البارت الخامس ..
...
صار الصبح الساعه 8 ..
تررررررررررررررررررررررررررررررررررررررررررررن
<< صوت الجرس
لولوة وهي نايمه حطت المخده فوق راسها : اوووف و( و قالت بصراخ ) بسسسس
غدير كانت قاعده تلبس : يا الله يا بنات .. ريووووووووووووق قوموووووا
روان نايمه : غدور انتي بنات علمي ذلفي يا الشاطره .. اما احنا بنات الادبي نبي ننام .. اووف
منيره تضحك عليهم وشوي شوي قامت : صباح الخير بنات ..
غدير : صباح النوور ..اهلا ,.,
منيره لفت على فراش جوليار .. لكن على حطته كأنها جوليار ما نامت امس بالغرفه ..
منيره لفت على البنات : وين جوليار ؟؟
لولوة : هه .. اكيد مع رفيجاتها السخيفات
منيره قامت و بدلت وطلعت من الغرفه .. والبنات كلهم انصدموا ليش منيره مهتمه بـ جولينار وايد ؟!
منيره طلعت من الغرفه و مو عارفه وين ممكن تلقاها ؟؟ الثانويه وايد كبيره ,., و فيها وايد اماكن .. عندها المبنى الادبي و مبنى العلمي وغير صاله الالعاب الكبيره .. و غير بـ حمامات السباحه وغير داخل مبنى البنات اللي يعيشون فيه و جم دور المبنى ؟؟ كبير
منيره : ياربي ... هذي وين هي ؟؟ اووف .. ماكو إلا حل واحد ..
...
منيره راحت مبنى الادبي .. وراحت عند ..
منيره طقت الباب : ممكن ادخل ؟ ابي مساعده ..
...
عند لولوة و روان وغدير ماسكين كتبهم بيروحون الصف ..
لولوة : زين ما قلتوا شراح تلبسون ؟؟بعد جم يوم حفله التعارف بين البنات ..
روان : انا عن نفسي عندي فستان البسه
غدير : اما انا .. فأنتوا تدرون اني ما احب اروح سوالف الحفلات ..
لولوة : تصدقين حتى انا .. بس طبعا مستحيل البس نفنوف ههههه .. اكيد راح البس بنطرون و قميص وطبعا لازم يكون لونه اسود ..
روان تشوف الساعه : امم .. زين انا بروح الصف .. باقي 5 دقايق و تبدي الحصه
لولوة : زين نلقاج بعد ما تخلصين مرينا ..
روان : اوكي بااي
البنات : باي ,,
روان راحت ..
اما لولوة و غدير يحشون بـ منيره وليش اهيا مهتمه بـ جوليار ؟!
...
عند منيره : انا ادري ان مالي شغل فيها .,, بس اهيا اكسرت خاطري بسالفه
ابله جمانه : زين .,. المفروض إذا بندور عنها لازم تكون الفتره يوم كامل مو جم ساعه ؟!
منيره : ابله راح تساعديني وله لأ ؟؟
ابله جمانه : امم .. انا عندي شغل لي خلصت راح ادور معاج ..
منيره متوتر : ززززين خلاص .. انا الحين بطلع .. لكن حطي مكان البنت هذي مكان اختج او بنتج .. راح تقولين لنفسج انج مشغوله .. و إذا خلصتي راح تدورينها ؟! هه.. ما اعتقد .. ( منيره طلعت من الغرف و تكلم نفسها وين ممكن تكون ؟؟ )
...
بعد ما خلصت الحصص ,., روان و لولوة و غدير بصاله الالعاب ..
اما منيره فكانت بالغرفه ..
دخلت جوليار الغرفه ..
منيره : انتي وين كنتي امس ؟؟
جوليار دخلت و هي ساكته .. افصخت الشريطه اللي على ارقبتها باللون الزهري ..
منيره : اشفيج ؟؟
جوليار: انا بفهم ممكن اعرف انتي شتبين ؟؟ إن شاء الله ما تروحين تقولين حق ابله جمانه اني ما نمت بليل بالغرفه ..
منيره : هذا يزاي كنت خايفه عليج !!
جوليار : هه .. تخافين علي ؟؟ .. انا فكرت بكلامج .. و عرفت ان ماكو شيء اسمه صداقه .. وانتي تحاولين تصريني صديقتي ؟.؟
منيره : جوليار ( منيره قعدت يم جوليار ) ... ترى الصداقه موجوده .. بس انتي عشتي مع ناس ما تتصادق .. ترى ممكن بدقايق تكسبين البنات المدرسه كلها.. لكن انتي كنتي وايد شايفه نفسج لانج بنت الغني ,, لكن .. لكن لمن تشوفين الرقي و ما تشوفين الشيء الشين راح تشوفين ان لج صديقات وايد .. انزين .. شرايج الحين تيين معاي و اعرفج على صديقاتي ,,
جوليار :لأ لا تقولين لولوة و روان و غدير
منيره :ههههههههه .. أي ,, اهما صح فيهم تصرفات غريبه .. بس يقدرون معنى الصداقه .. صدقيني ..,
جوليار ابتسمت : اوكي ,,
...
لولوة و روان وغدير ,, يسولفون ..
لولوة : انزين .. تدرون بالخبر اليديد ؟؟
روان : نوو .. شنو ؟؟
لولوة : وي ليش ما قالوا لكم ؟؟
روان : لأ ؟؟ شنو .؟!
لولوة : اليوم يت لنا ابله بالعلمي ,, وله تقول بعد الحفله بيوم .. بيعطونا اسبوع نطلع نشوف اهالينا ,,
غدير : أي ,, بس انا مستحيل اروح عند امي و اجابل زوجها السخيف
روان : غدور عادي نمرها يوم و اليوم اللي بعده ننام عند ابوي ..
لولوة : انا عندي فكره .. يوم نروح نزور امج و يوم عند ابوج و يوم عند اهلي و منها نعرف منيره على اهالينا
روان :أي والله ,, منها تعرفنا على اهلها ,,
غدير : أي والله خوش فكره ..
روان : شوفوا منيره منو معاها ؟.
لولوة : امبيه ,, منيره شكلها غريبه اطوار ,,
منيره دخلت وياها جولينار ,, و قعدوا مع البنات ,,
منيره تبتسم : احمم .. هذي جولينار
لولوة رافعه حاجبها و تتكلم بملل : نعرفها
جولينار تطالع لولوة و مو عاجبها شيء ..
منيره كلمت بإبتسامتها : جولينار .. هذي لولوة و هذي روان وهذي غدير
جولينار : اهلا ,,
منيره اقنعت البنات انهم لازم يتقبلون جولينار بينهم ..
والبنات مستحيل تتغير نظرتهم اللي كانوا يشوفون جوليار فيها ..
لكـــن بيحاولون يتقبلونهـــــــآ ..
...
و مر اليووم .. كانت جوليار مو متقبله فصله البنات .. خاصه انها كانت تحاول على قد ما تقدر ..انها تكون كلاسـك .. و تكون رومانسيـه .. و تكون اتكيتيه زياده على اللزوم ..
اما البنات .. فأهما طبيعتهم الهلاقه و الضحك و كل شيء بحياتهم ودهم يصير .. يعني يصير ,,
ومــــــــــرت الايـآم ..
وصـآر تاريخ 25 -1 – 2020
يوم الثلاثه ..
(الساعه 4 الظهـر ) ,
لولوة تلبس جوتيها ( عزكم الله ) .. لانه اليوم لازم كل الطالبات يطلعون و يروحون السوق و يشترون حق الحفله ,,
و جوليار كالعاده راحت تحط كحل و حمره حمرا
غدير تسوي شعر روان .. و منيرة راحت خذت جنطتها الرماديه و دفترها و قلمها.. و خذت كامرتها اللي وين ما تروح تاخذها ..
...
منيرة تطالع الساعه : انتوا شكلكم تبون تأخرونا .. بسرعه خل نطلع ..
جوليار : ويـت .. ويــت ... امم .. خل اشوف نفسي عدل اخاف ناقصني شيء ..
روان : لا منور دقيقه .. ابي اعدل شعراتي
غدير تطق راس روان و تقلد روان : شعـراتي
لولو تضحك عليهم : ههههههههه ..
منيره تطالع الساعه مره ثانيه : امم الساعه 4 و 25 دقيقه .. عندكم 5 دقايق و ما نقدر نطلع ,, لان الناظره قالت بعد الساعه 4 و نص ماكو طلعه
( اهيا بس قالت جذيه و له الكل ياخذ اقراضه و يطلع )
منيره تبتسم : عفيا عليكم .. ( و طلعت و صكرت الليت ) ,,
...
بالســوق .. طبعا السوق كان مكان قديم ضيج مو وسيع .. الارضيه مالته كلها صخر .. والبيوت مصنوعه من صخر .. والناس اللي تسكنها ناس فقيره ..
في محل فيه كتب ..
منيره انجذبت على الكتب اللي عارضينهـآ
لولوة : منور يا الله امشي ..
منيره : دقيقه بشتري هالكتاب ..
لولوة : بعدين اشتريه ..
منيره تطالع البنات : لأأ .. الكتاب اللي مألفه ولد خالتي .,,.
روان : امم .. ولد خالتج شسمه ؟؟ يمكن معروف بالبلد ..
منيلاه تبتسم : أي معروف .. اسمه ضـآري الـ..
جولينار اشرقت : كح كح .. موووووووووووووووووووصج .. هذا ولد خالتج ؟؟ هذا لو ولد خالتي جان انا ميته من زمااااااان ..
غدير : مو .. صـ .. صججججججججججج ..
لولوة : هه .. انتي جذابه انتي يايه من مزارع بس ولد خالتج ياي من هالمدينه الغنيه .. ويايه تقولين لي ولد خالتج ؟!
منيره طالعتهم و دخلت المحل و الحقوها
منيره شرت الكتاب و لفت عليهم : مو مصدقيني ؟؟
لولوة : افكورس مو مصدقينج ..
منيرم : متى تبون تقابلونه ؟
جولينار : امبييييييييييه .. موووو صج انتي هييي لا تخلينا صج ننتحر على هالخبر
غدير : جوزلينار جبي بس .. منور .. قولي الصج هذا ولد خالتج ؟؟
روان : منور والله والله لو تطلعين جذابه راح اذبحج .. انتي تدرين منو هذا .؟؟؟ هذا احلى واحد بالمدينه لا مو بس بالمدينه إلا بالعالم .. و كل البنات يخقون عليه .. بس اهوا مغرور ما يبي يحب و لا يبي يكلم بنات ,, شكثر بنات ينتظرون منه نظره .. واهوا ولا همه .. ما يلتفت عليهم .. بس يحق له هالغرور .. كاتب روايات كبير و مشهور .. و غير هذا غني .. و جمال .. اخييييييييييييييييه .. وين تلقين واحد مثله
منيره : ههههههههههههههه .. ولد خالتي اللي قبل كل سنه اشوفه مرتين .. و ياكل و يقعد معاي و يلعب معاي يطلع انسان خطير بهالمدينه ؟! والله زين
البنات يطالعونها :!!
جولينار : لالا .. حلفي انج كنتي تلعبين معاه و يزورج ..
منيره :؟! .. اقول امشوا خل نروح نكمل شغلنا .,.
و طبعا طول الوقت .. ماكان عندهم غير اخبار( ضاري ) و عن سوالفه .. مع منيـره ..
واخيــرا وصلوا المحل المطلوب ..
طبعا طول الطريج جولينار تتعثر لانها لابسه كعب .. و تنورة قصيره اسود و بلوزه سودا و جاكيت فروو احمر و صابغه اضافرها اسود ..
اما لولوة .. كالعاده اهيا ما تحب تلبس تنوره .. متعوده على البنطرونات .. فكانت لابسه بنطرون جنز و بلوزة سودا و تحتها بلوزة بيضا و جافستها ..
اما غدير و روان فكانوا لابسين تنوره بيضا و قميص ابيض و جاكيت اسود .. بما ان روان وغدير توائم و يشابهون بعض فماكانوا يعرفونهم إلا من حبه الخاله اللي تحت حلج روان .. فكاونا يحبون يخربطون الناس بينهم ..
طبعا هذا المحل كان افخر محل بالسوق هذا .. و بما ان السوق هذا قديم .. واختاروه المعلمات لانه اقرب مكان لهم ..
منيره تطالع مبلغ الفستان الناعم .. بس كان غالي وايد .. والمبلغ اللي عندها ما يكفيها .. و اكن هذا الفستان من انعم الفساتين اللي بالمحل .. و كان ارخصهـآ
قعدت بالكرسي و تطالع البنات كل وحده تنقي طبعا إلا لولوة اللي ما تحب الفساتين .. و منيره اللي احتارت بالمبلغ ..
لولوة : شفيج ماتبين تشترين ؟؟
منيره : امم .. امبله .. بس .. اقول لولو .. في محل ثاني ارخص من هالمحل هذا ؟؟ ( و تبتسم )
لولوه : ههههههههه .. امم .. أي في .. بس اكثرها يكون موديلها قديم .. و مو حلوه .. هذا ارقى محل بهالمكان ..
منيره : اهاا ..
لولوة : تبيني اساعدج بشيء ؟؟
منيره : لا .. بس ابي تليفون .. ودي اتصل على اخوي شوي ..
لولوة : امم .. شوفي اكيد بالمحل في تليفون..
منيره راحت عند الكاشير : ممكن تليفون دقيقه ؟
الكاشير : تفضلي ..
منيره خذتو اتصلت على اخوها : الووو خالد ..
خالد توه قاعد من النوم : اممم .. شتبين ؟؟
منيره : ابي فلوس
خالد يطالع الرقم : منو .. منور هلا حبيبتي منووووور . والله اشتقت لج يا القاطعه .. ليش ما تتصلين علي ؟؟ لا تقولين لي مشغوله .. وله ما تتصلين إلا حق الفلوس ؟!
منيره : اوووف .. عاد الحين مو وقت عتاب .. المهم ابي فلوس ..
خالد : احمم .. الفلوس اللي عندي كلها خلصتها ,., احمم .. حبيبتي اختي ما عندج حقي فلوس ؟
منيره : اووووه .. انا اقول لك ابي فلوس تقول لي عطيني فلوس ؟؟
خالد : اووف .. وانتي شايفه حالتي ؟؟ رفيجي صارت له حاله طارئه و راح عندكم بالمدينه .. وانا قعدت بروحي بالمزرعه .. الحين ابي احد يوديني عند خالتي و مو قادر ..
منيره : امم .. خلاص انا عندي مبلغ بسيط تقدر تروح تاخذ لك سياره اجره .. و اووصل عندنا بالمدينه .. انا راح ادزهم لك .. باي ( صكرته .. )
منيره تتكلم بروحها: الحين شسوي ؟؟ اووف .. ما عندي غيره ..
منيره طلعت دفترها .. و لقت رقم و اتصلت ..
منيره : الووو .. احمم .. شلونك ؟؟
...
إن شاء الله يعجبكمممم البااارت
:wqedqw:
..
