البـــــــــارت الثـــــالث عشــــــــــــــــــــر
<<<<
في فلورنسا في ايطاليا
منى وهي قاعدة على البلكونه تفكر بمصير حياتها وقاعدة تقرر شنو اللي بتسويه مع الولد اللي ببطنها
راح تقول لحمد انها حامل منه او انها تنزله وتنسى حمد
هديل جت لها وشافتها تفكر وسرحانه : منووووي شفيج
منى انتبهت عليها : هاااا ... لا ماكو شي بس الجو حلو وخاصة الهواء
هديل : أي صح ايطاليا جوها بــ هالوقت اكيد بيكون حلو و لا تنسين ان احنا بـ فلورنسا
منى : أي ما نسيت الا صج انتي لابسه طالعه ع وين
هديل : مو بس انا اللي بطلع حتى انتي يا لله امشي
منى : طيب وين
هديل : بنروح للمستشفى
منى : ليش عسى ما شر شفيج
هديل بابتسامة : ما فيني شي بس اليوم عندي موعد مع الدكتورة بشوف البيبي
منى استانست : اليوم يبين جنسه
هديل : لا انا الحين بالشهر الثاني او تقريبا داخله عليه ما يبين الحين جنسه
منى : طيب نطريني بروح معااج
هديل : أي يالله ناطرتج بس مو تطولين لا يطوفني الموعد
منى : ثواني واكون جاهزة ...... وقامت تجهز
_____________________________
في فله الجد ....... اريام نازلة بروب النوم للمطبخ وكان قصير لفوق الركبة
فاطمة راحت تشرب لها مااي لان ما جاها النوم دخلت المطبخ وانصدمت من لبس ارياام
فاطمة بعصبية : هييه انتي شنو هاللبس
اريام وهي تشرب ماي نزلت الكوب : هييه بوجهج انا مو اصغر اعيالج تقولين لي هيييه
فاطمة : اقول انتي ما تستحين على وجهج لابسة هاللبس بالبيت ياماما اللبس هذا ( تاشر عليه ) تلبسين قداام رجلج مو قدامنا
اريام : ههههههه يا حليلج تعلميني
فاطمة : واعلم اللي اكبر منج عيب استحي على وجهج
اريام :كيفي اصلا حمودي قال لي البسي هاللبس عشان ابيج هالليلة
فاطمة وجهها قلب احمر : يا بنت استحي
اريام : ليش استحي يعني بالله منى اختج ما كانت تلبس جذي قدام حمد
فاطمة : وانا شدراني هي و زوجها
اريام : لا تقولين زوجها لان حمد طلقها لانه ما يتشرف بوحدة مثلها تنحاش مع ما ادري منو والله اعلم الحين شنو بتسوي ومع منو قاعدة اكيد .......... اللهم كافي ولا يبلانا يارب
فاطمة : هييي انتي لا تتكلمين على اختي ولا تجيبين طاريها على لسانج الوصخ اختي اشرف منج ومنو اللي خلفوج
اريام : صج اشرف مني ... حبيبتي انتي ما سالتي حمد ليش طلقها
فاطمة : لان منى طلبت منه هالشي وما تبيه
اريام : لا يا ماما حمد طلقها لانها حامل
فاطمة : جب ولا تكملين عن منى هالكلام يا واطية يا ...... ماكملت لان كف جاء لها ما تدري من وين
الجد : تتكلمين على بنت عمج جذي وتقولين لها واطية وعشان تدافعين على وحدة سافله انحاشت مع واحد ما تدري اذا كان خالها والا لا
فاطمة : شنو شتقصد بكلامك
الجد تجاهل فاطمة : اريام روحي صعدي دارج ولا تنزلين الا مع حمد فاهمة
اريام : ابشر يا جد ....... وراحت وهي مبتسمة بابتسامة تقهر فاطمة
فاطمة :تضربني يا جد عشان هذي
الجد : لا تتكلمين على بنت عمج جذي عشان وحدة ما تدرين عنها شي
فاطمة : جدي ليش تتكلم عن منى جذي
الجد : روحي دارج وما ابي اسمع لج صوت وعرسج مع فيصل الخميس الجااي فاهمة مع نادية
فاطمة : لا تغصبني مثل نادية والا والله لانحاش مثل منى
الجد : تخسين تصيرين مثل منى ومثل سواتها وانتي مالج طلعه الا لبيت رجلج فاهمة .... وراح
فاطمة قعدت على الارض تبجي
______________________________
في فله بوفيصل
مريم قاعدة بغرفتها وتفكر ( ليش حذفت الرقم ليتني حفظته على الاقل بس معقولة حمود بيكون نفس الشباب الايام معقولة كلامه يكون كله خرابيط ياربي تعبت من التفكير )
دخلت عليها سارة وبصراخ : مريــــــــــــــــــــــــــــــــــــــــــــــم
مريم : وووجع ومئة والف ومليون وجع شتبين
سارة قعدت قدامها : ما في شي بس امشي نستهبل على اخوج سطامووو صاير هاليومين بس يفكر ما ادري بشنو لا يكون عاشق
مريم : هههههههههه سطامووو يعشق
سارة : أي صاير بس يكتب اشعار ويسمع اغاني تصدقين نزلت امس اشرب مااي تقريبا الساعه 1 او 12 او 11 او 10
مريم : اخلصي لا تستعبطين أي وبعد
سارة : أي عاد اقولج سمعته يسمع اغنية يردون
مريم : صج
سارة : أي والله امشي الحين له نستعبط عليه
مريم : ياالله امشي ....... وراحوا له للغرفه
مريم بطلت الباب وكانت الغرفه مظلمة وباردة وشافت سطام قاعدة على السرير ويفكـــر ...
استغربت مريم من شكله وقالت في نفسها ( اكيد فيه شي ولازم اعرفه )
مريم لسارة بهمس :سارة روحي شوفي امي يمكن الحين تدورنا
سارة : لا ما ابي خلينا نزعجه تكفين مريوووم
مريم : يا صبر ايوب على بلوه اذا ما رحتي والله لادوس ببطنج واحذفج من البلكونه
سارة : لا يبا اروح اتناجر مع امي احسن لي من قبال وجهج
مريم : اذلفي يا الله
سارة سكرت الباب بقوة ومريم سكرت عيونها لكن اللي انصدمت منه شكل سطام اللي للحين ثابت بمكانه ما التفتت ولا شي ..... مريم حطت ايدها على قلبها ( هذا شفيه ) ... وراحت قعدت جمبه على السرير
مريم : سطاام
سطام لارد : ......
مريم : سطام ادري شنو اللي تفكر فيه بس والله احنا مالنا ذنب فيه
سطام التفتت لها ( معقولة اتعرف باللي صاير ) : .......
مريم : أي اعرف حسبالك انا هبلة ما اعرف
سطام : مريم والله غصب عني مو بكيفي
مريم ( خليني اسحب منه الحجي يمكن يقول شفيه ) : ما في شي بالغصب
سطام : احبها واموت فيها بس هي ليش راحت
مريم منصدمة ( انت تحب ) : يمكن الظروف جبرتها
سطام بعصبية : أي ظروف ... الظروف اللي جابها جدي لنا وللكويت وهي ما تعرف شي الظروف اللي جبرها حمد انها تتزوجه
مريم( عن منو يتكلم ليكون يحب خدامة جدي اللي سافرت والله عندك ذوق تحب الفلبينية واهم شي بياضها ) : انت منو تقصد
سطام : انتي تسحبين مني الحجي
مريم : مو بقصدي بس يا سطام اشتقنا لقعدتك معانا
سطام : مريم طلعي برا
مريم عرفت اللي فيه : انت تحب منى
سطام طالعها بصدمة : شنو
مريم مسكت ايده وحطته على رجله : انت تحب منى ادري
سطام سحب يده: طلعي برا
مريم : الحب مو عيب حتى لو انك تحب وحدة اكبر منك ومطلقه من ولد عمك لان الحب غصب على الانسان يصير
سطام نزل راسه : ......
مريم : ليش تنزل راسك
سطام : لاني ما اعرف اذا انا صج احبها والا لا بس مريم والله تعودت عليها كل ما اروح لبيت جدي القاها قاعده قدام البحيرة اقعد معاها واسولف وارتاح نفسيا وحتى هي بس ...... ما ادري ما ادري
مريم : يعني شلون انت تحب
سطام : صراحة مو حب لحبيبة او شي.. حب اخت تعودت عليها الحين لو انتي والا سارووو سافرتوا انحشتوا ما راح ابجي عليكم بس هي الا
مريم تضربه بالمخدة : جب بس جب انت حاصل لك خوات نفسي انا وسارة
سطام : ههههههههههههه
مريم : أي اضحك بس اضحك واترك الهموم
سطام : انتي شعرفج بــ هالكلام من وين تجيبينه
مريم قامت وراحت عند الباب تبي تطلع : لاصرت عاشق تعال تكلم ...... وطلعت
سطام قام لحقها : تعالي شقصدج
مريم لا رد نزلت تحت : .........
سطام ركض لها ولفها عليه : ليكون
مريم : لا ......... لا تفكر جذي انا احب بالله عليك هذا وجه ينحب
سطام ببنظرات تفحص : اكيد لا
مريم راحت وهي مبتسمة : .............
_______________
في جناح حمد واريام
اريام دخلت الغرفه النوم وفصخت الروب ( هين يا فاطمة انا اوريج )
حمد دخل الغرفه وبدون لا يتكلم على طول راح لغرفه الملابس وبدل وطلع للغرفه
وانسدح على السرير ........
اريام جت له وقعدت على طرف السرير : حمد شفيك
حمد لف للجهة الثانية ولا رد عليها : .........
اريام : حمد ليش ما ترد علي
حمد ولا رد : ...........
اريام : حمد شفيك ما تسمع
حمد لف عليها وبعصبية : خير شتبين عندج شي انا بنام برتاح اذا تبين تقرقرين على راسي روحي طلعي برا ما اني فاضي لج
اريام : بسم الله الرحمن الرحيم شفيك كليتني بقشوري اذا تبي تنام نام نامت عليك طوفه صج ما ينعطى وجه .... وقامت لكن ايد حمد وقفتها وسحبها لعنده
حمد : انتي قد الكلام اللي قلتيه
اريام خافت : لا والله مو قده
حمد : أي عفيه يا شاطرة الحين قومي طسي برا وسكري الليت ما ابي اشوف ولا أي نور وانتي اذلفي نامي برا
اريام قامت بسرعه وخذت لها مخدة وشرشف وطلعت للصاله وسكرت الباب والليت
حمد ( والله انها خوافه عكس منى اللي كانت تراددني بس اااه يا منى اموت واعرف من منو انتي حامل )
____________________________
عند منى وهديل
هديل للدكتورة تكلمها بالايطالي : كيف الجنين
الدكتورة : الجنين بخير
منى : وهل عرفتي ما هو جنسه
الدكتورة ضحكت :ههه لا يمكن لنا ان نعرف جنسه الان بالشهر الخامس او السادس يبين
منى : لا ...........
الدكتورة : هذا ابنك ( توريها بالشاشة )
هديل : فديته بس متى تطلع يا قلب ماما انت
الدكتورة ما عرفت شنو تقول : ...........
منى دمعت عيوننها : يا حياتي
هديل : ان شاءلله بيكون صديق لولدج قولي امين
منى بدون ما تحس: امين
هديل ابتسمت : يعني ما بتنزلينه
منى : صراحة عقب ما شفت لا
هديل : واخيرا يا منى هييييييييييييييييييياااا
طبعا الدكتورة مو فاهمة شي :...........................
منى : بس خلاص فضحتني
هديل : ههههههههههههه .......
وبعدها طلعوا برا المستشفى
هديل : انا عازمتج على كوفي
منى حطت ايدها على بطنها : لا ما اقدر اخااف على ولدي
هديل : هههه لا تخافين ما بتاثر
منى : لا ما ابي بس مشتهية الباستا تصدقين من جيت لايطاليا ما اكلتها الا مع خالي .... غمضت عيونها
هديل حبت تغير الموضوع : تصدقين في مطعم على النهر يهبل ويجنن والمنظر هناك روعه امشي نروح له
منى : يالله
_________________________
اليوم عرس نادية وفاطمة الكل مستانس وفرحان
بصاله العرس للحريم **
ام ناصر : اريام شفتي كل شي جاهز
اريام : أي يمه ماشاءالله جدي كل شي محضره
ام ناصر كشرت : مو هو اللي سواه هذا حمد
اريام ابتسمت : ......
ام فيصل جت لهم : الكوشة يا ام ناصر جاهزة بس الاضاءة انا كلمت فيصل يوصي عليهم
ام ناصر بدون نفس : أي مشكورة انتي وولدج
ام فيصل في نفسها ( جني مو اختها بس الله يهديج ) وراحت عنهم
ام ناصر : شفتيها شلون تخز فينا
اريام : يمه حرااام ليش انت تكلمينها جذيه
ام ناصر : جب انتي تدافعين عنها والحين اتصلي على زوجج خليه يوصي على الاضاءة
اريام : ان شاءالله ....وراحت اتصلت على حمد
حمد : خير
اريام ( بل ماله خلق شكله ) : قوة حبيبي
حمد : يقويج امري
اريام : حبيبي بس بقول لك توصي على الاضاءة للصاله
حمد : ابشري .. يالله باااي
اريام : حمد
حمد : نعم
اريام : افا ما في كلمة حلوة
حمد : شنو اقول يعني
اريام بضيق: شكلك مشغول يالله باي
حمد : بايات قلبي
اريام استانست : امووووووووووووووووواح
حمد بعصبية: استحي منو اللي معلمج الحركة
اريام خافت : والله هذي بوسة بس لك اصلا
حمد : أي على بالي خليها بعدين مو الحين
اريام : ان شاءلله
حمد : يالله الحين سكري ولا تدقين علي فاهمة
اريام : فاهمة ..... وسكرت منه وهي مستانسة
وراحت لامها تقول لها على اللي صار بينها وبيين حمد
_________________
بالصالون عند البنات
فاطمة مالها خلق وكل شي رافضته بس نادية اللي كانت مستانسة وتغني مع ملاك
ملاك راحت لها : فطوم اليوم عرسج لازم تتستانسن
فاطمة : استانس على موتي
ملاك : بسم الله عليج شفيج انتي
فاطمة : اوووف مالي خلق ترا
ملاك : فطوم قلبي شفيج اليوم عرسج لازم تستانسين وتفرحين مو تفالين بالشر الله يكفينا
فاطمة : اووووووووه خلاص ازعجتيني تراا
ملاك : خلاص خلاص بروح اشوف نادية احسن من قبال وجهج وراحت
فاطمة ما ردت عليها : ..........
جت لها الكوافيرة وبدت تحط لها المكياج وكل شوي معترضه عليه والكوافيرة صابرة لانها فسرته على اساس انها عروس وخايفة ومتوترة وما كانت تدري عن فاطمة وانها مجبورة ....
____________
بصاله العرس للرجال
ناصر مستانس حده والكل يبارك له بس فيصل اللي قاعد وحاط ايده على خده ويسلم وهو ماله خلق
حمود انتبه عليه وراح له : فصيل شفيك
فيصل : شنو فصيل انت ووجهك انا افتك من مريم تجي انت
حمود ابتسم على اسمها : طيب شفيك منفس
فيصل : ما فيني شي
حمود : فيصل انا اعرفك شنو اللي يدور ببالك
فيصل : حمود تراااك ازعجتني
حمود : طيب فصيل ( يكررها عشان مريم ) شوف اخوانك شلون يرقصون مع جدك والله انهم فله احسن منك ...... وراح لهم
فيصل : يخرب بيتهم مستانسن مو انــــــــــا
سلطان كان يرقص ويهز والجد يرفع عصاته ويقول لهم : عيب فضحتونا تهزون جنكم حريم
سطام يعاند الجد ويقرب منه ويهز خصره : جذي جدي
حمود انسدح ضحك عليهم " هههههههههههههههه
سلطان : لا جذي جدي
الجد : يا ولد استح على وجهههك
حمود : بس خلاص انتو عيب
سطام : خير يا ابو الشبااااب
سلطان : يووووه تمنيت مريم معاااانا تهز هههههههههه
حمود فتح عيونه على الاخر : شنو
سطام : نعععم
حمود : اختك ترقص معاااكم
سطام : هي بس ترقص الا تلعب معانا
حمود الى الان وهو منصدم : .........
سلطان : لا سطاااموو تذكر يوم ترقص جداام جدي عاد احنا كنا صغار
حمود : ههههههههههههههه
الجد : خير ليش تضحك انت
حمود تفشل : هاااا لا ما في شي
سطام : هههههههههههه
سلطان : كااااااااااااااك تفشل
حمود : بس انت وووياااه
سطام : هههههه
_____________________
بصاله الحريم وصلت نادية بالليموزين اللي كان طالبها الجد خصيصا لها وليموزين ثانية لفاطمة اللي راح توصل بعدها
نادية دخلت الصاله وفسخت العباءة البيضة عنها ودخلت للحريم وكانت ملاك قدااام تمشي
نادية دخلت والكل التفتت لها وقااام يسمي عليها ويذكر الله والكل يقول وينها من زمان يا ليتني زوجتها ولدي ومن الحجي هذااا <<
وصلت للكوشة وقعدت فيها والكل قاااام يسلم عليها وملاك ترقص قدامها هي ومريم وسارة
وصلت فاطمة وطلعت لها ملاك ومريم وسارة وام فيصل.... كانت احلى من نادية وصلت للكوشة وقعدت والكل هم بعد يسلم عليها والبنات يرقصون معاها ويصورون وهي ليما الحين مالها خلق ومعصبة
_
اعلنوا ان فيصل وناصر بيدخلون مع الجد وعيال عمهم والكل تغطا ما عدا اريام وامها
ناصر كان مستانس وهو يطالع اللي بالكوشة ومستانس
اما فيصل يطالع الكوشة الثانية ومعصب وهو يتوعد فاطمة ......... وصلوا للكوشة وقعدوا وسلموا عليهم الجد وبوفيصل وبو ناصر وجاسم وسطام وسلطان اللي كانوا يخزون بالحريم وبالبنات واخيرا مسكهم حمد وحذفهم برا وما انتبه على اريام اللي ما كانت مغطية جسمها
بس اول ما نزل من البست التفتت لها وراح لها بكل عصبية
حمد /مسك ايدها : انتي ما تستحين على وجهج شنو هاللبس
اريام : اوووف حمد ابعد مالي خلقك ترااا
حمد :شنو مالج خلقي تعدلي احسن لج
اريام خافت : خلاص الحين بلبس عباية
حمد : روحي لبسي قدامي يالله لاخلي يومج اسود
اريام راحت ركض لبست عبايتها ورجعت له
حمد : ما ابيج تفصخينها فاهمة
اريام : فاهمة
حمد : نشوف ............وطلع
اريام : الله ياخذك بس ..... اووووف
عند ناصر ونادية بعد ما فصخوا العباية البيضة عنها ... ناصر خقق عليها وعلى جمالها اما نادية انتبهت عليه ونزلت راسه ناصر قرب من اذنها وهمس لها : احبج يا بنت
نادية وجهها قلب احم؟ر : .............
عند فيصل وفاطمة ...... بعد ما فصخت ام فيصل العباية البيضة عنها فيصل ما كان منتبه عليها كان يطالع قدامها ويلعن الساعه اللي تزوج فيها : ........... بس لف عليها وانصدم من شكلها وخقق عليها اكثر
فيصل ( ياربي هذي بشر والا ملاك بس صعبه اني اصدق اني احبج )
فاطمة انتبهت لنظرات ونزلت راسها وهي معصبة : ........
ام فيصل : كلللللللللللللللللللللللللللللوووووووووووش
ناصر ( هنيالك يا فيصل امك مستانسة فيك مو انا ) ..........
الكل راح يتعشا ما بقى غير المعاريس اللي طلعوا للغرفه يصورون مع بعض
عند نادية وناصر ...... المصورة كانت تطلب من نادية لقطاات تخجل وناصر كان مستانس
المصورة :لفي يا مدام نادية وانت يا استاز خليك وراها بحيث يكون ظهرك ملاصق لصدره
نادية فتحت عيونها على الاخيـــــر : .........
ناصر وقفها قدامه ولفها ومسكها من خصرها والمصورة تصور
______
اما فيصل وفاطمة المصورة تقول لهم سووا هالحركة يقعدون يتهاوشون
المصورة : انتي يا مدام خليه يبوسك علشان الصورة تزبط
فاطمة بعصبية نست انها عروس : اقول انتي استحي على وجهج شنو يبوسني عساج ما تبوسين الكعبة قولي امين
فيصل كان فاطس ضحك عليهم : ................
المصورة : رجاءا يا مدام انتي عروسة وانا ما بشتغل عندك
فيصل : لحظة الحل عندي وغمز للمصورة ......... وباس فاطمة على شفايفها
فاطمة نزلت راسها ووجها قلب احمر اما المصورة لقتها فرصة وصورتهم
فاطمة منزلة راسها وعيونها مليانة دموع : ..........
وراحوا للفندق
_________________________________
