روايتي آآآآآه من الأجانب

[انوار الكوويت]

سورى والله على امتحانات
ادعيلي

الحين بقرا وارد لج خبر

 

[انوار الكوويت]

وينج يا حلوه

وينج انوونه

يمكن ما عجبج الجزء

هذي الاجزاء الاولى تتعرفون على شخصيات القصه

بعدين تيي لكم الاحداث

تابعوني

ابي مشاركاتكم الغاليه​

بالعكس الجزء عاجبني
وانا احب اقرا قصصج لانها مرتبه وحلوة
موفقه وانا ادعمج بكل قصصج

 

[عههود]

وااي تشوقت للروايه اول ماقريت الاسم ياني فضووول من هالروايه وقلت اكيد حزن وجذي بس تصدقين عجبتني واايد وااايد

 

[قمر جنها]

كويتيات رد: روايتي آآآآآه من الأجانب

سورى والله على امتحانات
ادعيلي

الحين بقرا وارد لج خبر



حبيبتي موفقه
يا ربي يوفقج و يحقق كل آمالج بحياتج العلميه و الاجتماعيه

 

[قمر جنها]

كويتيات رد: روايتي آآآآآه من الأجانب

سورى والله على امتحانات
ادعيلي

الحين بقرا وارد لج خبر




تسلمين لي انونتي الله يخليج لي

 

[قمر جنها]

وانا احب اقرا قصصج لانها مرتبه وحلوة
موفقه وانا ادعمج بكل قصصج



مشكوره يا الغالبه على متابعتج و اهتمامج

 

[قمر جنها]

عههود
كــويــتــيــة




كويتيات رد: روايتي آآآآآه من الأجانب

وااي تشوقت للروايه اول ماقريت الاسم ياني فضووول من هالروايه وقلت اكيد حزن وجذي بس تصدقين عجبتني واايد وااايد




هلا بمتابعتي الجديده عهوووده ،،، حياج الله يا عزيزتي و ان شالله اقدر اني اخليج تستمتعين بروايتي حبووبه

مشكوره حبيبتي

 

[انوار الكوويت]

الله يخلينا لبعض

ناطرين البارت

 

[قمر جنها]

حبيبتي

على راسي ان شالله من عيووووني

 

[انوار الكوويت]

يسلملي هالراس
ناطرتج

 

[انوار الكوويت]

ااب

 

[انوار الكوويت]

ااب

 

[قمر جنها]

الجزء الخامس​

الفتاة: و اذا ما لقوك !, عطني نقالك ..


بدر: لا موجود , ما راح اطلع اليوم...


الفتاة: اقول لهم يطلبون منو ؟


بدر: علي القاسم...


@@@@@@@@@


(دخل علي المنزل , سارحا يتذكر ما قاله ولده فهد بوجه كئيب ) يحدث نفسه:توقعت يا فهيد انك تتذكر امك فيها , بس تمنيت اني غلطان....


(شعر علي بازدياد الدوار , كاد يقع مغما عليه , فعيناه اصبحت تظلم بالتدريج , كانت بدور قد دخلت عندما اغمض عيناه بشدة و استلقى على الاريكا , فتفاجأت وصارت تناديه): خالي , (اقتربت منه و صارت تحاول مساعدته ليستفيق) خالي علي ,(لم يجبها) خالي علي شفيك(دمعت عيناها من شدة خوفها عليه)...


(أجابها علي بصوت خافت جدا): ما فيني شي يبه , لا تخاافين , بس نادي اختي او بدر يبه...


(نهضت بدور على الفور تجري و تنادي): يما , يما (رأت بدور بدر يدخل للمنزل في حين كانت بدور تنادي والدتها , جرت اليه) بدر ، بدر (باكية) الحق خالي تعبان ....


(قال بدر بهدوء): انزين بدوره اهدي , روحي ييبي ماي , وينه هو؟


(بدور باكية): بالصاله ,,


بدر: خلاص ييبي ماي كتكوته ...


(ذهب بدر لوالده محاولا معالجته)...


بدر: ها يبا , احسن ولا اطلب الاسعاف؟

(علي ينظر لبدور خاشيا ان يخيفها, فأجاب بنفس الصوت الخافت): احسن يبه , بس احتياط ناد الاسعاف , نتطمن ..


@@@@@@@@@@@@@


(في اجواء بعيدة عن الضوضاء , كانت دانة ووالدتها بإحدى الكافيهات الهادئة)...


دانه: و اخيرا ام حمود رضيتي تطلعين !


ام دانه: شسوي فيج , يالله ماما دندونه , طلبي لي قهوه , اخاف اخوانج يردون محد حولهم , يالله بنيتي , يالله ماما...


دانه: ام حمود ! ممكن ما تحاتينهم , خليهم يدبرون امورهم , يعرفون ترى ...


ام دانه: ميخالف , طلبي لي قهوه عاد ...


@@@@@@@


(في منزل علي , كانت مريم تجلس بجانبه وحدهما في غرفته): شفيك اخوي ؟! جم اقول لك لا تحاتي , مو زين على صحتك!!!


علي: اي ما احاتي مريم , لو تدرين فهد شقال لي اليوم!!!

.......
(صار علي يروي لها ما دار بينه و بين فهد من حديث)...

علي: ف ودي اعرف , ليش انت تبي تاخذ وحده نفس امك لأنك ما لحقت عليها , تبي تعوض روحك مثلا؟ (نظر فهد لوالده متفاجئ) او انك تحبها؟...

فهد: ما ادري يبه , بس مستغرب من احساسي , اللي احسه اتجاهها اعجاب بس ...

علي: انزين البنت قايلة لك انها تحبك؟

فهد: لا ...

علي: عيل تبي تتزوجها لانها تذكرك بأمك..

(أجاب فهد بتذمر): يمكن يبا يمكن....

علي: شوف يبه , انا غلطت اليوم الصبح لما صرخت بويهك , بس يبه ابيك تفكر عدل , امك ما كانت متقبله عاداتنا ولا متقبله اني طلبت منها تسلم , فانت قرر , انا حاس ان كلكم عيالي /اطباعكم عربيه , الا حسن شويه يعتبر فريي , متحرر , ولا انتو , و ما ادري عن حسن همن , لاني كنت نفس حسنو , خذيت امكم , و لقيت روحي رديت حق اصلي مره ثانيه , استوعبت , يا فهد يبه , صعب على الوحده تطلع من مجتمع مفتوح تروح مجتمع مغلق (نظر لفهد و تأمل به قليلا وجده متوترا , شعر بتعب ثم نهض) زين يبه خل أمشي انا , بس عيد النظر بالموضوع...

فهد: ولا يصير خاطرك الا طيب ,

.......
(علق علي على ما دار بينهما): والله ! اطلع منه الكلمه بطلعة البلعوم , مادري جنه معزم يسوي اللي براسه , و تقولين لا تحاتي!..​

مريم: اخوي الله يهديك , قال لك [ولا يصير خاطرك الا طيب] شتبي بعد , لا تحاتيه علي هو ريال , ان شالله ما عليه العافيه بس انت حنون زياده(ابتسمت)..​

يتبع............​

​

 

[انوار الكوويت]

كملي متشوقه للبارت الجاي

 

[قمر جنها]

بعد عمري يا الانونه الغاليه من عيوني

 

[انوار الكوويت]

الله حلو الدلع اللي تقولينه




كملي حدي متشوقه والبارت روعه

 

[قمر جنها]

حبيبتي

ان شالله راح ابتدي اكتب البارت الحين

 

[قمر جنها]

الجزء السادس

​

مريم: اخوي الله يهديك , قال لك [ولا يصير خاطرك الا طيب] شتبي بعد , لا تحاتي علي هو ريال , ان شالله ما عليه العافيه بس انت حنون زياده(ابتسمت)..


@@@@@@@@@@@@@



(دخل حسن الكافيه عندما كانت دانه ووالدتها تجلسان هناك , لفتت دانه نظر حسن فور دخوله)...


حسن: اففف نصور , حدها قطعتني حدها ...

ناصر: منو؟ (صار يلتفت عن اليمين و الشمال) ...


حسن: هذي ,, البرونزيه..........


ناصر: انت شنو ! ليش كله برونزيه , عشان انت وردي...


حسن: لا تخليني اكره روحي الحين...

​

(ظل حسن ينظر لدانه , وهي تتحدث مع والدتها , نهضت دانه فقال حسن): قامت قامت , برقمها (صار ناصر يضحك) نصور يا المليق ! من صجي انا , و انت تتطنز!


ناصر: لا ما اتطنز , يالله رقمها ..


(قامت دانه لتجلب بعضا من القهوه و الكيك لها و لوالدتها و عيني حسن تتابعها و يقول): الحين شقول ؟ شكلها بتسحب علي , بعد ليش مخترع انا , خل اروح احاجيها و خلاص..


(ذهب حسن ليحاول التعرف على دانه و ناصر يقول ساخرا): الحمدلله و الشكر , قام يحاجي روحه...



(طلبت دانه القهوه و الكيك و حملت الصينيه , ذاهبة لطاولتها)...


حسن: هاي , مساء الخير..


(دانه باستغراب): مساء النور..


حسن: شلوونج..


(غضبت دانه عندما ادركت بان حسن يعاكسها و تابعت مسيرها دون ان تجيبه , فاعترضها قائلا): لحظه اختي لحظه , سمعيني.


دانه: مو فاضيه..


حسن: هي ثانيه , هاج رقمي..


دانه: مابيه مشكور...


حسن: ميخالف , اخذيه و قطيه بالزباله..


دانه: ما اعتقد انا , ان من مستواك اني اقطه بالزباله..


حسن: زين اخذيه ..


دانه: ما ابيه , ممكن...(و غيرت طريقها)...



(جاء ناصر لحسن , و هو يضحك قائلا): حسون جنها سحبت عليك...


حسن: سحبت علي هي , مو جنها , عادي يالله عادي...


(وصلت دانه لوالدتها غاضبه)...


دانه: افففف..


ام دانه: شفيج؟!


دانه: واحد بط جبدي...


(ضحكت ام دانه و قالت): والله حاله وياج دانو !! الناس مو واحد !! يمكن ان هذا زين ,(سألتها) اللي قاعد يحاجيج؟...

دانه: اي الغبي ..


ام دانه: لا والله , الولد شكله شحليله ...


دانه: شحليله عند امه ...


(ام دانه تضحك و تمازح ابنتها): اي ميخالف , جان يبتيه حقي , اصير امه , لان شحليله عندي , عشان مع اخوانج مره وحده...


(ضحكت دانه قائله): يماااا ...


ام دانه: اي ضحكي , بدال لا تلوين بوزج يايين نستانس احنا...


@@@@@@


(في منزل علي , دق جرس الهاتف)....

​

(أجاب علي الهاتف): الو , اهلا , هلا اختي , اي معاج علي القاسم , منو حضرتج؟ انا! ما دعمت احد , منو انتي؟! عجيب امرج , يا بنيه انتي شكلج بنت صغيره انا كبر ابوج , عيب..


(اتى بدر للاطمئنان على والده): يبا...


(اشار علي لبدر لينتظر): يا يبه اقول لج ما دعمت احد...


(نظر بدر لوالده متفاجئا , ادرك بانها الفتاة التي اصطدم بها , فجرى لوالده ضاحكا و اخذ الهاتف من يده): هلا , اي اي ادري داعمج , لا انا اللي داعمج , شنو يجذب ؟ اصغر عيالج هو , وين ابوج او اخوج او ريلج احاجيه , اوكي مو متزوجه , عطيني اي ريال اتفاهم معاه , لا اللي حاجيتيه علي القاسم , اي رجل الاعمال , اي ولده ! , و بعدين بتسولفين وايد , عطيني ريال اكلمه (دخلت فجر زوجة بدر و سمعت ما قاله).


فجر: السلام , سلامات عمي ..(قبلت رأس علي)..


علي: هلا يبه الله يسلمج ..


(بدر يتابع المحادثة غاضبا): خلاص ماشي , تعالي الحين , انا اطلع لج الفلوس , جم! 300! , هما 70 ماكو غيرهم , انا شفت السياره حدها ان ذبحت روحها 70 بس , يبه انا مهندس ميكانيكا , تقصين علي...


(فجر تنظر لبدر باستهزاء و تقول في قلبها): يا فرحتي فيك , ما صرت راعي شركات نفس ابوك...


بدر: اي , هذا اللي قاعد اقوله , طرشي لي ريال , الو , بالطقاق...


علي: شنو بالطقاق , انت داعمها صج؟


بدر: اي ..


علي: ليش ما عطيتهم رقم نقالك ...


بدر: مو عدله , مو شايفه خير ...


علي: اي والله صج مو عدله , المفروض تطرش ريال ...


(نداء من مريم): علي , علي ....


علي: جنه عمتك تنادي ,(أجابها) ها مريم ...


مريم: اخوي تعال , حسين و نوره عيال عمي هني...


علي: حسين ! (ضحك) ما صدق حسين ايي , طيحاتي احسن حجه حق ييته ..

بدر: ليش يبا...


علي: طول عمره يحب عمتك و يبيها , و هي مو راضيه , تقول زواج الاهل ما ينبغى , تزوج مره وحده , لما حس ان هو ما يعامل مرته زين , طلقها , عقب هالمره ما خذا احد , يقول مالهم ذنب بنات الاوادم انسى مريم فيهم , و تم لي يومك على امل ياخذ عمتك و هي مو راضيه..


بدر: والله جاسيه عمتي , لي الحين يحبها و ما تبيه..


علي: عيب يبه , عمتك هي اللي شالتك عقب امك انت و اخوانك...


@@@@@


(في غرفة المعيشة)...


مريم: هلا حسين الله يسلمك ...

حسين: بدوره شلونها ؟


(مريم مبتسمة منزلة رأسها): الحمدلله زينه ..


(نوره تنظر لشقيقها حسين و لمريم , همست باذن مريم): شفيج , اخوي الشيبه عيونه تخرع و هو و يطالعج..


(اجابت مريم بهمس ايضا): لا والله تعور القلب , و هو لاطع روحه لي الحين من غير مره...


نوره: هو مو لاطع روحه من غير مره , ناطر المره ترضى عنه...


(وقف حسين مرحبا بعلي): هلا بوفهد , شلونك , ما تشوف شر ان شالله ..


علي: هلا بوعلي , الشر ما اييك..


بدر: شلونك عمي حسين..


حسين: هلا بدر , حياك الله , شلونك...


نوره: سلامات بوفهد..

علي: الله يسلمج ام محمد , شلونج و شلون بومحمد..

نوره: الله يسلمك , بخير والله الحمدلله..


(صوت رجل يستأذن للدخول): يا الله...

علي: يوسف! حياك , تفضل ...
(أشار علي لمريم لتأخذ نوره و تدخل للداخل)...


يوسف: الله يحييك (دخل) السلام عليكم...

(حسين و بدر و علي بصوت واحد): و عليكم السلام(وقفوا جميعا) , هلا يوسف (صاروا يسلمون عليه و يرحبون به)...

(نزلت فجر من الطابق العلوي , رحبت بيوسف): هلا يوسف , شلونك؟

يوسف: هلا (متسائلا)بدور؟

بدر: لا بدور (ابتسم), هذي زوجتي ..(همس باذنها) شمنزلج !


(الا ان فجر لم تسمع ما قاله بدر , لكن شعرت بالحزن لان يوسف لا يعرفها): اي انا فجر...


يوسف: هلا حياج الله...

علي: ها يوسف , شلونك , شسويت باخر مشروع بالامارات ..


بدر: اي , شسويت عالمشروع اللي نفس مشروعي..

يوسف: تمام والله , مشا حاله , وقف اول شي , بعدين شفت مناقصه سندته ..

علي: اي اقشر هو يبيله مهنه المشروع , من لديه حيله فليحتال...


فجر: اي يوسف , عفيه علم بدر , ترى ما يعرف شيسوي بالمشاريع , كل ما يسوي مشروع يفشل..


(سكت الجميع لما قالته)...


(غضب علي و نظر لبدر ليدخل زوجته للداخل)...


بدر: فجر , تعالي شوي (مسك يدها ودخل) شمنزلج , كلنا رياييل , ناطه بوسطنا شتبين , حتى عمتي و خالتي نوره دشوا , توكلي على الله فوق...


فجر: بدر انت شفيك , احتريت منه انت , عشان مليونير , و انت كل مشاريعك فاشله ؟! بتدخلني عشان قلت له يعلمك..


بدر: صعدي فوق , لي كلام معاج بس خل يمشي...


فجر: اي اوكي , خل اشوف شبتسوي...


(بدر في نفسه): بلغ السيل الزبا , و الامور وصلت حدها , لي هني لازم نحط حد , يا معاي يا ببيت اهلج ...

يتبع.....​

​

 

[قمر جنها]

انونتي عهود امل الاقي توقعاتكم

 

[قمر جنها]

[No message]