(طرق باب المكتب فعاد حمد لمكتبه على الفور قائلا): ادخل حسام...
(دخل حسام للمكتب و رأى وجه حمد ملطخ باحمر الشفاه , فتقدم لحمد و همس باذنه قائلا): الروج سيد حمد , بدي ياك توقع الورقات هي...
حمد: اوكي...
حسام: بتشكرك ..
(خرج حسام فقال حمد للفتاة): اقول لج , تعالي اليوم شقة خلود رفيجي , هناك نتفاهم...
(ضحكت قائلة): ليش ما نتفاهم هني ...
(دفعها بنعومه): خلينا هناك احسن , عشان لا احد يقاطعنا...
(خرجت فقال حمد): والله مفجوعه , ياية لي لي هني ! هذا اللي ناقص , شيسوى علي الحين , شافني هذا(دق جرس جواله)...
حمد: الوو , هلا , هلا والله ...
حور: قوه حبيبي...
حمد: هلا حور , شلونج , آخ شنو ولهان عليج..
حور: حتى انا , حمد...
حمد: هلا حبي...
حور: انا خايفه , اخاف امي تدري عني...
حمد: لا انتي زوجتي , لا تخافين , جم حور عندي انا , وحده , انتي مرتي حبيبتي...
حور: متى تخطبني؟
حمد: اليوم احاجي ابوي..
حور: صج؟
حمد: اي صج...
(حور مبتسمة): خلاص اوكي
حمد: اوكي (صار يتحرك بطريقه يسخر من حور).. يالله باي حبوبه..
حور: باي..
(أغلق حمد الهاتف): شهالبلشه اللي ابتلشت فيج , ان شالله يحدني عليج , جان خليتني مع العاهرات ملوتي احسن لي..
@@@@@@
(شعرت حور بالغثيان , فجرت الى الحمام , رأتها والدتها)...
ام جاسم: حور (جرت خلفها و صارت تطرق باب الحمام)حور , حور يمه شفيج ترجعين ؟
(خرجت حور من الحمام بوجه محمر , فمسكتها والدتها من كتفيها قائلة): شفيج حوريه , شفيج ماما ؟
(قالت حور بارتباك و تعب): لا يما , بس بطني يعورني ..
ام جاسم: وي ! بطنج يعورج و ترجعين! لا يكون نزله معويه , قومي يمه اوديج الطبيب...
(خافت حور و صارت تحدث نفسها قائلة): لا مابي اروح , اخاف امي تدري اني مو بنيه , راح تطقني...
ام جاسم: حور يالله قومي مو وقتج تسرحين , قومي قطي على روحج عبايه..
(حور خائفة من والدتها): لا يما , مابي اروح , مو لازم...
(غضبت ام جاسم و صرخت بوجهها قائلة): قومي , تتدلعين ! قومي تحركي خل اوديج الطبيب ...
حور : بس يما...
(صرخت ثانية): حور ما تسمعين شقلت لج ؟ يالله خلصي..
(قامت ام جاسم و دفعت حور لترتدي العباءه , و حور تبكي)...
@@@@@@@
(في المستوصف)...
الطبيب: لا يا ست , الاسيتون عندها كويس , ما عندهاش جفاف , خلينا نعمل لها تحليل حمل...
(دهشت ام جاسم و نظرت لحور على الفور , و قالت):حمل (و لكي تستر على ابنتها امام الدكتور) اي والله جان زين دكتور (و نظرت لحور)...
(ازداد بكاء حور و انينها , فهمست والدتها باذنها): جبي , سكتي , لا تخليني اكفر فيج جدامهم , صبري بس حسابي معاج في البيت...
@@@@@@@@@@@
(في المركبة حور خائفة تبكي مما قد تفعل بها والدتها لتأكيد خبر حملها لهم , تقول في نفسها): الله يستر جان زين اكسر خاطرها , امبي الله يستر شبتسوي فيني , الظاهر اني راح اموت اليوم , امي اعرفها عدل , الله يستر..
@@@@@@@@
(دخلتا الى المنزل , فوجدت حور شقيقها الاكبر جاسم يجلس على جهاز الكمبيوتر )...
ام جاسم: جسوم ! انت هني !
جاسم: لا مو هني..
ام جاسم: جسوم يوز ...
جاسم: والله , (نظر لوالدته) بسافر عندي شغل...
ام جاسم: عندك شغل ها ...
جاسم: والله ابوي موصيني على شغلات , بوديهم له...
ام جاسم: اي سفرة السايق...
@@@@@@
(في غرفة حور , التي لم تزل ترتدي عباءتها و تبكي و تتذكر حمد عندما جاء للمنزل فور خروج والدتها و صار يتحرش بها)...
(فتحت حور الباب): و عليكم السلام...
حمد: شلونج ؟
حور: زينه ..
حمد: عرفتيني ؟
حور: اي ولد بو فهد..
حمد: يعني ما راح تدخليني؟
(حور مرتبكه): هو/ ما في احد ...
حمد: مابي احد , ابيج انتي , انتي و بس...(دخل للمنزل و اغلق الباب)...
@@@@@@@
(دخلت ام جاسم الغرفه , و صارت تضرب حور ضرب مبرح و هي تصرخ كالمجنونه): منو ولد الكلب , منو ولد الكلب , منو تحجي , تحجي يا اليهوديه...
@@@@@@@@@@@
(في منزل علي , عندما كان مستعدا للذهاب الى الشركة , طرقت ام جاسم الباب )....
(فتح علي الباب)...
(دفعت ام جاسم حور على علي , و قالت): هاكم , اخذوها , انا مسكره عليها ما اخليها تطلع الا معاي , اخر شي ولدك المحترم , حمد علي القاسم , و يحمل لي اياها , اخذوها ...
(نظر علي لحور و ملابسها ممتلئة بالدم ووجهها بدماء وكدمات قويه جدا , ذهل قائلا): شمسويه فيها؟ بنيه صغيره!!
ام جاسم: صغيره و عملها كبير لما باعت روحها لولدك , عشان قال لها احبج و بتزوجج...
