روايتي آآآآآه من الأجانب

[نمله معضله]

اب اب اب اب

 

[قمر جنها]

انا اسفه من كل قلبي على تأخير الجزء الا اني ما رضيت انام قبل لا انزله لكم اليوم نفس ما وعدتكم


مع العلم ان النهار ضاع


بس اكرر اسفي اكثر و اكثر بنوتاتي العزيزات

 

[انوار الكوويت]

ادي حياتي اخذي راحتج ومتى ما تبين نزليه

 

[قمر جنها]

الجزء الرابع عشر


​

(اخذ علي الجريده على الفور وقرأ الخبر قائلا ): بدر يا يبه مو على شان كاتبين حفل زواج يوسف القاسم على كريمة فلان يعني طليقتك , يمكن وحده من خواتها...


(كان بدر ينظر لوالده يشعر بحزن يعتصره فلم يستطع اجابته , انما نهض هاربا من الاجابه متوجها لغرفته)...


(تعاطفت مريم مع بدر و صارت تناديه): بدر يمه , تعال ما تغديت!!


بدر: لا عميمه مو يوعان ...


مريم: سمعت صوته , مو راضي يدور عشان لا نشوف دمعته , حبيبي , تصدق اخوي , شكله لي الحين يحبها...


(أجابها علي واثقا): لا مريم صدقيني/ مو انه يحبها , هو متضايق لانها تزوجت يوسف تحديدا...


مريم: بعد عمري بدران , بس خيولون , الله يهني سعيد بسعيده , ليش عاد يحرق بعمره...


علي: مريم , انتي ما تدرين شمخبصه هي , مفشلته , رازه روحها وسطنا كلنا رياييل , و تقول حق يوسف ,[ علم بدر , كل ما يسوي مشروع يفشل]...


مريم: انزين علي اتصل عليه , خو ولدنا يوسف , سأله بس هي الكريهه اللي طلقها بدر ولا لأ.


علي: ماله داعي اختي , كلش ماله معنى...


مريم: لا اخوي , واللي يسلمك سأله...


(رجعت بدور للمنزل عائدة من العمره)...


بدور: السلام ...



(نزلت حور من الطابق العلوي ووقفت في مكانها بعيدا تنظر لعلي و مريم يرحبون ببدور , دون ان تشعرهم بوجودها)...


(نهض علي مرحبا بها): هلاااا بدوره يبه , حياج الله , يتقبل الله , الحمدلله على السلامه..


مريم: هلا امي , هلا حبيبه , حمدلله على السلامه..


بدور: الله يسلمكم ...


مريم: شلونها العمره ؟ ان شالله سهالات...


(حور تقول في نفسها): طالع شلون يعاملونها...


بدور: اي والله الحمدلله , تعالي يما تذكرت , تسلم عليج خالتي نوره كانت ويانا هي و عمي حسين و خالتي ابتهال...


علي: اخخ , متى راح العمره بو علي ما قال؟


بدور: امبلا و سلمو عليكم , (تساءلت) شنو ماكو احد...


مريم: بلا , الحلييو و بدران بعد عمري و حوريه فوق ...


بدور: يما !! شفيج ما تنادينها تقعد معاكم؟؟...


مريم: نايمه يمه , مادري قعدت ولا لأ..


(حور تقول في نفسها): خل ادش الصاله لا تشوفني قاعده اتجسس عليها..


(دخلت حور غرفة المعيشة): السلام


علي: و عليكم السلام , ها يبه حور شلونج؟


مريم: هلا حبيبتي , شلونج يمه..


حور: الحمدلله زينه , الحمدلله على السلامه بدور..


بدور: الله يسلمج , عاد تمنيتج معاي..


(ابتسمت مجاملة بدور): لا شدعوه / ما يصير اصلا , انتي عمج يروح معاج , انا ما يصير اروح , مثل ما انتي شايفه ريلي حبيبي كله مشغول , يتقبل الله طاعتج..


(بدور باستغراب): منا و منج


(نزل بدر من الطابق العلوي متوجها ليخرج , تفاجأت بدور بأنه لم يشعر بوجودها , فنادته): بدر !!


(تفاجأ بدر و أجاب): هلا بدور الحمدلله على سلامتج , يتقبل الله طاعتج ..



بدور: منا و منك ..


بدر: بدور تكفين دعيتي لي ولا نسيتيني ؟


بدور: من صجك بدر !! مستحيل انساك طبعا ..


بدر: حبيبتي الكتكوته , مشكوره , مشكوره وايد(و في نفسه يقول)مادري ليش احس بالراحه لما تسنح لي الفرصه و افضفض لج عن اللي بداخلي , انا مستغرب من نفسي , انتي صغيرونه , حاس اني لازم اوقف عند حدي(كان ينظر اليها , فدمعت عيناه و هرب من امامها مباشرة , دون ان يودعها)..


(وقفت بدور في مكانها و صارت تنظر لوالدتها و خالها و حور , فقالت لمريم): يما ! بدر شفيه؟ شكله ضايق خلقه , فجر مأذيته , او مطالبته بفلوس ..


(كعادته علي , يخاف ان يحزن بدور فقال): لا يبه , هو بدر متضايق , عشان يوسف ولد عمي حاطين بالجريده ان تزوج (اخذت بدور الجريده) و انا اقول له مو شرط تكون طليقتك على ابو كريمة فلان , ان هو ابوها , يتراوالي وحده من خواتها (كانت بدور تقرأ اعلان زواج يوسف , تنفست بقهر) شفيج يبه؟


بدور: ما فيني شي , بس بدوره ما عندها خوات , الأكيد ان امها يابت كله صبيان , ما وقفت تييب عيال الا لما يابت فجر , ف هي الوحيده خالي , هي المتزوجه يوسف , الحين عرفت شفيه , عاد بدر حساااس حيل , حيل حيل حساس ..


@@@@@@@@@@@


(في اليوم التالي , في الشركة عند فهد , دخلت السكرتيره اسيل مكتبه و اعطته كرت دعوه قائلة): سيد فهد..


فهد: هلا ..


اسيل: هذي دعوه لك و للسيد الوالد علي القاسم من السيد سالم ال.....


(عقد فهد حاجبيه و قال): شالمناسبة؟


اسيل: والله ياستاذ فهد ما عندي علم , هي الدعوه لك و للاستاذ محمد ايضا...


فهد: اممم , زين خللي الدعوات و روحي شوفي شغلج...


(فتح فهد الدعوه و قرأها , فأخذ جواله على الفور و اتصل بوالده): الو.


علي: هلا فهد يبه ..


فهد: ياية لك دعوه من سالم ال.... , على مكتبي بمناسبة افتتاح محله اليديد..


علي: اي اي اي , بلللل , عاد دم ضروسي , ما اواطنه , كله سكران , يلوع الجبد ..


فهد: يعني ما اروح , انا بصراحه توها الشركة توقف على ريلها , ف ودي اروح..


@@@@@@@@@@


(في الشركة عند علي , كانت دانه تنظر لحسن و تقول في نفسها): امبييي 4 شهور و هو منفس , يمر يسلم سلام عالكل ما يلتفت علي!! انا غبيه , كله مني , انا ضايقته , بس ابي اروح استعبط اسئله اي سؤال , اي , اسئله الاستاذ علي ليش ما داوم اليوم...


(ذهبت دانه لحسن و نادته): حسن ...


(كان حسن منهمكا في العمل , الا انه نهض حين سماعها تناديه): هلا والله , هلا انسه دانه ...


دانه: شدعوه حسن ؟ شفيك ؟ انت زعلان مني ؟ انا اسفه اذا كنت زعلتك , 4 شهور لك الحين تتحاشاني حيل..


(انزل حسن رأسه و أجابها مبتسما): لا والله انسه دانه , بس انا حبيت اني احترم تحفظج , و انا اللي اسف على المقثه اللي قثيتج ..


دانه: لا شدعوه حسن , انت حيل مهذب و طيب و ما قثيتيني...


(ابتسم لها حسن على الفور , كانت دانه بمثابة السحر الذي يسيطر على جميع حواسه)...

​

​

​

يتبع.....​

 

[قمر جنها]

حبيبتي انتي انوونه

حبووبتي الغاليه

 

[انوار الكوويت]

فديتج مبدعه

 

[قمر جنها]

بعد عمري ثانكس مشكوره يا قلبي

 

[انوار الكوويت]

العفو

 

[نمله معضله]

الروايه تهببل وانتي احلا فديتج اب اب اب

 

[معي احلى]

مبدعــــــــــــــــــــــــــــــــــــــه

 

[قمر جنها]

بعد قلبي معي احلى

بعد قلبي متابعيني كلكم

I love you. متابعيني

 

[قمر جنها]

تسلمين لي نمله

 

[قمر جنها]

الله يخليج لي

 

[قمر جنها]

تعديل

بدور: ما فيني شي , بس فجر ما عندها خوات , الأكيد ان امها يابت كله صبيان ,

 

[قمر جنها]

تعديل

بدور: ما فيني شي , بس فجر ما عندها خوات , الأكيد ان امها يابت كله صبيان ,

 

[قمر جنها]

طبعاااا تعودتوا على بدلياتي ههههههههههههههههه

 

[قمر جنها]

الجزء الخامس عشر لعيون الحلوين:eh_s(17):​

(ابتسم لها حسن على الفور , كانت دانه بمثابة السحر الذي يسيطر على جميع حواسه)...


حسن: شلونج زينه؟


(ضحكت دانه و قالت): ههه زينه الحمدلله , يالله اخليك تشتغل , استاذ علي ما راح يداوم؟


حسن: هو كان بيداوم وهون , يات بنت عمتي من العمره و قعد ماييه ..


دانه: صج ؟ الحمدلله على سلامتها , عيل رايح زايرهها يتحمدلها السلامه ..


حسن: لا هو بالبيت , عمتي و بنتها عايشين عندنا ..

........
دانه تتذكر والدتها: حتى كان علي قاص , ما يدري شيسوي معاهم , بس يات اخته قعدت معاه تربيهم , مرته امريكيه ..
.........

حسن: دانه ! , ها سرحتي !


دانه: لا , جوري بنت خالتي , كانت تسولف لي عن الاستاذ فهد , و قالت لي ان امك متوفيه , صج؟ ..


حسن: اي صج , الله يرحمها / من زماااان , كان عمري سنتين , حتى ما اتذكرها , لاني كنت صغير اخواني يسولفون لي عنها ,


دانه: و اخوانك كبار كانو ؟


حسن: لا والله , يعني فهد اخوي اكبر واحد كان عمره 8 سنين...


دانه: حراام تيتمتوا كلكم...


حسن: اي والله , بس عمتي ما قصرت والله , جنها امنا..


دانه: على جذي عمتك و ابوك اصدقااء ..


حسن: جدا اصدقاء..


(كانت دانه على وشك بان تسأله اذا ما كانت ابنة عمته تروق له ام لا , الا انها تراجعت)..


حسن: لي درجة ان امي توفت , و عمتي والد ببدور بنتها , بس رضت تخلي ابوي بروحه يربينا ...


دانه: يحليلكم , عيل بنتها اصغر منك ب سنتين , يعني انتو اصدقاء ..


حسن: لا بدوره كانت كله تبي بدر اخوي..


دانه: عشان نفس اسمها يعني؟ ..(ضحكت)


(ضحك حسن و قال): لا , هو بدر اخوي يحب اليهال , حنون حيل , نفس ابوي , فيلعبها و يوديها الفرع مشي , و ابوي يدلعها لان كلنا صبيان (تابع الضحك) فاكثر شي هي لازقه فيهم ,عمتي اللي سمتها بدور لانها تستانس على بدر , و سمتها عليه..


دانه: على جذي بدر طيوب ؟ انتو كلكم صبيان ؟


حسن: حيل حيل , هو نفس ابوي حيل , اي كلنا صبيان ..


(كان حسن ينظر لدانه بنظرات جميله كالطفل الذي نال ما يتمناه , فانزلت دانه رأسها و قالت): يحليلك حسن , سوالفك ما تنمل , بس خل اخليك تكمل شغلك ..


(حسن مبتسما): اوكي , مشكوره دانه..


دانه: شدعوه ! انا استمتعت حيل و انا اسولف معاك...


(ذهبت دانه لمكتبها لتعاود العمل بعد قضائها لاستراحه صغيره مع حسن قائلة): يحليله عسوول (دق جرس جوالها فأجابت): الووو(و هي تتابع العمل عالكمبيوتر) , اهليييين وينج جوريو , شخباري من زمان عنج !؟


(كانت جوري تتجول بالافينيوز): ايي انا مع سالم طول الوقت , احس اني مكتأبه..


دانه: طا هذي ليش عاد ..


جوري: تخيلي انه عازم فهد و علي القاسم على الافتتاح , و يايبني السوق ينقي لي بدله البسها بالافتتاح , عشان يتشيحط فيني , ولا هو اللي مالج علي ولا شي...


دانه: اي صج جوري شناطر هو؟؟


جوري: يقول اليوم بيعلن خطوبتنا , 4 شهور و توه بيعلن خطوبتنا , يعني عرسي عقب 4 سنين الظاهر ...


(دانه ساخرة): اي اسم الله على شبابه , جوري !! خليه يولي مالج شغل بأحد , والله اخاف تاخذينه و تكتأبين أكثر ...


جوري: دانه بليز تعالي , مو قادره استحمل ..


@@@@@@@



(مضت بضع اشهر , و بدأ العد التنازلي لحور , فهي توشك على الولاده , و كانت بدور تقضي معها كل الوقت في المنزل)...


مريم: بدوره , بدوره يمه , (صارت تتمتم) والله حاله كله لازقه فوق عند حور , بس تكسر الخاطر هالحور , وين اميمتها عنها !! عفيه ام هالام جاسم , حرام عليها هالبنيه اللي مو ساءله فيها علبو تخاف من ريلها , زوجتها مبجر ! تبي الفكه منها عوينتي (عادت تنادي بدور) بدوره يا يمه وينج ؟


(أجابت بدور): هلا يمااا...


مريم: تعالي يمه ..


(نزلت بدور قائلة): هلا يماا..


مريم: شلونها حوريه..


بدور: زينه..


مريم: خلاص تعالي يمه قصي السلطه ..


بدور: اوكي , بس خل اودي حق حور شي تاكله ,, مو قادره تنزل ريلها تعورها من الزلال..


مريم: ميخالف يمه , سوي السلطه عشان تودين لها اياها مره وحده..


بدور: موديه لها الصبح سلطه , بس اودي لها الغدا..


مريم: خلاص حبيبه انا بتسبح و اصلي , و انتي قصي السلطه , و نجبي الغدا خالج على ييه هو و حسن , بدر تصدقين ولا ييه ! مادري وينه؟


بدور: صج ؟


(ذهبت مريم , و جهزت بدور غداء حور و قالت للخادمة): سانتي ماما , صبي ماي , بعدين ودي غدا مال حور فوق..


(بدأت بدور , بقص الخضار للسلطة , فجرحت اصبعها بدخول بدر قائلة): أي...


(سمع بدر صوتها فقال): بدور ! شفيج ؟


بدور: قاعد اقص السلطه قصيت صبعي , عشان بخلص بسرعه..


(انفعل بدر وجرى لها مسرعا , مسل يدها المصابه , و صار يمص الدم الفاسد من اصبعها ثم فتح الماء و مسك يدها المصابه ووضعها تحت الماء , صار قلب بدور يتسارع بالخفقان عندما مسك بدر يدها سعيدة و خائفه في ذات الوقت , و صارت تنظر اليه بعين دامعه)...

(نظر بدر لبدور قائلا): شفيج كتكوته , ديري بالج شوي شوي , لي الحين ابوي ما وصل (سكت قليلا ينظر ليدها) لا تستعيلين , الحين طهرت الجرح , بس لحظه(اغلق نل الماء , اخذ منديل صغير و لف أصبع بدور المصاب) على ما الاقي لج البلاستر... ​

بدور: بدر امي تسأل عنك...

بدر: قولي لها انا زين لا تخاف...


(بدور في قلبها): مدام قلت انا زين , لا تخااف , يعني متضايق حيل...

يتبع.....​

 

[قمر جنها]

متابعاات قصتي الاعزاء


هذا الجزء الخامس عشر اتمنى ينول اعجابكم

نتلاقى ان شالله بالجزء ال١٦


امل الاقي مشاركاتكم و اراءكم الغاليه


انوونه


هناء

معي احلي

ورده

نمله

عهود

و غيركم من العضوات

الله لا يحرمني متابعتكم قصتي

 

[انوار الكوويت]

امين ههههههههههههههه البدليات شي لابد منه

 

[قمر جنها]

هههههههههههه اي والله