روايتــــــي الثـــــــانيــة :خــــوات ايد بيــــــــد لن يفرقنا الزمـــــــــن ....

[mnor 21]

الله يحييج قلبي ? ومشكورهع البارتات الرووعه .. وتوقعاتي : ان حمد برجع منى و يا كرهيي لارياام ويع حقيره وانشاء الله ييطلقها حمد وبس ، بنتظار البارت

 

[3rbawiiya]

up
Up up
Up up up
Up up up up
Up up up up up
Up up
Up up
Up up
Up up
Up up
Up up

up
Up up
Up up up
Up up up up
Up up up up up
Up up
Up up
Up up
Up up
Up up
Up up
up
Up up
Up up up
Up up up up
Up up up up up
Up up
Up up
Up up
Up up
Up up
Up up

up
Up up
Up up up
Up up up up
Up up up up up
Up up
Up up
Up up
Up up
Up up
Up up
up
Up up
Up up up
Up up up up
Up up up up up
Up up
Up up
Up up
Up up
Up up
Up up


​

 

[قلبي سلمته لك]

بنات اليوم الساعه 11ان شاءالله بنزل البارت

 

[RzoOon]

انا اتوقع ان لما تطلع منى مع خالها يخطفونها المافيا

 

[قلبي سلمته لك]

​

​

​

<<<<<<<<<<<<<<<<<<<< ​

البـــــــــارت الحادي عشر ​

__________________________​

عند منى والخال جانسون راحوا يتعشون بـ مطعم ايطالي يطل على نهر وكان الجو خيال ​

منى : انه منظر جميل .... شكرا لك خالي ​

الخال جانسون : نعم انه كذلك .... ​

منى : خالي اريد ان اسالك بشي لكن لا تفهمني غلط ​

الخال جانسون : ماذا بك يا عزيزتي ​

منى : خالي كيف عرفت باننا موجودين بالكويت ​

الخال جانسون : اتصلت علي امراة وكانها من صوتها بالعشرينية وقالت لي انكم بالكويت ​

منى باستغراب : امراة بالعشرينية ​

الخال جانسون : نعم وقالت لي ان حمد ولد عمكم اجبركم الى الحضور الى الكويت ​

منى : وهل لديك رقم هاتفها ​

الخال جانسون : لا لقد امسحته من هاتفي ​

منى وهي مترددة : خالي هل لك علاقه بالمافيا الروسية ​

الخال جانسون عصب والتفتت لها :ماذا وانتي كيف عرفتي ​

منى ودموعها على خدها : ارجوك يا خالي اخبرني بالحقيقه انا لم اصدقهم وكذبتهم لاني اعلم انك على حق ​

الخال جانسون نزل راسه : نعم لي علاقه بهم لكن ​

منى منصدمة : كيف لك علاقه وما هي العلاقه ​

الخال جانسون : سوف اخبرك كل شي هل انتي مستعده له ​

منى هزت راسها : نعم ​

الخال جانسون : عندما تخرجت من الجامعه مع والدك ذهبنا الى روسيا وكان والدك قبل ايام قليلة تزوج اختي ​

ذهبنا الى موسكو للسياحة وللترويج عن النفس فكانت الفكرة فكرة والدك ( ابتسمت منى ) خرجنا في يوم من الايام الى الخارج انا ووالدك .... والدك صدم شخص بالخطا والشخص سقط على الارض وكان معاه مجموعه من الاشخاص الذين يمشون وراءه وقدامه والدك مد يده ليساعده لكن الاشخاص الاخرين سقطوا والدك على الارض وضربوه انا اقدمت لمساعدته وابعدت الاشخاص عنه واعتذرت لهم وذهبنا عنهم .... والدك رجع من بعد هذه الليلة الى لندن لحاجة ابي ووالدتك اليه وانا بقيت , في يوم جاء لي مجموعه من الاشخاص وطلبوا مني ان اذهب معهم الى رئيسهم فذهبت معهم ووصلنا الى قصر .... دخلت القصر واذا بهم يسقطوني على الارض وجاء رئيسهم ووضع قدمه على ظهري وبعدها نزل الى الارض وقال : اهلا بك الى مجموعتنا يا جانسون انا استغربت من هم ولااعرفهم لكني تذكرت حادثة ابيك مع الشخص الذي صدمته وطلع رئيسهم هو الشخص هذا وبعدها عرفت ان انا موجود في المافيا الروسية وتعودت معاهم واشتغلت معهم ​

منى : ولماذا وافقت الى المشاركة في مجموعتهم ​

الخال جانسون : لانهم هددوني بـ قتل عايلتي ​

منى بجت : وهل صحيح جدي قتل ابي بالحادث ​

الخال جانسون تنهد:لا ليس له أي يد بالحادث​

منى فتحت عيونها على الاخر وقامت : ومن هو الذي قتل ابي ​

الخال جانسون : المافيا ​

منى : هل تكذب علي يا خالي ام هذه هي الحقيقة ​

الخال جانسون : لقد خيروني بـ قتل ابي وقتل ابيك واختي ​

منى : ومن اخترت ​

الخال جانسون : لم اختر احد​

منى قعدت : كيف ​

الخال جانسون : لانهم سبقوني بقتل اختي وابيك وبعدها هددوني بقتل ابي وانتم ​

منى بجت : يعني هذي هي الحقيقه ​

الخال جانسون : نعم ​

منى : ولماذا انت تكره جدي واعمامي ​

الخال جانسون :لست انا من يكرهم بل هم ​

منى باستغراب : لماذا ​

الخال جانسون قام وهو يحاول يضيع السالفه : هل نذهب لانني تعبت ​

منى عرفت ان خالها مخبي شي كبير : اوكي ... حتى انا ........ وردوا للبيت ​

_______________________________​

في فله الجد ​

ملاك : شفتي شلون طلعت بدون ما تعبرنا ​

فاطمة ما كانت معاها كانت تفكر شلون (حياتها بتكون بدون منى ... منى اللي ما تقدر تعيش بدونها اللي كانت ​

الوحيدة اللي كانت تساعدهم بكل مشكلة وما كانت تسمح لاي احد انه يضرهم ) ​

ملاك : لا وبعد مسكت ايد خالي وهي تدري انه هو اللي قتل ابوي وامي ​

فاطمة : ملاك انا بروح تحت ​

ملاك : وانا معاج ​

فاطمة قامت بدون لاترد ونزلت مع ملاك راحوا للصاله وانصدموا من اللي يشوفونه .......​

___________________________​

في فله بو فيصل ​

سطام قاعد بغرفته وهو يفكر ( شنو السبب اللي يخليج يا منى تروحين وتتركين خواتج ..... ) قطع عليه صوت الباب ​

سارة : سطام ابوي يبيك تحت ​

سطام بضيق: طيب ​

سارة : شفيك​

سطام وقام : ما فيني شي ​

سارة ووقفت عند الباب : ما راح تطلع الا تقول لي شصاير شنو اللي مغيرك انت بـ الحزة لازم تطلع شفيك اليوم ​

سطام وهو يبعدها : سارووو بعدي عن طريقي مالج شغل ​

سارة : ما راح ابعد الا تقولي لي شصاير ​

سطام بعدها بقوة ودفها وفتح الباب وطلع : يووووووووووه ​

سارة : هذا اكيد فيه شي خليني اروح اسال سلطانوو هذولا فيهم شي شنو اللي مغيرهم ​

عند سطام نزل تحت للصالة وشاف ابوه وفيصل وسلطان قاعدين ​

سطام : السلام عليكم ​

الكل : وعليكم السلام ​

فيصل : انت وينك اليوم حتى ما تعشيت معانا ​

سطام بضيق باين عليه : قاعد بالغرفه خير شصاير ​

ابو فيصل : يبا فيك شي شنو اللي مغيرك اول مرة تحبس نفسك بالدار ​

سلطان عرف اللي فيه انه يفكربــ منى : يبا عيارة ..... ويغمز لــ سطام ... صح سطامووو ​

سطام : ههههه أي صح ​

فيصل وهو مستغرب : أي صح باين انها عيارة ​

​

_________________________​

عند حمد واريام ......... اريام بالغرفه تنطر حمد وحمد بالصاله قاعد ​

اريام : ياربي هذا شنو ما يحس طيب تعال اسال عني حتى عشا ما تعشيتي ... خليني اروح له ​

وطلعت من الغرفه وراحت له وشافته قاعد على الكنبة وحاط ايده وراء راسه وهو يفكر ​

اريام قربت منه وقعدت جمبه : حبيبي فيك شي ​

حمد انتبه له ( ياربي والله انها عله ) : لا ما فيني شي ​

اريام ( يعني تفكر فيها ) : طيب حبيبي انا ما تعشيت ​

حمد : روحي طلبي من المطعم ​

اريام باستغراب وعصبية : شنو اطلب من المطعم انا بروح اتعشا برا ونغير جو شرايك ​

حمد : اوكي روحي غيري لبسج وانا ناطرج برا ​

اريام وهي مستانسة باسته مع خده وراحت : ..........​

حمدحط ايده على خده وابتسم وهو يتذكر منى قطع التفكير ونزل تحت ​

حمد وهو ينزل تحت وسمع صوت صراخ فاطمة وملاك راح له وانصدم وهو يشوف ​

نادية مغمي عليها ركض لهم ​

حمد :شفيها ​

ملاك وبين دموعها : ما ادري نزلنا وشفنا جذي ​

فاطمة : خلينا نوديها للمستشفى ​

حمد : يالله لبسوها عبايتها وانا ناطركم برا ..... طلع من الصاله وقابل بطريقه جده ​

الجد : شصاير شنو صوت الصراخ هذا ياحمد ​

اريام توها نازلة : يالله حبيبي نمشي ​

حمد وهو متجاهل اريام : يبا نادية مغمي عليه وانا بوديها للمستشفى ​

اريام بخيبة امل : وانا ​

حمد ( خايف لا يتفشل من جده ): اريام انتي خليج فوق واذا رجعت من المستشفى بنطلع ​

اريام : اوكي قلبي ​

حمد طلع بسرعه ولحقته فاطمة وملاك وهم شايلين نادية ​

حمد وهو يشغل السيارة :وحده منكم تروح ​

فاطمة : انا بروح ....... ركبوا السيارة وحركوا ​

ملاك دخلت داخل وشافت اريام ​

اريام : ليش شفيها اختج شكها مشتاقه لـ منى ههه ​

ملاك انقهرت لكنها مسكت نفسها : جب بس .... وجت بتمشي بس ايد اريام وقفتها ​

اريام : لا تقولين لي جب لا اخلي حمد يمسح فيج الارض نفس اختج ​

ملاك : ههههههههه انتي تخلينه أي صح....... وراحت فوق وهي كاتمة دموعها لا تنزل قدام اريام وتهتز ​

________________________​

بالمستشفى حمد وفاطمة ينطرون الدكتور يطلع من نادية ​

فاطمة قاعدة تبجي :اهي اهي ​

حمد : بس فاطمة خلاص ما فيها شي ​

فاطمة : كله من منى ليتها ما راحت جان ما صار اللي صار ​

حمد : بس خلاص ليش تذكرونها الحين دامها هي ما ذكرتكم​

فاطمة : يعني ننساها يا حمد هذي منى ننسى اختنا ​

حمد : انا ما قلت انسوها بس حرام اللي تسونه علشانها وهي حتى ما درت عنكم ​

فاطمة بجت: اهي اهي ​

حمد : وليله خلاص يبا كيفكم ​

فاطمة كانت بتتكلم لكن الدكتور طلع وراحت له : دكتور شفيها اختي ليش اغمى عليها ​

​

<<<< يتبع ​

 

[قلبي سلمته لك]

حمد : شوي شوي خلي الدكتور يتكلم ​

الدكتور كان كويتي : لا ان شاءالله ما فيها أي شي بس شوي دوخه عشان انها ما تاكل زين ​

حمد : الحمدالله ​

الدكتور : بس هي تنادي باسم منى انتي تكونين منى ( ياشر على فاطمة )​

فاطمة : لا هذي اختي ​

الدكتور : طيب اذا هي موجودة خلوها تدخل لها لان مبين انها تبيها ومحتاجه لها ​

فاطمة غمضت عيونها : ما نقدر ​

الدكتور مو فاهم شي : ليش ​

فاطمة : لانها ماتت ​

حمد طالعها باستغراب (معقولة كرهتوها ) :...................​

الدكتور : الله يرحمها ...... الحين في ادوية بكتبها لها ياليت احد منكم يلحقني عشان اعطيه اياه ​

حمد : انا بروح معاك وانتي فاطمة دخلي لها ​

فاطمة راحت لها ودخلت وتفاجات بشكل نادية ​

فاطمة : ما تشوفين شر يا الغالية ​

نادية بصوت تعبان : الشر ما يجيج ​

فاطمة : جذي تخوفينا عليج ​

نادية بجت : اهي اهي ​

فاطمة راحت لها وحضنتها : خلاص يا قلبي لا تبجين ​

نادية : مشتاقه لــ منى ما ابيها تغيب عني ​

فاطمة عصبت : انتي ليش تخافين عليها هي تركتنا خلاص لازم ننساها ولا نعذب نفسنا علشانها نادية ​

لا تسوين بعمرج جذي مو زين لج واذا على منى لا تخافين انا كلي ثقة ان حمد بيرجعها ​

نادية : حمد ما راح يرجعها ​

فاطمة : ليش ما راح يرجعها ​

نادية : لانه ما يبيها حمد انجبر فيها وهو رجع اريام يعني منى انتهت من عنده ​

فاطمة : هي اللي تركته والا في وحدة تترك زوجها وبصباحية عرسها بعد​

نادية :خلاص لا تذكريني ​

فاطمة : أي هذي نادية اللي اعرفها انسي يا اختي ولا تشيلين بقلبج خليها هي تركتنا ومصيرها بتعرف خالي منو ​

نادية ابتسمت بضيق وهي مو مرتاحه : .............​

دخل حمد عليهم : ما تشوفين شر ان شاءالله ​

نادية بضيق : الشر ما يجيك ​

حمد : الدكتور قال الحين تقدرين تطلعين يالله لبسي عبايتج علشان نطلع ​

نادية : ان شااءلله ​

حمد : انا ناطركم برا ​

فاطمة : اوكي بلبسها عبايتها ونطلع ​

حمد طلع ونادية لبست عبايتها وطلعت مع فاطمة وركبوا مع حمد​

________________________________​

في يوم جديد يوم ملي بالتفاءل من قبل ابطالنا << ترا متعوب عليها هع ​

في فله الجد الكل نزل يتريق ​

اريام صحت متاخرة : صباح الخير جميعا ​

حمد تفشل من جده : صباح النور تعالي قعدي جمبي ​

اريام استانست وراحت قعدت جمبه : .......​

ملاك كانت مقهورة ما تدري ليش : الحمدالله شبعت بطلع برا اشم هواء..... وقامت​

حمد عرف انها فيها شي : وانا بعد شبعت بطلع معااج ​

ملاك رفعت حاجبها واستغربت طلعت بدون لا تتكلم : .......​

حمد قام ولحقها : .........​

اريام : يوووه نسيتج نادية شلونج الحين ان شاءالله احسن ​

فاطمة ( ياربي تقهر وربي لو جدي مو موجود جان عرفت شلون اربيج ) : بخير ما فيها الا العافية بس تتدلع وهذا حقها ​

اريام ( يعني بتقهريني يا فاطمة هين انا اعلمج ) :يووه ليتني متصله على ناصر يمكن تصيرين زينه ​

نادية كانت متجاهلتها : ........​

فاطمة : لا حبيبتي ما يحتاج اصلا حمد اتصل عليه ما قالج أي صح امس ردينا متاخر فاكيد انتي كنتي نايمة ​

اريام انقهرت : لا حبيبتي انا ما انام الا حمد معااي ​

نادية بطلت عيونها على كبرها ( هذي صج قليله حيا حتى قدام جدي تقول هالكلام ) : الحمدالله شبعت ....... وراحت ​

الجد : عوافي يا بنتي حتى انا شبعت بعد نطريني اروح معاج ​

نادية مسكت ايده وراحت معاه : ​

بس بقى فاطمة واريام ​

فاطمة شافت الكل قام وما بقى غيرها هي واريام فقالت بقهرها اكثر : ​

فاطمة : اقول ريوووووم ​

اريام تطالعها بقرف : ويع شنو هالدلع ​

فاطمة : ليش شنو تحبين نناديج يا مدام ريووووم ​

اريام : لا يا قلبي انا ما احب يدلعني غير حمودي وبابا وماما ​

فاطمة فطست ضحك : ههههههههههه حمودي شيطلع هذا ​

اريام : ليش ما تعرفين منو حمودي ​

فاطمة : لا والله ما اعرفه ليكون البيبي اللي ببطنج ​

اريام تنرفزت ووقفت : هي انتي صيري عاقله احسن لج ​

فاطمة : يوووووه شفيج ما قلت شي ​

اريام وقفت وراحت : ......​

فاطمة : فكة زين قمتي ​

_____________________​

​

عند حمد وملاك ​

ملاك : خير حمد شفيك لاحقني ​

حمد : الخير بوجهج ما في الا كل خير بس كنت بسالج منى شنو كانت تحب أي مدينة ​

ملاك مستغربة : ليش ​

حمد : انتي ما تبين منى ترجع لج ​

ملاك : امبلا ​

حمد : طيب قولي لي ​

ملاك : كانت تحب باريس وتموت عليها حتى خالي بعد ​

حمد ابتسم بخبث : مشكورة ​

ملاك : لا انت اللي مشكور والله يا حمد لولا الله ثم انت جان الله يعلم شاللي بيصير لنا ​

حمد : يعني شنو ما اساعد بنات عمي ​

ملاك : ما قلت شي بس ما في احد بيسوي اللي انت سويته لنا ​

حمد : لا عادي ​

ملاك ابتسمت ودخلت داخل ​

_______________________________​

في ايطاليا منى قعدت من النوم وكانت الساعه بتوقيت ايطاليا 8 الصبح راحت تروشت وصلت وطلعت لخالها ​

منى وشافت خالها مجهز الفطور على البحيرة : صباح الخير ​

جانسون : صباح النور عزيزتي لقد صحيتي مبكرا ​

منى : لم استطيع ان انام ​

جانسون : تعالي لنفطر بهذا الطقس​

منى قعدت : نعم انه طقس جميل ​

افطروا وبعدها منى طلبت من خالها انها تروح تغير جو وخالها طلب منها ان يروح معاها حراس منى وافقت لانها تدري خالها خايف عليها ​

طلعت منى وثنين من الحرس وراها وشافت وحدة جدام البحر ومبين عليها عربية لانها كانت من ملامحها مبين ولابسه حجاب فتوقعت انها عربية وانها بعد حامل وتبجي منى حبت انها تساعدها وتتعرف عليها قربت منها وقعدت بالكرسي اللي هي فيه ​

منى وهي تطالع البحر : البحر حلو ويقولون انه يسمعنا ​

البنت مستغربه : نعم ​

منى وهي تكمل ومتجاهلة البنت : تدرين انه يسمعنا ويريح البال وينسيج الهموم ​

البنت : انتي شقصدج شتقولين ​

منى مدت ايدها : انا اسمي منى وانتي ​

البنت تقبلتها : انا اسمي هديل وكويتية ​

منى : حتى انا ​

هديل : انتي كويتية ​

منى : أي ليش مو مبين ​

هديل : لا بس ماشاءالله عليج ملامحج اجنبية ​

منى : انا امي بريطانية ​

هديل : وابوج كويتي ​

منى : أي ​

هديل : طيب ليش جايه لايطاليا ​

منى حبت تفتح لاي احد قلبها تبي احد يشاركها همومها قالت لــ هديل كل شي وما تدري ليش فتحت قلبها لهديل بالذات مع ان مو من عاداتها تقول لاي احد عن مشاكلها ​

هديل : الله يكون بعونج تحملتي كل هالاشياء​

منى : أي بس ما ادري احس اني غلطانه باللي سويته ​

هديل : انتي صراحة غلطانه شلون تتركين اهلج ​

منى : لاني ما ابي احد يذلني ويخليني اسمع كلامه انا مو من طبعي جذي تراه مو تكبر بالعكس بس انا من وانا صغيرة تعلمت من ابوي وجدي اني ما اخلي أي احد يذلني وما اسمح له ​

هديل : وزوجج ​

منى : زوجي ببرود قالي انتي طالق وبيرجع مرته القديمة ​

هديل : يعني مو بس انتي اللي عندج مشاكل حتى انا ​

منى : وانتي شنو مشكلتج ​

هديل : انا تزوجت وانا صغيرة عمري كان 18 سنه كنت عند اهلي انا اللي اغسل واشتغل واقوم بالبيت مع اني ادرس لكني كنت متفوقه اخلص شغل البيت واروح ادرس كانوا اهلي مو زينين ما ادري شلون اوصف عيشتي كان ابوي يشرب ولا يدري عنا وامي كانت تاركتني ولا تدري عني مع اني كنت وحيدتهم بس كانوا ما يهتمون فيني اول ما خلصت الثانوية تقدم لي واحد واهلي على طول وافقوا بدون لا يشاورني وتخيلي بيوم الملجه ابوي قال للريال اذا تبي اخذها بعبايتها لكن اهل الولد رفضوا وقالوا الاسبوع الجاي العرس امي وابوي وافقوا على قرراهم وتخيلي كانوا يتهاوشون على المهر ليما تقاسموه بينهم ولا حتى عبروني اما انا كنت مستانسة اهم شي بفتك من البيت وياليتني ما رحت عن بيتنا باول ليلة مع زوجي تركني وطلع يسهر مع ربعه اما انا نمت وكل شوي اقوم يمكن الحين بيجي وكانت هذي حالته ومرت سنتين وهذي حالتنا في يوم قرب مني وقلت اكيد تغير لكنه ما تغير وبعدها سافرنا لـ ايطاليا وتركني هني وسافر وانا ما ادري وين اروح قالي خلج هني وانا برجع لج عطاني فلوس وشراء لي بيت بس عشان يتركني ... مسحت دموعها ​

منى : الله ينتقم منه سوا كل هذا فيج والله انج ما تستاهلين ​

هديل وهي تبجي : الحين انا بايطاليا من شهرين اهلي ما سالوا عني حتى هو وتخيلي اكتشفت اني حامل ما ادري شنو اسوي ​

منى : ربي هالولد اللي ببطنج وخليه لج سند بــ هالدنيا اما هو خليه يعرف غلاتج عنده وتاكدي ربج بيحلها بس انتي سلمي امرج لله ​

هديل : والله انج تقدرين تهديني عسى ربي يعطيج على قد نيتج ​

منى : يارب .... حبيبتي شوفي الحين انا لازم اروح تعرفين خالي بيسال عني وجذي وهذا رقم تلفون بيتنا اللي بايطاليا وهذا العنوان اذا تبين أي شي انا اختج اوكي ​

هديل : مشكورة يا قلبي ​

منى : ولو العفو ......... وقامت وراحت مع الحرس اللي ما انتبهت عليهم هديل ​

منى راحت للبيت وانصدمت من .....................​

​

​

​

<<<< اكمل بكرة ان شاءالله ​

​

​

توقعاتكم شنو اللي صار ^_^​

 

[قلبي سلمته لك]

البارت طويل عاد ابي التوقعات والردود

 

[mnor 21]

شكرا ع البارت و بنتظار البارت الجاي
Up up up up up

 

[A7laa kuwaitia]

امبيه شنوو شافت اكيد شافت المافيا روسيا ماسكه خالهاا

 

[بنت بنغازى]

لا تقولي شافت حمد لانه بكل مكان طالع انا هذا الرجال ما اطيقه

 

[3rbawiiya]

Omg!!


ليكون حمد!!


ولا المافيا!!




الله يستر ،،

 

[RzoOon]

اككيد حمد ياعسئ ماكوو ححمد

 

[قلبي سلمته لك]

هههه لـــهدرجــه كارهيـــــــن هالحـــمد

 

[قلبي سلمته لك]

البــــارت الثـــانـــي عشــــــــــــــر ​

<<<<<<< ​

​

_______________________________​

​

منى راحت للبيت وانصدمت من الدخان والحريق اللي كان طالع من بيتهم وشافت الشرطة والمطافي حول البيت ​

والمطافي تحاول انها تطفي النار منى ركضت للبيت وجت بتدخل لكن واحد من الشرطة منعها ​

منى تتكلم انجليزي : ارجوك انه خالي ​

طبعا الشرطي كان ايطالي ويتكلم بالايطالي : لا افهم ما الذي تقولين لكن لا يمكنك الدخول للبيت ​

منى عرفت انه يتكلم ايطالي وتكلمت معاه لانها كانت متعلمة الايطالي من خالها : ارجوك خالي بالداخل دعني ادخل ارجوك ​

الشرطي : لا يمكنك الدخول واذا احد من الاشخاص بالداخل يمت لك بقرابة فان الكل مات ولم نلقى أي اثر لاي احد ​

منى : يعني خالي مات ........ وطاحت على الارض تبجي ​

الشرطي ما عرف شيسوي نادا المسعف اللي بالاسعاف واخذها لسيارة الاسعاف يهدونها ​

منى تصارخ : ابي خالي ​

المسعف : هل تعرفين اهل البيت ​

منى : نعم خالي موجود بالداخل ارجوك اتركني لادخل اليه ​

المسعف : انا اسف بس الجميع مات في الداخل ​

منى : وهل عرفتو سبب الحريقة ​

المسعف : كانت قنبلة وانفجرت بالداخل ​

منى ( اكيد المافيا اكيد ياربي ليش جذي من بقى لي بــ هالدنيا الحين وين اروح ) وبجت :.........​

المسعف عطاها مهدئ وهدت من بعدها وودوها للمستشفى ​

_______________​

في فله الجد حمد والجد ونادية مجتمعين بالصاله ​

حمد: جدي قول اقتراحك لــ نادية ​

نادية : شصاير ​

الجد : يا نادية انا قررت عرسج مع ناصر يوم الخميس ​

نادية شهقت : جدي شلون هالشي تبيه يصير لا انا مو موافقة ​

الجد : انا قلت لج قراري وعرسج ما راح يكون مثل عرس منى ( يقولها باستهزاء ) ​

حمد نزل راسه ( شفتي يا منى شسويتي كرهتي الكل فيج حتى انا كرهتج اكثر من اول ) : ........​

نادية : خلاص يا جد اللي تشوفه وانا مالي كلمة من بعدك ​

الجد : والله ان ابوج جاب مراه مو مثل منى ​

حمد تنزفز وقاام : انا طالع .....​

الجد : اتصل على عمك وخله ياكد حجز صاله العرس وابيه عرس الكل يتكلم عنه ​

حمد: ابشر يا جد .......... وراح برا وتنهد : ااااااااااه يا منى بس طلعي من بالي ما ابي افكر فيج بس ما اقدر اتحمل اللي ينقال عنج الحين انتي وينج والله ما اقدر اوصل لج ​

واتصل على عمه واكد معاه على العرس يوم الخميس ​

*****​

نادية صعدت فوق وقالت للبنات ان عرسها يوم الخميس ​

ملاك :واخيرا بنفرح ​

فاطمة بضيق : الله يوفقج ياقلبي الف مبروك ​

نادية : الله يبارك فيج ​

ملاك : شوفي اليوم بنروح للسوق نشتري لج نفنوف العرس ​

نادية : خلاص اوكي اليوم بقول لجدي عشان نروح للسوق ​

فاطمة قامت : بنات انا ابي انزل تحت ​

نادية : فيج شي فاطمة اليوم مو على بعضج ​

فاطمة : لا ما فيني شي بس ضايق خلقي بس صدقيني ما فيني أي شي ​

نادية : طيب بتروحين معانا للسوق ​

فاطمة : لا انتو روحوا مالي خلق ......وطلعت ​

نادية : شفيها ​

ملاك : ما ادري ..... المهم لازم نشوف شنو بنشتري عشان ما ننسى واخيرا وحدة منا بتتزوج​

نادية : ترا منى تزوجت قبلنا شفيج نسيتي ​

ملاك : انتي شتبين بذكرها هذيك مو اختنا خلاص خليها وانسيها ​

نادية بضيق : مثل ما تبين ​

ملاك قامت : يالله امشي نلبس عشان نروح للمول ​

نادية : يالله ​

وراحت مع ملاك البسوا وطلعوا للسوق ماعدا فاطمة ​

_______________________​

عند منى .......​

منى صحت وبطلت عيونها بشويش وشافت وحدة عندها سكرت عيونها بعدين بطلتهم عشان تميز ​

منو هذي ​

منى : منو انتي ​

....... : منى انا هديل شفيج نسيتني ​

منى عرفت هديل وقعدت تبجي : اهي اهي راح خالي يا هديل راح ​

هديل حضنتها : بس حبيبتي لا تسوين بعمرج جذي ادعي له بالرحمة ​

منى : ما لي احد بـ هالدنيا منو اللي بيحميني منو اللي بيهتم فيني الكل تخلى عني امي مع ابوي بعدها خواتي والحين خالي ​

هديل قعدت تبجي لانها حست على منى لانها مثلها الكل تخلى عنها : منى بس خلاص شوفيني انا الكل تخلى عني امي وابوي ما يدرون عني حية والا ميته حتى زوجي راح وما سال عني لا تسوين بعمرج جذي بعدين انتي المفروض تستانسين ​

منى : استانس على شنو على ......​

هديل تقاطعها ك لانج حامـــــــــل ​

منى فتحت عيونها على الاخر : انا حامل ​

هديل : أي مساع الدكتور قالي ان نتيجة التحاليل اللي سوها لج طلعت انج حامل ​

منى : تكفين قولي انج تجذبين علي ما ابي هالولد ما ابيه ​

هديل : ذكري الله شنو ما تبينه هذا ولدج ​

منى : وهذا ولد حمد بعد ما ابيه .. تسمعوني ما ابيه ​

هديل : منى وحتى انا بعد اللي بطني ولد تركي اللي تركني ولا يدري عني لكني بربيه واخليه سند لي بــ هالدنيا مو هذا كلامج ​

منى : بس انا غير وانتي غير ​

هديل : وشنو اللي يفرق كلنا عانينا وتحملنا هالمصائب والمشاكل والحين اول ما رزقنا ربنا بنعمة نتخلى عنها لا يا منى ربج عطاج هالولد يمكن يكون خير لج ​

منى : بس انا ما اقدر اربيه انا بنزله ​

هديل : فكري يا منى لا تتسرعين ​

منى : فكرت وما بذني ماي بنزله يعني بنزله ​

هديل : الله يهديج ​

منى : انا متى بطلع ​

هديل : الدكتور قال بس ياخذ لج شويه فحوصات وان شاءالله بتطلعين ​

منى بجت : وين اروح اذا طلعت ما عندي احد ​

هديل : يا بنت استحي انا وين رحت بعدين انا قاعدة بروحي تعالي معااي ​

منى : لا حبيبتي مشكورة انتي اليوم تعبتي وايد ​

هديل : اقول ولا كلمة بتروحين معااي يعني بتروحين مو انتي قلتي انج اختي وبنساعد بعض ​

منى : مشكورة وما قصرتي الا صج شلون عرفتي اني بالمستشفى ​

هديل : هذا الله يسلمج ...... اتصلت عليج من الرقم اللي عطيتني اياه ورد علي واحد قام يهذري بالكلام ما فهمت منه شي انصدمت وقلت هذا منو وين طلع لي وسكرته بوجهه وبعدين اتصلت وطلع نفسه وسكرت بوجهه مرة ثانية واتصلت مرة ثانية على نفس الرقم اللي عطيتني اياه وطلع نفسه عاد هو عصب قلت اكيد يتكلم ايطالي وتكلمت معاه بالانجليزي وقمت اطقطق معاه بالايطالي ليما عرفت انج بالمستشفى وطلع عاد دكتورج ​

منى : هههههههههههههههه ​

هديل : أي يبا ضحكي ما تسوي شي ترا الدني ​

منى : الله لا يحرمني منج ​

هديل : ولا منج والله يخلينا لبعض ​

منى : امين ​

__________________​

عند البنات ملاك ونادية بالسوق ​

ملاك : شرايج بــ هذا ندوش ​

نادية : لا هذا عاري وفخم ما ابيه ​

ملاك:طيب شوفي اللي هناك ( تاشر بايدها ) ​

نادية : أي زين ​

ملاك : طيب شرايج فيه ​

نادية : ملاك والله انسدت نفسي ​

ملاك باستغراب : ليش ​

نادية : ما اقدر اتحمل عرسي واختي مو فيه ​

ملاك : بالله هذا كلم تقولينه والله انج ما عندج سالفه تفكرين فيها ​

نادية : شلون ما افكر فيها الحين خالي شنو سوا فيها ما يندرى ​

ملاك : اقول بس امشي نشوف المحلات الثانية ​

نادية راحت معاها ..............​

​

___________________________​

في جناح حمد واريام ​

اريام : حمد بروح اشتري نفنوف حق عرس ناصر ​

حمد : من شوي البنات راحوا ليش ما رحتي معاهم ​

اريام : لا انا اروح مع هذولا ​

حمد : طيب نطريهم اذا جو روحي مع السايق ​

اريام : وليش انت ما توديني ​

حمد : عندي شغل ​

اريام : شونو الشغل اللي يمنعك انك توديني وتطلعني مكان نتعشا فيه ​

حمد : انتي الحين ما تبين نفنوف حق عرس ناصر والا تبين نروح مطعم ​

اريام : ابي الاثنين ​

حمد : ما يصير واحد ​

اريام بدلع : انت ليش نحيس خلاص ابي الاثنين والا بزعل ​

حمد ابتسم : خلاص ولا زعلج روحي لبسي ​

اريام : صج ​

حمد : أي ​

اريام جت بتبوس خده بس حمد قام : انا ناطرج برا لا تطولين ............. وطلع ​

اريام ( يعني شنو انت ليما الحين تفكر بــ هالــ منى انا اموت واعرف شنو اللي مسويته لك بس هين يا حمد انا اعلمك ) .......راحت تلبس وطولت يمكن خذت ساعتين ​

عند حمد وهو ينطرها بالصاله : اوووف هذي ما تستاهل احد يعطيها وجه طولت ساعيتن لبس وتذكر منى ​

كانت تلبس العباية وتطلع معاه تنهد وطلع لها فوق ودخل جناحه ​

حمد بصوت عالي ومبين انه معصب : اريــــــــــــــــام ​

اريام ما رادت عليه : .........​

حمد : ارياااامووو ترا اذا ما طلعتي ما في روحه ​

اريام لا رد : ............​

حمد راح لها لغرفه الملابس وشافها لابسة فستان قصير لنص الفخذ لونه احمر ورافعه شعرها كله فوق وحاطه قلوس احمروفوقه لمااع وكان شكلها يجذب لفت لحمد وبدلع : قاعده ادور عبايتي ما لقيتها​

حمد تبلم ما عذف شيقول وقرب منها :وليش العباية ​

اريام : يعني شنو اطلع بدون عباية ​

حمد : ومن قال لج ان بنطلع احنا ​

اريام بدلع ذوب حمد : ليش ما راح نطلع ​

حمد مسكها من خصرها ولفها عليه : مو لازم نطلع ​

اريام رمشت بعيونها : ليش ​

حمد سحبها للغرفه ووووووووووو​

______________________​

​

عند منى بعد ما سكنت عند هديل ​

منى :هديل تعالي قعدي معااي من اليوم وانتي بالمطبخ ​

هديل جت لها وعطتها عصير برتقال : بالاول شربي العصير يقولون زين للمراه الحامل ​

منى ابتسمت بضيق : ......​

هديل حست عليها وحبت تغير الموضوع : الا صج منوووي انتي كم عمرج ​

منى : عمري 20 سنه ​

هديل منصدمة : كم ​

منى : شفيج ليش مو باين ان عمري 20 ​

هديل : لا بس يعني انتي وجهج يبين انج صغيرة توقعتج 18 سنه او 19 سنه مو عشرين ​

منى بابتسامة : وشلي يفرق ​

هديل : يفرق كثير وانا جم توقعين عمري ​

منى : اتوقع 20 سنه ​

هديل : ما شاءالله عليج تعرفين تتوقعين والله ​

منى : صج عمرج20 سنه ​

هديل : يب يب ​

منى : هههه حتى انتي مو باين ​

هديل : ههههههه ليش ​

منى : وجهج يبين انج صغيرة ​

هديل : هههههههههه ​

منى : هههههههههههه ​

نسيت اعرفكم على هديل ومواصفاتها <<<​

_____________________​

هديل : طيوبه وتحب الخير بعد ما عرفتوا قصتها وشلون رجلها تركها بايطاليا وان منى تعرفت عليها هي صغيرة بالعمر عمرها 20 سنه بيضة شفايفها مليانة شوي عيونها لونها اسود شعرها اسود سواد الليل وناعم ليما اسفل ظهرها ​

_________________________________​

​

​

​

​

​

​

​

​

​

​

​

​

​

​

​

​

​

​

​

​

​

​

​

​

​

​

​

 

[قلبي سلمته لك]

بكرة ما اقدر انزل بارت ان شاءلله يوم الاحد لاني ما اقدر انزل كل يوم بارت

 

[RzoOon]

اوووقي حبي ناطريينج

 

[RzoOon]

ياخي ارياام هذي شنوو كرهتها انا مااحب الدلوعات حتى رفيجاتي اذا تدلعوا اهفهم بأي شي عندي وييييييييييييع لوعه ججبد

 

[A7laa kuwaitia]

اب اب اب اب ناطرينج يوم الاحد

 

[Šnoopy>>>3]

هاي انا متابعه يديده روااااايتج تينن

 

[قلبي سلمته لك]

حياج الله منورة .....ز البارت الاحد ان شاءالله