسك أحسن لك
فيصل بستهبال: يمممه خفت البويه خالد خوفتني شباب احد عنده مخبى ادخل داخل*
فيصل بجديه: ياحلوو بسج مسخره
خلود: اسمع مب انت ولا عشره من امثالك يالخسيس يكلمني بالطريقة

ملاك يودت راسها وصرخت: بس بس*
خلود وفيصل سكتوا

ملاك تطالع خلود وفي عيونها دمووع
عيونها العسلي الي دوم يضحكون طلع ألم الي داخلهم

ملاك: قبل خمس سنوات ابووي صادة سرطان الكبد
ملاك مسكت خلود من قميصها: تعرفين ليييش!!!
خلوود ساكته
ملاك: لانه هذي >>تأشر ع السجاره الي مقطوطه في الارض<<<
دمرت حياته ابووي مااات بسبة هالمرض
بكت بحرقه
ملاك: انا مابي يصيدج شي تعرفين ليييش!!
لأني من عرفتج وانا حاسه فيج واعتبرج مثل أختي
واذا صادج شي بتم طول عمري متندمة لأني ما منعتج
مثل ماني متندمة أني ما منعت ابووي

خلود تمت ساكته

فيصل استوعب الموضوع وستحى ع وجهه
بسبب الكلام الي قاله لخلود
بس هو لين يجوف ملاك تبجي يحرقه قلبه عليها

فيصل انتبه ان الكل يطالعهم
فيصل : شنو تطالعون يالله روحوا دربكم

خلود ابتسمت وخذت السجاره الي في الارض
خلود رفعت يدها وهي ماسكه السجاره
خلود: هاذي الي زعلتج*
خلود قطتها في الارض وداست عليها
خلود: يالعن ابوو من يزعل ملووك
ملاك ابتسمت: وعديني ما تشربين سجاره مرة ثانية
خلود: وعد
ملاك مسحت دموعها وابتسمت

خل نجوف الوضع عند بدر
بدر طول الوقت وهو مع الشله*
يسولفون
ويغازلون>> هاذي حياتهم

بدر: يوسف*
يوسف: هلا
بدر: اليوم فيه بارت ع كيف كيفك بنات وسهره *>>غمز له<<*وحركات
يوسف طالعه بحتقار: ياخي انت ما تتوب بسك لعب في بنات الناس ... ياخي في يوم بتنقلب الدنيا عليك ويلعبون في خواتك
بدر: هه أش عندك صاير بلفيسور في الفلسفة
يوسف: لا تستهبل مع وجهك .، انا أتكلم جد
بدر: خف علينا اقول يعني انت الحين ما تغازل وترقم
يوسف: بس ما يوصل أني أخذ أغلى ما عند البنت*
بدر: يه يه حركات ... علمنا اشوي .. بالطقاق محد غصبك تجي معاي ياخي الشره علي الي اكلم يهال
يوسف : اقوول يالله انقلع
بدر قام وعطا يوسف بنضره: هه الشيخ يحب

ومشى

خلص الدووم والكل رد بيته

عند ريم
تجهزت حق الطلعة
لبست تنوره سودا لحد الركبة ولبست قميص وصديري مع التنوره>> واااو

فلت شعرها و خلته ع طوله*

حط لها مكياج خفيف

ورشت عطرها( *اسكادا)

وطلعت مع ريان
ريان لبس شورت ازرق مع فانيله بيضاء فيها نقاشه تنين ازرق وجوتي ابيض مع النضاره>>> حطمني


راحوا الستي سنتر دخلوا السينما
وجافوا فلم هندي رمانسي

ريم تسولف وتضحك مع ريان
طلعت ريم وريان بعد ماخلص الفلم*
وراحوا عند المطاعم يتعشون
ريم تأكل بسرعة>> حدها جوعانه
ريان يطالعها*
ريم رفعت راسها وريان توه يطالعها*
ريم باستغراب: مضيع شي في وجهي
ريان انتبه: هاه ايه*
ريم : شنو
ريان اشر ع فيسها
ريم: أش فيج في شي غلط
ريان: تلعوزتي
ريم ابتسمت وخذت الكلينكس ومشت الطعام الي كان يم بوزها
ريم: *ريان
ريان: هلا
ريم؛ تعرف كنت قبل ما طيقك*
ريان: ليييش؟؟
ريم: مادري
ريان: والحين
ريم:تغيرت وايد وصرت تعجبني
ريان: هه زين اهم شي اعجبتج
ريم: هههه تصدق انا طول عمري اتمنى يكون عندي اخو ولا أخت
ريان: هه حلته تكونين وحيدة امج
ريم: لا انت غلطان صج امي تعطيني كل شي ومدلعتني بس انا ودي يكون عندي اخوو اذا احتجته أجوف جدامي يساعدني
ريان ابتسم: وانا وين رحت
ريم؛ انت عمرك ما احتسبتني أخت لك
ريان: من قال
ريم: ليش انا تخترتني
ريان مب فاهم ولا شي
ريم: انا اليوم سمعتك تكلم اختك هنووف
وتقولها انك خلاص ماتقدر تتحمل وانك بتسافرً علشان تنسى حبك لي
ريم: اعتقد انك. قررت أحسن قرار في حياتك
لأني ماراح اقدر احبك كثر ما تحبني يمكن
تلقى أحسن مني تحبك
ريان: انا ما كنت ابي اضايقج
ريم: صح انت ما كنت تبي تضايقني بس انا ضايقتك*
ريان: لا ماضيقتيني انتي فتحتي عيوني ع الواقع... المهم انسي الموضوع وين تبين تروحين الحين!!!
ريم: انت ما كليت شي
ريان: شبعان مابي
ريم: لا *بتآكل علشان خاطري
ريان : علشان خاطرج بس*
ريم: ههه تسلم

~~~~~~~~~~~~~
ملاك طلعت الستي*
اهي توها داخله
وريم توها اطلعت>> ما جافوا بعض

المهم قعدت ملاك
عند المطاعم وطلبت لها( بستااا)
وهي تأكل جافت مشاري مع ربعه واقفين صوب المطاعم
قامت من مكانها وهي مستانسه

راحت عنده*
ملاك بطفوله: هايووووو
مشاري التفت: انتي
ملاك : شخبارك
مشاري: دامني جفتج مب زين
ملاك برطمت: افااا
مشاري: اقول اخلصي أش تبين
ملاك: بس اسلم عليك حراام
مشاري: ايه حرام*
ومشى وخالها
ملاك تعرفونها عنيده
لحقته
مشاري طلع من الستي*
وملاك وراه
ركب سيارته ومشى
ملاك وراه شغلت سيارتها ومشت

مشاري*
كان رايح >> كرنيش الشيخ خليفه<<

ملاك وراه

نزل وكان ربعه ينطرونه
سلم عليهم*

ملاك نزلت من سيارتها
وقررت تعترف لمشاري

ملاك: مشاري
مشاري التفت: اووف خير
ملاك: ابي اقول لك شي*
مشاريً بملل: اخلصي
ملاك تطالع ربعه: ع انفراد
ربع امشاري فهموا وبعدوا


مشاري: اشتبين مللتيني لحقتني من الستي لين اهنيه
عيب يابنت والله عيب*
جوفي روحج أش كبرج عقلي بسج حركات ميهل>> أطفال
كبري عقلج
اذا تبين تلعبين لعبي مع غيري

ملاك عصبت من كلامه: ومن قال لك أني العب معاك .. سنو جايفني بنت من الشارع .. اذا انا لحقتك فهذا ما بعني *أني ابي العب معاك سوالف وحب وغرام .. لو انا العب وانت تعاملني بهل الطريقة جان *من زمان جفت واحد بدالك بس أتا حبيتك.. يعني احبك*

* * * * * * * * * * يعني احبك*
* * * * * * * * * * يعني احبك
* * * * * * ** * * *يعني احبك


مشاري : وانا ما احبج ما طيقج اكرهج .. اكرهج يابنت فهمي روحي ما ابيج


ملاك حست بجرح اول مرة تصيدها
نزلت دموعها بدون سابق انذار
ملاك: هذا هو الي تبيه؟؟؟
أني ارحل من حياتك ؟؟
وتم اسأل نفسي ليش؟؟؟

ملاك بستهزاء: بس خلاص!!
هذا هو اللي قدرته !!
وقدرك ربي عليه!!

مشاري: انتي لي جبتي لنفسح هالشي مب اي واحد تقولين له احبك
وهو يقول لج سمعا وطاعه
عقلي ومايتاج كل هالي تسوينه ترا والله ما ينفع .. يابنت وروحي الله يستر عليج


ملاك: انا لجيت احب بحب من قلب من داخل قلبي ما راح استأذن احد انا اذا حبيت احب من داخل مشاعري انا اذا عشقت بعشق ع كيفي*

مشاري جد عصب: اذا تبين تحبين حبي بس لا تقربين صوبي اووف مليت منج .. ذلفي عن وجهي روحي فكيني مليت منج*
كل يوم تزعجيني لعت جبدي كرهت حياتي بسبتج *
أش تبين مني
ياما جرحتج ياما طنشتج
بس ما تاثرتي*
فيه بنت تلحق ولد وتذل روحها له
لو واحد بدالي لعب عليج من زمان*
بس انا اولا عندي خوات*
ثانيا أخاف ربي
*انا استغرب أهلج جيه علموج

ملاك صاحت من قلب: يالعن خيرك .. انت صاج انا ذليت روحي *وايد
بس *اذا هذا الشي الي تبيه أني اروح*
بروح بس تذكر بيجي يوم مشتاقك لي حيل وانا في ذاك اليوم بصدك*
راح تمنى أسامحك بس تذكر مب انا الي أخسر يلعن ابوو الحب وشكاله
انا مادري شنو حبيت*
حبيت وايد ما يعرف الحب من اصله
ابي اقول لك انا بروح بس صدقني ما راح ارجع
وتذكر كلامي زين
لاصد قلبي صد من دون رجعة<<

ومشت*
اهنيه تذكرت كلام أختها مريم

ملاك: اهو الخسران مب انتي*
مريم : ملاك ما راح تحسين بجرحي الا يوم يصيدج*
ملاك: مستحيل اضعف جدامه اذا هو باعني
مريم: اتمنى


ملاك بقلبها:
هذا انا ضعفت*

*ركبت سيارتها*
وهي تصيح وتلعن نفسها
ملاك ما كانت منتبهه وكان فيه سيارة قدامة
و...................






هل ياترى شنو بيصير لملاك!!!!!!
*

تابعوني في البارت القادم......




رمضااان كريم

 

[MaDLiN]

گممممممممملي فديتج

 

[MaDLiN]

اب اب اب اب

 

[كتكوتي]

اب اب اب اب اب

 

[MaDLiN]

اب اب اب اب اب اب اب

 

[هواك قلبي]

انتضروا في اليل بنزل الجزء 12

 

[MaDLiN]

عفيه گمممممملي لا تطوولين

بأإنتظارج يالغلأإ

 

[MaDLiN]

اب اب اب اب

 

[هواك قلبي]

من عيوني

 

[MaDLiN]

اب اب اب اب اب

 

[MaDLiN]

تسلم عنونج

 

[zhoorQ8]

وين البارت طولتي

 

[MaDLiN]

گمممممممملي فديتج
طوووووولتي

 

[MaDLiN]

اب اب اب اب اب